ఫెడరర్ x ముర్రే

నేడు పురుషుల సెమీస్
 ఎనిమిదోసారి వింబుల్డన్ టైటిల్ కోసం బరిలోకి దిగిన స్విస్ దిగ్గజం రోజర్ ఫెడరర్ సెమీస్ పోరుకు సిద్ధమయ్యాడు. శుక్రవారం జరిగే మ్యాచ్‌లో బ్రిటన్ స్టార్ ఆండీ ముర్రేతో అమీతుమీ తేల్చుకోనున్నాడు. ముఖాముఖి రికార్డులో రెండోసీడ్ ఫెడరర్ 12-11 ఆధిక్యంలో ఉన్నా.. ఈ మ్యాచ్‌లో ముర్రేకు స్థానికుల మద్దతు లభించడం కలిసొచ్చే అంశం.  
 
 రెండో సెమీస్‌లో డిఫెండింగ్ చాంపియన్, టాప్‌సీడ్ నొవాక్ జొకోవిచ్ (సెర్బియా)... రిచర్డ్ గాస్కెట్ (ఫ్రాన్స్)తో తలపడనున్నాడు. బుధవారం అర్ధరాత్రి జరిగిన క్వార్టర్‌ఫైనల్లో గాస్కెట్ 6-4, 4-6, 3-6, 6-4, 11-9తో నాలుగోసీడ్ స్టాన్ వావ్రింకా (స్విట్జర్లాండ్)పై అనూహ్యంగా నెగ్గాడు.
 
 సా. గం. 5.30 నుంచి
 స్టార్ స్పోర్ట్స్-2లో ప్రత్యక్ష ప్రసారం