TV
పక్కా మాస్ 'మసాలా'
వినోదాన్ని పండించడంలో వెంకటేశ్, రామ్ ఇద్దరిదీ ఒక ప్రత్యేకమైన శైలి. క్లాస్, మాస్, ఫ్యామిలీ, లవ్... ఇలా ఏ జానర్‌లో సినిమా చేసినా వీరిద్దరూ వినోదాన్ని మాత్రం మిస్ కారు. మంచి జోష్‌తో కనబడే వెంకీ, రామ్ కలిసి ఓ సినిమా చేస్తున్నారంటే వినోదం ఏ రేంజ్‌లో ఉంటుందో అంచనా వేయొచ్చు.
హిందీలో ఘనవిజయం సాధించిన ‘బోల్ బచ్చన్’ ఆధారంగా వెంకీ, రామ్ కలిసి చేస్తున్న సినిమా ‘మసాలా’. విజయ భాస్కర్ దర్శకత్వంలో డి.సురేష్‌బాబు సమర్పణలో ‘స్రవంతి’ రవికిషోర్ ఈ చిత్రాన్ని నిర్మిస్తున్నారు. ఇప్పటికే చిత్రీకరణ పూర్తయ్యింది. ప్రస్తుతం నిర్మాణానంతర కార్యక్రమాలు జరుగుతున్నాయి. ఎస్.ఎస్.థమన్ స్వరాలందించిన ఈ చిత్రం పాటలను ఈ నెల 13న విడుదల చేయనున్నారు.
ఈ నెలాఖరునే చిత్రాన్ని విడుదల చేయడానికి నిర్మాత సన్నాహాలు చేస్తున్నారు. ఇందులో అంజలి, షాజన్ పదమ్‌సీ కథానాయికలు. పక్కా మాస్ మసాలా అంశాలతో ఈ సినిమా రూపొందుతోందని, వినోదానికి పెద్ద పీట వేశామని, సంభాషణలు అమితంగా ఆకట్టుకుంటాయని ‘స్రవంతి’ రవికిషోర్ తెలిపారు.
