ఈఎస్‌ఐకి 62 ఏళ్లు

న్యూఢిల్లీ: కార్మిక రాజ్య బీమా సంస్థ(ఈఎస్‌ఐసీ)కు సోమవారంతో 62 ఏళ్లు పూర్తయ్యాయి. వివిధ రంగాల్లోని ఉద్యోగులకు సామాజిక భద్రత చేకూర్చేందుకు ఈ సంస్థ నిర్వహిస్తున్న ఈఎస్‌ఐ పథకం కూడా 62 ఏళ్లు పూర్తి చేసుకుంది. 1952 ఫిబ్రవరి 24న నాటి ప్రధాని జవహర్‌లాల్ నెహ్రూ కాన్పూర్‌లో ఈ పథకాన్ని ప్రారంభించారు. దీంతో ఫిబ్రవరి 24ను ఈఎస్‌సీఐ దినోత్సవంగా పాటిస్తున్నారు. వైద్య సేవలతోపాటు, విధినిర్వహణలో గాయపడడం, నిరుద్యోగం, మరణం తదితర సందర్భాల్లో బాధితులకు, మృతుల కుటుంబాలకు నగదు ప్రయోజనాలు చేకూర్చడానికి ఈ సెల్ఫ్ ఫైనాన్సింగ్ పథకాన్ని తీసుకొచ్చారు. ఈఎస్‌ఐసీ కాలానికి తగ్గట్టు దీని సేవలను విస్తరించింది.