Russia

ఖెర్సన్‌: ఉక్రెయిన్‌లోని నీప్రో రైల్వే స్టేషన్‌పై గురువారం ఉదయం రష్యా జరిపిన డ్రోన్‌ దాడిలో కనీసం 14 మంది ప్రయాణికులు ప్రాణాలు కోల్పోయారు. 11 ఏళ్ల బాలుడు సహా మరో 14 మంది గాయపడ్డారని నీప్రోపెట్రోవిస్క్‌ ప్రాంత చీఫ్‌ ఒలెగ్జాండర్‌ హంజా చెప్పారు. క్షతగాత్రుల్లో ఆరుగురి పరిస్థితి విషమంగా ఉందన్నారు. జపొరిజియా వైపు వెళ్లే ఈ రైలు నీప్రో రైల్వే స్టేషన్‌లోని ఓ ప్లాట్‌ఫాం వద్ద నిలిచి ఉండగా జెట్‌ పవర్డ్‌ డ్రోన్‌ దాడి జరిగిందన్నారు. రష్యా దాడులకు పాల్పడే ప్రమాదముందంటూ ముందుగా హెచ్చరికలు చేసినప్పటికీ, ఘటన సమయంలో ప్లాట్‌ఫాంపై పెద్ద సంఖ్యలో ప్రయాణికులు నిలిచి ఉండటంతో ప్రమాద తీవ్రత పెరిగిందని వివరించారు. డ్రోన్‌ దాడి తీవ్రతకు రైలు బోగీ అద్దాలు పగిలిపోగా, భారీ గుంత ఏర్పడి, ఫ్లాట్‌ఫాం ధ్వంసమైంది. ప్రయాణికుల మృతదేహాలు ఛిద్రమై చెల్లా చెదురుగా పడి ఉన్న దృశ్యాలు ఆన్‌లైన్‌లో ప్రత్యక్షమయ్యాయి. క్షతగాత్రుల్లో చాలా మందికి బాంబు శకలాలు తగలి గాయాలయ్యాయని, నలుగురికి అత్యవసర శస్త్రచికిత్స చేస్తున్నామని స్థానిక ఆస్పత్రి వర్గాలు తెలిపాయి. రష్యా డ్రోన్‌ దాడి సమయంలో ఆ స్టేషన్‌లో రెండు ప్రయాణికుల రైళ్లు నిలిచి ఉండగా, సామాన్య ప్రయాణికులు ప్లాట్‌ఫాంలపై నిల్చుని ఉన్నారన్నారు. సామాన్య ప్రజలను లక్ష్యంగా చేసుకుని ఉగ్ర దాడులకు తెగబడుతున్న రష్యాపై మరిన్ని ఆంక్షలను విధించాలని జీ7 దేశాలను జెలెన్‌స్కీ కోరారు. కాగా, తాము ఉక్రెయిన్‌ సైనికులు, మిలటరీ సామగ్రి రవాణా వనరులను మాత్రమే లక్ష్యంగా చేసుకుని దాడులు జరుపుతున్నామని రష్యా రక్షణ శాఖ పేర్కొంది. ఇలా ఉండగా, ఉక్రెయిన్‌లోని చెరి్నహివ్‌ ప్రాంతంపై రష్యా జరిపిన క్షిపణి దాడిలో ఇద్దరు 15 ఏళ్ల బాలికలు చనిపోగా, పలువురు చిన్నారులు సహా 19 మంది గాయపడినట్లు అధికారులు వెల్లడించారు. రైళ్లపై భారీగా పెరిగిన రష్యా దాడులు రష్యా వరుస దాడులతో ఉక్రెయిన్‌లో రైలు ప్రయాణం ప్రమాదకరంగా మారిందని, ప్రయాణికుల ప్రాణాలకు భద్రత లేకుండా పోయిందని దేశ రైల్వే శాఖ ఉక్ర్‌జలిజ్‌నిట్సియా ఆందోళన వ్యక్తం చేసింది. ఉక్రెయిన్‌పై దురాక్రమణ మొదలయ్యాక రష్యా ఇప్పటి దాకా 521 రైళ్లపై దాడులు చేసినట్లు గణాంకాలు చెబుతున్నాయి. ఇందులో కనీసం 60 శాతం వరకు ఈ ఏడాదిలో జరిగినవే కావడం గమనార్హం.

ఉక్రెయిన్‌లోని డ్నిప్రో నగర ప్రధాన రైల్వే స్టేషన్‌లో రైలు నిలిచి ఉన్న ప్లాట్‌ఫామ్‌పై రష్యా డ్రోన్ దాడి జరిగి 13 మంది మరణించారు. గురువారం ఉదయం జరిగిన ఈ దాడిలో మరో 10 మంది గాయపడినట్లు ఉక్రెయిన్ అధికారులు వెల్లడించారు. దాడి సమయంలో అక్కడ ప్రయాణికుల రైళ్లు ఉన్నాయని తెలిపారు. ఉక్రెయిన్‌ రైల్వే సంస్థ టెలిగ్రామ్‌లో వెల్లడించిన వివరాల ప్రకారం.. జెట్‌ ఇంజిన్‌తో నడిచే డ్రోన్‌తో రష్యా ఈ దాడికి పాల్పడింది.డ్నిప్రో నుంచి జపోరిజ్జియా నగరానికి వెళ్లాల్సిన రైలు నంబర్‌ 866 అప్పటికి ప్లాట్‌ఫామ్‌పై ఉంది. ఆ ప్లాట్‌ఫామ్‌నే డ్రోన్‌ లక్ష్యంగా చేసుకుంది. రైల్వే స్టేషన్‌ పరిసరాల్లో ప్రమాద ముప్పు అధికంగా ఉందని ముందస్తు హెచ్చరికలు జారీ చేసినప్పటికీ, అక్కడ ప్రయాణికులు ఉన్నారని రైల్వే సంస్థ తెలిపింది. దాడి జరిగిన వెంటనే అత్యవసర సేవల సిబ్బంది ఘటనా స్థలానికి చేరుకుని సహాయక చర్యలు చేపట్టారు.చర్యలు తీసుకోవాలని జెలెన్‌స్కీ డిమాండ్‌రైల్వే స్టేషన్‌పై జరిగిన దాడిని ఉక్రెయిన్‌ అధ్యక్షుడు వొలోదిమిర్‌ జెలెన్‌స్కీ తీవ్రంగా ఖండించారు. రష్యాపై మరిన్ని ఆంక్షలు విధించాలని అమెరికా, యూరప్‌ దేశాలు, జీ7 కూటమిని కోరారు. “డ్నిప్రో రైల్వే స్టేషన్‌పై రష్యా భయంకరమైన దాడి చేసింది. సాధారణ ప్రయాణికుల రైలు, షెడ్యూల్‌ ప్రకారం నడిచే మరో ప్రయాణికుల రైలు నిలిచి ఉన్న ప్లాట్‌ఫామ్‌పై రష్యన్లు డ్రోన్‌తో దాడి చేశారు. దురదృష్టవశాత్తూ ఇప్పటివరకు 13 మంది మరణించినట్లు నిర్ధారించాం. వారి కుటుంబ సభ్యులకు నా ప్రగాఢ సానుభూతి. మరో 10 మంది గాయపడ్డారు. అవసరమైన అత్యవసర సేవలన్నీ ఘటనా స్థలంలో పనిచేస్తున్నాయి” అని ఆయన ఎక్స్‌ వేదికగా పేర్కొన్నారు. యుద్ధం కొనసాగుతున్నంతకాలం మాస్కోపై ఆంక్షలను సడలించకూడదని, కొత్తగా మరింత కఠినమైన ఆంక్షలు విధించాలని కోరారు.డ్నిప్రో నగర మేయర్‌ బోరిస్‌ ఫిలాటోవ్‌ కూడా ఈ ఘటనను విషాదభరితమని అభివర్ణించారు. పౌరుల ప్రయాణానికి ఉపయోగించే ఎలక్ట్రిక్‌ రైలుపై డ్రోన్‌ దాడి చేసిందని తెలిపారు. రైల్వే స్టేషన్‌పై దాడి పౌరుల భద్రతపై మరోసారి ఆందోళనలను పెంచింది. మృతుల సంఖ్య, గాయపడినవారి పరిస్థితిపై అధికారులు వెల్లడించే తదుపరి వివరాలతో పాటు, ఈ ఘటనకు ప్రతిస్పందనగా ఉక్రెయిన్‌కు అంతర్జాతీయ మద్దతు ఏ మేరకు పెరుగుతుందన్నది కీలకం కానుంది. A horrific Russian strike on the railway station in Dnipro. The Russians launched a drone attack on a platform where an ordinary commuter train and a scheduled passenger train were standing. Unfortunately, 13 people have been confirmed killed as of now. My condolences to their families and loved ones. Ten more people were injured. All necessary emergency services are working at the scene. Just how many terrorist strikes has Russia carried out against our people since sanctions were lifted on certain Russian oligarchs and the Russian energy sector, rather than de-escalating? This is precisely why Ukraine has always said that just and decisive action by America and Europe is needed in response to Russian escalation – sanctions against Moscow and its war machine must not be eased for as long as this Russian war continues. It is time for new, stronger sanctions steps by the EU, the United States, and the G7. I thank everyone who is ready to help in this way.— Volodymyr Zelenskyy / Володимир Зеленський (@ZelenskyyUa) October 29, 2026 ఇదీ సంగతి: సైకిల్‌ను తుక్కు తుక్కుగా ఓడించాలి: ఆర్కే రోజా

టెక్నాలజీ వేగంగా అభివృద్ధి చెందుతోంది. ముఖ్యంగా అంతరిక్ష రంగంలో అమెరికా, రష్యా వంటి దేశాలు నువ్వా.. నేనా? అన్నట్లు పోటీపడుతున్నాయి. ఈ నేపథ్యంలో.. రష్యా అధ్యక్షుడు వ్లాదిమిర్ పుతిన్ అమెరికా వ్యాపారవేత్త ఎలాన్ మస్క్‌ను నిజమైన మేధావి అని ప్రశంసించడం ఆసక్తికరంగా మారింది.ఎలాన్ మస్క్‌కు చెందిన స్పేస్‌ఎక్స్ కంపెనీ.. రాకెట్లను అంతరిక్షంలోకి పంపుతోంది. అంతేకాకుండా, స్టార్‌లింక్ పేరుతో వేలాది ఉపగ్రహాలను అంతరిక్షంలోకి పంపి, ప్రపంచవ్యాప్తంగా ఇంటర్నెట్ సేవలను అందిస్తోంది. మారుమూల ప్రాంతాల్లో కూడా ఇంటర్నెట్ అందుబాటులోకి తీసుకురావడంలో ఈ ఉపగ్రహాలు కీలక పాత్ర పోషిస్తున్నాయి.మస్క్‌పై ప్రశంసలుమాస్కోలో జరిగిన ఒక ప్రదర్శనను సందర్శించిన సమయంలో పుతిన్.., ఎలాన్ మస్క్ సాధించిన విజయాలను ప్రశంసించారు. వేలాది ఉపగ్రహాలను అంతరిక్షంలోకి పంపడం సాధారణ విషయం కాదని, అది గొప్ప సాంకేతిక విజయమని ఆయన అభిప్రాయపడ్డారు. రష్యా కూడా ఈ రంగంలో ముందుకు వెళ్లేందుకు ప్రయత్నిస్తోందని, అయితే.. ప్రస్తుతం తాము ప్రారంభ దశలో ఉన్నామని పేర్కొన్నారు.రష్యాకు అంతరిక్ష పరిశోధనలో సుదీర్ఘ చరిత్ర ఉంది. అయినప్పటికీ.. స్టార్‌లింక్ వంటి శాటిలైట్ ఇంటర్నెట్ వ్యవస్థను అభివృద్ధి చేయాలని ఆ దేశం భావిస్తోంది. దీనివల్ల సాధారణ ప్రజలకు ఇంటర్నెట్ అందించడంతో పాటు, సైనిక అవసరాలకు కూడా ఉపయోగపడే సమాచార వ్యవస్థను ఏర్పాటు చేసుకోవచ్చు.ఉక్రెయిన్-రష్యా యుద్ధంలో స్టార్‌లింక్ సేవలుమరోవైపు.. ఉక్రెయిన్-రష్యా యుద్ధంలో స్టార్‌లింక్ సేవలు కీలకంగా మారాయి. ఉక్రెయిన్ సైన్యం సమాచార మార్పిడికి ఈ సేవలను ఉపయోగిస్తోంది. అయితే.. శాటిలైట సమాచార సేవల వినియోగం, వాటి లభ్యత విషయంలో అమెరికా, ఉక్రెయిన్ మధ్య వివాదాలు తలెత్తాయి. సేవల్లో అంతరాయాలు ఏర్పడటం వల్ల డ్రోన్లను అడ్డుకోవడం, సైనిక సమాచారాన్ని చేరవేయడం వంటి కార్యకలాపాలపై ప్రభావం పడిందని ఉక్రెయిన్ పేర్కొంది. అయితే, ఈ అంతరాయాలకు తామే కారణమనే ఆరోపణలను ట్రంప్, మస్క్ ఖండించారు.దీన్నిబట్టి చూస్తే.. శాటిలైట్ ఇంటర్నెట్ అనేది కేవలం ప్రజలకు ఇంటర్నెట్ అందించే సాంకేతికత మాత్రమే కాదు. దేశాల భద్రతకు, సైనిక కార్యకలాపాలకు, అంతర్జాతీయ రాజకీయాలకు కూడా ఇది ఎంతో ముఖ్యమైనదిగా స్పష్టమవుతోంది.ఇదీ చదవండి: బంగారంపై నడిచే రోజులు వస్తున్నాయ్!

కీవ్‌: ఐదేళ్లుగా సాగుతూనే ఉన్న రష్యా, ఉక్రెయిన్‌ యుద్ధంలో ఒక ఆసక్తికర పరిణామం చోటు చేసుకుంది. రష్యా సరిహద్దుల్లో గాయాలతో రెండు రోజులుగా కదల్లేకపోయిన ఇద్దరు సైనికులను తాము ప్రత్యకమైన డ్రోన్‌ సాయంతో సురక్షిత ప్రాంతానికి తరలించినట్లు మిలటరీ అధికారులు ప్రకటించారు. గాయపడ్డ సైనికులను యుద్ధ క్షేత్రం నుంచి తరలించేందుకు డ్రోన్‌ను వాడటం ప్రపంచంలోనే ఇది మొదటిసారి అవుతుంది. స్టార్‌గేట్‌ అని పిలుస్తున్న ఈ డ్రోన్‌ను స్కైఫాల్‌ అనే సంస్థ అభివృద్ధి చేసినట్లు సమాచారం. మొత్తం ఆరు రోటర్లు ఉండే దీంట్లో చిన్న క్యాప్సూల్‌ లాంటి నిర్మాణం ఉంటుంది. గత వారం రోజుల్లో రెండుసార్లు ఈ డ్రోన్‌ సాయంతో గాయపడ్డ సైనికులను ఆసుపత్రులకు తరలించినట్లు 475 స్పెష్‌ అసాల్ట్‌ రెజిమెంట్‌ అధికారులు తెలిపారు. ‘‘గాయంతో నా పాదం సగం తెగిపోయింది. రక్తం విపరీతంగా పోయింది. నడిచే పరిíస్థితిలో లేను. ఎవరైనా నన్ను తరలిస్తారేమో అని రెండు రోజులు ఎదురు చూశా. కానీ చివరకు నన్ను రక్షించేందుకు డ్రోన్‌ వచ్చింది’’అని 24 ఏళ్ల సైనికుడు ఒకరు ఆసుపత్రి నుంచి ఇచ్చిన వీడియో ఇంటర్వ్యూలో తెలిపారు. ఈ యువ సైనికుడు ఫస్ట్‌ టెరిటోరియల్‌ డిఫెన్స్‌ బ్రిగేడ్‌కు చెందిన వాడని, లైజమ్‌ అన్న మిలటరీ పేరు ఉన్నవాడని అధికారులు చెప్పారు. ‘‘ఆ డ్రోన్‌ రాకపోయి ఉంటే... అక్కడి నుంచి బయటపడటం నాకు సాధ్యమయ్యేదే కాదు’’అని లైజమ్‌ స్పష్టం చేశారు. నారింజ రంగు స్ట్రెచర్‌తో కూడిన ఆ స్టార్‌గేట్‌ డ్రోన్‌ ఏపుగా ఎదిగిన గడ్డి పొదల్లో ల్యాండ్‌ అయ్యిందని, డ్రోన్‌లోని ఫైబర్‌ ఆప్టిక్‌ స్పూల్‌ కేబుల్‌కు గడ్డి చుట్టుకుపోవడంతో అక్కడే ఇరుక్కుపోతుందని తామంతా భయపడ్డామని లైజమ్, అతడి సహచరులు తెలిపారు. అదృష్టవశాత్తూ అలాంటిదేమీ జరక్కపోగా లైజమ్‌తోపాటు అది 15 నిమిషాల్లో సురక్షిత ప్రాంతానికి చేరుకుంది. లైజమ్‌ మాదిరిగానే మరో సైనికుడు ఆర్టెమ్‌ కూడా తీవ్రంగా గాయపడి రష్యా సరిహద్దులకు ఐదు కిలోమీటర్ల దూరంలో ఉండగా స్టార్‌గేట్‌ డ్రోన్‌ రక్షించింది. ఈ డ్రోన్‌ సుమారు 150 కిలోల బరువు మోయగలదు. అలాగే దీంట్లో సిగ్నల్‌ జామర్లతోపాటు తనంతట తాను దారి చూసుకుని ప్రయాణించగల వ్యవస్థలు కూడా ఉన్నాయి.

