TV
నేను రాజకీయాల్లోకి రాను: కమలహాసన్
చెన్నై: తాను రాజకీయాల్లోకి వస్తున్నానంటూ జరుగుతున్న ప్రచారానికి ప్రముఖ నటుడు కమలహాసన్ తెరదించారు. రాజకీయాల్లోకి రావడం లేదని ఆయన స్పష్టం చేశారు. తాను రాజకీయలే కావాలనుకుంటే ఎప్పుడో ఎమ్మెల్యే, ఎంపీ అయ్యేవాడినని అన్నారు. ప్రజలకు సేవ చేయడం తనకు ఇష్టంమే కాని రాజకీయాలతో కాకుండా సినిమాల ద్వారా సేవ చేస్తానని కమలహాసన్ చెప్పారు. చెన్నైలో శుక్రవారం ఆయన 60వ పుట్టినరోజు వేడుకలు జరుపుకున్నారు.
నాలుగేళ్ల వయసులోనే నటనలోకి అడుగుపెట్టిన కమలహాసన్ వైవిధ్య భరితమైన పాత్రలతో విలక్షణ నటుడిగా ఎదిగారు. బహుముఖ ప్రతిభతో అవార్డులు, రివార్డులు అందుకున్నారు. కళారంగానికే పరిమితమైన కమలహాసన్ రాజకీయాల గురించి ఎప్పుడూ మాట్లాడలేదు. వివాదాలు చుట్టుముట్టినా లెక్కచేయకుండా సినిమా రంగంలోనే ముందుకు సాగుతున్నారు.
