అతడిపై నోట్ల వర్షం కురిసింది...

అహ్మదాబాద్‌ : అభిమానానికి హద్దే ఉండదనేది మరోసారి నిరూపితమైంది. గుజరాత్‌ జాన‌ప‌ద గాయ‌కుడు కీర్తిద‌న్‌ గధ్విపై మరోసారి అభిమానం నోట్ల రూపంలో వెల్లువెత్తింది. గాయకుడి గానామృతానికి మంత్రముగ్ధులైన శ్రోతలు అతడిపై నోట్ల వర్షం కురిపించి తమ అభిమానం చాటుకున్నారు. అహ్మదాబాద్‌లో జరిగిన ఓ మ్యూజికల్‌ ఈవెంట్‌లో కీర్తిదన్‌ పాడిన పాటకు ఫిధా అయిన అభిమానులు అతడిపై లక్షల రూపాయలు వెదజల్లారు. ఇంకేముంది ఆయన ఉన్న వేదిక‌పైకి క‌రెన్సీ నోట్లు కుప్ప‌లు కుప్ప‌లుగా వ‌చ్చిప‌డ్డాయి. ప్రస్తుతం ఈ వీడియో సోషల్‌ మీడియాలో చక్కర్లు కొడుతోంది. గతంలో కూడా కీర్తిదన్‌పై నోట్ల తుఫాను కురిసిన విషయం విదితమే.