మరో నలుగురు స్టార్స్

 

  పదేళ్ల పాటు ఈ లీగ్‌లో సంయుక్త భాగస్వామ్యులుగా ఉంటూ మ్యాచ్‌లను ప్రసారం చేసేందుకు స్టార్ ఇండియాతో ఐఎంజీ ఒప్పందం చేసుకుంది. భారత్‌లో  ఫుట్‌బాల్‌కు మరింత ఆదరణ తెచ్చేందుకు జరుగుతున్న ఈ లీగ్‌లో ఎనిమిది నగరాల పేర్లతో జట్లు పాల్గొంటాయి. ఆయా జట్లలో 22 మంది ఆటగాళ్లుంటారు. వీరిలో 10 మంది విదేశీ, ఎనిమిది మంది దేశవాళీ, అండర్-23 విభాగానికి చెందిన నలుగురు స్థానిక ఆటగాళ్లుంటారు. ఫ్రాంచైజీల కోసం బిడ్డింగ్ ఈనెల 25 నుంచి నవంబర్ 5 మధ్య జరిగే అవకాశం ఉంది. జట్లను కొనేందుకు కనీస ధర రూ.25 కోట్లు. మరోవైపు ఇప్పటికే కొనసాగుతున్న ఐ-లీగ్‌కు చెందిన చాలా క్లబ్బులు (మహ్మదన్ స్పోర్టింగ్, యునెటైడ్ మినహా) తమ ఆటగాళ్లను ఐఎస్‌ఎల్ కోసం విడుదల చేసేందుకు అంగీకరించడం లేదు.