యువత మేలుకోవాలి: సచిన్‌

చెన్నై: ఏదో ఒక క్రీడల్లో పాల్గొంటూ ఆరోగ్యాలను కాపాడుకోవాలని భారత దిగ్గజ క్రికెటర్‌ సచిన్ టెండూల్కర్ దేశ యువతకు సూచించారు. శారీరక వ్యాయమాలు లేకుండా క్రీడలకు దూరంగా ఉంటూ దేశంలో అనారోగ్య జనాభాను పెంచొద్దని హితవు పలికారు. తన కబడ్డీ టీం ‘తమిళ్‌ తలైవాస్‌‌’ యజమానిగా జెర్సీ ఆవిష్కరణ కార్యక్రమంలో పాల్గొన్న సచిన్‌ దేశంలో స్ధూలకాయం నిర్మూలించాలంటే యువత క్రీడల్లో పాల్గొనాలని సూచించారు. అనారోగ్యాలతో 2020 వరకు జనాభా పరంగా మనదేశం చాలా చిన్నదిగా మారిపోవచ్చునని.. ఎందుకంటే స్థూలకాయంలో మన దేశం మూడోస్థానంలో ఉందని హెచ్చరించాడు. దీని నుంచి బయటపడాలంటే క్రీడా కార్యకలాపాలు పెరగాలి. ప్రతి ఒక్కరు ఏదో ఒక ఆట ఆడాలన్నాడు.