సినిమా చూస్తే పెళ్లి మండపంలో ఉన్నట్లే...

 

  ధరన్‌కుమార్ స్వరపరచిన ఈ చిత్రం పాటలు విజయం సాధించిన నేపథ్యంలో బుధవారం ఆడియో సక్సెస్ మీట్ నిర్వహించారు. ఈ సందర్భంగా నాని మాట్లాడుతూ -‘‘బ్యాండ్ బాజా ఢిల్లీ నేపథ్యంలో సాగుతుంది. ఈ రీమేక్ మన దక్షిణాదికి అనుగుణంగా చేయడం జరి గింది. ఇలాంటి కథలతో సినిమాలు వచ్చినప్పటికీ, ప్రేక్షకులను సరికొత్త అనుభూతికి గురి చేస్తుంది. మన ఇంట్లో పెళ్లి జరుగుతున్న ఫీల్‌ని కలగజేస్తుంది’’ అన్నారు. తొలి ప్రయత్నంగా తెలుగులో నిర్మించిన ఈ చిత్రం విజయం సాధించాలని కోరుకుంటున్నానని యశ్‌రాజ్ సంస్థ ప్రతినిధి పదమ్‌కుమార్ చెప్పారు. ఈ సంస్థలో చేసిన రెండో సినిమా ఇదని వాణీకపూర్ తెలిపారు. ఇంకా ధరన్‌కుమార్‌తో పాటు పాటల రచయిత కృష్ణచైతన్య కూడా పాల్గొన్నారు.