శ్రీలంక, బంగ్లాదేశ్, నేపాల్‌ తర్వాత మరో దేశమైన సెర్బియాలో సైతం యువతరం తడాఖా చూపింది. ఆగ్నేయ యూరోప్‌లో డాన్యూబ్, సావా నదుల సంగమస్థలమైన దాని రాజధాని నగరం బెల్‌గ్రేడ్‌ సోమవారం లక్షలమంది జనంతో ఉప్పొంగిపోయింది. ఒక నాయకుడంటూ లేకుండా, నిర్దిష్టమైన విధివిధానాలు రూపొందించుకోకుండా విద్యార్థులు ఏకమై నెలకొల్పిన స్టూడెంట్‌ లిస్ట్‌ పార్టీ 53.3 శాతం ఓట్లతో, 140 స్థానాల్లో జయభేరి మోగించటం ఆ విజయోత్సవానికి కారణం. 250 స్థానాలున్న పార్లమెంటుకు పన్నెండేళ్ల క్రితం అధికారంలోకొచ్చిన ప్రస్తుత అధ్యక్షుడు అలెక్సాండర్‌ వూచిచ్‌ ఆ పక్కనున్న రష్యా అధ్యక్షుడు వ్లాదిమిర్‌ పుతిన్‌ను ఆదర్శంగా తీసుకుని రెండుసార్లు అధ్యక్షుడిగా పనిచేసి, మూడోసారికి కుదరదు గనుక ప్రధానిగా తిరిగొద్దామని ఎత్తుగడ వేశారు. కానీ తన పొరుగునున్న హంగేరీ అధ్యక్షుడు విక్టర్‌ ఒర్బాన్‌కు ఏమైందో గమనించుకోలేదు. తన మాదిరే ఎన్నికల సంఘం మొదలుకొని న్యాయవ్యవస్థ, మీడియా, పారిశ్రామికరంగం వరకూ అన్నిటినీ అధీనంలోకి తెచ్చుకుని తిరుగులేని అధికారం చలాయించిన ఒర్బాన్‌ పదహారేళ్ల అనంతరం మొన్న మే నెలలో పదవీచ్యుతుడయ్యారు. దాన్నుంచి వూచిచ్‌ ఏమీ నేర్చుకోలేదు సరిగదా... అవినీతి భూతాన్ని అదుపు చేద్దామన్న స్పృహ కూడా కొరవడింది.శ్రీలంక, బంగ్లాదేశ్, నేపాల్‌ దేశాల్లో యువతరం హింసామార్గానికి మళ్లింది. అధికార సౌధాలపై దాడులకు దిగింది. పాలకుల్ని తరిమికొట్టింది. కానీ సెర్బియా యువతరం ఇందుకు భిన్నం. ప్రభుత్వం ఎంత రెచ్చగొట్టినా శాంతియుత మార్గాన్ని వీడలేదు. అందుకే రెండేళ్లనుంచి ఉద్యమం నిలకడగా సాగింది. దాన్ని అణిచేయటానికి వూచిచ్‌ చేయని ప్రయత్నమంటూ లేదు. తుపాకుల ప్రయోగం మినహా చేయాల్సిందంతా చేశారు. రాత్రి వేళల్లో అరెస్టులు, లాఠీచార్జిలు, పెప్పర్‌ స్ప్రే ప్రయోగాలు, ఉద్యమవేదికల్ని హఠాత్తుగా నిషేధిత ప్రాంతాలుగా ప్రకటించటం వగైరాలన్నీ ఉపయోగించారు. మాఫియా ముఠాలను రంగంలోకి దించారు. చురుగ్గా పనిచేసే నేతల్ని బెదిరించటం, దౌర్జన్యానికి దిగటం, ప్రధాన నగరాల్లో ప్రభుత్వ భవనాల దరిదాపుల్లోకొచ్చే యువకుల్ని బెదర గొట్టడం, ఇళ్లకు వెళ్లి చంపేస్తామని బెదిరించటం ఈ ముఠాల పని. ఉద్యమ నేతలను విదేశీ శక్తుల కిరాయిమనుషులుగా అనుకూల మీడియా సాగించిన ప్రచారం... ఉద్యమ కారుల బంధుమిత్ర గణం ద్వారా జనానికి చేరే సమాచారం ముందు వీగిపోయింది. విద్యార్థులు స్టూడెంట్‌ లిస్ట్‌ నేతలుగా వెలిగిపోవాలనుకోలేదు. నిజానికి 250 మంది జాబితాలో ఒక్క విద్యార్థి కూడా లేడు. రైతుల్ని, విశ్వవిద్యాలయ ప్రొఫెసర్లను, నటుల్ని, ఒపేరా గాయకుల్ని, క్రీడాకారుల్ని, వైద్యరంగ నిపుణుల్ని అభ్యర్థులుగా ఎంపిక చేసు కున్నారు. సంప్రదాయ పద్ధతుల్లో పార్టీ నెలకొల్పాలా వద్దా అని ఊగిసలాడినా చివరకు వివిధ నగరాలు, పట్టణాల్లోని కూడళ్లలో తరచు చర్చావేదికలు నిర్వహిస్తూ వచ్చారు. అక్కడే విధానాలు ఖరారయ్యేవి. ఆ విధానాలే ఇప్పుడు విజయాన్నిచ్చాయి. అయితే వూచిచ్‌ ఇంత త్వరగా పదవినుంచి తప్పుకుంటారని వారనుకోలేదు. బహుశా ఇదే బెల్‌గ్రేడ్‌లో 1903లో తన పేరేగల రాజుపై సైన్యం తిరుగుబాటుచేసి ఆయన్ని కిటికీ నుంచి విసిరేయడం గుర్తొచ్చి ఉండాలి. సైన్యం బలంతో అధికారానికి అంటిపెట్టుకుంటే కష్టాలు చవిచూడాల్సి వస్తుందని వూచిచ్‌ సరిగానే అంచనా వేసుకున్నారు. ఇంతకూ ఓడింది బ్రెజిల్‌లో మాదిరే మితవాద, జాతీయవాద పక్షమైనా... నెగ్గిందెవరో చెప్పటం అంత సులభం కాదు. వారు ఉదారవాదులనీ, అమెరికా డీప్‌ స్టేట్‌ ఏజెంట్లనీ వూచిచ్‌ ప్రచారం చేశారు. అటు ట్రంప్‌కు సైతం అలాంటి ఆశ ఉంది. బెల్‌గ్రేడ్‌లో ట్రంప్‌ టవర్‌కు వూచిచ్‌ అనుమతించకపోవడం ఆయనకు ఆగ్రహం కలిగించింది. కానీ స్టూడెంట్‌ లిస్ట్‌ అంత తేలిగ్గా అమెరికాను అక్కున చేర్చుకునే రకం కాదు. వారు మౌలికంగా ప్రజాస్వామికవాదులు. జాతీయవాదం తమలో ఏం తక్కువలేదని ఉద్యమ సందర్భంలో చాటారు. యూరోప్‌ యూనియన్‌(ఈయూ)లో చేరతామంటూనే సెర్బియా రష్యా వైపు మొగ్గడం ఆ సంస్థకు నచ్చలేదు. స్టూడెంట్‌ లిస్ట్‌ పార్టీకి ఈయూపై ఆసక్తే లేదు. మొత్తానికి నిలకడగా, సూత్రబద్ధంగా పోరాడి సాధించిన విజయం పాలనలో ఎన్నెన్ని మలుపులు తిరుగుతుందో వేచి చూడాలి.

యుద్ధభూమిలో 491 రోజుల పాటు మృత్యువుతో పోరాడాడు.. రష్యా డ్రోన్ల నిఘా మధ్య బిక్కుబిక్కుమంటూ బతికాడు.. తోటి సైనికుడు కళ్ల ముందే ప్రాణాలు కోల్పోయారు. గాయాలతో కదల్లేని స్థితికి చేరుకున్నాడు. చివరకు బతకడం కోసం తన కాలును తానే కత్తితో కోసుకున్నాడు. ఉక్రెయిన్‌కు చెందిన 49 ఏళ్ల సైనికుడు కొస్త్యాంటిన్ వ్లాసెంకో కథ వింటే ఎవరికైనా గుండె తరుక్కుపోతుంది. దాదాపు ఎనిమిది నెలల పాటు శిథిలమైన పాఠశాలలోని బాయిలర్ కింద చిన్న గుహలాంటి ప్రదేశంలో ఒంటరిగా గడిపిన అతడిని.. చివరకు ఓ భారీ డ్రోన్ సురక్షిత ప్రాంతానికి చేర్చింది. ఉక్రెయిన్‌లోని క్రివీ రిహ్‌కు చెందిన వ్లాసెంకో 30వ మెకనైజ్డ్ బ్రిగేడ్‌లో సైనికుడిగా పనిచేస్తున్నాడు. యుద్ధానికి ముందు భారీ ట్రక్కులను నడిపే ఉద్యోగం చేసేవాడు. యుద్ధం ప్రారంభమైన తర్వాత స్వచ్ఛందంగా సైన్యంలో చేరాడు. గతేడాది అతడిని వెర్టున్‌ అనే ఫ్రంట్‌లైన్ ప్రాంతానికి పంపించారు. అక్కడ బాస్కీ అనే కాల్‌సైన్‌ ఉన్న మరో సైనికుడితో కలిసి విధులు నిర్వహించేవాడు. వారి నివాసం ఓ కాంక్రీట్ డ్రైనేజీ పైపు, దాని పక్కన తవ్విన ఒక షెల్టర్ ఉండేది.డ్రోన్ల ద్వారా ఆహారం, ఇతర అవసరాలను అందించేవారు. అయితే, ఆ ప్రాంతంలో రష్యా డ్రోన్ల దాడులు పెరిగిపోవడంతో పరిస్థితి పూర్తిగా మారిపోయింది. తమ చుట్టూ ఎక్కడ చూసినా డ్రోన్లే కనిపించేవని వ్లాసెంకో గుర్తుచేసుకున్నాడు. ఫిబ్రవరి మధ్యలో వారు ఉంటున్న గుంతలోకి నీరు చేరడంతో ఇద్దరూ సమీపంలోని శిథిలమైన పాఠశాలలోకి వెళ్లారు. అక్కడి నుంచి పొడి దుస్తులు, ఆహార పొట్లాలు తెచ్చుకునేందుకు బయటకు వెళ్లిన సమయంలో రష్యా నిఘా డ్రోన్ వారిని గుర్తించింది. ఆ తర్వాత మరో డ్రోన్ దాడి చేసింది. ఫిబ్రవరి 16న జరిగిన ఈ దాడిలో బాస్కీ ప్రాణాలు కోల్పోయాడు. అదే రోజు అతడి 50వ పుట్టినరోజు కావడం గమనార్హం.ఈ దాడిలో వ్లాసెంకో ఎడమ పాదానికి తీవ్ర గాయమైంది. కుడి కాలుకు కూడా బలమైన దెబ్బ తగిలింది. కాలక్రమంలో ఎడమ పాదం కుళ్లిపోయింది. కుడి కాలు పరిస్థితి కూడా మరింత దిగజారింది. నడవలేని స్థితిలో పాకుతూ వెళ్లి.. పాఠశాలలోని బాయిలర్ కింద ఉన్న చిన్న ప్రదేశంలో తలదాచుకున్నాడు.వ్లాసెంకోను లొంగదీసుకునేందుకు రష్యా సైన్యం మరో ప్రయత్నం చేసింది. అతడు దాక్కున్న ప్రాంతానికి ఓ డ్రోన్ ద్వారా లౌడ్‌స్పీకర్‌ను జారవిడిచింది. అందులో రికార్డు చేసిన ఓ గొంతు వినిపించింది. నువ్వు ఇక్కడే ఉన్నావని మాకు తెలుసు. నమ్ము.. నీ సహచరులు నిన్ను కాపాడలేరంటూ ఆ సందేశం వినిపించింది. అయినా వ్లాసెంకో ధైర్యం కోల్పోలేదు. ప్రతి నాలుగు నుంచి ఐదు రోజులకు ఒకసారి డ్రోన్ల ద్వారా ఆహారం, మందులు, సిగరెట్లు, స్వీట్లు అందేవి. రేడియో ద్వారా తనపై అధికారులతో మాట్లాడేవాడు. ఎవరితోనైనా మాట్లాడగలగడమే తనకు ఎంతో సంతోషాన్నిచ్చేదని చెప్పాడు.అతడి భార్య స్టీఫెన్ కింగ్ రాసిన పుస్తకాన్ని కూడా పంపించింది. నెలల తరబడి ఒంటరిగా గడిపిన అతడు ఆ పుస్తకాన్ని చదువుతూ కాలం వెళ్లదీశాడు. బతకడం కోసం కత్తితో తన కాలును తానే కోసుకున్నాడు. కుడి కాలి గాయం రోజురోజుకూ తీవ్రమైంది. ఎముక చర్మం నుంచి బయటకు పొడుచుకొచ్చే పరిస్థితి ఏర్పడింది. ఆహారం కోసం పాకుతూ వెళ్లిన ప్రతిసారీ గాయం మరింత పెద్దదయ్యేది. చివరకు ఆ కాలును తొలగించుకోవడం తప్ప మరో మార్గం లేదని భావించాడు. ఓ ఇటుకపై కాలును ఉంచి, కత్తి తీసుకుని తానే కోసుకున్నాడు. రక్తస్రావాన్ని ఆపేందుకు టోర్నికెట్‌ కట్టుకున్నాడు. కత్తితో కోస్తున్నప్పుడు కన్నీళ్లు వచ్చాయి. అయినా తప్పలేదని వ్లాసెంకో తెలిపాడు.వ్లాసెంకోను అక్కడి నుంచి బయటకు తీసుకురావడం సైన్యానికి పెద్ద సవాలుగా మారింది. రహదారులన్నీ రష్యా డ్రోన్ల నిఘాలో ఉండటంతో ట్రక్కులు, సాయుధ వాహనాలు వెళ్లలేని పరిస్థితి. అతడిని చేరుకోవడానికి పంపిన రెండు గ్రౌండ్ రోబోలను కూడా ధ్వంసం చేశారు. దీంతో బెటాలియన్‌లో డ్రోన్ కార్యకలాపాలను పర్యవేక్షించే అలెక్స్ అనే అధికారి వినూత్న ఆలోచన చేశాడు.ఉక్రెయిన్‌కు చెందిన గుర్జుఫ్ డిఫెన్స్ తయారు చేసిన ఆరు రోటర్లు ఉన్న భారీ డ్రోన్‌తో అతడిని బయటకు తీసుకురావాలని నిర్ణయించారు. ఈ ఆలోచన నుంచి ఆపరేషన్‌ కార్యరూపం దాల్చే వరకు దాదాపు ఆరు నెలలు పట్టింది. రెస్క్యూ కోసం ప్రత్యేకమైన హార్నెస్‌, సూచనల వీడియోలు ఉన్న ఫోన్‌ను డ్రోన్ ద్వారా వ్లాసెంకోకు పంపించారు. వాటిని ఉపయోగించడం ఎలా అనేది అతడికి వివరించారు. 70 మీటర్ల ఎత్తులో గాల్లో ప్రయాణం. అక్టోబర్ 4న అసలు ఆపరేషన్‌ ప్రారంభమైంది. భారీ డ్రోన్‌ వద్దకు చేరుకున్న వ్లాసెంకో ప్రత్యేక హార్నెస్‌ను దానికి అమర్చిన విన్చ్‌ హుక్‌కు తగిలించుకున్నాడు. అనంతరం డ్రోన్ అతడిని దాదాపు 70 మీటర్ల ఎత్తుకు పైకి లేపింది. అలా గాల్లోనే సుమారు 15 కిలోమీటర్లు ప్రయాణించి.. యుద్ధభూమి నుంచి సురక్షిత ప్రాంతానికి తీసుకెళ్లింది.ఇదీ చదవండి: టైగర్ ష్రాఫ్ రోజూ తాగే నీరు ఖర్చు రూ.3,600

మాస్కో: కొత్త దిగుమతి ఒప్పందం ప్రకారం రష్యా నుంచి మొట్టమొదటి డీజిల్‌ ట్యాంకర్‌ అమెరికాతో బయలుదేరిందని రష్యా అధ్యక్ష భవనం క్రెమ్లిన్‌ శుక్రవారం ప్రకటించింది. ఇకపై తమ అంతర్జాతీయ వినియోగదారులకు క్రమం తప్పకుండా చమురు రవాణా కొనసాగుతుందని క్రెమ్లిన్‌ ప్రతినిధి దిమిత్రీ పెష్కోవ్‌ వివరించారు. ఇంతకుమించి వివరాలను పెష్కోవ్‌ వెల్లడించలేదు. మొదటి ట్యాంకర్‌లో 40 వేల టన్నులు అంటే సుమారు 3 లక్షల బారెళ్ల డీజిల్‌ ఉంటుందని వారం క్రితం రష్యా ఉప ప్రధాని నొవాక్‌ తెలిపారని అక్కడి వార్తా సంస్థలు తెలిపాయి. అమెరికా రోజువారీ డీజిల్‌ వాడకం 40 లక్షల బారెళ్ల మేర ఉంటుందని అంచనా. బాలి్టక్‌ సముద్ర నౌకాశ్రయం ప్రిమోర్‌స్క్‌ నుంచి ఈ నెల 22న బయలుదేరిన ఈ ట్యాంకర్‌ నవంబర్‌ 7వ తేదీన న్యూయార్క్‌కు చేరుకునే అవకాశం ఉందని మెరైన్‌ ఇంటెలిజెన్స్‌ సంస్థ కెప్లెర్‌ తెలిపింది. కాగా, 2023 జూలై తర్వాత రష్యా నుంచి అమెరికాకు వస్తున్న మొట్ట మొదటి నౌక ఇదే కావడం గమనార్హం. ఉక్రెయిన్‌పై దురాక్రమణ చేపట్టిన రష్యాపై అమెరికా సహా పశి్చమదేశాలు తీవ్ర ఆంక్షలు అమలు చేస్తున్న విషయం తెల్సిందే. అయినప్పటికీ, దేశంలో ఇంధన ధరలు విపరీతంగా పెరిగిపోతుండటం, మధ్యంతర ఎన్నికలు సమీపిస్తుండటంతో ప్రజా వ్యతిరేకతను తగ్గించుకునేందుకు ట్రంప్‌ రెండు వారాల క్రితం రష్యాతో ఇంధన ఒప్పందానికి పచ్చజెండా ఊపారు. మారిన అమెరికా వైఖరి రష్యా అధ్యక్షుడు పుతిన్‌ సాగిస్తున్న దురాక్రమణకు ఊతమిచ్చేలా ఉందంటూ ఉక్రెయిన్‌ అధ్యక్షుడు జెలెన్‌స్కీ తీవ్ర ఆందోళన వ్యక్తం చేసినప్పటికీ ట్రంప్‌ పట్టించుకోలేదు.

