వేసవిలో మొదలు

వెంకటేశ్, నాగచైతన్య

మార్చిలో మొదలు పెట్టడానికి ‘వెంకీమామ’ అండ్‌ టీమ్‌ రెడీ అవుతోంది. వెంకటేశ్, నాగచైతన్య హీరోలుగా బాబీ దర్శకత్వంలో ‘వెంకీమామ’ అనే సినిమా రూపొందనున్న సంగతి తెలిసిందే. డి. సురేష్‌బాబు ఓ నిర్మాత. ఇందులో నాగచైతన్యకు జోడీగా రకుల్‌ ప్రీత్‌సింగ్‌ నటిస్తారు. ఇంతకుముందు ‘రారండోయ్‌ వేడుక చూద్దాం’ సినిమాలో చైతన్య, రకుల్‌ జంటగా నటించిన విషయం గుర్తుండే ఉంటుంది. ఇక వెంకీ సరసన శ్రియ లేదా తమన్నా నటించే అవకాశం ఉందని తెలిసింది.

ఈ ఇద్దరి హీరోయిన్లతో సినిమాలు చేశారు వెంకీ. అసలు... ఈ సినిమా ఈపాటికే సెట్స్‌పైకి వెళ్లాల్సింది కానీ వెంకటేశ్‌ కుమార్తె పెళ్లి  వేడుక ఉండటంతో సినిమాను మార్చిలో స్టార్ట్‌ చేయడానికి రెడీ అవుతున్నారట టీమ్‌. అయితే ఒకసారి షూటింగ్‌ స్టార్ట్‌ చేసిన తర్వాత వీలైనంత తొందరగా కంప్లీట్‌ చేసి ఈ ఏడాదే ‘వెంకీమామ’ను ప్రేక్షకుల ముందుకు తీసుకురావాలని ప్లాన్‌ చేస్తున్నారట టీమ్‌. ఇక ఈ సినిమాలో రియల్‌లైఫ్‌లో మాదిరిగానే మామా అల్లుళ్లగానే కనిపించనున్నారు వెంకీ అండ్‌ చైతూ.