TV
తెలంగాణలో భారీగా ఉద్యోగాల నియామకాలు
హైదరాబాద్: తెలంగాణలోని నిరుద్యోగులకు శుభవార్త. తెలంగాణలో భారీ ఎత్తున ప్రభుత్వ ఉద్యోగాల నియామకాలను చేపడుతున్నారు. 15 శాఖల్లో 15 వేల ఉద్యోగాలను భర్తీ చేసేందుకు ముఖ్యమంత్రి కే చంద్రశేఖర్ రావు గ్రీన్ సిగ్నల్ ఇచ్చారు. ఈ మేరకు ఫైలుపై కేసీఆర్ సంతకం చేశారు.
అభ్యర్థులకు పదేళ్ల వయోపరిమితి సడలింపు ఇచ్చారు. మొదటి దశలో వ్యవసాయం, వైద్యశాఖ, మున్సిపల్, విద్యుత్, ఎక్సైజ్ శాఖల్లో ఉద్యోగాలను భర్తీ చేయనున్నారు. పోలీసు, అనుబంధ శాఖల్లో 8 వేల ఉద్యోగాలను, విద్యుత్ శాఖలో 2681, మిగిలిన శాఖలో 4300 ఉద్యోగాల నియామకాలకు కేసీఆర్ గ్రీన్ సిగ్నల్ ఇచ్చారు.