కీవ్‌: రష్యా, ఉక్రెయిన్‌ యుద్ధానికి తెరపడుతుందన్న ఆశలు మరోసారి నీరుగారిపోయాయి. యుద్ధ విరమణకు సంబంధించి త్రైపాక్షిక చర్చలకు ఒకే అని ప్రకటించి కొన్ని గంటలు కూడా కాకుండానే రష్యా అధ్యక్షుడు వ్లాదిమిర్‌ పుతిన్‌ ఉక్రెయిన్‌ రాజధాని కీవ్‌పై క్షిపణులతో విరుచుకుపడ్డారు. కొన్ని గంటలపాటు జరిగిన ఈ దాడులతో కీవ్‌ నగరం తీవ్రంగా దెబ్బతిన్నట్లు తెలస్తోంది. మరోవైపు ఉక్రెయిన్‌ ప్రయోగించిన దాదాపు 808 డ్రోన్లను తమ వైమానిక రక్షణ వ్యవస్థలు విజయవంతంగా అడ్డుకున్నాయని రష్యా గురువారం ప్రకటించింది. రష్యా దాడుల్లో ఇద్దరు మరణించినట్లు, పలువురు గాయపడినట్లు ఉక్రెయిన్‌ తెలిపింది. రష్యా, ఉక్రెయిన్‌ల మధ్య సుమారు ఐదేళ్లుగా తీవ్రస్థాయి యుద్ధం జరుగుతున్న విషయం తెలిసిందే. అయితే ఈ యుద్ధాన్ని నిలిపివేసేందుకు ఇటీవలి కాలంలో అమెరికా చొరవ తీసుకుంటోంది. ట్రంప్‌ తరఫున దౌత్యవేత్త స్టీవ్‌ విట్‌కాఫ్‌ బుధవారమే రష్యా అధ్యక్షుడు వ్లాదిమిర్‌ పుతిన్‌తో సెయింట్‌ పీటర్స్‌బెర్గ్‌లో విస్తృత చర్చలు కూడా జరిపారు. అంతకుముందు నార్వేలోని ఓస్లోలో ఉక్రెయిన్‌ అధ్యక్షుడు జెలెన్‌స్కీతోనూ విట్‌కాఫ్‌ సమావేశమై యుద్ధ విరమణకు సంబంధించిన ప్రతిపాదనలపై చర్చించారు. ఈ ఏడాది జనవరి, ఫిబ్రవరిల్లో అమెరికా, రష్యా, ఉక్రెయిన్‌లు అబూదాబీ, యునైటెడ్‌ అరబ్‌ ఎమిరైట్స్‌లలో రెండుసార్లు, జెనీవాలో ఫిబ్రవరిలోనే మరోసారి యుద్ధ విరమణపై చర్చలు జరిపాయి. అయితే వీటిల్లో చెప్పుకోదగ్గ పురోగతి ఏదీ కనిపించలేదు. ఖైదీల మారి్పడికి మాత్రం అంగీకారం కుదిరింది. భీకరమైన దాడులు కొనసాగాయి. ఈ నేపథ్యంలోనే బుధవారం పుతిన్‌ త్రైపాక్షిక చర్చలకు సూత్రప్రాయంగా అంగీకరించడం, ఆ వెంటనే ఉక్రెయిన్‌పై దాడులకు దిగడానికి ప్రాధాన్యం ఏర్పడింది. ఇదిలా ఉంటే ఉక్రెయిన్‌ అధ్యక్షుడు జెలెన్‌స్కీ వాదన మరోలా ఉంది. ఇరుదేశాల నేతలు ముఖాముఖి చర్చలు జరిపితేనే శాంతికి ఆస్కారముంటుందని, దౌత్యబృందాల చర్చలు సాంకేతిక అంశాలకు మాత్రమే పరిమితమని ఆయన వ్యాఖ్యానిస్తున్నారు. అంతేకాకుండా.. రష్యా వైఖరిలో మార్పేమీ లేదన్నది బుధవారం రాత్రి ఉక్రెయిన్‌లోని పన్నెండు ప్రాంతాలపై జరిగిన క్షిపణి దాడులు స్పష్టం చేస్తున్నాయని ఆయన అంటున్నారు. సామాజిక మాధ్యమాల్లో ఆయన ఒక పోస్టు చేస్తూ రష్యా క్షిపణి దాడుల్లో ఇద్దరు ప్రాణాలు కోల్పోయారని, ఐదుగురు పిల్లలతోపాటు 34 మంది గాయపడ్డారని ఆవేదన వ్యక్తం చేశారు. బుధవారం రాత్రి మూడు దశల్లో జరిగిన 21 క్షిపణుల దాడులతో కీవ్‌ నగరం మొత్తం భీకర శబ్దాలతో నిండిపోయిందని, భవనాలు, విద్యుచ్ఛక్తి వ్యవస్థలు దెబ్బతిన్నాయని వివరించారు. కీవ్‌లో ఒకరు, ఖార్కివ్‌ పరిసర ప్రాంతాల్లో మరొకరు మరణించినట్లు తెలిపారు. రష్యా దాడులను ఎదుర్కొనేందుకు మరిన్ని పాట్రియట్‌ ఆయుధ వ్యవస్థలు పంపించాలని, రష్యాపై మరిన్ని ఆంక్షలు విధించాలని జెలెన్‌స్కీ అమెరికాను ఇప్పటికే పలుమార్లు కోరిన విషయం ఇక్కడ చెప్పుకోవాల్సిన అంశం. అయితే అమెరికా అధ్యక్షుడు డొనాల్డ్‌ ట్రంప్‌ ఇటీవలి కాలంలో ఉక్రెయిన్‌కు దూరంగా, రష్యాకు దగ్గరగా మారిపోతున్నారు. ఆంక్షలపై తాత్కాలిక నిషేధం విధించి రష్యా డీజిల్‌ కొనుగోలుకు సై అనడం ఇందుకు నిదర్శనం. ఈ నేపథ్యంలో ఇరుదేశాల మధ్య శాంతి అన్నది ఎప్పటికి సాధ్యమవుతుందో తెలియని పరిస్థితి నెలకొంది.

మాస్కో: రష్యా, ఉక్రెయిన్‌ల యుద్ధానికి తెరపడే దిశగా తొలి అడు గు పడింది. నవంబర్‌ నెల పదవ తేదీ తరువాత ఉక్రెయిన్‌తో చర్చ లు పునరుద్ధరించేందుకు రష్యా అధ్యక్షుడు పుతిన్‌ సైద్ధాంతికంగా అంగీకారం తెలిపినట్లు రష్యా విదేశీ వ్యవహారాల శాఖ సలహాదారు యూరి ఉషకోవ్‌ బుధవారం ప్రకటించారు. అమెరికా దౌత్యవేత్త స్టీవ్‌ విట్‌కాఫ్, రష్యా అధ్యక్షుడు పుతిన్‌ల మధ్య సెయింట్‌ పీటర్స్‌బెర్గ్‌లో చర్చల అనంతరం యూరి ఉషకోవ్‌ విలేకరులతో మాట్లాడారు. త్రైపాక్షిక చర్చలు ఘర్షణలు ముగిసిన తరువాత రష్యా, ఉక్రెయిన్లు వ్యవస్థల నిర్మాణంపై దృష్టి పెడతాయని తెలిపారు. దాదాపు ఐదేళ్లుగా కొనసాగుతున్న రష్యా, ఉక్రెయిన్‌ల యుద్ధాన్ని నిలిపివేసే దిశగా ఒక ఒప్పందం కుదర్చడానికి అమెరికా అధ్యక్షుడు డొనాల్డ్‌ ట్రంప్‌ కొంతకాలంగా ప్రయతి్నస్తున్న సంగతి తెలిసిందే. ఒకపక్క యుద్ధాన్ని ముగించమని ఉక్రెయిన్‌పై ఒత్తిడి తీసుకొస్తూనే మరోవైపు విట్‌కాఫ్‌ ద్వారా పుతిన్‌తో చర్చలు కొనసాగిస్తున్నారు ట్రంప్‌. ఈ నేపథ్యంలోనే బుధవారం సుమారు 3 గంటలపాటు పుతిన్, విట్‌కాఫ్‌ల మధ్య జరిగిన చర్చలకు ప్రాధాన్యమేర్పడింది. సెయింట్‌ పీటర్స్‌బర్గ్‌లోని కాన్‌స్టాంటిన్‌ ప్యాలెస్‌లో రష్యా అధ్యక్షుడు పుతిన్‌తో అమెరికా ప్రతినిధి విట్‌కాఫ్‌ సమావేశమయ్యారు. ఈ చర్చల్లో ఉషకోవ్, రష్యా అధ్యక్షుడి ప్రత్యేక ప్రతినిధి కిరిల్‌ దిమిత్రియెవ్‌ కూడా పాల్గొన్నారు. వీడియో లింక్‌ ద్వారా ట్రంప్‌ అల్లుడు జారెడ్‌ కుష్నర్‌ కూడా పాల్గొన్నట్లు విట్‌కాఫ్‌ తెలిపారు. ఓస్లోలో జరిగిన సమావేశం వివరాలను పుతిన్‌కు తెలియజేసినట్లు చెప్పారు. చర్చల సందర్భంగా అమెరికా–రష్యా ఆర్థిక సంబంధాల పునరుద్ధరణ అవకాశాలతోపాటు ఇరాన్‌ యుద్ధంపై కూడా చర్చించేందుకు పుతిన్‌ సుముఖత వ్యక్తం చేశారని, ఇరాన్‌తోతమకున్న ప్రత్యేక సంబంధాల సాయంతో శాంతిని నెలకొల్పేందుకు మాస్కో సిద్ధంగా ఉన్నట్లు పుతిన్‌ చెప్పారని విట్‌కాఫ్‌ తెలిపారు. యుద్ధ విరమణ కోసం చొరవ తీసుకుంటున్నందుకు ట్రంప్, విట్‌కాఫ్‌లకు పుతిన్‌ కృతజ్ఞతలు తెలిపినట్లు సమాచారం.

అమెరికాకు డీజిల్‌ సరఫరా చేసేందుకు రష్యా తొలి ట్యాంకర్‌ను గురువారం (అక్టోబర్‌ 22) పంపించనుంది. అమెరికా అధ్యక్షుడు డొనాల్డ్‌ ట్రంప్‌, రష్యా అధ్యక్షుడు పుతిన్‌ మధ్య కుదిరిన ఒప్పందంలో భాగంగా ఈ రవాణా చేపడుతున్నట్లు రష్యా ఉప ప్రధాని అలెగ్జాండర్‌ నోవాక్‌ వెల్లడించారు. తొలి నౌకలో 40 వేల టన్నుల డీజిల్‌ ఉంటుందని ఆయన పేర్కొన్నట్లు వార్తా సంస్థలు తెలిపాయి. ఇంధన సరఫరాకు సంబంధించిన ఒప్పంద పత్రాల ప్రక్రియ తుది దశలో ఉందని వివరించారు.ఎగుమతులపై ఆంక్షల సడలింపుదేశీయంగా ఇంధన కొరతను ఎదుర్కొనేందుకు రష్యా గతంలో డీజిల్‌ ఎగుమతులపై స్వీయ ఆంక్షలు విధించింది. రిఫైనరీలపై ఉక్రెయిన్‌ డ్రోన్‌ దాడుల ప్రభావంతో సరఫరా సమస్యలు తలెత్తిన నేపథ్యంలో ఈ నిర్ణయం తీసుకుంది. అయితే, అక్టోబర్‌ 9న ట్రంప్‌తో కుదిరిన ఒప్పందం అనంతరం ఎగుమతులపై ఆంక్షలను రష్యా సడలించింది. అమెరికాతో పాటు అంతర్జాతీయ మార్కెట్లకు ఇంధన సరఫరాలను పెంచడమే ఈ చర్య వెనుక ప్రధాన ఉద్దేశం.మరిన్ని సరఫరాలకు ప్రణాళికతొలి నౌక తర్వాత కూడా మరింత డీజిల్‌ రవాణా కొనసాగుతుందని నోవాక్‌ తెలిపారు. అయితే, రిఫైనరీల ఉత్పత్తి సామర్థ్యం, రష్యా దేశీయ అవసరాలను బట్టి ఎగుమతులు క్రమంగా పెరుగుతాయని స్పష్టం చేశారు. ఏడాది చివరి నాటికి ఎగుమతులను పూర్తిస్థాయికి తీసుకెళ్లాలని మాస్కో లక్ష్యంగా పెట్టుకుంది.ధరలపై ప్రభావం ఎంత?ప్రపంచ మార్కెట్లో డీజిల్‌ ధరలు తగ్గించాలన్నది ఈ ఒప్పందం వెనుక అమెరికా లక్ష్యాల్లో ఒకటి. ఒప్పందం తర్వాత అంతర్జాతీయ డీజిల్‌ ధరలు 5–6 శాతం తగ్గాయని పుతిన్‌ పేర్కొన్నారు. అయితే, తొలి రవాణా పరిమాణం ఒక్కటే ప్రపంచ మార్కెట్‌పై దీర్ఘకాలిక ప్రభావం చూపుతుందని చెప్పలేం. ఈ ఒప్పందం ఉక్రెయిన్‌తో అమెరికా సంబంధాలపై కూడా ప్రభావం చూపుతోంది. ఇంధన ధరల ఉపశమనం, రష్యాపై ఆర్థిక ఒత్తిడి కొనసాగింపు మధ్య వాషింగ్టన్‌ ఎలాంటి సమతూకం పాటిస్తుందన్నది కీలకంగా మారింది.ఇదీ చదవండి: మార్కెట్లను కుదిపేసిన అమ్మకాల ఒత్తిడి

వాషింగ్టన్‌: భారత్‌–అమెరికా వాణిజ్య ఒప్పందం ఖరారు తుది దశకు చేరుకుందని అమెరికా విదేశాంగ మంత్రి మా ర్కో రూబియో సోమవారం చెప్పారు. అయితే, రష్యా నుంచి చమురు కొనుగోలు చేస్తున్నందుకు భారత్‌పై అమల్లోకి వచ్చే టారిఫ్‌లకు సంబంధించిన నిర్ణయం మాత్రమే ఇంకా మిగిలి ఉందన్నారు. జాతీయ భద్రత, అందుకు సంబంధించిన ఇతర అంశాలపై అధ్యక్షుడు నిర్ణయం తీసుకునేటప్పుడు ఈ వాణిజ్య ఒప్పంద అంశాన్ని కూడా పరిగణనలోకి తీసుకుంటామని రూబియో వెల్లడించారు. కొన్ని వాస్తవ పరిస్థితులు, ఇబ్బందుల దృష్ట్యా రష్యా నుంచి భారత్‌ చమురు కొనుగోలు చేస్తోందని చెప్పారు. కేవలం ఈ ఒక్క సమస్యను ఆధారంగా చేసుకుని ఇతర దేశాల ఆర్థిక వ్యవస్థలను ఒక్కసారిగా మార్చలేమని, ఇది చాలా సంక్లిష్టమైన విషయమని రూబియో పేర్కొన్నారు. అమెరికా విదేశాంగ విధానం కేవలం రష్యా–ఉక్రెయిన్‌ యుద్ధం చుట్టూనే తిరగదని, ఇతర దేశాలతో ద్వైపాక్షిక సంబంధాలు, వారి ఇంధన అవసరాలను తీర్చుకునే వాస్తవ సామర్థ్యాలు వంటి అనేక అంశాలను పరిగణనలోకి తీసుకుంటామని చెప్పారు. రూబియో త్వరలో ముంబైలో మంత్రి జైశంకర్‌తో ఒప్పందానికి సంబంధించిన నిర్ణయాలను ఖరారు చేసే అవకాశాలున్నాయని సమాచారం.

వాషింగ్టన్‌: భారత్‌తో సహా ఇతర దేశాలకు సుంకాల నుంచి తాత్కాలికంగా మినహాయింపు ఇవ్వడం, రష్యాపై కొన్ని ఆంక్షలు తొలగించడం అనేది ఈ చర్య వల్ల ప్రపంచవ్యాప్తంగా ఏర్పాడే ప్రభావాన్ని విశ్లేషించడానికి తీసుకున్న 60 రోజుల విరామమని అమెరికా విదేశాంగ మంత్రి మార్కో రూబియో అన్నారు. గ్రాహం చట్టం కింద అధ్యక్షుడు ట్రంప్‌ ఇచ్చిన మినహాయింపుల గురించి స్పందించారు. విదేశాలపై ఆంక్షలు, సుంకాలు విధించడం వల్ల ప్రపంచ ఆర్థిక వ్యవస్థపై, అలాగే అమెరికా ఆర్థిక వ్యవస్థపై ఎలాంటి ప్రభావం పడుతుందో విశ్లేషించుకోవడానికి అధ్యక్షుడు 60 రోజుల సమయాన్ని తీసుకున్నారని భావిస్తున్నట్లు చెప్పారు. రష్యా చమురువిషయంలో చైనా, భారత్‌లపై ఆంక్షలు విధించాలని అమెరికా తన ఐరోపా మిత్రదేశాలను కోరిందని, అయితే, ఆ దేశాలు నిరాకరించాయని అమెరికా మంత్రి స్కాట్‌ తెలిపారు.

కీవ్‌: రష్యాపై అమెరికా అధ్యక్షుడు డొనాల్డ్‌ ట్రంప్‌ ఆంక్షలను నిలిపివేయడాన్ని ఉక్రెయిన్‌ అధినేత జెలెన్‌స్కీ తప్పు పట్టారు. ట్రంప్‌ వైఖరి చాలా దురదృష్టకరమని పేర్కొన్నారు. అమెరికా, రష్యా మధ్య సంబంధాలు మెరుగవుతున్న సంగతి తెలిసిందే. రష్యా ఆర్థిక వ్యవస్థను లక్ష్యంగా చేసుకొని గతంలో విధించిన ఆంక్షలను ట్రంప్‌ నిలిపివేశారు. రష్యా నుంచి చమురు, గ్యాస్‌ కొనే దేశాలపై సుంకాలు విధించే చట్టాన్ని సైతం తాత్కాలికంగా ఆపేశారు. ఈ పరిణామాలను ఉక్రెయిన్‌కు ఆందోళన కలిగిస్తున్నాయి. శీతాకాలం సమీపిస్తున్న తరుణంలో ఉక్రెయిన్‌పై రష్యా దాడులను తీవ్రతరం చేసే అవకాశం ఉన్నట్లు తెలుస్తోంది. యుద్ధాన్ని ముగించేందుకు రష్యాపై నిజంగా తీవ్రమైన ఒత్తిడిని తీసుకురావాల్సిన లిండ్సే గ్రాహం చట్టాన్ని ట్రంప్‌ పూర్తిగా విస్మరించాలని జెలెన్‌స్కీ పేర్కొన్నారు. రష్యాపై కొత్త ఆంక్షలను తిరిగి అమలు చేయవచ్చని ఆశాభావం వ్యక్తం చేశారు. లిండ్సే గ్రాహం చట్టం అమల్లోకి రావాలన్నారు. దీనికి మద్దతుగా అందరూ మాట్లాడాలని శనివారం కోరారు. శుక్రవారం రాత్రి జరిగిన రష్యా దాడుల్లో అంబులెన్స్‌ డ్రైవర్‌తో సహా కనీసం నలుగురు మరణించారని, డజన్ల కొద్దీ గాయపడ్డారని ఉక్రెయిన్‌అధికారులు తెలిపారు. రష్యా సైన్యం ఉక్రెయిన్‌లోని ఇంధన మౌలిక సదుపాయాలపై భారీ దాడి చేసిందని, దేశవ్యాప్తంగా 15కు పైగా ప్రాంతాలను లక్ష్యంగా చేసుకుందని జెలెన్‌స్కీ తెలిపారు. రష్యా దాడుల వల్ల తీవ్ర పరిణామాలు ఏర్పడుతున్నాయని పేర్కొన్నారు.

