సూపర్‌ 30 : మొదటి రోజు రికార్డ్‌ కలెక్షన్‌ | Hrithik's Latest Film, Super 30, Surpassed the Kabil Collection | Sakshi

కాబిల్‌ను అధిగమించిన సూపర్‌ 30 

Jul 13 2019 3:56 PM | Updated on Jul 13 2019 3:57 PM

Hrithik's Latest Film, Super 30, Surpassed the Kabil Collection - Sakshi

సాక్షి : బిహార్‌కు చెందిన ప్రముఖ గణిత వేత్త ఆనంద్‌కుమార్‌ జీవిత కథ ఆధారంగా బాలీవుడ్‌లో రూపొందించిన చిత్రం సూపర్‌ 30. హృతిక్‌ రోషన్‌ ప్రధాన పాత్రలో నటించగా వికాస్‌ బహల్‌ దర్శకత్వం వహించారు. శుక్రవారం విడుదలైన ఈ చిత్రం విమర్శకుల ప్రశంసలు అందుకొంది. ఫర్హా ఖాన్‌, కరణ్‌ జోహార్‌లతో పాటు చాలా మంది ప్రముఖులు ఈ సినిమాను మెచ్చుకుంటున్నారు. గుజరాత్‌ ముఖ్యమంత్రి విజయ్‌ రూపానీ ఈ చిత్రం చూసి మంచి కంటెంట్‌ ఉన్న సినిమాను ప్రేక్షకులకు అందించారనీ, హృతిక్‌ నటన బాగుందని అభినందిస్తూ ట్వీట్‌ చేశారు. 

ఇక కలెక్షన్‌ పరంగా చూస్తే ఈ చిత్రం మొదటి రోజు దాదాపు పదకొండున్నర కోట్లు వసూలు చేసింది. హృతిక్‌ రోషన్‌ ఇంతకు ముందు చిత్రం కాబిల్‌ 10.43 కోట్లను రాబట్టగా, తాజా చిత్రం ఆ రికార్డును చెరిపేసింది. అంతేకాక, గతేడాది సూపర్‌ హిట్‌లుగా నిలిచిన అజయ్‌ దేవగణ్‌ రైడ్‌, అక్షయ్‌ కుమార్‌ ప్యాడ్‌ మ్యాన్‌ల కంటే ఎక్కువగా ఈ చిత్రం మొదటిరోజు వసూళ్లను సాధించింది. సినిమాకు పాజిటివ్‌ టాక్‌ రావడంతో కలెక్షన్ల పరంగా దూసుకెళ్తుందని ట్రేడ్‌ వర్గాలు అంచనా వేస్తున్నాయి.  

Advertisement

Related News By Category

Related News By Tags

Advertisement
 
Advertisement

పోల్

Video

View all
Advertisement