ప్రదీప్‌ సినిమా మ్యూజికల్‌ పోస్టర్‌ వచ్చేసింది..

బుల్లితెరపై యాంకర్‌గా తనకంటూ ప్రత్యేక గుర్తింపు తెచ్చుకున్నారు ప్రదీప్‌ మాచిరాజు. ప్రస్తుతం ప్రదీప్‌ హీరోగా ఓ సినిమా తెరకెక్కుతున్న సంగతి తెలిసిందే. ఈ సినిమాకు ‘30 రోజుల్లో ప్రేమించటం ఎలా?’ అనే టైటిల్‌ను ఫిక్స్‌ చేశారు. ఈ చిత్రానికి సంబంధించిన ఫస్ట్‌లుక్‌తోపాటు మ్యూజికల్‌ పోస్టర్‌ను శనివారం హీరో రానా దగ్గుబాటి విడుదల చేశారు. ఈ సందర్భంగా ప్రదీప్‌కు రానా విషెస్‌ చెప్పారు. ఈ వీడియోను తన యూట్యూబ్‌ చానల్‌లో పోస్ట్‌ చేసిన ప్రదీప్‌.. ‘సెలయేటి మధ్యలో ఆ పూల పరిమళం.. నీ నీలి కళ్ళలో నా ప్రేమ మధురం.. 30 రోజుల్లో ప్రేమించటం ఎలా!’ అని ఓ కవితను ఉంచారు.

ఇప్పటికే ఈ చిత్రం షూటింగ్‌ పూర్తయిందని.. త్వరలోనే విడుదల తేదీని ప్రకటిస్తామని చిత్రబృందం తెలిపింది. మున్నా దర్శకత్వం వహిస్తున్న ఈ చిత్రాన్ని ఎస్వీ ప్రొడక్షన్‌ బ్యానర్‌పై ఎస్వీ బాబు నిర్మిస్తున్నారు. అనూప్ రూబెన్స్ సంగీతం అందిస్తున్నారు. అమ్రిత ఈ చిత్రంలో హీరోయిన్‌గా నటిస్తున్నారు. 

Wishing you great luck @impradeepmachi bro for a big step from small screen to big screen😊
Here's the musical poster of#30RojulloPreminchadamEla#MRP @anuprubens pic.twitter.com/F1gjADHj9u

— Rana Daggubati (@RanaDaggubati) January 25, 2020

27న గోపిచంద్‌ కొత్త సినిమా ఫస్ట్‌ లుక్‌
హీరో గోపిచంద్‌, డైరక్టర్‌ సంపత్‌ నంది కాంబినేషన్‌లో ఓ సినిమా తెరకెక్కుతున్న సంగతి తెలిసిందే. గోపిచంద్‌ హీరోగా ఇది 28వ సినిమా. తాజాగా ఈ సినిమా ఫస్ట్‌ లుక్‌ను జనవరి 27 ఉదయం 8.47 గంటలకు విడుదల చేయనున్నుట్టు చిత్రబృందం ప్రకటించింది. 'శ్రీనివాసా సిల్వర్ స్క్రీన్' బ్యానర్‌పై 'ప్రొడక్షన్ నెం.3' గా శ్రీనివాసా చిట్టూరి భారీ బడ్జెట్‌తో ఈ చిత్రాన్ని నిర్మిస్తున్నారు. ఈ చిత్రంలో హీరోయిన్‌గా తమన్నా నటిస్తున్నారు. గతంలో గోపిచంద్, సంపత్ నంది కలయికలో గౌత‌మ్ నంద చిత్రం వచ్చిన సంగతి తెలిసిందే.

#Gopichand28FirstLook 1 Day to Go...#HappyRepublicDay2020#Gopichand28 @YoursGopichand @tamannaahspeaks @SS_Screens pic.twitter.com/VpYOFoLLsA

— Sampath Nandi (@IamSampathNandi) January 26, 2020