TV
బాలీవుడ్‌ స్టార్‌ కిడ్‌ సారా అలీఖాన్‌(సైఫ్‌ అలీఖాన్‌- అమృతా సింగ్‌ కుమార్తె)ను సిల్వర్‌ స్క్రీన్‌కు పరిచయం చేస్తూ తెరకెక్కుతోన్న సినిమా కేదార్‌నాథ్‌. 2013లో చార్‌ధామ్‌ ప్రాంతంలో ముఖ్యంగా కేదార్‌నాథ్‌లో వచ్చిన వరదల నేపథ్యంలో తెరకెక్కిన ఈ సినిమాకు అభిషేక్‌ కపూర్‌ దర్శకుడు. సుశాంత్‌ సింగ్‌ రాజ్‌పుత్‌ హీరోగా నటిస్తున్న ఈ సినిమా ట్రైలర్‌ను సోమవారం విడుదల చేసింది మూవీ యూనిట్‌.
కేదార్‌నాథ్‌ యాత్ర ప్రాశస్త్యాన్ని వర్ణిస్తూ మొదలైన ట్రైలర్‌ సారా- సుశాంత్‌ల పరిచయం, వారి ప్రేమ గురించి తెలిసిన పెద్దలు తీసుకున్న నిర్ణయం తదితర అంశాలతో ఆసక్తికరంగా సాగుతుంది. ఆలయ పరిసరాలను వరద ముంచెత్తడం, సహాయక చర్యలకు సంబంధించిన విజువల్స్‌తో ట్రైలర్‌ ఆకట్టుకుంటోంది. హిందూ యువతి- ముస్లిం యువకుడి ప్రేమకథగా తెరకెక్కుతున్న ఈ సినిమాను డిసెంబర్‌ 7న విడుదల చేయనున్నారు.
Comments
Please login to add a commentAdd a comment