దర్శకుడిగా మరో సినిమాటోగ్రాఫర్

సినిమాటోగ్రాఫర్లుగా మంచి గుర్తింపు తెచ్చుకున్న సాంకేతిక నిపుణులు దర్శకుడిగా కూడా తమ అదృష్టాన్ని పరీక్షించుకుంటున్నారు. ఎస్ గోపాల్ రెడ్డి, రసూల్ ఎల్లోర్, సంతోష్ శివన్ లాంటి టాప్ సినిమాటోగ్రాఫర్లతో పాటు కార్తీక్ ఘట్టమనేని లాంటి యువ టెక్నిషియన్స్ కూడా ఈ లిస్ట్ లో చేరిపోయారు. తాజాగా మరో సినిమాటోగ్రాఫర్ కూడా ఈ లిస్ట్ లో చేరబోతున్నాడు.

పిల్ల జమీందార్, సుప్రీమ్, గీతాంజలి, ఎక్కడికీ పోతావు చిన్నవాడా లాంటి చిత్రాలకు కెమెరామేన్ గా పనిచేసిన సాయి శ్రీరామ్ త్వరలో దర్శకుడిగా మారనున్నాడు. నాగశౌర్య హీరోగా సాయి శ్రీరామ్ దర్శకత్వంలో ఓ సినిమా ప్రారంభం కానుంది. ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఈ సినిమా రెగ్యులర్ షూటింగ్ డిసెంబర్ లో ప్రారంభం కానుంది.