వాషింగ్టన్‌: రష్యా నుంచి భారీగా చమురు, గ్యాస్‌ దిగుమతి చేసుకుంటున్న మొదటి ఐదు దేశాలు చైనా, భారత్, స్లోవేకియా, హంగేరి, అజర్‌బైజాన్‌లపై నేటి నుంచి అమల్లోకి రానున్న 100 శాతం సుంకాల ముప్పు తాత్కాలికంగా ఆగిపోయింది. ‘లిండ్సే ఓ గ్రాహం రష్యా, ఇరాన్‌పై ఆంక్షల చట్టం–2026’ అమల్లోకి రావడానికి సరిగ్గా ఒక్కరోజు ముందు అమెరికా అధ్యక్షుడు ట్రంప్‌ కీలక నిర్ణయం తీసుకున్నారు. ఈ మేరకు శుక్రవారం రాత్రి ఎగ్జిక్యూటివ్‌ ఆర్డర్‌పై సంతకం చేశారు. అమెరికా జాతీయ ప్రయోజనాల కోసమే ఈ నిర్ణయం తీసుకున్నట్లు ప్రకటించారు. ‘‘గ్రాహం చట్టంలో పేర్కొన్న ఆంక్షలు, పరిమితులను ఈ ఉత్తర్వు ద్వారా మినహాయిస్తున్నాను. ప్రస్తుత తరుణంలో ఇటువంటి మినహాయింపును ఇవ్వడం అమెరికా జాతీయ ప్రయోజనాలకు అనుకూలమని ధ్రువీకరిస్తూ కాంగ్రెస్‌కు ఒక పత్రాన్ని సమరి్పంచాను’’ అని కార్యనిర్వాహక ఉత్తర్వులో ట్రంప్‌ ఉద్ఘాటించారు. ఈ ఎగ్జిక్యూటివ్‌ ఆర్డర్‌ ప్రకారం రష్యా నుంచి చమురు, గ్యాస్‌ కొనే దేశాలపై సుంకాల అమలును తాత్కాలికంగా నిలిపివేస్తారు. ఒకవేళ ట్రంప్‌ కోరుకుంటే 100 శాతం సుంకాలను మళ్లీ అమల్లోకి తీసుకురావొచ్చు. ‘లిండ్సే ఓ గ్రాహం రష్యా, ఇరాన్‌పై ఆంక్షల చట్టం–2026’పై ట్రంప్‌ గత నెలలో సంతకం చేసిన సంగతి తెలిసిందే. రష్యా నుంచి ముడి చమురును కొనుగోలు చేసే మొదటి ఐదు దేశాల ఉత్పత్తులపై 100 శాతం సుంకాలు విధించడానికి, అలాగే రష్యన్‌ సంస్థలపై ఆంక్షలు విధించడానికి, రష్యా ఇంధన ఉత్పత్తులన్నింటిపై 500 శాతం సుంకాలు వసూలు చేయడానికి ఈ చట్టం కింద ట్రంప్‌కు అధికారం లభించింది. గ్రాహం చట్టం ఆదివారం నుంచే అమల్లోకి రావాల్సి ఉండగా ట్రంప్‌ ఈ నిర్ణయం నుంచి వెనక్కి తగ్గడం ప్రాధాన్యం సంతరించుకుంది. అమెరికా విదేశాంగ కార్యదర్శి మార్కో రూబియో శనివారమే రష్యా పర్యటన ప్రారంభించారు. ఈ నేపథ్యంలోనే ఎగ్జిక్యూటివ్‌ ఆర్డర్‌పై ట్రంప్‌ సంతకం చేయడం విశేషం. రష్యా నుంచి చమురు, గ్యాస్‌ కొనుగోలు చేస్తే సహించబోమంటూ ఇన్నాళ్లూ కన్నెర్ర చేసిన ట్రంప్‌ ఒక్కసారిగా తన వైఖరి మార్చుకోవడం చర్చనీయాంశంగా మారింది. అమెరికాతోపాటు ప్రపంచ మార్కెట్లకు డీజిల్‌ సరఫరా కోసం ఇటీవలే రష్యాతో ట్రంప్‌ ప్రభుత్వం ఒప్పందం కుదుర్చుకుంది. ట్రంప్‌లో ఎందుకీ మార్పు? ఇటీవల ట్రంప్, పుతిన్‌ మధ్య సాన్నిహిత్యం ఊహించని స్థాయిలో పెరుగుతోంది. రష్యా పట్ల ట్రంప్‌ సానుకూలంగా వ్యవహరిస్తున్నారు. ఉక్రెయిన్‌ అధ్యక్షుడు జెలెన్‌స్కీని బహిరంగంగా విమర్శిస్తున్నారు. ఉక్రెయిన్‌కు కొత్త నాయకుడు అవసరమని చెప్పారు. రష్యాతో యుద్ధాన్ని ముగించడానికి జెలెన్‌స్కీ చొరవ తీసుకోవడం లేదని మండిపడ్డారు. ఆయన అసమర్థ నాయకుడు అంటూ పరోక్షంగా ఆగ్రహం వ్యక్తంచేశారు. రష్యా నుంచి భారీగా డీజిల్‌ కొనడానికి గతవారం ఒక ఒప్పందాన్ని ప్రకటించారు. పుతిన్‌తో సంబంధ బాంధవ్యాలను మరింత బలోపేతం చేసుకోవాలన్న ఉద్దేశంతోనే తాజాగా ఎగ్జిక్యూటివ్‌ ఆర్డర్‌పై ట్రంప్‌ సంతకం చేసినట్లు విశ్లేషకులు అంచనా వేస్తున్నారు. ట్రంప్‌ ఎగ్జిక్యూటివ్‌ ఆర్డర్‌ను అమెరికా సెనేటర్‌ రిచర్డ్‌ బ్లూమెంతల్‌ తప్పుపట్టారు. ‘‘ఈ మినహాయింపులకు అమెరికా జాతీయ భద్రతతో ఏమాత్రం సంబంధం లేదు. రష్యా అధినేత పుతిన్‌ను ప్రసన్నం చేసుకోవడానికే ట్రంప్‌ తంటాలు పడుతున్నారు. ఈ పిరికిపంద, దౌర్భాగ్య చర్యను ఖండిస్తున్నాం’’ అని పేర్కొన్నారు. భారత్‌పై ప్రభావం గ్రాహం చట్టం ప్రకారం ట్రంప్‌ గనుక భారత్‌పై 100 శాతం సుంకాన్ని విధించి ఉంటే పరిస్థితి మరింత ఇబ్బందికరంగా మారేది. అమెరికా ప్రస్తుతం భారత్‌ నుంచి దిగుమతి అయ్యే వస్తువులపై 10 శాతం సుంకం వసూలు చేస్తోంది. బలవంతపు కారి్మకులతో తయారు చేసిన వస్తువుల ఎగుమతిని ఆపడానికి తగిన చర్యలు తీసుకోనందుకు శిక్షగా ఈ సుంకం విధించింది. ఒకవేళ 100 శాతం సుంకాలు అమల్లోకి వస్తే మొత్తం సుంకాలు మోయలేనంతగా పెరిగిపోయేవి. ట్రంప్‌ నిర్ణయంతో తాత్కాలికంగా ఊరట లభించినట్లే. గత ఏడాది భారత్, అమెరికా మధ్య సంబంధాలు ఉద్రిక్తంగా మారాయి. ఇరుదేశాల మధ్య పరస్పర సుంకాలు 25 శాతం ఉండేవి. రష్యా నుంచి చమురు కొంటున్నందుకు అదనంగా 25 శాతం సుంకాలను భారత్‌పై అమెరికా విధించింది. ఈ ఏడాది ఫిబ్రవరిలో ఈ అదనపు సుంకాలను తొలగించింది. వాణిజ్య ఒప్పందంలో భాగంగా పరస్పర సుంకాలను 18 శాతానికి తగ్గించింది.

రష్యాపై కొత్తగా విధించాల్సిన కొన్ని ఆంక్షలను సడలిస్తూ అమెరికా అధ్యక్షుడు డొనాల్డ్ ట్రంప్ తీసుకున్న నిర్ణయాన్ని రష్యా అధ్యక్షుడు పుతిన్ ప్రతినిధి కిరిల్ దిమిత్రియేవ్ స్వాగతించారు. ఈ నిర్ణయం చారిత్రాత్మకమని ఆయన అభివర్ణించారు. ఆంక్షలు, ఘర్షణలకు బదులుగా చర్చలు, ఇరు దేశాల మధ్య పరస్పర సహకారం అవసరమని తన Xలో ఖాతాలో పేర్కొన్నారు.రష్యా నుంచి చమురు, గ్యాస్ కొనుగోలు చేసే దేశాలపై భారీ సుంకాలు విధించేందుకు వీలు కల్పించే చట్టం అమలుకు ముందు ట్రంప్ కీలక ఆంక్షల నుంచి మినహాయింపునిస్తూ ఈ ఉత్తర్వుపై సంతకం చేశారు.ఇటీవల పుతిన్‌తో కుదిరిన ఒప్పందం ప్రకారం రష్యా భారీ మొత్తంలో డీజిల్‌ను అంతర్జాతీయ మార్కెట్‌కు సరఫరా చేయనుందని ట్రంప్ వెల్లడించారు. అయితే ఈ ఒప్పందం రష్యాకు ప్రయోజనం చేస్తూ, ఉక్రెయిన్‌పై యుద్ధాన్ని కొనసాగించేందుకు సహకరిస్తుందని అమెరికాలోని పలువురు రాజకీయ నేతలు విమర్శిస్తున్నారు.ఇదిలా ఉండగా మరోవైపు ఉక్రెయిన్ అధ్యక్షుడు జెలెన్‌స్కీ వచ్చే ఏడాది తమ దేశానికి దాదాపు 80 బిలియన్ డాలర్ల అదనపు ఆర్థిక సాయం అందించాలని యూరోపియన్ యూనియన్ నేతలను కోరారు.ఇదీ చదవండి: పిల్లలకూ ఇంటర్నెట్ హక్కు.. వయసు ఆధారిత నిషేధానికి 'సుప్రీం' నో

సాక్షి, హైదరాబాద్‌: పీర్జాదిగూడకు చెందిన కాంతంశెట్టి రమాప్రసాద్‌ వెంకట సత్య జయంత్‌ 2022లో రష్యాలోని కల్మికియా ప్రాంతం కల్మిక్‌ స్టేట్‌ యూనివర్సిటీలో పీజీ చదివేందుకు వెళ్లాడు. చదువయ్యాక ఆర్మీలో చేరడం తప్పనిసరన్న స్థానిక స్నేహితుల సూచన మేరకు 2024 మేలో రష్యా సైన్యంలో చేరాడు. కాగా, ఈ ఏడాది ఫిబ్రవరి 14 నుంచి జయంత్‌ గల్లంతయ్యాడు. ఫ్రిబవరి 21న డొనెట్స్క్‌లో ఉక్రెయిన్‌ డ్రోన్‌ దాడిలో జయంత్‌ గల్లంతయ్యాడు. అప్పటినుంచి తల్లి రమా..కుమారుడి జాడ చెప్పాలంటూ భారత, రష్యా ప్రభుత్వాలకు మెయిల్స్‌ పంపారు. 2024లోనే జయంత్‌ రష్యా పౌరసత్వం పొందాడని సాధారణ భారతీయ పౌరుడిగా పరిగణించడం సాధ్యం కాదని అధికారులు చెబుతున్నారు. డీఎన్‌ఏ నమూనాలను అందించారు. వీటిని ఉక్రెయిన్‌ దాడిలో మరణించిన, క్షతగాత్రులైన వారి నమూనాలతో పోల్చి చూసినప్పటికీ ఎలాంటి ఫలితం కనిపించలేదు. దీంతో శుక్రవారం ప్రవాసి ప్రజావాణిలో ఫిర్యాదు చేసింది.లక్డీకాపూల్‌: ఉమ్మడి నిజామాబాద్‌ జిల్లా యువకులు రష్యాలో నలుగురు సురక్షితంగా ఉన్నారా? అనే వివరాలు సేకరించాలని సీఎం ప్రజావాణి రాష్ట్ర ఇంచార్జ్‌ గద్వాల్‌ విజయలక్ష్మి నిజామాబాద్‌ పోలీస్‌ కమిషనర్‌ను కోరారు. శుక్రవారం ప్రజాభవన్‌లో ప్రజావాణిలో... బాధితుల కుటుంబ సభ్యులు ఆందోళన వ్యక్తం చేశారు. యువకుల ఆచూకీ, భద్రత వివరాలను త్వరలోనే తెలియజేస్తామని నిజామాబాద్‌ సీపీ సమాధానమిచ్చారు. ప్రజావాణిలో 105 దరఖాస్తులు అందాయి.

అమెరికా అధ్యక్షుడు డొనాల్డ్‌ ట్రంప్‌ భారత్‌కు భారీ ఊరటనిచ్చారు. రష్యా నుంచి చమురు కొనుగోలు చేస్తున్న దేశాలపై సుంకాలు విధించే చట్టంలోని కీలక నిబంధనల అమలును ప్రస్తుతానికి నిలిపివేశారు. భారత్‌, చైనా సహా రష్యా ఇంధనాన్ని కొనుగోలు చేస్తున్న దేశాలకు ముప్పుగా మారిన ఈ సుంకాల అమలుకు.. సరిగ్గా ఒక రోజు ముందే ట్రంప్‌ ఈ నిర్ణయం తీసుకోవడం గమనార్హం. రష్యా-ఉక్రెయిన్‌ యుద్ధానికి మాస్కోకు అందుతున్న ఆర్థిక వనరులను తగ్గించాలనే లక్ష్యంతో అమెరికా కాంగ్రెస్‌ ‘లిండ్సే ఓ. గ్రాహమ్‌ శాంక్షనింగ్‌ రష్యా అండ్‌ ఇరాన్‌ యాక్ట్‌–2026’ను ఆమోదించింది. సెప్టెంబర్‌ 18న ఈ చట్టంపై ట్రంప్‌ సంతకం చేశారు. రష్యా నుంచి ముడిచమురు, సహజ వాయువును కొనుగోలు చేసే దేశాలపై అదనపు సుంకాలు విధించేందుకు ఈ చట్టం అధ్యక్షుడికి అధికారం కల్పించింది. రష్యా ఇంధనాన్ని అత్యధికంగా దిగుమతి చేసుకునే ఐదు దేశాల నుంచి అమెరికాలోకి వచ్చే వస్తువులపై 100 శాతంలోపు ఎంతైనా సుంకాలు విధించే అవకాశం ఈ చట్టంలో ఉంది. రష్యా నుంచి చమురు, గ్యాస్‌ కొనుగోళ్లను కొనసాగించే దేశాలపై అదనపు ఆర్థిక చర్యలు తీసుకునేందుకు కూడా వీలు కల్పించింది. సంతకం చేసిన నెలలోపే దీనిపై అధ్యక్షుడు ఓ నిర్ణయం ప్రకటించాల్సి ఉంది. దీంతో రష్యా చమురును పెద్దఎత్తున కొనుగోలు చేస్తున్న భారత్‌, చైనా ఈ ముప్పును ఎదుర్కొనే పరిస్థితి ఏర్పడింది. అయితే అమెరికా జాతీయ ప్రయోజనాల దృష్ట్యా ప్రస్తుతానికి ఈ మినహాయింపు ఇస్తున్నట్లు ట్రంప్‌ ప్రకటించారు. జాతీయ ప్రయోజనాల పేరుతో మినహాయింపుఈ చట్టం కింద కొన్ని సుంకాలు, ఆంక్షల అమలును నిలిపివేస్తూ ట్రంప్‌ అక్టోబర్‌ 16న ఎగ్జిక్యూటివ్‌ ఆర్డర్‌ జారీ చేశారు. ఈ మినహాయింపు అమెరికా జాతీయ ప్రయోజనాలకు అవసరమని కాంగ్రెస్‌కు ధ్రువీకరణ సమర్పించినట్లు ఉత్తర్వుల్లో పేర్కొన్నారు. ఆంక్షలు అమలైతే అంతర్జాతీయ ఇంధన మార్కెట్‌పై ప్రభావం పడటంతో పాటు అమెరికాలో పెట్రోల్‌, డీజిల్‌ ధరలపై మరింత ఒత్తిడి పెరిగే అవకాశం ఉందని విశ్లేషకులు భావిస్తున్నారు. ముఖ్యంగా నవంబర్‌లో జరగనున్న మధ్యంతర ఎన్నికలకు ముందు ఇంధన ధరలు పెరగడం ట్రంప్‌ ప్రభుత్వానికి రాజకీయంగా సవాలుగా మారవచ్చు.భారత్‌ ముందునుంచీ ఇదే చెబుతోందిరష్యా చమురు కొనుగోళ్లపై అమెరికా అదనపు సుంకాలు విధించే ప్రతిపాదన తెరపైకి వచ్చినప్పుడే భారత్‌ తన వైఖరిని స్పష్టం చేసింది. 140 కోట్ల మంది ప్రజల ఇంధన భద్రత తమకు అత్యంత ముఖ్యమని, అంతర్జాతీయ మార్కెట్‌ పరిస్థితులకు అనుగుణంగా వివిధ దేశాల నుంచి ఇంధనాన్ని కొనుగోలు చేస్తామని భారత విదేశాంగ శాఖ తెలిపింది. ఈ అంశంపై అమెరికా అధికారులతో ఉన్నతస్థాయిలో చర్చలు జరిపినట్లు కూడా వెల్లడించింది.ఒకవేళ 100 శాతం అదనపు సుంకాలు అమలైతే అమెరికాకు ఎగుమతి చేసే భారతీయ వస్తువులపై తీవ్ర ప్రభావం పడే అవకాశం ఉండేది. అమెరికా భారత్‌కు ప్రధాన ఎగుమతి మార్కెట్‌ కావడంతో వస్త్రాలు, ఇంజినీరింగ్‌ ఉత్పత్తులు, ఇతర వస్తువుల ఎగుమతులపై అదనపు వ్యయభారం పడే ప్రమాదం ఉండేది. సుంకాల పరిధి, అమలు విధానం ఖరారైతేనే వాస్తవ ప్రభావాన్ని పూర్తిగా అంచనా వేయగలిగేవారు. తాజా నిర్ణయంతో ఆ తక్షణ ముప్పు తప్పింది. అయితే, ఇది శాశ్వత ఉపసంహరణ కాదు. భవిష్యత్తులో అవసరమని భావిస్తే ఆంక్షలను మళ్లీ అమలు చేసే అవకాశం అమెరికా అధ్యక్షుడికి ఉంటుంది. పరిస్థితులను బట్టి తదుపరి చర్యలు తీసుకునే అధికారాన్ని అమెరికా ప్రభుత్వం అట్టిపెట్టుకుంది.పుతిన్‌తో ఇంధన ఒప్పందం.. జెలెన్‌స్కీపై విమర్శలుమరోవైపు, రష్యా అధ్యక్షుడు వ్లాదిమిర్‌ పుతిన్‌తో ట్రంప్‌ సంబంధాలు, ఉక్రెయిన్‌ యుద్ధంపై అమెరికా వైఖరి కూడా చర్చనీయాంశంగా మారాయి. రష్యా నుంచి డీజిల్‌ సరఫరాలపై ఒప్పందం కుదిరినట్లు ట్రంప్‌ ఇటీవల ప్రకటించారు. అంతర్జాతీయ మార్కెట్‌లో ఇంధన సరఫరాలను పెంచడం, ధరల ఒత్తిడిని తగ్గించడం ఈ ప్రయత్నం వెనుక లక్ష్యాలుగా చెబుతున్నారు.ఇదే సమయంలో ఉక్రెయిన్‌ అధ్యక్షుడు వ్లాదిమిర్‌ జెలెన్‌స్కీపై ట్రంప్‌ విమర్శలు గుప్పిస్తున్నారు. రష్యాతో యుద్ధాన్ని ముగించే ఒప్పందాన్ని కుదుర్చుకోవడంలో జెలెన్‌స్కీ విఫలమవుతున్నారని వ్యాఖ్యానిస్తూ, ఉక్రెయిన్‌కు కొత్త నాయకుడు అవసరమని కూడా అన్నారు. రష్యాపై ఆర్థిక ఒత్తిడి పెంచేందుకు ఉద్దేశించిన చట్టంలోని సుంకాలను నిలిపివేయడం, మరోవైపు పుతిన్‌తో ఇంధన ఒప్పందంపై ముందుకు సాగడం వంటి పరిణామాలు అమెరికా విదేశాంగ విధానంపై చర్చకు దారితీశాయి.ఇదీ చదవండి: ట్రంప్‌కే ఎందుకిలా అవుతోంది!

మాస్కో: రష్యా, ఓజెర్నోవ్‌స్కీ సమీపంలోని కమ్చట్కాలో శుక్రవారం భారీ భూకంపం సంభవించింది. స్థానిక కాలమానం ప్రకారం మధ్యాహ్నం 3.36 గంటలకు ఒక నిమిషం పాటు భూమి 6.9 తీవ్రతతో కంపించింది. ఇళ్లలోని లైట్లు ఒక్కసారిగా ఊగాయి. తలుపులు మూసుకుపోయాయి. ఇళ్లలోని పరికరాలన్నీ కంపించాయి. దీంతో ఇళ్లలో ఉన్న జన ం భయంతో బయటకు పరుగులు తీశారు. కమ్చట్కా పసిఫిక్‌ రింగ్‌ ఆఫ్‌ ఫైర్‌లోనే ఉండటంతో తరచుగా భూకంపాలు వస్తుంటాయి. 2025 జూలైలో ఈ ప్రాంతం 8.8 తీవ్రతతో భూకంపాన్ని చవిచూసింది, శుక్రవారం నాటి ప్రకంపన భూమి ఉపరితలం కింద చాలా లోతులో సంభవించడంతో ఎలాంటి సుునామీ ముప్పు లేదని రష్యన్‌ అకాడమీ ఆఫ్‌ సైన్సెస్, జియోఫిజికల్‌ సర్వీస్‌ శాస్త్రవేత్తలు తెలిపారు.

