TV
లాలూకు మరో షాక్‌.. కేసు నమోదు
న్యూఢిల్లీ: ఆర్జేడీ అధినేత లాలూప్రసాద్‌ యాదవ్‌కు మరో షాక్‌ తగిలింది. ఇప్పటి వరకు ఆయన కుటుంబ సభ్యులపై కేసులు నమోదు చేసి దర్యాప్తు ప్రారంభించిన ఎన్‌ఫోర్స్‌మెంట్‌ అధికారులు తాజాగా లాలూపై కేసు నమోదు చేశారు. రైల్వే హోటల్‌ అలాట్‌మెంట్‌లో ఆయన భారీ మొత్తంలో అవినీతికి పాల్పడ్డట్లు ఆరోపణలు నమోదు చేశారు.
మహాకూటమికి బిహార్‌ ముఖ్యమంత్రి నితీష్‌ కుమార్‌ గుడ్‌బై చెప్పేసిన గంటలు కూడా గడవక ముందే కేసు నమోదు కావడం గమనార్హం. నితీశ్‌ కుమార్‌ బిహార్‌ రాజకీయాలలో మరోసారి సంచలనం సృష్టించి మహాఘట్‌బంధన్‌ను వదిలి భారతీయ జనతా పార్టీతో చేతులు కలిపిన విషయం తెలిసిందే. ఆరోసారి ముఖ్యమంత్రిగా గురువారంనాడు ప్రమాణం చేశారు. అవినీతిని తుదముట్టించేందుకు ఆయన ఎలాంటి నిర్ణయాలైన తీసుకుంటారని పేరుంది.
