ఎల్బీనగర్‌లో లంబాడీల ఆందోళన

సాక్షి, హైదరాబాద్‌: నగరంలోని ఎల్బీనగర్‌లో లంబాడి సంఘాల నేతలు శనివారం తీవ్ర ఆందోళనకు దిగారు. ఈ క్రమంలో లంబాడీల ఆందోళనను పోలీసులు అడ్డుకుని పోలీస్‌ స్టేషన్‌ కు తరలించారు. పీఎస్‌ ముందు బైఠాయించిన లంబాడీలు.. శాంతియుతంగా నిరసన తెలుపున్న తమను అన్యాయంగా పోలీసులు అడ్డుకున్నారని ఆరోపించారు. ఆదివాసీలు, లంబాడీల మధ్య చిచ్చుపెట్టే ప్రయత్నం జరుగుతోందన్నారు. ఈ నెల 13 న సరూర్‌ నగర్‌ ఇండోర్‌ స్టేడియం సభ నిర్వహిస్తామని వారు లంబాడీ సంఘం నేతలు తెలిపారు.

కాగా ఈ రోజు సరూర​ నగర్‌లో ఆదివాసీల మహాగర్జన సభ జరుగనుంది. ఈ సభకు ఆదివాసీలు భారీగా ప్రజలు తరలివచ్చారు. ఎస్టీల నుంచి లంబాడీలను తొలగించాలని ఈ సభ నిర్వహిస్తున్నారు. దీంతో ఈ ప్రాంతంలో భారీగా ట్రాఫిక్‌ జామ్‌ ఏర్పడింది.