కీవ్: ఉక్రెయిన్‌తో రష్యా సాగిస్తున్న భీకర యుద్ధంలో సంచలన పరిణామాలు చోటు చేసుకుంటున్నాయి. రష్యా అధ్యక్షుడు వ్లాదిమీర్ పుతిన్ అనుసరిస్తున్న యుద్ధ విధానాలపై సొంత సైన్యంలోనే తీవ్ర వ్యతిరేకత వ్యక్త మవుతోందనడానికి నిదర్శనంగా ఓ దారుణ ఘటన వెలుగులోకి వచ్చింది. రష్యా సైన్యంలో కీలక బాధ్యతలు నిర్వహిస్తున్న ఓ లెఫ్టినెంట్ స్థాయి ఆఫీసర్ ఏకంగా తన దేశానికే వెన్నుపోటు పొడిచాడు. రహస్య సమాచారాన్ని, వ్యూహాత్మక వివరాలను ఉక్రెయిన్‌కు చేరవేయడం ద్వారా ఏకంగా 300 మందికి పైగా రష్యన్ సైనికులు ప్రాణాలు కోల్పోవడానికి కారణమయ్యాడు. అంతర్జాతీయ మీడియా సంస్థ వాల్‌స్ట్రీట్ జర్నల్ కథనం ప్రపంచ వ్యాప్తంగా చర్చనీయాంశంగా మారింది.సెయింట్‌ పీటర్స్‌ బర్గ్‌లోని బుడ్యోన్నీ మిలటరీ అకాడమీ ఆఫ్ ది సిగ్నల్ కార్ప్స్ గ్రాడ్యుయేట్ స్టుప్నికోవ్.. ఉక్రెయిన్‌లోని డాన్‌బాస్ ప్రాంతంలో కీలకమైన వ్యూహాత్మక స్థానమైన వూహ్లెడార్‌ను స్వాధీనం చేసుకునే బాధ్యతలు చేపట్టిన రష్యా బెటాలియన్‌కు చీఫ్ సిగ్నల్స్ ఆఫీసర్‌గా నియమితులయ్యారు. కమాండర్లకు, యూనిట్లకు మధ్య కమ్యూనికేషన్ నెట్‌వర్క్‌ను కాపాడడం ఆయన ప్రధాన విధి. కానీ, ఆయన తన అధికారాన్ని దుర్వినియోగం చేసి, ఉక్రెయిన్ మిలటరీ ఇంటెలిజెన్స్‌కు రష్యా సైనిక స్థానాలు, కదలికలకు సంబంధించిన ఖచ్చితమైన వివరాలను రహస్యంగా అందించడం ప్రారంభించారు.యుద్ధమే అతని ఆలోచనలను మార్చేసింది!2022 ఫిబ్రవరిలో రష్యా ఉక్రెయిన్‌పై యుద్ధం ప్రారంభించినప్పుడు ..రష్యన్ హెలికాప్టర్లు ఉక్రెయిన్ నగరాలపై బాంబులు వర్షం కురిపించడం చూసి స్టుప్నికోవ్ తీవ్రంగా చలించిపోయారు. ఇది పూర్తిగా దుర్మార్గం అని భావించిన ఆయన, రష్యాలో పుతిన్ వ్యతిరేక వీడియోలు, ఉక్రెయిన్ చెరలో ఉన్న రష్యా యుద్ధ ఖైదీల ఇంటర్వ్యూలను రోజూ రాత్రి పూట తన భార్య లీజాతో కలిసి చూసేవారు.తల్లి సహాయంతో ఉక్రెయిన్ నెట్‌వర్క్‌తో కనెక్షన్స్టుప్నికోవ్ తల్లి తటియానా యాంట్‌సెన్ (49) కూడా పుతిన్ పాలనను తీవ్రంగా వ్యతిరేకించారు. 2024 ఫిబ్రవరిలో ఆమె ఉక్రెయిన్ ఇంటెలిజెన్స్‌కు అనుసంధానంగా పనిచేస్తున్న డిమిట్రో కార్పెంకో అనే కంప్యూటర్ ప్రోగ్రామర్‌ను సంప్రదించారు. రష్యా సైనికులు ఎవరైనా సైనిక సమాచారం అందిస్తే నెలకు 4వేల డాలర్లు (సుమారు రూ.3.3 లక్షలు) నగదు బహుమతి ఇస్తామని ఆఫర్ ప్రకటించడంతో, స్టుప్నికోవ్ ఈ నెట్‌వర్క్ ద్వారా సమాచారం చేరవేయడం మొదలుపెట్టారు.ఒకే ఒక్క దాడిలో 68 మంది మృతి..ఉక్రెయిన్ తూర్పు ప్రాంతంలో చలికాలం ఉదయం పూట..స్టుప్నికోవ్ కడుపునొప్పిగా నటిస్తూ తన సహచర సైనికుల నుంచి దూరంగా వెళ్లి, రష్యా బలగాలు సమావేశమైన ప్రాంతాల కోఆర్డినేట్లను ఉక్రెయిన్‌కు చేరవేశాడు. వెంటనే ఉక్రెయిన్ సైన్యం మెరుపు క్షిపణి దాడికి పాల్పడింది. ఈ దాడుల్లో ఓ కల్నల్‌తో సహా ఏకంగా 68 మంది రష్యా సైనికులు అక్కడికక్కడే మరణించగా, మరో 60 మంది గాయపడ్డారు. ఈ దాడి తర్వాత ఉక్రెయిన్ కాంటాక్ట్ స్టుప్నికోవ్‌కు మెసేజ్ చేస్తూ.. ‘పేలుళ్లు జరిగాయా? ఫోటో పంపు’ అనగా, దానికి ఆయన కూల్‌గా.. ‘ఇక్కడ కేవలం మాంసం ముక్కలే మిగిలాయి’ అని బదులిచ్చారు. ఈ సమాచారం ద్వారా మొత్తం 300 మందికి పైగా రష్యన్ సైనికులు ప్రాణాలు కోల్పోయారని డబ్ల్యూఎస్‌జే నివేదించింది.ఫ్రంట్‌లైన్ దాటి ఉక్రెయిన్‌లోకి పరారీ2024 జూలైలో ఓ రాత్రి సమయంలో స్టుప్నికోవ్ తన రష్యన్ యూనిట్ నుంచి తప్పించుకుని ఉత్తరం వైపు ఉక్రెయిన్ స్థావరాల వైపు పరుగెత్తారు. ఉక్రెయిన్ 72వ బ్రిగేడ్ సైనికులు అడిగిన ‘పాస్‌కోడ్’ ‘పీనట్ షాప్’ అని చెప్పి వారి అదుపులోకి వెళ్లారు. ఆ తర్వాత ఆయన పుతిన్ ప్రభుత్వానికి వ్యతిరేకంగా పోరాడుతున్న రష్యన్ వాలంటీర్ కార్ప్స్‌లో చేరారు. ప్రస్తుతం ఆయన అదే యూనిట్‌లో కమ్యూనికేషన్ స్పెషలిస్ట్‌గా సేవలందిస్తున్నారు.నేను నా ప్రమాణాన్ని విచ్ఛిన్నం చేశానా? స్వేచ్ఛ, స్వాతంత్ర్యం, రాజ్యాంగ వ్యవస్థను కాపాడుతానని నేను ప్రతిజ్ఞ చేశాను. కానీ, పుతిన్ ఆ మూడింటిని పూర్తిగా నాశనం చేశారు అంటూ స్టుప్నికోవ్ వాపోయారు. అయితే ఈ పరిణామాల కారణంగా ఆయన తన కుటుంబాన్ని దూరం చేసుకోవాల్సి వచ్చింది. ప్రస్తుతం ఆయన ఫ్రంట్‌లైన్ ప్రాంతాల్లో శత్రు డ్రోన్ల నుంచి కమ్యూనికేషన్ పరికరాలను కాపాడుకుంటూ అత్యంత సాదాసీదా జీవితం గడుపుతున్నారు.

రష్యాలోని కమ్చట్కా ప్రాంతాన్ని మరోసారి భారీ భూకంపం కుదిపేసింది. గురువారం రాత్రి రిక్టర్‌ స్కేల్‌పై 7 తీవ్రతతో ప్రకంపనలు సంభవించాయి. గత ఏడాది ఇదే ప్రాంతంలో సంభవించిన 8.8 తీవ్రత భూకంపం.. ప్రపంచాన్ని ఉలిక్కిపడేలా చేసింది. దీంతో ఈ ప్రాంతంలో తరచూ శక్తివంతమైన భూకంపాలు ఎందుకు వస్తున్నాయి? భూమి లోపల ఏం జరుగుతోంది? అనే చర్చకు దారి తీసింది.కమ్చట్కా ప్రాంతం పసిఫిక్‌ మహాసముద్రం అంచున ఉంది. 2025 జూలై 30న ఈ తీరానికి సమీపంలో 8.8 తీవ్రతతో భారీ భూకంపం సంభవించింది. దీంతో పసిఫిక్‌ మహాసముద్రం పరిధిలోని పలు దేశాలకు సునామీ హెచ్చరికలు జారీ అయ్యాయి. ఆ తర్వాత కూడా అనేక ప్రకంపనలు నమోదయ్యాయి. తాజా భూకంపంతో మరోసారి తీర దేశాలు ఉలిక్కిపడ్డాయి. అయితే ఈసారి సునామీ హెచ్చరికలు మాత్రం జారీ చేయలేదు. దీంతో అంతా ఊపిరి పీల్చుకున్నారు. ఒక భూఫలకం మరో భూఫలకం కిందకు నెమ్మదిగా చొచ్చుకుపోతోంది. ఈ ప్రక్రియను శాస్త్రవేత్తలు ‘సబ్‌డక్షన్‌’గా పిలుస్తారు. పసిఫిక్‌ భూఫలకం ఏడాదికి సుమారు 8 సెంటీమీటర్ల మేర కదులుతుంది. ఈ కదలిక మనకు కనిపించకపోయినా, దశాబ్దాల పాటు కొనసాగినప్పుడు భూఫలకాల మధ్య విపరీతమైన ఒత్తిడి పేరుకుపోతుంది.భూఫలకాల మధ్య ఉండే ఘర్షణ కారణంగా అవి కొన్ని చోట్ల ఇరుక్కుపోతాయి. ఒత్తిడి పెరిగి శిలలు తట్టుకోలేని స్థాయికి చేరినప్పుడు ఒక్కసారిగా భూమి పొరలు జారిపోతాయి. అప్పుడు విడుదలయ్యే శక్తి భూకంప తరంగాలుగా వ్యాపించి ప్రకంపనలకు కారణమవుతుంది. కమ్చట్కా ప్రాంతంలో తరచూ బలమైన భూకంపాలు రావడానికి ఇదే ప్రధాన కారణం.రింగ్‌ ఆఫ్‌ ఫైర్‌లో కీలక ప్రాంతంపసిఫిక్‌ మహాసముద్రం చుట్టూ విస్తరించిన సుమారు 40 వేల కిలోమీటర్ల భూకంప, అగ్నిపర్వత మండలాన్ని ‘పసిఫిక్‌ రింగ్‌ ఆఫ్‌ ఫైర్‌’ అంటారు. ప్రపంచంలో అత్యధిక భూకంపాలు, చురుకైన అగ్నిపర్వతాలు ఈ ప్రాంతంలోనే ఉన్నాయి. భూఫలకాలు ఒకదాని కిందకు మరొకటి చొచ్చుకుపోవడంతో భూమి లోపల శిలాద్రవం ఏర్పడటానికి పరిస్థితులు అనుకూలిస్తాయి. ఫలితంగా కమ్చట్కాలో భూకంపాలతో పాటు అగ్నిపర్వత కార్యకలాపాలు కూడా ఎక్కువగా ఉంటాయి.తాజా భూకంపంతో..తాజాగా సంభవించిన 7 తీవ్రత భూకంపం సుమారు 140 కిలోమీటర్ల లోతులో నమోదైనట్లు సమాచారం. గత ఏడాది సంభవించిన భారీ భూకంపం సముద్ర తీరానికి సమీపంలోని భూఫలకాల సరిహద్దులో ఏర్పడగా, తాజా భూకంపం అంత లోతులో సంభవించడం గమనార్హం. ఇది భూమి లోపలికి చొచ్చుకుపోతున్న పసిఫిక్‌ భూఫలకం లోపల ఏర్పడి ఉండవచ్చని భావిస్తున్నారు. ఒక భారీ భూకంపం చుట్టుపక్కల ప్రాంతాల్లో ఒత్తిడిని మార్చి మరిన్ని ప్రకంపనలకు కారణం కావొచ్చు. మరో భారీ భూకంపం?వరుస భూకంపాల నేపథ్యంలో.. కమ్చట్కాను మరోసారి భారీ భూకంపం కుదిపేస్తుందా? అనే అనుమానాలు వ్యక్తమవుతున్నాయి. అయితే భూకంపం సంభవిస్తుందా? వస్తే ఎంత తీవ్రతతో ఉంటుంది అనే విషయాలను కచ్చితంగా.. ముందుగానే చెప్పడం సాధ్యం కాదని భూగర్భ శాస్త్రవేత్తలు అంటున్నారు. అయితే కమ్చట్కాలో తరచూ వస్తున్న భారీ ప్రకంపనల వెనుక కారణం భూమి లోపల నిరంతరం కదులుతున్న భూఫలకాలే. ఈ కదలికలు ఆగనంతకాలం ఈ ప్రాంతం భూకంప ముప్పు ఉన్న ప్రాంతంగానే కొనసాగుతుందని మాత్రం చెబుతున్నారు.ఇదీ చదవండి: పశ్చిమాసియా రాజకీయాల్లో ముగిసిన ఓ శకం

రష్యాలో ప్రభుత్వ అణచివేత, ఉక్రెయిన్‌ యుద్ధానికి వ్యతిరేకంగా నిరసనలు ఎదుర్కొంటున్న పలువురు పౌరులు ప్రాణభయంతో దేశం విడిచి వెళ్తున్నారు. అమెరికా, ఐరోపా దేశాల్లో రాజకీయ ఆశ్రయం కోరుతున్నారు. అయితే, అక్కడ వారి దరఖాస్తులు తిరస్కరణకు గురవుతుండటంతో కొందరిని తిరిగి రష్యాకు పంపిస్తున్నారు. దీంతో స్వదేశానికి చేరుకున్నాక అరెస్టులు, విచారణలు, జైలు శిక్షలు ఎదురవుతాయనే భయంతో వారు బిక్కుబిక్కుమంటూ గడుపుతున్నారు.అమెరికా నుంచి బహిష్కరణకు గురైన కాత్యా అనే మహిళ గత డిసెంబర్‌లో మాస్కో చేరుకోగానే భద్రతా సంస్థల అధికారుల విచారణను ఎదుర్కుంది. అయితే, రెండేళ్ల క్రితం రష్యాను విడిచి అమెరికాలో ఆశ్రయం కోరిన ఆమె దరఖాస్తు తిరస్కరణకు గురైంది. ఆ తరువాత రష్యాలో నిరసనల్లో పాల్గొన్నట్లు, ప్రతిపక్ష ఉద్యమంలో సభ్యురాలిగా ఉన్నట్లు ఆధారాలు సమర్పించినా ఫలితం లేకపోయిందని ఆమె తెలిపారు. అలాగే, విమానంలో వచ్చిన పురుషులకు సైనిక రిజిస్ట్రేషన్‌ పత్రాలు ఇచ్చారని, తన ఫోన్‌లోని సమాచారాన్ని చూసి అధికారులు ప్రశ్నించారని చెప్పారు. విడుదలైనప్పటికీ పోలీసులు తరచూ తనను సంప్రదిస్తున్నారని ఆందోళన వ్యక్తం చేశారు.అమెరికాలో రష్యా పౌరుల బహిష్కరణలు కూడా పెరిగాయి. 2023లో 222 మందిని తిరిగి పంపించగా, 2025లో ఆ సంఖ్య 1,200 దాటింది. దీంతో యుద్ధ వ్యతిరేక కార్యకర్తలు, రష్యా సైన్యం నుంచి పారిపోయినవారి భద్రతపై ఆందోళనలు వ్యక్తమవుతున్నాయి. రష్యా అధ్యక్షుడు వ్లాదిమిర్‌ పుతిన్‌ను విమర్శిస్తూ పోస్టులు పెట్టిన కార్యకర్త లియోనిడ్‌ మెలెఖిన్‌ను గత ఏడాది స్వదేశానికి పంపించగా, ఉగ్రవాదాన్ని సమర్థించారనే ఆరోపణలపై ఆరేళ్ల జైలు శిక్ష విధించినట్లు బీబీసీ కథనం పేర్కొంది.అయితే, అమెరికాతోపాటు ఐరోపాలోనూ ఆశ్రయం పొందడం కష్టంగా మారుతోంది. జర్మనీలో 2023లో ఏడుగురు రష్యన్లను బహిష్కరించగా, 2025లో ఆ సంఖ్య 110 దాటింది. మరోవైపు, ఫిన్‌లాండ్‌లో ఆశ్రయం కోరిన యుద్ధ వ్యతిరేక కార్యకర్త మిఖాయిల్‌, ఆయన భార్య దాషా దరఖాస్తులు ఐదుసార్లు తిరస్కరణకు గురయ్యాయి. రష్యాకు తిరిగి వెళ్తే నిర్బంధం, జైలు శిక్ష, చిత్రహింసలు ఎదురయ్యే ప్రమాదం ఉందని అమ్నెస్టీ ఇంటర్నేషనల్‌ హెచ్చరించింది. అయితే, ఆశ్రయ నిర్ణయాలన్నీ అంతర్జాతీయ శరణార్థి చట్టాల ప్రకారమే తీసుకుంటున్నామని ఫిన్‌లాండ్‌ అధికారులు తెలిపారు.రష్యాలో రాజకీయ ఖైదీల సంఖ్య 2025లో 803 నుంచి 1,265కు పెరిగిందని రష్యా మానవ హక్కుల సంస్థ మెమోరియల్‌ పేర్కొంది. అలాగే, రష్యన్లు దేశం విడిచి వెళ్లేందుకు సహాయం చేస్తున్న కోవ్చెగ్‌(Kovcheg) సంస్థకు ఆగస్టులో వచ్చిన అభ్యర్థనలు మే నెలతో పోలిస్తే పదిరెట్లు పెరిగాయని సంస్థ వ్యవస్థాపకురాలు అనస్తాసియా బురకోవా తెలిపారు. మరోసారి సైనిక సమీకరణ జరుగుతుందనే ప్రచారం నేపథ్యంలో రష్యన్లలో ఆందోళనలు పెరుగుతున్నాయి. దీంతో స్వదేశంలో వేధింపుల భయంతో దేశం విడిచినవారికి పశ్చిమ దేశాలు ఆశ్రయం కల్పిస్తాయా? లేక తిరిగి రష్యాకే పంపిస్తాయా? అన్నది ప్రశ్నార్థకంగా మారింది.ఇదీ చదవండి: రష్యాపై ఉక్రెయిన్ క్షిపణి దాడి: జెలెన్‌స్కీ

కీవ్: రష్యాలోని వోరోనెజ్ వైమానిక స్థావరంపై దాడి చేసి నాలుగు ఎస్‌యూ-34 యుద్ధ విమానాలను ధ్వంసం చేశామని, మరో రెండు యుద్ధ విమానాలను కూడా దెబ్బతీశామని ఉక్రెయిన్ అధ్యక్షుడు వొలోడిమిర్ జెలెన్‌స్కీ తెలిపారు. ఈ దాడిలో నెప్ట్యూన్ క్షిపణిని ఉపయోగించినట్లు ఆయన వెల్లడించారు.రష్యాలోని ఒరియోల్ ప్రాంతంలో డ్రోన్ల నిల్వ, ప్రయోగ కేంద్రంపై, నల్ల సముద్రంలో మరో టార్గెట్‌పై కూడా తాము దాడులు చేసినట్లు పేర్కొన్నారు. అయితే రష్యా దాడులకు ప్రతిచర్యగానే ఈ చర్యలు చేపట్టామని, యుద్ధం కొనసాగినంత కాలం తమ దాడులు ఇలానే కొనసాగుతాయని జెలెన్‌స్కీ స్పష్టం చేశారు. ఇదీ చదవండి: కేంద్ర ఎన్నికల సంఘం కీలక ఆదేశం.. 17 రాష్ట్రాల్లో ఇక ఎస్‌ఎస్‌ఆర్‌

