TV
సూర్య పేరుతో నకిలీ ఫేస్‌బుక్
తమిళసినిమా: నటుడు సూర్య పేరుతో నకిలీ ఫేస్‌బుక్ ప్రారంభమైంది. ఆయన చిత్ర వివరాలు, ఫొటోలతో హల్‌చల్ చేస్తోంది. ఈ విషయం ఆలస్యంగా సూర్య దృష్టికి రావడంతో ఆయన షాక్‌కు గురయ్యారు. నిజానికి సూర్య పేరుతో ఫేస్‌బుక్, ట్విట్టర్ అకౌంట్స్ లేవని ఆయన వర్గం స్పష్టం చేసింది. తన పేరుతో ఎవరో మోసానికి పాల్పడుతున్నారన్న విషయాన్ని గ్రహించిన సూర్య ఈ వ్యవహారంపై సీరియస్ అయ్యారు. సంబంధిత ఫేస్‌బుక్ నిర్వాహకుల దృష్టికి ఈ వ్యవహారాన్ని తీసుకెళ్లారు. ఈ విషయంపై పోలీసులకు ఫిర్యాదు చేయడానికి ఆయన సన్నిహితులు సిద్ధం అవుతున్నట్లు తెలిసింది.
