స్పేస్‌ షిప్‌.. ఊహూ.. స్పేస్‌ హోటల్‌..

మూన్‌లైట్‌ డిన్నర్‌.. అంటే చాలామంది జంటలకు ఓ మరపురాని అనుభూతి.. అలా ఆకాశంలో చంద్రుడిని చూసుకుంటూ.. ఒకరినొకరు చూసుకుంటూ భోజనం చేస్తే ఆ మజానే వేరు..! ఇంతకంటే ప్రత్యేకంగా.. విభిన్నంగా.. అంతరిక్షంలో డిన్నర్‌కి వెళ్తే.. అక్కడ డిన్నర్‌ ఎలా చేస్తారు.. హోటల్‌ ఏమన్నా ఉందా అక్కడ అనే ప్రశ్నలు వేసుకుంటున్నారా..? అవును అక్కడ నిజంగా ఓ హోటల్‌ను కట్టనున్నారు. 2021 నాటికి హోటల్‌ పూర్తిగా సిద్ధం కాబోతోంది. 2022 నాటికి మీరు కూడా ఆ హోటల్‌కు వెళ్లి హాయిగా గడిపిరావొచ్చు.  

అమెరికాలోని కాలిఫోర్నియాకు చెందిన ఓరియాన్‌ స్పాన్‌ అనే కంపెనీ ప్రపంచంలోనే తొలి ‘స్పేస్‌ హోటల్‌’ నిర్మించబోతున్నట్లు ప్రకటించింది. భూమి చుట్టూ ఈ హోటల్‌ తిరుగుతూ ఉంటుందట. అక్కడి నుంచి సున్నా గురుత్వాకర్షణ శక్తిలో భూమి అందాలను వీక్షించొచ్చు. అయితే 12 రోజుల పాటు అక్కడ బస చేసేందుకు ఎంతో తెలుసా.. రూ.61 కోట్లు మాత్రమే. సిబ్బంది సహా ఒకేసారి ఆరుగురు వెళ్లిరావొచ్చు.