కోలీ కాలింగ్‌!

కియారా అద్వానీ

‘కబీర్‌సింగ్‌’ సక్సెస్‌ జోష్‌లో ఉన్నారు బాలీవుడ్‌ బ్యూటీ కియారా అద్వానీ. ఇప్పుడు ఆ జోష్‌ రెట్టింపు అయ్యిందట. విజయ్‌ హీరోగా లోకేష్‌ కనగరాజన్‌ దర్శకత్వంలో ఓ తమిళ సినిమా తెరకెక్కనుంది. ఈ సినిమాలో హీరోయిన్‌గా కియారా అద్వానీ కోసం సంప్రదింపులు జరుపుతున్నారట టీమ్‌. మరి.. కోలీవుడ్‌ స్టార్‌ హీరో విజయ్‌ సరసన నటించే చాన్స్‌ వస్తే కియారా కాదనుకోరని ఊహించవచ్చు. మహేశ్‌బాబు ‘భరత్‌ అనే నేను’ సినిమాతో టాలీవుడ్‌కు పరిచయం అయ్యారీ బ్యూటీ. ఆ తర్వాత రామ్‌చరణ్‌ సరసన ‘వినయ విధేయ రామ’ సినిమాలో హీరోయిన్‌గా చేశారు. ఇప్పుడు విజయ్‌ ఆఫర్‌కి ఓకే చెబితే తమిళంలో కియారాకి ఇది తొలి సినిమా అవుతుంది.