అభిమానులు ఎప్పుడెప్పుడా అని ఎదురుచూస్తున్న సంజు ట్రైలర్‌ వచ్చేసింది. బాలీవుడ్ స్టార్‌ హీరో సంజయ్ దత్‌ జీవితం‍లోని సంఘటనల ఆధారంగా తెరకెక్కించిన ఈ సినిమా కోసం ప్రేక్షకులతో పాటు ఇండస్ట్రీ వర్గాలు కూడా ఆసక్తిగా ఎదురుచూస్తున్నారు. తాజాగా రిలీజ్‌ అయిన ట్రైలర్‌ అభిమానుల అంచనాలను మరిం‍తగా పెంచేస్తోంది. రాజ్‌ కుమార్‌ హిరానీ దర్శకత్వంలో తెరకెక్కుతున్న  ‘సంజు’ జూన్‌ 29న ప్రేక్షకుల ముందుకు రానుంది.

రణబీర్‌కపూర్‌, సంజయ్‌ దత్‌ పాత్రలో నటించిన ఈ సినిమాలో మనీషా కొయిరాలా, సోనమ్‌ కపూర్‌, పరేష్‌ రావల్‌, అనుష్క శర్మ ఇతర కీలక పాత్రల్లో నటిస్తున్నారు. ఇప్పటికే ప్రమోషన్‌ కార్యక్రమాలు ప్రారంభించిన చిత్రయూనిట్‌ తాజాగా థియేట్రికల్‌ ట్రైలర్‌ను రిలీజ్ చేసింది. సంజు భాయ్‌ పాత్రలో రణబీర్‌ కపూర్‌ ఒదిగిపోయిన తీరుకు మంచి రెస్పాన్స్‌ వస్తోంది. సంజయ్‌దత్‌ జీవితంలో జరిగిన ఎన్నో సంఘటనలతో పాటు ప్రపంచానికి తెలియని నిజాలను ఈ సినిమాలో ఆవిష్కరించనున్నారు.