TV
ఇంగ్లీషులో మాట్లాడినందుకు పిచ్చి కొట్టుడు..
సాక్షి, న్యూఢిల్లీ : ఆంగ్లంలో మాట్లాడినందుకు ఓ 22 ఏళ్ల యువకుడిపై ఐదుగురు వ్యక్తులు దారుణంగా దాడి చేశారు. పిడిగుద్దులు, తన్నులతో రెచ్చిపోయారు. ఈ ఘటనకు పాల్పడిన వారిలో ముగ్గురని పోలీసులు అరెస్టు చేశారు. పోలీసులు తెలిపిన వివరాల ప్రకారం.. నోయిడాకు చెందిన వరుణ్‌ గులాతీ అనే 22 ఏళ్ల యువకుడు కనౌట్‌ ప్రాంతంలోని ఓ ఫైవ్‌స్టార్‌ హోటల్‌లో తన స్నేహితుడు అమన్‌ను డ్రాప్‌ చేసేందుకు వచ్చాడు.
ఆ సందర్భంలో వారిద్దరు ఆంగ్లంలో మాట్లాడుకున్నారు. వరుణ్‌ స్పష్టమైన ఆంగ్లంలో మాట్లాడాడు. తన స్నేహితుడిని డ్రాప్‌ చేసిన తర్వాత తిరిగి వెళ్లే క్రమంలో ఓ ఐదుగురు వ్యక్తుల దగ్గరకు వచ్చి ఎందుకు ఆంగ్లంలో మాట్లాడావని ప్రశ్నిస్తూనే దాడికి పాల్పడ్డారు. బాగా కొట్టి అనంతరం ఓ వాహనంలో పారిపోయారు. అయితే, వారు పారిపోయిన వాహనం నెంబర్‌ను బాధితుడు నమోదుచేసుకోవడంతో వారు దొరికిపోయారు.
