టీ-టీడీఎల్‌పీ నేతగా ఎర్రబెల్లి?

సాక్షి, హైదరాబాద్: తెలంగాణ తెలుగుదేశం పార్టీ శాసనసభాపక్ష నాయకుడిగా వరంగల్ జిల్లా పాలకుర్తి ఎమ్మెల్యే ఎర్రబెల్లి దయాకర్‌రావును నియమించే అవకాశమున్నట్లు సమాచారం. శుక్రవారం జరిగే పార్టీ సమావేశంలో ఈ మేరకు అధినేత చంద్రబాబు అధికారిక ప్రకటన చేయనున్నట్లు తెలుస్తోంది. వరంగల్ జిల్లా నుంచి వరుసగా ఐదుసార్లు ఎమ్మెల్యేగా, ఓసారి ఎంపీగా ఎన్నికైన ఎర్రబెల్లి తెలంగాణ ఉద్యమ సమయంలో టీటీడీపీ ఫోరం కన్వీనర్‌గా కీలకంగా వ్యవహరించారు. ఆయన పనితీరును మెచ్చిన బాబు అసెంబ్లీలో పార్టీ పగ్గాలను ఆయనకే అప్పగించాలని నిర్ణయించినట్లు టీడీపీ వర్గాలు తెలిపాయి.