ప్రాబబుల్స్‌లో తెలుగు కుర్రాళ్లు

సాక్షి, హైదరాబాద్: ఇండియా అండర్-16 ప్రాబబుల్స్‌లో తెలుగు కుర్రాళ్లు చోటు దక్కించుకున్నారు. తెలంగాణ క్రికెట్ సంఘానికి చెందిన అంకుర్, శ్రవణ్‌లు సాయ్ ఆధ్వర్యంలో నిర్వహించిన అండర్-16 స్కూల్ క్రికెట్ టోర్నమెంట్‌లో సత్తా చాటి ఈ అవకాశాన్ని అందిపుచ్చుకున్నారు.

ఎస్‌ఎస్‌పీఎఫ్ మొత్తం 38 మందితో కూడిన ప్రాబబుల్స్ జాబితాను బుధవారం ప్రకటించింది. ఈ మేరకు వీరిరువురూ అక్టోబర్ మొదటి వారంలో డెహ్రాడూన్‌లో జరిగే క్యాంపుకు హాజరవుతారు. క్యాంపులో శిక్షణానంతరం 16 మందితో కూడిన భారత తుదిజట్టును ఎంపిక చేస్తారు. ఈ జట్టుకు కె. సునీల్ బాబు మేనేజర్‌గా వ్యవహరిస్తారు.