రేపటి నుంచి వెబ్ ఆప్షన్లు

రేపటి నుంచి వెబ్ ఆప్షన్లు

హైదరాబాద్: ఇంజనీరింగ్ ప్రవేశాల కోసం శుక్రవారం (ఈనెల 17) నుంచి వెబ్ ఆప్షన్లను ప్రారంభించాలని రాష్ట్ర ప్రభుత్వం నిర్ణయించింది. రేపు సాయంత్రం 5 గం.ల నుంచి తెలంగాణ ఎంసెట్ ప్రవేశాలపై వెబ్ ఆప్షన్ల ప్రక్రియను చేపట్టనున్నట్లు ప్రభుత్వం ప్రకటించింది. ఈ నెల 21 వరకూ వెబ్ ఆప్షన్లు కొనసాగుతుండగా, 22 వ తేదీన ఆప్షన్స్ మార్చుకునే వెసులు బాటు కల్పించారు.

ఆ తదుపరి రెండు  రోజులకు అంటే 24 వ తేదీన సీటు అలాట్ మెంట్ ఉండగా, 25 వ తేదీన విద్యార్థులు కాలేజీల్లో రిపోర్ట్ చేయాల్సి ఉంది. ఫస్ట్ ఫేజ్ లో పాల్గొనని విద్యార్థుల సర్టిఫికేట్ల వెరిఫికేషన్ 29 వ తేదీగా నిర్ణయించారు. వీరికి 29, 30 తేదీల్లో వెబ్ ఆప్షన్లు మార్చుకునే వెసులుబాటు కల్పిస్తుండగా, 31 వ తేదీన అలాట్  మెంట్, ఆగస్టు 1 వ  తేదీన కాలేజీ్లో రిపోర్ట్ చేయాల్సి ఉంది.

కాలేజీలకు అఫిలియేషన్ల వ్యవహారంపై బుధవారం హైకోర్టు తీర్పు వచ్చిన వెంటనే డిప్యూటీ సీఎం కడియం శ్రీహరి అధ్యక్షతన ఉన్నతస్థాయి సమీక్ష జరిగింది.  ఈ సమీక్షా సమావేశంలో సుదీర్ఘమైన చర్చల అనంతరం వెబ్ ఆప్షన్లపై తుది నిర్ణయం తీసుకున్నారు.