ర్యాన్‌బాక్సీ ప్లాంట్‌పై ఈయూ నిషేధం ఎత్తివేత

ర్యాన్‌బాక్సీ ప్లాంట్‌పై ఈయూ నిషేధం ఎత్తివేత

న్యూఢిల్లీ: ర్యాన్‌బాక్సీ  ప్లాంట్‌పై  విధించిన సస్పెన్షన్‌ను యూరోపియన్ ఆరోగ్య నియం త్రణ సంస్థ, యూరోపియన్ మెడిసిన్స్ ఏజెన్సీ(ఈఎంఏ) గురువారం తొలగించింది. పంజాబ్‌లోని తోన్స గ్రామంలో వున్న ఈ ప్లాంట్‌లో తయారయ్యే ఔషధాల్లో కొన్ని తయారీ లోపాలున్నప్పటికీ, ఈ ఔషధాలను వినియోగించుకోవచ్చని ఈఎంఏ వివరణ ఇచ్చింది. ఈ కారణంగా ఈ ఏడాది జనవరిలో సస్పెండ్ చేసిన జీఎంపీ సర్టిఫికెట్‌ను  పునరుద్ధరిస్తున్నామని పేర్కొంది.
 
రోగులు నిరభ్యంతరంగా ఈ ఔషధాలను ఉపయోగించుకోవచ్చని భరోసానిచ్చింది. తోన్స ప్లాంట్‌లో తయారయ్యే ఔషధాలపై ఈ ఏడాది జనవరిలో అమెరికా ఆహార, ఆహార నియంత్రణ సంస్థ, యూఎస్‌ఎఫ్‌డీఏ నిషేధం విధించింది. దీంతో ఈ ప్లాంట్ నుంచి యూరప్‌కు జరిగే ఎగుమతులను  కంపెనీయే స్వచ్ఛందంగా సస్పెండ్ చేసింది. అయితే కంపెనీకి మధ్యప్రదేశ్‌లో ఉన్న దేవాస్ ప్లాంట్‌పై విధించిన నిషేధాన్ని ఈయూ కొనసాగిస్తోంది.