TV
బీజేపీకి బిగ్ బూస్ట్
న్యూఢిల్లీ: వచ్చే ఏడాది అసెంబ్లీ ఎన్నికలు జరిగే ఉత్తరప్రదేశ్లో కీలక రాజకీయ పరిణామాలు చోటుచేసుకున్నాయి. యూపీలో అధికారంలోకి రావాలని బీజేపీ సర్వశక్తులు ఒడ్డుతోంది. యూపీలో ముఖ్యంగా ఓబీసీలలో పట్టున్న ఆప్నా దళ్.. బీజేపీలో విలీనంకానున్నట్టు సమాచారం. వారణాశి-మీర్జాపూర్ ప్రాంతంలో ఆప్నా దళ్కు చెప్పుకోదగ్గ ఓటు బ్యాంక్ ఉంది. బీజేపీవైపు కుర్మీ ఓట్లు మళ్లే అవకాశముంది.
అప్నా దళ్ను డాక్టర్ సోనె లాల్ పటేల్ స్థాపించారు. ప్రస్తుత లోక్సభలో ఆ పార్టీకి ఇద్దరు ఎంపీలు ఉన్నారు. మంగళవారం జరిగే కేంద్ర మంత్రివర్గ విస్తరణలో ఆప్నా దళ్ మీర్జాపూర్ ఎంపీ అనుప్రియ పటేల్కు కేబినెట్ బెర్తు దక్కవచ్చని భావిస్తున్నారు.
