ఈ ఫోన్‌ తొలిరోజే దుమ్మురేపింది

అదిరిపోయే ఫీచర్లతో మోటో ఈ4 ప్లస్‌ స్మార్ట్‌ఫోన్‌ జూలై 12న మార్కెట్లోకి లాంచ్‌ అయిన  సంగతి తెలిసిందే. ఈ స్మార్ట్‌ఫోన్‌ అందుబాటులోకి వచ్చిన తొలిరోజే దుమ్మురేపింది. ఎక్స్‌క్లూజివ్‌ పార్టనర్‌ ఫ్లిప్‌కార్ట్‌లో అందుబాటులోకి వచ్చిన 24 గంటల్లోనే లక్షకు పైగా యూనిట్ల అమ్మకాలను నమోదుచేసింది. తొలి 60 నిమిషాల్లో నిమిషానికి 580 యూనిట్లకు పైగా మోటో ఈ4 ప్లస్‌ అమ్ముడుపోయినట్టు ఫ్లిప్‌కార్ట్‌ ఎగ్జిక్యూటివ్‌ ప్రకటించారు. ఉత్తర భారత దేశ నగరాల నుంచి ఈ ఫోన్‌కు భారీ ఎత్తున్న డిమాండ్‌ వచ్చినట్టు కూడా ఫ్లిప్‌కార్ట్‌ చెప్పింది. మొత్తం అమ్మకాల్లో యూపీ, బిహార్‌ రాష్ట్రాల నుంచి 12 శాతం నమోదైనట్టు తెలిపింది. అంతేకాక మోటో ఈ4 ప్లస్‌ లైవ్‌గా లాంచ్‌ అయ్యేటప్పుడు కేవలం గంటల్లోనే ఈ  ప్రొడక్ట్‌ పేజీని 1.5 లక్షల మంది కస్టమర్లు విజిట్‌ చేసినట్టు తెలిసింది. 9,999 రూపాయలకు మోటో ఈ4 ప్లస్‌ మార్కెట్లోకి లాంచ్‌ అయింది. ఈ ఫోన్‌ లాంచింగ్‌తో పాటు పలు ఆఫర్లను కూడా కంపెనీ తీసుకొచ్చింది.