TV
ట్రాక్టర్‌ బోల్తా..ముగ్గురి మృతి
చిన్నంబావి: చిన్నంబావి మండలం వెలుగొండలో సోమవారం ఘోర ప్రమాదం జరిగింది. విద్యుత్‌ స్తంభాలతో వెళ్తున్న ఓ ట్రాక్టర్‌ అదుపుతప్పి బోల్తా పడింది. ఈ ఘటనలో ట్రాక్టర్‌ ట్రాలీపై కూర్చున్న ముగ్గురు అక్కడికక్కడే మృతిచెందారు.
మృతులు వెలుగొండ గ్రామానికి చెందిన చిన్నరాములు(42), ముస్టి రాములు(45), బయ్య హుసేనయ్య(47)లుగా గుర్తించారు. మరొకరు ప్రాణాలతో బయటపడ్డారు. ఘటన అనంతరం డ్రైవర్‌ పరారయ్యాడు. గ్రామానికి చెందిన గోపాల్‌ రెడ్డి అనే రైతు పొలానికి స్తంభాలు తీసుకెళ్తుండగా ఈ ప్రమాదం జరిగింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
