మీటూపై షార్ట్‌ ఫిల్మ్‌

తనుశ్రీ దత్తా

ఇండియాలో ‘మీటూ’ ఉద్యమం ఊపందుకోవడానికి తనుశ్రీ దత్తా ముఖ్య కారణం. నానా పటేకర్‌ లైంగికంగా వేధించాడంటూ ఆరోపణలు చేశారామె. తనుశ్రీ దత్తా ధైర్యం మరెందరికో స్ఫూర్తిగా నిలిచింది. ఆ తర్వాత చాలామంది నటీమణులు సినిమా పరిశ్రమలో తమకు ఎదురైన చేదు అనుభవాలను బయట పెట్టారు. తాజాగా లైంగిక వేధింపులపై ఓ షార్ట్‌ ఫిల్మ్‌ రిలీజ్‌ చేయాలనే ఆలోచనలో ఉన్నారట తనుశ్రీ. మార్చి 8న మహిళా దినోత్సవం. ఆ రోజు ఈ వీడియో రిలీజ్‌ ప్లాన్‌ చేశారట. వాస్తవిక సంఘటనలకు కాల్పనికత జోడించి ఈ షార్ట్‌ఫిల్మ్‌ కథను తయారు చేశారట. ఈ షార్ట్‌ ఫిల్మ్‌లో నటించడమే కాకుండా రైటింగ్‌ సైడ్‌ కూడా పాలుపంచుకున్నారట తనుశ్రీ దత్తా.