ప్రేమికులరోజు శాంపిల్‌

సూర్య

‘ఎన్‌జీకే’ (నంద గోపాల కుమరన్‌) ఎలా ఉంటాడో ఫస్ట్‌ లుక్‌లో చూశాం. మరి.. ఏం చేస్తుంటాడు? అతని లక్ష్యాలు ఏంటి? అనే విషయాలు గురించి హింట్‌ ఇవ్వడానికి రెడీ అయ్యారు ‘ఎన్‌జీకే’ టీమ్‌. అంటే శాంపిల్‌గా ఈ సినిమా టీజర్‌ను రిలీజ్‌ చేస్తారు. సూర్య హీరోగా సెల్వరాఘవన్‌ దర్శకత్వంలో రూపొందిన సినిమా ‘ఎన్‌జీకే’. ఇందులో సాయి పల్లవి, రకుల్‌ ప్రీత్‌సింగ్‌ కథానాయికలుగా నటించారు. ఈ సినిమా టీజర్‌ను ప్రేమికుల రోజు (ఫిబ్రవరి 14న) విడుదల చేయనున్నట్లు చిత్రబృందం ప్రకటించింది. ఈ సినిమాలో శక్తివంతమైన రాజకీయ నాయకుడి పాత్రలో సూర్య కనిపిస్తారని సమాచారం. జగపతిబాబు, ఇళవరసు, రామ్‌కుమార్‌ గణేశన్‌ కీలక పాత్రలు చేశారు. ఈ సినిమా సమ్మర్‌లో రానుంది.