సీఎం మనసు గెలిచిన సినిమా...

సీఎం మనసు గెలిచిన సినిమా...

లక్నో: ఉత్తరప్రదేశ్ ముఖ్యమంత్రి అఖిలేష్ యాదవ్ ఓ హిందీ మూవీకి భారీ ఆఫర్ ప్రకటించారు. అశ్వినీ అయ్యర్ తివారీ దర్శకత్వంలో తెరకెక్కిన హిందీ మూవీ 'నిల్ బట్టి సన్నాట' పై తమ రాష్ట్రంలో పన్ను విధించడంలేదని ప్రకటించారు. ఈ మూవీని ఆగ్రాలో చిత్రీకరించారు. స్వర భాస్కర్, రత్న పథక్, పంకజ్ త్రిపాఠి ముఖ్యపాత్రధారులుగా ఈ మూవీలో కనిపించనున్నారు. ఈ మూవీ శుక్రవారం విడుదలకానున్న విషయం తెలిసిందే. ఈ నేపథ్యంలో సీఎం అఖిలేష్ మూవీపై పన్నును సడలిస్తున్నట్లు పేర్కొన్నారు. ఈ వివరాలను తన ట్విట్టర్లో పోస్ట్ చేశారు.

అశ్వినీ అయ్యర్ తివారీ  దర్శకత్వం వహిస్తున్న ఈ మూవీ తనకు చాలా నచ్చిందని సీఎం అఖిలేష్ రాసుకొచ్చారు. తల్లీకూతుళ్లకు సంబంధించిన ఈ కథ అందరిని ఆకర్షిస్తుందని, మన కలల్ని సాకారం చేసుకోవడానకి వయసు అనేది అడ్డంకి కాదని పేర్కొన్నారు. చాలా అరుదుగా ఇలాంటి స్టోరీతో మూవీలు వస్తాయంటూ ఆయన మెచ్చుకున్నారు. ఆనంద్ ఎల్ రాయ్, రాంజానా ఈ మూవీని సంయుక్తంగా నిర్మించారు.
 

Touched by the story of Nil Battey Sannata, which was filmed in Agra. We have made the film tax free in UP. pic.twitter.com/O658rXIuqx

— Akhilesh Yadav (@yadavakhilesh) April 21, 2016