'పెళ్లి చేసుకోకపోతే యాసిడ్ పోస్తా..'

వీణవంక (కరీంనగర్ జిల్లా) : తనను పెళ్లి చేసుకోకపోతే ముఖంపై యాసిడ్ పోసి చంపేస్తానని 19 ఏళ్ల యువతిని బెదిరించిన యువకుడిపై వీణవంక పోలీసులు శనివారం కేసు నమోదు చేశారు. వీణవంక మండలం మామిడాలపల్లి గ్రామానికి చెందిన అనిల్‌ రెడ్డి(22) అనే యువకుడు అదే గ్రామానికి చెందిన ఓ యువతిని కొంతకాలంగా పెళ్లి చేసుకోమని వేధిస్తున్నాడు. తనను కాకుండా వేరొకరిని చేసుకుంటే చంపేస్తానని బెదిరించడంతో బాధితురాలు ఈ విషయం తల్లిదండ్రులకు చెప్పింది. బాధితురాలి తల్లిదండ్రుల ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.