కుమార్తె గొంతు నులిమి..ఆపై

ధారూర్: కుటుంబకలహాల నేపథ్యంలో ఓ తల్లి చిన్నారిని చంపి తానూ ఆత్మహత్యకు పాల్పడింది. రంగారెడ్డి జిల్లా ధారూర్ మండలం రాళ్లచిట్టెంపల్లిలో ఈ ఘటన చోటు చేసుకుంది. గ్రామానికి చెందిన రాజు, లక్ష్మి దంపతులకు ఐదేళ్ల క్రితం వివాహమైంది. వారికి ఒక కుమార్తె శ్రీజ(9 నెలలు) ఉంది. దంపతుల మధ్య కొన్ని రోజులుగా గొడవలు జరుగుతున్నాయి. ఈ నేపథ్యంలోనే సోమవారం ఇంట్లో ఎవరూ లేని సమయంలో శ్రీజను గొంతు నులిమి చంపిన లక్ష్మి.. తర్వాత  తాను ఇంట్లో ఉరి వేసుకుని బలవన్మరణానికి పాల్పడింది. మంగళవారం ఉదయం గమనించిన స్థానికులు పోలీసులకు సమాచారం అందించారు.