TV
రన్ వేపై విమాన ప్రమాదం
లాస్ ఏంజిల్స్: లాస్ ఏంజిల్స్ అంతర్జాతీయ విమానాశ్రయం నుంచి మెక్సికో బయలుదేరుతున్న సమయంలో ఎరోమెక్సికో జెట్ విమానం ప్రమాదానికి గురైంది. విమాన రన్వేపై ఏర్పాటు చేసిన వేగ నిరోధకాన్ని ఆ విమానం ఢీ కొట్టింది. దీంతో విమానం ఎడమ చేతి భాగం దెబ్బతిందని విమానాశ్రయ అధికారులు వెల్లడించారు. ఈ ప్రమాదం జరిగినప్పుడు విమానంలో 129 మంది ప్రయాణికులు ఉన్నారని.... వారికి ఎటువంటి ప్రమాదం జరగలేదని తెలిపారు. ప్రయాణికులకు మరో విమానంలో వారి గమ్యస్థానానికి తరలించినట్లు అధికారులు వెల్లడించారు. ఈ ఘటనపై విచారణకు ఆదేశించినట్లు చెప్పారు.
