'రష్యాలో రక్తం ఏరులై పారుతుంది'

'రష్యాలో రక్తం ఏరులై పారుతుంది'

కైరో: త్వరలోనే రష్యాలో దాడులు చేస్తామని ఐఎస్ఐఎస్ ఉగ్రవాద సంస్థ హెచ్చరించింది. 'త్వరలోనే, అతి త్వరలోనే రష్యాలో రక్తం ఏరులై పారుతుంది' అని రష్యన్ భాషలో పేర్కొంటూ ఇస్లామిక్ స్టేట్ విదేశీ మీడియా విభాగం అల్ హయత్ మీడియా సెంటర్ ఓ వీడియోను విడుదల చేసింది. సిరియాలో తమ ఫైటర్లపై అమెరికా, రష్యా వైమానిక దాడులు నిర్వహిస్తుండటంతో, దీనిపై ప్రతీకారం తీర్చుకుంటామని ఐఎస్ఐఎస్ ఇదివరలో ప్రకటించింది.


అమెరికా, రష్యాపై దాడులు చేయాలని పిలుపునిచ్చింది. ఈ నేపథ్యంలో రెండువారాల కిందట 200 మందికిపైగా ప్రయాణికులతో కూడిన రష్యా విమానం ఈజిప్టులోని సినాయ్ ద్వీపకల్పంలో కూలిన సంగతి తెలిసిందే. ఈ విమానంలో ఐఎస్ఐఎస్ బాంబు పెట్టినట్టు పాశ్చాత్య దేశాల నిఘా అధికారులు భావిస్తున్నారు. మరోవైపు సిరియాలో రష్యా వైమానిక దాడులు తీవ్రమయ్యాయి. ఈ నేపథ్యంలోనే రష్యన్లను హెచ్చరిస్తూ ఐఎస్ఐఎస్ ఓ వీడియో విడుదల చేసింది.