ప్రే‘మాయ’లో...

ప్రపంచంలో దేన్నయినా ఆక్యుపై చేసే కెపాసిటీ ప్రేమకే ఉంది. ఆ మాటకొస్తే అది లేని ప్లేస్ ఏముంది? ఆవహించడమే ఆలస్యం... తనను తానే మరిచిపోయేలా చేసే మాయావి ప్రేమ. ఆ మాయలో పడ్డాక తేరుకోవడం బహుకష్టం. శర్వానంద్, నిత్యామీనన్ ప్రస్తుతం అలాంటి మాయలోనే తేలియాడుతున్నారు. ఇదెప్పట్నుంచీ అనుకుంటున్నారా? విషయం ఏంటంటే... వీరిద్దరు ప్రస్తుతం ‘ఏమిటో ఈ మాయ’ అనే సినిమాలో నటిస్తున్నారు. వీరి ప్రేమ ఈ సినిమా కోసమే. చేరన్ దర్శకుడు. శ్రీ స్రవంతి మూవీస్ పతాకంపై ‘స్రవంతి’ రవికిషోర్ ఈ చిత్రాన్ని నిర్మిస్తున్నారు. చిత్రీకరణ పూర్తయింది. నిర్మాణానంతర కార్యక్రమాలు జరుగుతున్నాయి.