రష్యాలో ఉద్యోగం చేస్తున్న సమయంలో ఓ యువతిని ప్రేమించిన పేదింటి భారతీయుడు.. స్వదేశానికి తిరిగొచ్చాడు. అతడి ఆచూకీ తెలుసుకుని ఆమె ఏకంగా బిహార్‌కు వచ్చింది. ఎలాగైతేనేం ఆ ఎక్‌ ప్రేమ్‌ కహానీకి శుభం కార్డు పడింది!. నవంబర్‌లో వీరిద్దరికీ పెళ్లి జరగనుందని, ఇరు కుటుంబాలూ ఇందుకు అంగీకరించాయి. ఈ కథ తెలిసి చాలామంది ఆశ్చర్యపోయారు. కానీ, ఈ స్క్రిప్ట్‌లో విస్తుపోయే విషయం బయటపడింది ఇప్పుడు. వైరల్‌ కథనం ప్రకారం.. బిహార్‌లోని భాగల్‌పూర్‌కు చెందిన రాహుల్‌ యాదవ్‌ పని కోసం రష్యాకు వెళ్లాడు. అక్కడ జూలీ అనే యువతితో ప్రేమలో పడ్డాడు. అనంతరం రాహుల్‌ స్వదేశానికి తిరిగిరాగా, అతడిని వెతుక్కుంటూ జూలీ బిహార్‌కు వచ్చింది. పెద్దలను ఒప్పించి పెళ్లికి సిద్ధమైంది. దీంతో మాములు ప్రేమ కథ కాదంటూ తెగ ప్రచారం జరిగింది.అయితే, ఓ జాతీయ మీడియా జరిపిన ఫ్యాక్ట్‌ చెక్‌లో అసలు మోసం బయటపడింది. వీడియోలో కనిపించిన యువకుడి అసలు పేరు నమిత్‌. అతడు భాగల్‌పూర్‌కు చెందినవాడు కాదు.. బిహార్‌లోని పూర్ణియా జిల్లాకు చెందినవాడు. ఇక యువతి పేరు జూలీ కాదు. ఆమె ఆండ్రియా కొనాలి. అంతేకాదు.. ఆమె రష్యాకు చెందిన యువతి కూడా కాదు.వైరల్‌ వీడియోలో కనిపించిన యువతీ యువకులు ప్రేమికులు కారని, ప్రచారంలో చెప్పిన వివరాలన్నీ అవాస్తవాలని ఆ మీడియా సంస్థ ఫ్యాక్ట్‌ చెక్‌ తేల్చింది.🚨 BHAGALPUR, BIHAR : A man from Bihar reportedly travelled to Russia for work, where he fell in love with a Russian woman. The couple has now arrived in India and is reportedly planning to get married in November, with the woman willing to live in his village. https://t.co/kR0xgFdUHw— indiainlast24hr (@indiain24hr) October 14, 2026ఎన్‌జీవో కార్యక్రమం కోసం..ఆండ్రియా కొనాలి బ్రిటన్‌కు చెందిన శివియా అనే స్వచ్ఛంద సంస్థతో కలిసి పనిచేస్తున్నారు. మహిళలు స్వయం ఉపాధి ద్వారా ఆర్థికంగా ఎదిగేందుకు చేపడుతున్న కార్యక్రమాలపై అవగాహన, క్షేత్రస్థాయి పరిశీలనలో భాగంగా ఆమె బిహార్‌లో పర్యటించారు. స్థానికంగా పనిచేస్తున్న సాథి అనే సంస్థతో కలిసి కార్యక్రమాలు నిర్వహించారు. ఈ క్రమంలో అక్టోబర్‌ 7, 8 తేదీల్లో ఆరుగురు మహిళల బృందం పూర్ణియా జిల్లాకు వచ్చింది. ఆ బృందంలో ఆండ్రియా కూడా ఉన్నారు.గ్రామాల్లో మహిళలతో సమావేశాలు నిర్వహించడంతోపాటు, వారు చేపడుతున్న కార్యక్రమాలను పరిశీలించారు. ఈ సందర్భంగా స్థానిక మహిళలు విదేశీ అతిథులకు గులాబీల బొకేతో స్వాగతం పలికారు. ఆండ్రియా కొన్ని ఇళ్లను కూడా సందర్శించారు. విదేశీ మహిళలు గ్రామంలో తిరుగుతుండటంతో వారిని చూసేందుకు స్థానికులు పెద్ద సంఖ్యలో గుమిగూడారు. ఆ సమయంలో అక్కడికి వచ్చిన నమిత్‌ కూడా ఆ గుంపులో ఉన్నాడు. పాపం ఆండ్రియా..వైరల్‌ వీడియోలో ఆండ్రియా చేతిలో కనిపించిన పూల బొకేను చూపిస్తూ, యువతి తన ప్రియుడి ఇంటికి వచ్చిందని ప్రచారం చేశారు. కానీ వాస్తవం వేరే. గ్రామానికి వచ్చిన అతిథులకు స్వాగతం పలికే క్రమంలో స్థానిక మహిళలు ఆ బొకేను అందించారు. ఆ కార్యక్రమానికి సంబంధించిన దృశ్యాలనే వక్రీకరించి ప్రేమకథగా చిత్రీకరించారు. దీంతో వృత్తిపరమైన కార్యక్రమంలో భాగంగా గ్రామానికి వచ్చిన యువతి వ్యక్తిగత జీవితంపై తప్పుడు ప్రచారం మొదలైంది.నమిత్‌ రష్యాకు వెళ్లి అక్కడ యువతితో ప్రేమలో పడ్డాడన్న ప్రచారాన్ని స్థానికులు ఖండించారు. అతడు ఎప్పుడూ విదేశాలకు వెళ్లలేదని మీడియాకు తెలిపారు. విదేశీ మహిళలు గ్రామానికి వచ్చారని తెలిసి పక్క గ్రామానికి వెళ్లాడని వివరించారు. మరోవైపు.. ఆ జాతీయ మీడియా సంస్థ నమిత్‌ను నేరుగా సంప్రదించేందుకు ప్రయత్నించింది. అయితే, వారు వెళ్లిన సమయంలో అతడు ఇంట్లో లేడు. అతడి మొబైల్‌ ఫోన్‌ కూడా స్విచ్ఛాఫ్‌లో ఉంది. దీంతో ఈ వ్యవహారంపై అతడి వివరణను తెలుసుకోవడం సాధ్యం కాలేదు.వీడియోను మొదట ఎవరు చిత్రీకరించారు? దానికి తప్పుడు ప్రేమకథను జోడించి ఎవరు వైరల్‌ చేశారు? ఇందులో నమిత్‌కు ఏమైనా సంబంధం ఉందా? అనే విషయాలు ఇంకా స్పష్టంగా తెలియలేదు. ఒకవేళ చట్టపరమైన చర్యలు ప్రారంభిస్తే, ఈ వ్యవహారంలో నమిత్‌ పాత్రపై కూడా ప్రశ్నలు తలెత్తే అవకాశం ఉందని సాథి సంస్థ నిర్వాహకులు తెలిపారు.లీగల్‌ చర్యల దిశగా సాథి సంస్థ..ఈ ఘటనపై సాథి సంస్థ సమన్వయకర్త అభిషేక్‌ కుమార్‌ సింగ్‌ తీవ్ర అభ్యంతరం వ్యక్తం చేశారు. తమ సంస్థకు అతిథులుగా వచ్చిన మహిళల వీడియోలను తప్పుడు కథనాలతో ప్రచారం చేయడం సరికాదన్నారు. ఈ వ్యవహారంలో చట్టపరమైన చర్యలు తీసుకునే అంశాన్ని పరిశీలిస్తున్నట్లు తెలిపారు. వాస్తవాలను నిర్ధారించుకోకుండా పెద్ద, చిన్న మీడియా సంస్థలు సైతం ఈ కథనాన్ని ప్రచురించడంపై అసంతృప్తి వ్యక్తం చేశారు. ఇలాంటి తప్పుడు ప్రచారం సంస్థల ప్రతిష్ఠకే కాకుండా, దేశం గురించి ఇతరులకు వెళ్లే సందేశంపైనా ప్రభావం చూపుతుందని అభిప్రాయపడ్డారు.ఇదీ చదవండి: స్వీట్స్‌ అడిగాడు.. ఊరే వదిలి పారిపోయేలా చేశారు

ఉక్రెయిన్‌పై రష్యా దాడుల్లో అమెరికాకు చెందిన ప్రముఖ కంపెనీల స్థావరాలు దెబ్బతిన్నాయి. ప్రముఖ దిగ్గజ కంపెనీ కోకాకోలా ప్లాంట్ ధ్వంసం కాగా, మెక్‌డొనాల్డ్స్ లాజిస్టిక్స్ గిడ్డంగిపై కూడా దాడి జరిగింది. అంతేకాదు పెప్సికో ఉత్పత్తి కేంద్రం కూడా దెబ్బతిన్నట్లు సదరు సంస్థ వెల్లడించింది.ప్రముఖ అంతర్జాతీయ మీడియా కథనం ప్రకారం.. సెప్టెంబర్‌ ప్రారంభంలో కీవ్‌ సమీపంలోని కోకాకోలా ప్లాంట్‌ రష్యా డ్రోన్‌ దాడిలో ధ్వంసమైంది. సెప్టెంబర్‌ 25న కీవ్‌ ప్రాంతంలోని మెక్‌డొనాల్డ్స్‌ గిడ్డంగిపై దాడి జరగడంతో సరఫరాలకు అంతరాయం ఏర్పడింది. దీంతో కొన్ని రెస్టారెంట్లు కార్యకలాపాలను తగ్గించుకోవాల్సి వచ్చింది. గత ఏడాది ఆగస్టులో మైకొలైవ్‌లోని పెప్సికో ఉత్పత్తి కేంద్రం కూడా దెబ్బతిన్నట్లు సమాచారం.అమెరికా కంపెనీలపై దాడులు జరుగుతున్నప్పటికీ ట్రంప్‌ ప్రభుత్వం బహిరంగంగా ఖండించకపోవడంపై తీవ్ర విమర్శలు వ్యక్తమవుతున్నాయి. ఉక్రెయిన్‌లో అమెరికా వ్యాపార సంస్థలు తీవ్ర నష్టాలను ఎదుర్కొంటున్నాయని అమెరికన్‌ ఛాంబర్‌ ఆఫ్‌ కామర్స్‌ ఇన్‌ ఉక్రెయిన్‌ అధ్యక్షుడు ఆండీ హండర్‌ పేర్కొన్నారు. ఈ దాడులపై చర్చించేందుకు అమెరికా ప్రత్యేక రాయబారి స్టీవ్‌ విట్‌కాఫ్‌, జారెడ్‌ కుష్నర్‌లతో సమావేశం కావాలని కోరినా స్పందన రాలేదన్నారు. ఇదీలా ఉండగా మరోవైపు యుద్ధాన్ని ముగించి శాంతి ఒప్పందం కుదిరేలా అమెరికా ప్రయత్నాలు కొనసాగిస్తోందని వైట్‌హౌస్‌ తెలిపింది.అయితే దెబ్బతిన్న ప్రతి సంస్థను అమెరికా యాజమాన్యం కారణంగానే లక్ష్యంగా చేసుకున్నారనేందుకు స్పష్టమైన ఆధారాలు లేవని సదరు కథనం పేర్కొంది. ఇదీ చదవండి: పరువు నష్టం కేసు.. ట్రంప్ డిపాజిషన్ వాయిదా!

ప్రేమకు ఏదీ అడ్డుకాదని నిరూపించే ఘటన బిహార్‌లో చోటుచేసుకుంది. ఉపాధి కోసం రష్యా వెళ్లిన బిహార్‌కు చెందిన రాహుల్ యాదవ్ అక్కడ జూలీ అనే యువతితో ప్రేమలో పడ్డాడు. కొంతకాలం తర్వాత రాహుల్ భారత్‌కు తిరిగొచ్చాడు. అయితే, అతడికి దూరంగా ఉండలేకపోయిన జూలీ.. ఆరు నెలల తర్వాత తన కుటుంబంతో కలిసి ఇండియాకు వచ్చింది.ప్రియుడిని వెతుక్కుంటూ బిహార్‌లోని భాగల్‌పూర్‌కు చేరుకున్న జూలీ.. రాహుల్‌తో కలిసి జీవించాలనే తన నిర్ణయాన్ని కుటుంబ సభ్యులకు స్పష్టం చేసింది. రాహుల్ గుడిసెలో నివసిస్తున్నాడని తెలిసినా, అతడితోనే ఉంటానని తేల్చి చెప్పింది. ఆర్థిక పరిస్థితులతో సంబంధం లేకుండా తన ప్రేమించిన వ్యక్తితోనే జీవితాన్ని పంచుకోవాలని నిర్ణయించుకుంది. జూలీ నిర్ణయంతో ఇరు కుటుంబాల పెద్దలు కూడా వారి ప్రేమకు అంగీకారం తెలిపినట్లు తెలిసింది. ఈ నేపథ్యంలో నవంబర్‌లో రాహుల్, జూలీల వివాహం జరిపించేందుకు కుటుంబ సభ్యులు అంగీకరించినట్లు సమాచారం. దీంతో రష్యాలో మొదలైన వీరి ప్రేమకథ.. బిహార్‌లో పెళ్లి బంధంగా మారనుంది.ప్రేమకు దేశాల సరిహద్దులు అడ్డుకావని నిరూపించే ఘటన బీహార్‌లో వెలుగుచూసింది. ఉపాధి కోసం రష్యా వెళ్లిన బీహార్ యువకుడు రాహుల్ యాదవ్ అక్కడ జూలీ అనే యువతితో ప్రేమలో పడ్డాడు. రాహుల్ భారత్‌కు తిరిగొచ్చిన ఆరు నెలల తర్వాత ప్రియుడి కోసం జూలీ తన కుటుంబంతో కలిసి బీహార్‌లోని భాగల్‌పూర్‌కు చేరుకుంది. రాహుల్ గుడిసెలో నివసిస్తున్నాడని తెలిసినా అతనితోనే ఉంటానని చెప్పింది. దీంతో ఇరు కుటుంబాలు నవంబర్‌లో వారి వివాహం జరిపించేందుకు అంగీకరించినట్లు కథనాలు వెల్లడించాయి. #RussianGirl #RahulYadav #BiharLoveStory #LoveBeyondBorders #ViralNews #skycmedia— SkyC Breaking News (@SkyCMedia) October 13, 2026

సాక్షి, కామారెడ్డి జిల్లా: ఏజెంట్‌ చేతిలో మోసపోయి, అధిక వేతనం ఆశతో రష్యా సైన్యంలో చిక్కుకున్న కామారెడ్డి జిల్లా బాన్సువాడ మండలం తాడ్కోల్‌ గ్రామానికి చెందిన అఫ్జల్‌ఖాన్‌(43) మృతి చెందినట్లు అతడి సహచరుల ద్వారా తెలుస్తోంది. వివరాలు.. బాన్సువాడ మండలం తాడ్కోల్‌ గ్రామానికి చెందిన మహ్మద్‌ అఫ్జల్‌ఖాన్‌ మరో నలుగురితో కలిసి ఉపాధి నిమిత్తం ఫిబ్రవరిలో రష్యాకు వెళ్లాడు.మాస్కోలో ఆరు నెలలపాటు మెకానికల్‌ ఫీల్డ్‌ హెల్పర్‌ విభాగంలో పనిచేశారు. పని ముగిసిందని స్వదేశం వెళ్లిపోవాలని ఏజెంట్‌ గంగాధర్‌ చేతులెత్తేశాడు. దీంతో దిక్కుతోచని స్థితిలో వారు రష్యన్‌ ఆర్మీలో గార్డెనింగ్‌ పనులకోసం చేరాడు. అయితే ఆ ఆర్మీలో సైనికులుగా చేర్చుకుని ఉక్రెయిన్‌తో యుద్ధం జరుగుతున్న ప్రాంతంలో ఉంచారు. ఈ క్రమంలో 15 రోజుల క్రితం ఉక్రెయిన్‌ జరిపిన డ్రోన్‌ దాడిలో మరణించిన వారిలో అప్జల్‌ఖాన్‌ ఉన్నట్టు సమాచారం.ఈ విషయాన్ని అతడి సహచరుడు సిర్సు అశోక్‌ తన భార్యకు వాయిస్‌ మెస్సేజ్‌ ద్వారా తెలిపాడు. తాను తప్పించుకుని తిరిగి పట్టుబడగా బేడీలు వేసి చిత్రహింసలు పెడ్తున్నారని ఆ మెస్సేజ్‌లో ఉంది. తన కుమారుడిని స్వదేశానికి రప్పించాలనే ఉద్దేశంతో అఫ్జల్‌ఖాన్‌ తండ్రి అనేక ప్రయత్నాలు చేశారు. నిజామాబాద్‌ రూరల్‌ ఎమ్మెల్యే భూపతిరెడ్డి, నిజామాబాద్‌ ఎంపీ అర్వింద్, ఎంఐఎం ఎంపీ అసదుద్దీన్‌ ఒవైసీ తదితరుల దృష్టికి సమస్యను తీసుకెళ్లారు.ఇదీ చదవండి: నక్కజిత్తుల మస్క్‌.. అడ్డంగా బుక్కయ్యాడుగా!

