TV
కెన్యాకు కోతి పవర్ కట్ చేసిందట!
నైరోబీ: కెన్యా కారు చీకట్లో వెళ్లడానికి కారణాన్ని కోతిపై నెట్టారు. దాదాపు మూడు గంటలపాటు కెన్యా చీకట్లోకి వెళ్లిపోవడానికి ఓ కోతి చేసిన తప్పే కారణం అని కుండబద్దలు కొట్టారు. కెన్యాలో మూడు గంటలపాటు కరెంటు పోయింది. అది ఎందుకనే విషయం తొలుత ఎవరికీ తెలియలేదు.
అయితే, దీనిపై కెన్యాకు చెందిన ఓ ఎలక్ట్రిక్ కంపెనీ వివరణ ఇచ్చింది. ఒక కోతి తమ కంపెనీ గిటారు పవర్ స్టేషన్ పైకప్పు మీదికి ఎక్కిందని, అక్కడినుంచి ట్రాన్స్ ఫార్మర్ మీద పడి పవర్ ట్రిప్ చేసిందని, ఈ కారణంతో ఈ సంస్థకు సంబంధిచిన అన్ని మెషిన్లు పనిచేయడం ఆగిపోయాయని చెప్పింది. ఈ కారణంగా మధ్య కెన్యాకు అవసరమయ్యే 180 మెగావాట్ల విద్యుత్ ఉత్పత్తి నిలిచిపోయిందని, అందుకే పవర్ కట్ అయిందని చెప్పింది. అయితే, ఆ కోతి బతికి ఉందా చనిపోయిందా.. అసలు నిజంగా కోతిని ఎవరైనా చూశారా అనే విషయంలో మాత్రం స్పష్టత ఇవ్వలేదు.
