నా పాలసీ మార్చుకున్నా

 

 అందుకే చిత్రాలను తగ్గించుకుంటున్నారా? అన్న ప్రశ్నకు కాజల్ అగర్వాల్ బదులిస్తూ చిత్రాల సంఖ్య కంటే మంచి పాత్రలను ఎంచుకుని నటించాలని నిర్ణయించుకున్నట్లు తెలిపారు. ఒక సమయంలో ఒకేసారి ఐదారు చిత్రాలు అంగీకరించి ఒక చిత్రం షెడ్యూల్ పూర్తి కాగానే మరో చిత్ర షూటింగ్‌లో పాల్గొనడం చేశానన్నారు. ప్రస్తుతం ఆ పాలసీని మార్చుకున్నానని తెలిపారు. ఒక చిత్రం చేసినా అందులో మంచి పాత్ర అయ్యి ఉండాలన్నారు. ఇప్పుడు ఎక్కువగా విహార యాత్రలు చేస్తున్నట్లు చెప్పారు. పుస్తకాలు ఎక్కువగా చదువుతున్నట్లు అదేవిధంగా కుటుంబ సభ్యులతో అధికంగా గడుపుతున్నానని, సామాజిక సేవ కార్యక్రమాలు నిర్వహిస్తున్న స్వచ్ఛంద సంస్థల నిధుల సమకూర్చే కార్యక్రమాల్లో పాల్గొనడంలో ఆసక్తి చూపిస్తున్నట్లు కాజల్ అగర్వాల్ పేర్కొన్నారు.