నెటిజన్‌కు చురకలంటించిన మిథాలీ..

Published Tue, Aug 22 2017 9:46 AM | Last Updated on Sat, Aug 25 2018 6:37 PM

హైదరాబాద్‌: భారత మహిళల కెప్టెన్‌ మిథాలీ రాజ్‌ అటు మైదానంలో ఇటు బయటా ఎంతో ప్రశాంతంగా ఉంటుంది. ఒత్తిడి సమయాల్లోను సంయమనం కోల్పోదు. ఇక సోషల్‌ మీడియాలో ఎంత యాక్టివ్‌గా ఉంటుందో అందరికి తెలిసిందే. మిథాలీ రాజ్‌ ఫోటోకు వెక్కిరింతగా ట్వీట్‌ చేసిన ఓ నెటిజన్‌కు ఈ లేడీ సింగం తనదైన శైలిలో చురకలంటించింది.

ఆదివారం బెంగళూరులో మిథాలీ ఓ క్రికెట్‌ అకాడమీని ప్రారంభించింది. ఈ సందర్భంగా సహచర క్రికెటర్లు మమతా మాబెన్‌, నూషిన్‌ అల్‌ ఖాదిర్‌, వేదా కృష్ణమూర్తితో కలిసి దిగిన ఓ ఫొటోను ట్విట్టర్‌లో షేర్‌ చేసింది. ఈ ట్వీట్‌కు అందరి నుంచి సానుకూల స్పందన రాగా ఒకరు మాత్రం.. చెమటతో ఎబ్బెట్టుగా కనబడుతున్నావు అని ఆ ఫొటోను ఎద్దేవా చేస్తూ కామెంట్‌ చేశాడు.

ఇందుకు మిథాలీ ‘నేను మైదానంలో చమటోడిస్తే కానీ ఈ స్థాయికి రాలేదు. దీనికి నేను సిగ్గు పడడంలేదు. ఈ అకాడమీ ప్రారంభించడానికి కూడా నేను గ్రౌండ్‌లోనే ఉన్నా’ అని ఆ నెటిజన్‌ వ్యాఖ్యల్ని తిప్పికొట్టింది. అంతే..ఇక అతడు మళ్లీ నోరు మెదపలేదు. మిథాలీ స్పందించిన తీరును ఆమె అభిమానులు, నెటిజన్లు ప్రశంసిస్తున్నారు.

What a momentous day today was, standing with these special women!!@MabenMaben @AlNooshin @vedakmurthy08 pic.twitter.com/EsNwRN2G7N
— Mithali Raj (@M_Raj03) 20 August 2017