TV
జెమినీ గణేశన్‌గా..!
‘లవర్ బోయ్’ ఇమేజ్‌ను సొంతం చేసుకున్న అలనాటి హీరోల్లో ‘జెమినీ’ గణేశన్ ఒకరు. ఒకప్పుడు తమిళంలో హీరోగా ఓ రేంజ్‌లో దూసుకెళ్లిన ఆయన చనిపోయి పదేళ్లయినా, ఇప్పటికీ గుర్తుండిపోతారు. ఇప్పుడు జెమినీ గణేశన్ గురించి ఎందుకు చెప్పాల్సి వస్తోందంటే... ఆయన పాత్రను చేసే అవకాశం యువ హీరో చేతన్ చీనూకి దక్కింది. ఇటీవల విడుదలైన ‘మంత్ర 2’లో నటించిన చేతన్ ప్రస్తుతం ‘రాజుగారి గది’, ‘చెక్‌పోస్ట్’ చిత్రాల్లో నటిస్తున్నారు. తమిళంలో జెమినీ గణేశన్ జీవితం ఆధారంగా రూపొందుతున్న ‘కాదల్ మన్నన్ జెమిని గణేశన్’ చిత్రంలో టైటిల్ రోల్ చేస్తున్నారు. ఈరోజు జరుపుకుంటున్న తన పుట్టినరోజుకి ఈ చిత్రం ఓ మంచి కానుక అవుతుందని చేతన్ చెప్పారు.
