TV
అమ్మాయిలంటే అస్సలు పడదు
తొలి సినిమా ‘అందాల రాక్షసి’తో అందర్నీ ఆకట్టుకున్న నవీన్‌చంద్ర ప్యూర్ రొమాంటిక్ పాత్రలో నటించిన చిత్రం ‘నా రాకుమారుడు’. రీతూవర్మ కథానాయిక. సత్య దర్శకత్వంలో వజ్రంగ్ నిర్మించిన ఈ చిత్రం ఈ నెల 27న విడుదల కానుంది. ఈ సందర్భంగా నవీన్‌చంద్ర మాట్లాడుతూ -‘‘ఇందులో క్లాస్, మాస్‌తో కూడిన కొత్త లుక్‌లో కనిపిస్తాను. నా పాత్రకు అమ్మాయిలంటే అస్సలు పడదు. అలాంటి వాణ్ణి ఎలా ప్రేమలో పడ్డానా అనేది ఆసక్తికరంగా ఉంటుంది’’ అని చెప్పారు. లవ్, రొమాన్స్, కామెడీల కలబోత ఇదని దర్శకుడు పేర్కొన్నారు. ఈ చిత్రానికి సంగీతం: అచ్చు, కెమెరా: కుమారస్వామి
