TV
బాలీవుడ్ కంపెనీతో పెళ్లిచూపులు హీరో..!
పెళ్లి చూపులు సినిమాతో బిగ్ హిట్ సాధించిన విజయ్ దేవరకొండ ప్రస్తుతం చేతినిండా సినిమాలతో ఫుల్ బిజీగా ఉన్నాడు. ప్రస్తుతం అర్జున్ రెడ్డి సినిమా రిలీజ్ కోసం ఎదురుచూస్తున్న ఈ యంగ్ హీరో లావణ్య త్రిపాఠితో కలిసి మరో లవ్ స్టోరిని లైన్ లో పెట్టాడు. పరుశురాం దర్శకత్వంలో గీతాఆర్ట్స్ 2 బ్యానర్ లో ఈ సినిమాను తెరకెక్కిస్తున్నారు.
అర్జున్ రెడ్డి సినిమా తరువాత ఓ బడా బాలీవుడ్ నిర్మాణ సంస్థతో కలిసి పనిచేయబోతున్నాడు విజయ్. బాలీవుడ్ మ్యూజిక్ కంపెనీ టి సిరీస్ విజయ్ దేవరకొండ లీడ్ రోల్ లోఒక మ్యూజిక్ ఆల్బం చేయబోతుంది. బాలీవుడ్ టాప్ స్టార్ హృతిక్ రోషన్, టైగర్ ష్రాఫ్, సోనమ్ కపూర్ లాంటి వారితో టి సిరీస్ సంస్థ మ్యూజిక్ వీడియోలు రూపొందించింది. ఇప్పుడు విజయ్ దేవరకొండతో తెలుగు, హిందీ భాషల్లో మ్యూజిక్ ఆల్బమ్ రెడీ చేస్తోంది.
మిక్కి జే మేయర్ సంగీతం దర్శకత్వంలో రూపొందుతున్న ఈ పాటను అర్మాన్ మాలిక్ గానం చేశాడు. విజయ్ దేవరకొండకు జోడిగా బెంగాలీ నటి కనిపించనుందట. సందీప్ రెడ్డి డైరెక్షన్ లో తెరకెక్కిన 'అర్జున్ రెడ్డి' సినిమా ఈ నెల ఆగష్టు 25 న విడుదలకాబోతుంది. ఈ సినిమాలో విజయ్ దేవేరకొండ కు జంటగా షాలిని హీరోయిన్ గా నటిస్తోంది.