మాస్కో: రష్యాలో 2026 ప్రారంభం నుంచి అక్టోబర్ మొదటి వారం వరకు అంటే తొమ్మిది నెలల వ్యవధిలో సుమారు 3,500 ఎలుగుబంట్లను అధికారులు హతమార్చారు. సైబీరియా నుంచి దేశంలోని సుదూర తూర్పు (ఫార్ ఈస్ట్) ప్రాంతాల వరకు ఈ ఘటనలు భారీగా నమోదయ్యాయి. అధికారిక గణాంకాల ప్రకారం ఒక్క సైబీరియాలోనే దాదాపు 2,200 ఎలుగుబంట్లు, ఫార్ ఈస్ట్ ప్రాంతంలో 1,100కి పైగా ఎలుగుబంట్లను చంపారు. సైబీరియాలోని క్రాస్నోయార్స్క్ రీజియన్‌లో అత్యధికంగా 898 ఎలుగుబంట్లను చంపగా, ఇర్కుట్స్క్‌లో 414, తువాలో 263, ఖకాసియాలో 204 ఎలుగుబంట్లు హతమయ్యాయి. అదే విధంగా ఫార్ ఈస్ట్ ప్రాంతంలోని బుర్యాతియాలో 356, కమ్చట్కాలో 207 ఎలుగుబంట్లను చంపినట్లు రికార్డులు వెల్లడిస్తున్నాయి.ఈ ఏడాది రష్యాలోని పలు ప్రాంతాల్లో ఎలుగుబంట్లు మానవ ఆవాసాల్లోకి ప్రవేశించి ప్రజలపై విచక్షణారహితంగా దాడులకు తెగబడ్డాయి. ఈ దాడుల్లో కొందరు పౌరులు ప్రాణాలు కోల్పోవడంతో, మానవ భద్రతకు తీవ్ర ముప్పుగా పరిణమించిన ఎలుగుబంట్లను ఏరివేయాలని అధికారులు నిర్ణయించి కాల్చిచంపారు. ప్రధానంగా అడవుల్లో సహజ సిద్ధంగా దొరికే పండ్లు, బెర్రీలు తగినంతగా లభించకపోవడం, వాతావరణ మార్పులు, తీవ్ర కరువు పరిస్థితుల వల్ల ఆహార కొరత ఏర్పడి అవి గ్రామాలు, పట్టణాల వైపు వస్తున్నాయి. జనావాసాల సమీపంలో బహిరంగంగా పారబోసే వ్యర్థాలు, ఆహార అవశేషాలు వీటిని ఆకర్షిస్తున్నాయి.ప్రస్తుతం రష్యాలో గోధుమ రంగు ఎలుగుబంట్ల (బ్రౌన్ బేర్స్) సంఖ్య భారీగా పెరిగింది. ప్రభుత్వ లెక్కల ప్రకారం దేశంలో వీటి జనాభా దాదాపు 3.08 లక్షలకు చేరగా, గత 30 ఏళ్ల కాలంలోనే ఈ సంఖ్య రెట్టింపు కంటే ఎక్కువైంది. ఈ నేపథ్యంలో మానవులకు, వన్యప్రాణులకు మధ్య జరుగుతున్న ఈ ఘర్షణలను నివారించేందుకు వేట నిబంధనలను సవరించడంతో పాటు వాటి జనాభాను నియంత్రించే ఇతర ప్రత్యామ్నాయ మార్గాలను ప్రభుత్వం పరిశీలిస్తోంది. అయితే కేవలం ఎలుగుబంట్లను చంపడమే పరిష్కారం కాదని, అడవుల పర్యావరణ సమతుల్యతను కాపాడుతూనే వ్యర్థాల నిర్వహణ సరిగ్గా చేపట్టడం, ప్రజలకు రక్షణ మార్గదర్శకాలు అందించడం అత్యవసరమని నిపుణులు అభిప్రాయపడుతున్నారు.ఇదీ చదవండి: రామ్‌లీలా వివాదం: ముగ్గురి దారుణ హత్య

వాషింగ్టన్‌: వైరిపక్షాలైన రష్యా, ఉక్రెయిన్‌లు ‘ఇంధన కాల్పుల విరమణ’కు అంగీకరించాయని అమెరికా అధ్యక్షుడు డొనాల్డ్‌ ట్రంప్‌ తెలిపారు. అయితే, పూర్తి వివరాలు వెల్లడించలేదు. ట్రంప్‌ ఆదివారం సోషల్‌ మీడియాలో ఒక పోస్టుచేశారు. ఇంధన కాల్పుల విరమణ(ఎనర్జీ సీజ్‌ఫైర్‌) ఇరు పక్షాలు అంగీకరించాయని, తక్షణమే అమల్లోకి వచ్చిందని పేర్కొన్నారు. ఈ ఒప్పందాన్ని ఉల్లంఘించవద్దని రష్యా, ఉక్రెయిన్‌లకు సూచించారు. ట్రంప్‌ ప్రకటనపై ఉక్రెయిన్‌ అధ్యక్షుడు జెలెన్‌స్కీ స్పందించారు. అమెరికా అధ్యక్షుడు ప్రకటించిన ఇంధన కాల్పుల విరమణ గురించి తాము చర్చించామని అన్నారు. ఈ కాల్పుల విరమణకు ఉక్రెయిన్‌ మద్దతు ఇస్తుందని వెల్లడించారు. దీనికి రష్యా సైతం మద్దతు ఇవ్వడం ముఖ్యం అని స్పష్టంచేశారు. ఉక్రెయిన్‌ ఇంధన వ్యవస్థపై రష్యా దాడులను నిలిపివేస్తే, రష్యా రిఫైనరీలపై దాడులను ఆపడానికి ఉక్రెయిన్‌ సిద్ధంగా ఉందని తేల్చిచెప్పారు. దీనికి అంగీకరించేలా రష్యాపై ఒత్తిడి తేవాలని ట్రంప్‌ను కోరారు. అయితే, ట్రంప్‌ చెబుతున్న ఎనర్జీ సీజ్‌ఫైర్‌పై రష్యా ఇంకా ఎలాంటి ప్రకటన చేయలేదు. మరోవైపు ఉక్రెయిన్‌కు కొత్త అధ్యక్షుడు రావలసిన సమయం ఆసన్నమైందని, యుద్ధాన్ని ముగించడానికి జెలెన్‌స్కీ తగినంతగా కృషి చేయలేదని ట్రంప్‌ శనివారం స్పష్టంచేశారు. అమెరికాలో డీజిల్‌ ధరలు పెరగడానికి జెలెన్‌స్కీ కారణమని ఆరోపించారు. ఇంతలోనే ఉక్రెయిన్, రష్యా మధ్య ఇంధన కాల్పుల విరమణ ఒప్పందం కుదరిందని ట్రంప్‌ ప్రకటించడం ప్రాధాన్యం సంతరించుకుంది.

సింథియా (విశా­ఖ): స్వదేశీ పరిజ్ఞానంతో భారత నౌకా­ద­ళం నిర్మించిన యు­ద­్ధనౌక ఐఎన్‌ఎస్‌ సహ్యాద్రి రష్యా­లో­ని వ్లాడివోస్టాక్‌ చేరుకుంది. అక్టోబర్‌ 13 నుంచి 18 వరకు జరగనున్న భారత్‌–రష్యా సంయుక్త నౌకాదళ విన్యాసం ఇంద్ర–2026లో ఈ యుద్ధనౌక పాల్గొననుంది. ఇరుదేశాల నౌకాదళాలు నౌకాశ్రయంలోనూ, సముద్రంలోనూ పలు సంయుక్త శిక్షణ విన్యాసాలు, వృత్తిపరమైన పరస్పర కార్యక్రమాలు నిర్వహించనున్నాయి. భారత్‌ ప్రతిపాదించిన మహాసాగర్‌ దార్శనికతకు అనుగుణంగా ఈ పర్యటన కొనసాగుతోంది. 2025 డిసెంబరులో జరిగిన 23వ భారత్‌–రష్యా వార్షిక శిఖరాగ్ర సమావేశం అనంతరం ఇరు దేశాల మధ్య స్నేహపూర్వక సంబంధాలు, సముద్ర సహకారాన్ని మరింత విస్తరించే దిశగా ఇంద్ర–2026 విన్యాసం కీలకంగా నిలవనుంది.

కీవ్: ఉక్రెయిన్ అధ్యక్షుడు జెలెన్‌స్కీ కీలక ప్రకటన చేశారు. రష్యాలోని చమురు శుద్ధి కేంద్రాలపై దాడులు ఆపేందుకు సిద్ధంగా ఉన్నామని తెలిపారు. అయితే దానికి బదులుగా రష్యా తమ దేశంలోని ఇంధన మౌలిక సదుపాయాలపై దాడులు నిలిపి వేయాలని కోరారు. అమెరికా అధ్యక్షుడు ట్రంప్‌తో విభేదాలు పెరుగుతున్న నేపథ్యంలో జెలెన్‌స్కీ ఈ ప్రకటన చేయడం ప్రాధాన్యత సంతరించుకుంది.ఇటీవలే రష్యాతో ట్రంప్ డీజిల్‌ ప్రకటించినప్పటి నుంచి అమెరికా, ఉక్రెయిన్ నాయకుల మధ్య విభేదాలు తీవ్రమయ్యాయి. ఆ ఒప్పందం ప్రకారం, రష్యా నుంచి పెద్ద మొత్తంలో డీజిల్‌ను ప్రపంచ ఇంధన మార్కెట్లలోకి విడుదల చేయడానికి బదులుగా, రష్యాపై విధించిన ఆంక్షల విషయంలో సడలింపులు కల్పించనున్నారు. ఈ నిర్ణయంపై జెలెన్‌స్కీ అభ్యంతరం వ్యక్తం చేశారు. ఈ ఒప్పందం బలహీనమైన నిర్ణయమని ఆయన అభివర్ణించారు. దీనివల్ల ఉక్రెయిన్‌పై దాడులను కొనసాగించేందుకు రష్యాకు ప్రోత్సాహం లభిస్తుందని ఆయన ఆందోళన వ్యక్తం చేశారు.ఈ పరిణామాల మధ్య జెలెన్‌స్కీ ఆదివారం సామాజిక మాధ్యమం ఎక్స్‌ (X) వేదికగా తన వైఖరిని వెల్లడించారు. “రష్యా మా ఇంధన మౌలిక సదుపాయాలపై దాడులు నిలిపివేస్తే, మేము కూడా రష్యా చమురు శుద్ధి కేంద్రాలపై దాడులు ఆపేందుకు సిద్ధంగా ఉన్నాం. ఉద్రిక్తతలను తగ్గించేందుకు తీసుకునే ఏ చర్య అయినా పరస్పరం ఉండాలి. అంతేకాకుండా, వాటికి నిజమైన హామీలు కూడా ఉండాలి” అని ఆయన పేర్కొన్నారు.అయితే, శనివారం ట్రంప్ స్పందిస్తూ, ఇంధన ధరలు పెరగడానికి ఉక్రెయిన్ రష్యా చమురు శుద్ధి కేంద్రాలపై జరుపుతున్న దాడులే కారణమని ఆరోపించారు. యుద్ధాన్ని ఆపేందుకు ఉక్రెయిన్‌కు కొత్త అధ్యక్షుడు రావాల్సి ఉందన్నారు. ఈ వ్యాఖ్యల నేపథ్యంలో జెలెన్‌స్కీ తాజాగా తన పంథా మార్చుకున్నారు.ఇదిలా ఉండగా, అమెరికాలో పెట్రోల్, డీజిల్ ధరలు ఫిబ్రవరి చివరి నుంచి గణనీయంగా పెరిగాయి. ఆ సమయంలో అమెరికా, ఇజ్రాయెల్ సంయుక్తంగా ఇరాన్‌పై దాడులు చేయడంతో పరిస్థితులు మారాయి. దీనికి ప్రతిస్పందనగా ఇరాన్ హోర్ముజ్ జలసంధిని మూసివేసింది. గల్ఫ్ ప్రాంతం నుంచి చమురు ఎగుమతులకు ఈ జలసంధి అత్యంత కీలకమైన సముద్ర మార్గం. ఈ మార్గంలో అంతరాయం ఏర్పడటంతో ప్రపంచ చమురు సరఫరాపై ప్రభావం పడింది. ఫలితంగా ఇంధన ధరలు పెరిగాయి.జెలెన్‌స్కీ, ట్రంప్ మధ్య నెలకొన్న ఈ వివాదం మరో కీలక సమయంలో చోటుచేసుకుంది. అమెరికాలో జీవన వ్యయాల పెరుగుదలపై ఓటర్లలో అసంతృప్తి నెలకొన్న నేపథ్యంలో, హోరాహోరీగా సాగనున్న అమెరికా ఎన్నికలకు మరికొన్ని వారాలే మిగిలి ఉన్నాయి. పెట్రోల్, డీజిల్ ధరలు కూడా అక్కడ ప్రధాన చర్చనీయాంశాలుగా మారాయి. ఈ పరిస్థితుల్లో రష్యాపై ఆంక్షలు, ప్రపంచ ఇంధన సరఫరా, ఉక్రెయిన్‌పై జరుగుతున్న దాడుల విషయంలో అమెరికా తీసుకునే నిర్ణయాలు అంతర్జాతీయంగా ప్రాధాన్యం సంతరించుకున్నాయి.మొత్తంగా చూస్తే, రష్యా చమురు శుద్ధి కేంద్రాలపై దాడులు నిలిపివేయడానికి ఉక్రెయిన్ సిద్ధంగా ఉన్నప్పటికీ, అందుకు రష్యా కూడా తమ ఇంధన మౌలిక సదుపాయాలపై దాడులు ఆపాలని జెలెన్‌స్కీ స్పష్టం చేశారు. ఉద్రిక్తతల తగ్గింపు ఏకపక్షంగా కాకుండా, ఇరు దేశాల నుంచి పరస్పర చర్యలతో పాటు విశ్వసనీయమైన హామీల ఆధారంగా జరగాలని ఆయన కోరుతున్నారు.ఇదీ చదవండి: జెలెన్‌స్కీకి ట్రంప్ షాక్‌

వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ మాటలకు, చర్యలకు అర్థాలే వేరు. రష్యా నుంచి చమురు కొనుగోలు చేస్తే భారీగా సుంకాలు విధిస్తామంటూ ప్రపంచ దేశాలను బెదిరిస్తూ చట్టాన్ని తీసుకొచ్చిన ట్రంప్‌ నేడు అదే రష్యా నుంచి చమురు కొనుగోలుకు ఒప్పందం కుదుర్చుకున్నారు. డీజిల్‌ సరఫరా కోసం అమెరికా, రష్యా మధ్య ఈ డీల్‌ కుదిరింది. రష్యా అధ్యక్షుడు పుతిన్‌తో ఫోన్‌ సంభాషణ అనంతరం శుక్రవారం ట్రంప్‌ ఈ ఒప్పందాన్ని స్వయంగా ప్రకటించారు. రష్యా నుంచి డీజిల్‌ కొనుగోలు గురించి ట్రూత్‌ సోషల్‌లో ట్రంప్‌ పోస్టుచేసిన కొద్ది నిమిషాలకే.. రష్యాపై ఆంక్షలను వచ్చే ఏడాది ఏప్రిల్‌ 7 వరకు ఎత్తివేస్తూ అమెరికా ట్రెజరీ శాఖ ప్రకటన చేయడం గమనార్హం. అయితే, ట్రంప్‌ ద్వంద్వ ప్రమాణాలను ఉక్రెయిన్‌ అధ్యక్షుడు జెలెన్‌స్కీ, అమెరికాలో డెమోక్రటిక్‌ నాయకులు, రిపబ్లికన్లలోని ఒక వర్గం నేతలు తప్పుపట్టారు. రష్యా నుంచి చమురు, గ్యాస్‌ను అత్యధికంగా కొనుగోలు చేసే దేశాలపై భారీ సుంకాలను విధించేందుకు సెప్టెంబర్‌ 16న అమెరికా కాంగ్రెస్‌లో ఒక చట్టాన్ని ఆమోదించిన సంగతి తెలిసిందే. నెల రోజుల వ్యవధిలోనే రష్యా నుంచి చమురు కొనుగోలుకు ట్రంప్‌ ఒప్పందం చేసుకోవడం చర్చనీయాంశంగా మారింది. ‘‘నేను రష్యా అధ్యక్షుడు పుతిన్‌తో అత్యంత విజయవంతమైన చర్చను ఇప్పుడే ముగించాను. అమెరికాతోపాటు ప్రపంచ మార్కెట్ల కు తక్షణమే 3,00,000 టన్నులకు పైగా డీజిల్‌ను సరఫరా చేయడానికి రష్యా అంగీకరించింది. నవంబర్‌లో మరో 5,00,000 టన్నుల డీజిల్‌ను, ఆ వెంటనే మరో పది లక్షల టన్నులను సరఫరా చేస్తుంది. డీజిల్‌ రిఫైనరీల సామర్థ్యాన్ని బట్టి అదనంగా 30 లక్షల టన్నుల డీజిల్‌ను సరఫరా చేయడానికి రష్యా అంగీకరించింది’’అని ట్రూత్‌ సోషల్‌లో ట్రంప్‌ పోస్టుచేశారు. హార్మూజ్‌ జలసంధిపై అమెరికాకు ఉన్న నియంత్రణ, రష్యా నుంచి ప్రతిపాదిత డీజిల్‌ సరఫరాలతో ఇంధన ధరలు గణనీయంగా తగ్గుతాయని వెల్లడించారు. యుద్ధాన్ని పొడిగించడానికి అది పెట్టుబడి: జెలెన్‌స్కీ ట్రంప్‌ తాజా నిర్ణయంపై ఉక్రెయిన్‌ అధినేత జెలెన్‌స్కీ తీవ్ర అసంతృప్తి వ్యక్తంచేశారు. రష్యా నుంచి డీజిల్‌ కొనడం సరైన వ్యూహం కాదని పేర్కొన్నారు. పుతిన్‌కు ఇచ్చే బహుమతులు నాగరిక ప్రపంచానికి శాంతిని గానీ, ఇతర ప్రయోజనాన్ని గానీ చేకూర్చలేవని సోషల్‌ మీడియా పోస్ట్‌లో పేర్కొన్నారు. రష్యా పెట్రోలియం ఉత్పత్తులను విక్రయించడానికి అనుమతించడం అనేది... ముగించాల్సిన యుద్ధాన్ని మరింత పొడిగించడానికి పెట్టుబడి పెట్టడమే అవుతుందని విమర్శించారు. అందుకే రష్యా డీజిల్‌పై ఆసక్తి స్వదేశంలో చమురు ధరలు భారీగా పెరగడం వల్లే రష్యా డీజిల్‌పై ట్రంప్‌ ఆసక్తి చూపుతున్నట్లు తెలుస్తోంది. అమెరికాలో శుక్రవారం నాటికి డీజిల్‌ సగటు ధర గ్యాలన్‌కు 6.28 డాలర్లుగా ఉంది. ఇది ఏడాది క్రితం 3.68 డాలర్లుగా ఉండేది. అంటే దాదాపు రెండింతలు పెరిగింది. అమెరికా నుంచి డీజిల్‌ ఎగుమతులపై నిషేధం విధించాలని గత నెలలో ట్రంప్‌ ప్రతిపాదించారు. అయితే, అటువంటి చర్య ప్రపంచవ్యాప్తంగా ఇంధన కొరతకు, తద్వారా ధరల పెరుగుదలకు దారితీయవచ్చని నిపుణులు హెచ్చరించడంతో ట్రంప్‌ వెనక్కి తగ్గారు.

