పవన్ మరో సినిమా మొదలెట్టేశాడు

Published Sat, Nov 5 2016 2:15 PM | Last Updated on Fri, Mar 22 2019 5:33 PM

పవర్ స్టార్ పవన్ కళ్యాణ్ ఫుల్ ఫాంలో ఉన్నాడు. సర్థార్ గబ్బర్ సింగ్ ఫెయిల్యూర్ తో ఆలోచనలో పడ్డ పవర్ స్టార్ ఇప్పుడు వరుసగా సినిమాలు అంగీకరిస్తున్నాడు. ప్రస్తుతం డాలీ దర్శకత్వంలో కాటమరాయుడు సినిమా షూటింగ్ లో పాల్గొంటున్నాడు పవన్. ఈ సినిమా సెట్స్ మీద ఉండగానే తమిళ దర్శకుడు నేసన్ దర్శకత్వంలో ఏఎమ్ రత్నం నిర్మించే సినిమాను కొద్ది రోజుల క్రితం లాంఛనంగా ప్రారంభించారు.

ఈ రోజు(శనివారం) మరో సినిమాను కూడా పూజా కార్యక్రమాలతో ప్రారంభించాడు పవన్. చాలా రోజులుగా త్రివిక్రమ్ దర్శకత్వంలో పవన్ కళ్యాణ్ హ్యాట్రిక్ సినిమా ఉంటుందంటూ ప్రచారం జరుగుతోంది. ఈ సినిమాను ఈ రోజు రామానాయుడు స్టూడియోస్లో లాంఛనంగా ప్రారంభించారు. అతి కొద్ది మంది మాత్రమే ఈ కార్యక్రమంలో పాల్గొన్నట్టుగా సమాచారం. అనిరుధ్ సంగీతం అందిస్తున్న ఈ సినిమా కాటమరాయుడు షూటింగ్ పూర్తి కాగానే సెట్స్ మీదకు వెళ్లనుంది.