హీరో కాదు!

అజయ్‌ దేవగన్‌

బాలీవుడ్‌ హీరో అజయ్‌ దేవగన్‌ మరో సినిమాకు సైన్‌ చేశారు. అయితే హీరోగా కాదు. నిర్మాతగా. ప్రస్తుతం బాలీవుడ్‌లో బయోపిక్‌ల ట్రెండ్‌ నడుస్తోందని తెలిసిందే. తాజాగా స్టాక్‌ మార్కెట్‌ బ్రోకర్‌ హర్షద్‌ మెహతా జీవితం ఆధారంగా హిందీలో ఓ సినిమా రూపొందనుందని బాలీవుడ్‌ టాక్‌. స్టాక్‌ మార్కెట్‌లో హర్షద్‌కి బిగ్‌ బుల్‌ అనే నిక్‌ నేమ్‌ కూడా ఉందట.

ఈ సినిమాను అజయ్‌ దేవగన్, బాలీవుడ్‌ డైరెక్టర్‌ ఇంద్రకుమార్‌ కలిసి నిర్మిస్తారట. అయితే ఇందులో అజయ్‌ హీరోగా నటించరు. ఓ స్టార్‌ హీరోతో సంప్రదింపులు జరుపుతున్నారట టీమ్‌. ఈ సినిమాకి కుకీ గులాటి దర్శకత్వం వహిస్తారని సమాచారం. ఇంతకుముందు ‘విక్కీ డోనర్, పీకు, అక్టోబర్‌’ చిత్రాలకు కో–రైటర్‌గా పనిచేశారాయన. ఇంద్రకుమార్‌ దర్శకత్వంలో అజయ్‌ దేవగన్‌ ఓ హీరోగా నటించిన ధమాల్‌ ప్రాంచైజీలో మూడో భాగం ‘టోటల్‌ ధమాల్‌’ చిత్రం వచ్చే ఏడాది విడుదల కానుంది.