TV
24, 25 తేదీల్లో సమయం ఇవ్వండి
ప్రధాని మోడీకి సీఎం కేసీఆర్ లేఖ
సాక్షి, హైదరాబాద్: అఖిలపక్ష బృందంతో కలవడానికి ఈ నెల 24, 25 తేదీల్లో సమయం ఇవ్వాలంటూ ముఖ్యమంత్రి కె.చంద్రశేఖర్‌రావు, ప్రధానమంత్రి నరేంద్ర మోడీకి లేఖ రాశారు. పోలవరం ఆర్డినెన్సు, పీపీఏల రద్దు, ప్రాణహిత-చేవెళ్లకు జాతీయహోదా, తెలంగాణకు ప్రత్యేక హోదా, అలాగే కేంద్ర ప్రభుత్వంతో ముడివడి ఉన్న వివిధ అంశాలపై కలవడానికి తెలంగాణ అఖిలపక్ష బృందం ఢిల్లీకి వెళ్లాలని నిర్ణయం తీసుకున్న సంగతి తెలిసిందే. ఈ నేపథ్యంలో ప్రధానమంత్రి సమయం ఇవ్వడాన్ని బట్టి అఖిలపక్ష బృందం ఢిల్లీకి వెళ్లనుంది.
