మేం నూతిలో కప్పలం కాదు!

‘‘మా ఇంట్లో ఓ రూల్ పెట్టుకున్నాం. ఆ రూల్ ప్రకారం ఇంట్లో సినిమాల గురించి కానీ ఇతర నటీనటుల గురించి కానీ మాట్లాడకూడదు. ఇంట్లో ఉండేది తక్కువ సమయం కాబట్టి, ఇంటి విషయాలు మాత్రమే మాట్లాడాలన్నది మా నిర్ణయం’’ అన్నారు కరీనాకపూర్. సైఫ్, తనూ పెళ్లి చేసుకోవాలని ఫిక్స్ అయిన తర్వాత ఈ రూల్ పెట్టుకున్నారట. అలాగే, కేవలం సినిమా పరిశ్రమవారితో మాత్రమే కాకుండా, బయటివారితో కూడా స్నేహంగా ఉంటామని కరీనా చెబుతూ -‘‘నాకూ సైఫ్‌కీ నూతిలో కప్పల్లా బతకడం ఇష్టం ఉండదు. అందుకే, మా కాలేజ్ ఫ్రెండ్స్, వాళ్ల ద్వారా ఏర్పడిన ఫ్రెండ్స్ అందరితోనూ టచ్‌లో ఉంటాం. అదే కనుక మేం సినిమావాళ్లతో మాత్రమే ఫ్రెండ్లీగా ఉంటే బయట ప్రపంచంలో ఏం జరుగుతుందో తెలియదు. అలా బతకడం ప్రమాదం.