చెప్పాలి అనుకున్నది సూటిగా...

‘‘కొన్ని విషయాలు మాట్లాడేటప్పుడు వాటిల్లో కొన్నింటిని ఫిల్టర్ చేసి మాట్లాడతాం. కానీ ఈ సినిమాలో మాత్రం చెప్పాలనుకున్నది సూటిగా చెప్పేశాం. నేటి రాజకీయ పరిస్థితులకు అద్దం పట్టే సినిమా ఇది’’ అని పోసాని కృష్ణమురళి అన్నారు. ఆయన ప్రధాన పాత్రలో మద్దినేని రమేశ్ స్వీయ దర్శకత్వంలో నిర్మించిన చిత్రం ‘బ్రోకర్-2’. స్నేహ కథానాయిక. టాకీ పార్ట్ పూర్తి చేసుకున్న ఈ సినిమా గురించి మద్దినేని రమేశ్ మాట్లాడుతూ -‘‘నాలుగు పాటల చిత్రీకరణ మాత్రమే మిగిలి ఉంది. కీలక సన్నివేశంలో వచ్చే ఓ పాటలో మాదాల రవి నటించారు. డిసెంబర్ 20న పాటలను, జనవరి నెలాఖరున సినిమాను విడుదల చేస్తాం. ఆర్పీ పట్నాయక్ ‘బ్రోకర్’ చిత్రానికి ఏ మాత్రం తక్కువ కాకుండా ఈ సినిమా ఉంటుంది’’ అని తెలిపారు.