‘డ్రగ్స్ కేసులో ఎంతటి వారినైనా వదిలి పెట్టం’

సూర్యపేట: ప్రస్తుతం డ్రగ్స్ కేసు చక్కర్లు కొడుతోంది. ఈ కేసులో కొంతమంది సినీ నటులకు ఎక్సెజ్ ఎన్‌ఫోర్స్‌మెంట్‌ నోటీసులు జారీ చేసిన విషయం తెలిసిందే. ఈ విషయంపై హోం మంత్రి నాయిని నరసింహరెడ్డి రెడ్డి స్పందించారు. డ్రగ్స్ విషయంలో ఎంతటి వారినైనా వదిలే ప్రసక్తి లేదని ఆయన అన్నారు. ఎక్సైజ్‌ ఎన్‌ఫోర్స్‌మెంట్‌ డైరెక్టర్‌ అకున్‌ సబర్వాల్‌ సెలవుపై వెళ్లడంలో ఎటువంటి ఒత్తిడి లేదని మంత్రి తెలిపారు. ఈ వ్యవహారంలో సినీ, రాజకీయ ప్రముఖులకు సంబంధం ఉన్న ఎవర్ని వదిలిపెట్టమని స్పష్టం చేశారు. ఎంతటి వారైనా చట్టం ముందు సమానులే. చేసిన తప్పుకు శిక్ష అనుభవించాల్సిందేనన్నారు. ఈ విషయంలో ప్రభుత్వం కఠినంగా వ్యవహరిస్తోందని నాయిని తెలిపారు.