రష్యాతో యుద్ధం ఆపేందుకు ఒప్పందం చేసుకోలేకపోతున్నారా? అయితే ఉక్రెయిన్‌కు కొత్త అధ్యక్షుడు రావాల్సిందే! అంటూ అమెరికా అధ్యక్షుడు డొనాల్డ్‌ ట్రంప్‌ సంచలన వ్యాఖ్యలు చేశారు. రష్యా నుంచి డీజిల్‌ సరఫరాలకు అనుమతిస్తూ అమెరికా తీసుకున్న నిర్ణయాన్ని ఉక్రెయిన్‌ అధ్యక్షుడు వొలోడిమిర్‌ జెలెన్‌స్కీ విమర్శించడంతో ట్రంప్‌ ఈ వ్యాఖ్యలు చేశారు. రష్యా చమురు శుద్ధి కేంద్రాలపై ఉక్రెయిన్‌ దాడులు చేయడం వల్లే ఇంధన ధరలు పెరుగుతున్నాయని ఆయన ఆరోపించారు.రష్యా నుంచి డీజిల్‌ సరఫరాలకు అనుమతించడంపై జెలెన్‌స్కీ అభ్యంతరం వ్యక్తం చేశారు. ఈ నిర్ణయం వల్ల రష్యాకు ఆదాయం పెరుగుతుందని, ఆ డబ్బుతో యుద్ధాన్ని కొనసాగించేందుకు ఆయుధాలు కొనుగోలు చేసే అవకాశం ఉంటుందని ఆందోళన వ్యక్తం చేశారు. ఉక్రెయిన్‌పై దాడులు కొనసాగిస్తున్న రష్యాకు ఆర్థికంగా వెసులుబాటు కల్పించడం సరికాదని ఆయన విమర్శించారు.డీజిల్‌ సరఫరాలకు ట్రంప్‌ గ్రీన్‌సిగ్నల్‌..అమెరికాలో ఇంధన ధరలను తగ్గించేందుకు రష్యా నుంచి డీజిల్‌ సరఫరాలను పెంచాలని ట్రంప్‌ నిర్ణయించారు. తొలుత 3 లక్షల టన్నుల డీజిల్‌ను వెంటనే విడుదల చేయనున్నట్లు ప్రకటించారు. నవంబర్‌లో మరో 5 లక్షల టన్నులు, ఆ తర్వాత మరిన్ని సరఫరాలు అందుబాటులోకి వస్తాయని తెలిపారు. అయితే, ఈ నిర్ణయం రష్యాకు ఆర్థిక ప్రయోజనం చేకూరుస్తుందన్న జెలెన్‌స్కీ విమర్శలు అమెరికా–ఉక్రెయిన్‌ మధ్య విభేదాలను మరింత పెంచాయి.పెరిగిన ఇంధన ధరలు..ఇరాన్‌ యుద్ధం, హార్ముజ్‌ జలసంధి మూసివేతతో ప్రపంచవ్యాప్తంగా ఇంధన సరఫరాలకు అంతరాయం ఏర్పడింది. దీంతో ధరలు భారీగా పెరిగాయి. అమెరికాలో డీజిల్‌ ధర గ్యాలన్‌కు సగటున 6.28 డాలర్లకు చేరింది. ఈ పరిస్థితుల్లో సరఫరాలను పెంచి ధరలను తగ్గించడమే తన లక్ష్యమని ట్రంప్‌ చెబుతున్నారు. అయితే, రష్యాకు ఆదాయం పెరిగితే అది యుద్ధానికి ఉపయోగపడుతుందన్నది జెలెన్‌స్కీ ఆందోళన.రష్యాపై ఒత్తిడి తగ్గించొద్దు: యూరప్‌అమెరికా నిర్ణయంపై యూరోపియన్‌ యూనియన్‌ విదేశాంగ విభాగం అధిపతి కాజా కల్లాస్‌ కూడా అభ్యంతరం వ్యక్తం చేశారు. రష్యాపై ఆంక్షలను సడలించడం వల్ల ఆ దేశానికి యుద్ధం కొనసాగించేందుకు మరిన్ని నిధులు అందుతాయని పేర్కొన్నారు. మరోవైపు, ఉక్రెయిన్‌కు మద్దతు కొనసాగిస్తామని బ్రిటన్‌ ప్రకటించింది. రష్యా ఇంధన రంగంలో కాల్పుల విరమణకు అంగీకరించాలని కోరింది.ఎన్నికలు నిర్వహించాలంటున్న ట్రంప్‌..2022లో రష్యా దాడి ప్రారంభమైనప్పటి నుంచి ఉక్రెయిన్‌లో మార్షల్‌ లా అమల్లో ఉంది. ఈ కారణంగా ఎన్నికలు నిలిపివేశారు. అయితే, ఉక్రెయిన్‌లో ఎన్నికలు నిర్వహించి ప్రజలు కొత్త నాయకుడిని ఎన్నుకునే అవకాశం కల్పించాలని ట్రంప్‌ గతంలోనూ వ్యాఖ్యానించారు. తాజాగా జెలెన్‌స్కీపై చేసిన విమర్శలతో ఈ అంశం మరోసారి అంతర్జాతీయ చర్చకు వచ్చింది. యుద్ధం, ఇంధన సరఫరాలు, నాయకత్వంపై భిన్నాభిప్రాయాల నేపథ్యంలో అమెరికా–ఉక్రెయిన్‌ సంబంధాలు మరింత ఒత్తిడికి గురవుతున్నాయి.ఇదీ చదవండి: పుతిన్‌కు ట్రంప్‌ భారీ ఆఫర్‌.. ఉక్రెయిన్‌కు కొత్త టెన్షన్‌

ఉక్రెయిన్‌పై రష్యా భీకర దాడులు జరిపింది. ఈ రోజు (శనివారం) జపొరిజియా ప్రాంతంలో క్షిపణులతో విరుచుకపడింది. ఈ దాడులలో కనీసం ఎనిమిది మంది ప్రాణాలు కోల్పోయారు. అయితే రష్యాతో డీజిల్‌ కొనుగోలు విషయంలో ఒప్పందం కుదిరిందని ట్రంప్‌ ప్రకటించిన మరోసటే రోజే ఈ దాడులు జరిగాయి.అమెరికా అధ్యక్షుడు ట్రంప్.. రష్యా అధ్యక్షుడు వ్లాదిమిర్‌ పుతిన్‌ డీజిల్‌ కొనుగోలు ఒప్పందం కుదుర్చుకున్నారు. దీనిపై ఉక్రెయిన్‌ తీవ్ర అభ్యంతరం వ్యక్తం చేసింది. రష్యా నుంచి డీజిల్‌ కొనుగోలు చేయడం ద్వారా ఆ దేశానికి ఆదాయం లభిస్తుందని, ఆ నిధులను మాస్కో తన సైనిక చర్యలకు, యుద్ధాన్ని కొనసాగించడానికి వినియోగించే అవకాశం ఉందని ఆందోళన వ్యక్తం చేసింది. రష్యాపై ఆంక్షలను సడలించడం ద్వారా ఆ దేశానికి యుద్ధాన్ని కొనసాగించేందుకు ఆర్థిక వనరులు సమకూరుతాయని ఉక్రెయిన్‌ అధ్యక్షుడు వొలోదిమిర్‌ జెలెన్‌స్కీ తీవ్రంగా విమర్శించారు.ఈ విమర్శలు జరిగి 24 గంటలైనా కాకముందే రష్యా ఉక్రెయిన్‌పై విరుచుకపడింది.శనివారం జపొరిజియా ప్రాంతంలో రష్యా జరిపిన దాడుల్లో కనీసం ఎనిమిది మంది మరణించారు. ఇదే సమయంలో అమెరికా అధ్యక్షుడు డొనాల్డ్‌ ట్రంప్‌.. ది వాషింగ్టన్‌ పోస్ట్‌ కథనం ప్రకారం.. గత నాలుగు రోజుల్లో ఉక్రెయిన్‌ అంతటా రష్యా జరిపిన దాడుల్లో 55 మందికి పైగా మరణించారు. వీరిలో జపొరిజియా ప్రాంతంలోనే కనీసం ఏడుగురు ప్రాణాలు కోల్పోయినట్లు సమాచారం.ఈ పరిణామాల నేపథ్యంలో ట్రంప్‌ ప్రకటించిన డీజిల్‌ ఒప్పందం అంతర్జాతీయంగా చర్చనీయాంశమైంది. అమెరికాలో పెరుగుతున్న ఇంధన ధరలను నియంత్రించడంతోపాటు వినియోగదారులు, వ్యాపార సంస్థలపై ఆర్థిక భారాన్ని తగ్గించేందుకు ఈ ఒప్పందం ఉపయోగపడుతుందని అమెరికా ప్రభుత్వం భావిస్తోంది. అయితే, రష్యా నుంచి ఇంధనాన్ని కొనుగోలు చేయడం వల్ల ఆ దేశానికి అదనపు ఆదాయం సమకూరి, ఉక్రెయిన్‌పై యుద్ధాన్ని మరింత కాలం కొనసాగించే అవకాశం లభిస్తుందని ఉక్రెయిన్‌ అధికారులు వాదిస్తున్నారు.రష్యా నుంచి భారీగా డీజిల్‌ దిగుమతులుఈ ఒప్పందం ప్రకారం రష్యా నుంచి తొలుత 3 లక్షల టన్నులకు పైగా డీజిల్‌ను వెంటనే సరఫరా చేయనున్నట్లు సమాచారం. అనంతరం నవంబర్‌లో మరో 5 లక్షల టన్నులు, ఆ తర్వాత అదనంగా 10 లక్షల టన్నులు, కొద్ది వ్యవధిలో మరో 30 లక్షల టన్నుల డీజిల్‌ను సరఫరా చేయనున్నట్లు కథనంలో పేర్కొన్నారు.అమెరికాలో ఇంధన సరఫరాను స్థిరీకరించడం, ధరలను తగ్గించడం లక్ష్యంగా ఈ ఏర్పాట్లు చేసినట్లు తెలుస్తోంది. ముఖ్యంగా ట్రక్కుల రవాణా రంగం, రైతులు, పశుపోషకులు, సాధారణ కుటుంబాలపై పెరుగుతున్న ఇంధన వ్యయాల ప్రభావాన్ని తగ్గించేందుకు ఈ నిర్ణయం తీసుకున్నట్లు వైట్‌హౌస్‌ వర్గాలు తెలిపాయి. ఇరాన్‌కు సంబంధించిన సంఘర్షణతో సహా అంతర్జాతీయ పరిణామాల కారణంగా నెలకొన్న ఆర్థిక అనిశ్చితి నేపథ్యంలో ఇంధన ధరలను అదుపులో ఉంచడం అమెరికాకు కీలకంగా మారింది.ఇదీ చదవండి: పుతిన్‌కు ట్రంప్ ఆఫర్‌

ఒకప్పుడు రష్యాపై ఆంక్షలు, హెచ్చరికలతో ఒత్తిడి తెచ్చిన అమెరికా అధ్యక్షుడు డొనాల్డ్‌ ట్రంప్‌.. ఇప్పుడు అదే దేశాధినేత వ్లాదిమిర్‌ పుతిన్‌తో ఇంధన ఒప్పందానికి సిద్ధమయ్యారు. అమెరికాలో పెరుగుతున్న డీజిల్‌ ధరలను తగ్గించేందుకు రష్యా నుంచి భారీగా ఇంధనం కొనుగోలు చేయనున్నట్లు ప్రకటించారు. అయితే, ఈ నిర్ణయం ఉక్రెయిన్‌ అధ్యక్షుడు వొలోదిమిర్‌ జెలెన్‌స్కీకి తీవ్ర ఆగ్రహం తెప్పించింది. ఒకవైపు ఉక్రెయిన్‌తో యుద్ధాన్ని ముగించేందుకు చర్చలు జరుపుతూనే.. మరోవైపు రష్యాకు ఆర్థికంగా లబ్ధి చేకూర్చేలా వ్యవహరించడం ఏమిటని ఆయన ప్రశ్నించారు. పుతిన్‌కు ఇలాంటి అవకాశాలు కల్పించడం వల్ల శాంతి సాధ్యం కాదని విమర్శించారు. అమెరికా తన ఇంధన అవసరాల కోసం రష్యాకు మళ్లీ దగ్గరవుతోందన్న చర్చకు ఈ పరిణామం తెరతీసింది.పుతిన్‌కు వరం.. ఉక్రెయిన్‌కు ఆందోళన!అమెరికా, రష్యా మధ్య కుదిరినట్లు ట్రంప్‌ ప్రకటించిన ఒప్పందం ప్రకారం.. తక్షణమే 3 లక్షల మెట్రిక్‌ టన్నులకు పైగా డీజిల్‌ సరఫరా చేయనున్నారు. నవంబర్‌లో మరో 5 లక్షల టన్నులు, ఆ తర్వాత ఇంకో 10 లక్షల టన్నుల డీజిల్‌ అందించనున్నట్లు ట్రంప్‌ వెల్లడించారు. పుతిన్‌తో జరిగిన చర్చలు విజయవంతమయ్యాయని తన ట్రూత్‌ సోషల్‌ ఖాతాలో పేర్కొన్నారు. అమెరికాలో ఇంధన ధరలను తగ్గించడమే ఈ నిర్ణయం వెనుక ప్రధాన ఉద్దేశమని తెలిపారు. అయితే, ఈ ఒప్పందం ద్వారా రష్యాకు అదనపు ఆదాయం సమకూరుతుందని జెలెన్‌స్కీ అభ్యంతరం వ్యక్తం చేశారు. ఆ నిధులు ఉక్రెయిన్‌పై యుద్ధాన్ని కొనసాగించేందుకు ఉపయోగపడతాయని ఆందోళన వ్యక్తం చేశారు. యుద్ధాన్ని ముగించాల్సిన సమయంలో రష్యాకు ఆర్థికంగా చేయూతనివ్వడం సరికాదని విమర్శించారు.‘పుతిన్‌కు బహుమతులిస్తే శాంతి రాదు’ట్రంప్‌ నిర్ణయంపై జెలెన్‌స్కీ ఎక్స్‌ వేదికగా ఘాటుగా స్పందించారు. ‘పుతిన్‌కు బహుమతులు ఇవ్వడం వల్ల శాంతి రాదు. నాగరిక ప్రపంచానికి ఎలాంటి ప్రయోజనమూ ఉండదు’ అని వ్యాఖ్యానించారు. రష్యా ఈ డీజిల్‌ ఆదాయాన్ని మరింత దాడులు, మోసపూరిత చర్యలకు వినియోగించే అవకాశం ఉందని ఆరోపించారు. నిజమైన శాంతి సాధించాలంటే ఇరు పక్షాలు పరస్పరం ఉద్రిక్తతలను తగ్గించుకునే చర్యలు తీసుకోవాలని స్పష్టం చేశారు.రష్యాతో యుద్ధాన్ని ముగించేందుకు ప్రయత్నాల్లో భాగంగా ఉక్రెయిన్‌ ప్రతినిధి బృందం అమెరికాలో చర్చలు జరుపుతున్న సమయంలోనే ఈ ఒప్పందం ప్రకటించడం జెలెన్‌స్కీ అసంతృప్తికి మరో కారణంగా నిలిచింది. తమ బృందాన్ని కేవలం ఒక సాకుగా ఉపయోగించుకుంటున్నారనే భావన కలుగుతోందని ఆయన వ్యాఖ్యానించారు. బలమైన భాగస్వాములు ఇలాంటి నిర్ణయాలు తీసుకోవడం సరైన పద్ధతి కాదని అసహనం వ్యక్తం చేశారు.ఇంధన ధరల కోసం ఆంక్షల సడలింపు?అమెరికాకు ఊరట.. అమెరికాలో డీజిల్‌ ధరలు భారీగా పెరగడంతో వాటిని నియంత్రించేందుకు ట్రంప్‌ ప్రభుత్వం రష్యా సరఫరాలపై దృష్టి పెట్టింది. అమెరికా ఆర్థిక శాఖ శుక్రవారం జారీ చేసిన సాధారణ లైసెన్స్‌ ద్వారా ఏప్రిల్‌ 7 వరకు రష్యా నుంచి డీజిల్‌ దిగుమతులకు అనుమతి కల్పించినట్లు కథనం పేర్కొంది. ఉక్రెయిన్‌పై యుద్ధం నేపథ్యంలో రష్యా ఇంధన సంస్థలపై ఆంక్షలు కొనసాగుతున్నప్పటికీ ఈ నిర్ణయం తీసుకోవడం ప్రాధాన్యం సంతరించుకుంది. కాగా, అమెరికాలో డీజిల్‌ ధరలు గ్యాలన్‌కు 6.28 డాలర్లకు చేరిన నేపథ్యంలో ట్రంప్‌ ఈ చర్యలు చేపట్టారు. రైతులు, పశువుల పోషకులు, ట్రక్కుల డ్రైవర్లపై ఇంధన ధరల భారాన్ని తగ్గించడమే తన ప్రాధాన్యమని తెలిపారు. అయితే, రష్యా నుంచి సరఫరాలు పెరిగినంత మాత్రాన ధరలు గణనీయంగా, దీర్ఘకాలం తగ్గుతాయని చెప్పలేమని చమురు రంగ నిపుణులు అభిప్రాయపడుతున్నారు.అమెరికా ప్రయోజనాలా.. శాంతి ప్రయత్నాలా?అమెరికాలో ఇంధన ధరలను అదుపులోకి తీసుకురావాలన్న ట్రంప్‌ లక్ష్యం ఒకవైపు ఉంటే.. రష్యాకు అదనపు ఆదాయం సమకూరడం వల్ల ఉక్రెయిన్‌ యుద్ధం మరింత కొనసాగుతుందన్న ఆందోళన మరోవైపు ఉంది. ఈ నేపథ్యంలో ట్రంప్‌ నిర్ణయం అమెరికా ఇంధన అవసరాలు, ఉక్రెయిన్‌ శాంతి ప్రయత్నాల మధ్య కొత్త వివాదానికి దారితీసింది. పుతిన్‌తో ఒప్పందం అమెరికా వినియోగదారులకు ఎంతవరకు ఊరటనిస్తుందన్నది ఒక ప్రశ్నగా ఉంటే.. అదే సమయంలో రష్యాపై ఒత్తిడి తగ్గినట్లవుతుందా అన్నది అంతర్జాతీయంగా చర్చనీయాంశమైంది.ఇదీ చదవండి: కెప్టెన్‌ స్మిత్‌ మచ్ఛార్‌కు ఇజ్రాయెలీ అవార్డు!

అమెరికాలో డీజిల్‌ ధరలు ఆకాశాన్నంటుతున్న వేళ అధ్యక్షుడు డొనాల్డ్‌ ట్రంప్‌ కీలక అడుగు వేశారు. రష్యా అధ్యక్షుడు వ్లాదిమిర్‌ పుతిన్‌తో ఒప్పందం కుదుర్చుకుని ఇంధన ధరల తగ్గింపునకు ప్రయత్నిస్తున్నారు. ఈ ఒప్పందంతో ప్రపంచ మార్కెట్లోకి భారీగా డీజిల్‌ అందుబాటులోకి రానుంది.పుతిన్‌ వెంటనే 3 లక్షల టన్నుల డీజిల్‌ను విడుదల చేసేందుకు అంగీకరించారని ట్రంప్‌ తెలిపారు. నవంబర్‌లో మరో 5 లక్షల టన్నులు, ఆ తర్వాత 10 లక్షల టన్నుల డీజిల్‌ను విడుదల చేయనున్నట్లు పేర్కొన్నారు. డీజిల్‌ ధరలు వేగంగా తగ్గుతాయని ట్రూత్‌ సోషల్‌లో పోస్ట్‌ చేశారు.అయితే, అమెరికాలో ఫిబ్రవరిలో ఇరాన్‌తో యుద్ధం ప్రారంభమైనప్పటి నుంచి డీజిల్‌ ధరలు రెండింతలయ్యాయి. ప్రస్తుతం గ్యాలన్‌ డీజిల్‌ సగటు ధర 6.28 డాలర్లుగా ఉంది. సెప్టెంబర్‌ చివర్లో ఇది రికార్డు స్థాయిలో 6.53 డాలర్లకు చేరింది.ట్రంప్‌ ప్రకటన వెలువడిన కొద్దిసేపటికే రష్యా డీజిల్‌ను మార్కెట్లోకి అనుమతిస్తూ అమెరికా ట్రెజరీ శాఖ తాత్కాలిక లైసెన్స్‌ జారీ చేసింది. అలాగే, రష్యా ప్రతినిధి కిరిల్‌ దిమిత్రియేవ్‌ ఈ ఒప్పందాన్ని స్వాగతించారు. ఇరు దేశాల ఇంధన రంగ సహకారం ప్రపంచానికి ప్రయోజనం చేకూరుస్తుందని పేర్కొన్నారు.ఇంధన ధరలను తగ్గించేందుకు ట్రంప్‌ ఇప్పటికే పలు చర్యలు చేపట్టారు. గ్యాసోలిన్‌పై ఫెడరల్‌ పన్నును తాత్కాలికంగా నిలిపివేసే అంశాన్ని పరిశీలిస్తున్నారు. అలాగే, జీ7 దేశాల నిల్వల నుంచి 10 కోట్ల బ్యారెళ్ల చమురు, డీజిల్‌ను విడుదల చేసేలా ఒత్తిడి తెచ్చారు.ఇదీ చదవండి: పనామాలో భారీ భూకంపం.. సునామీ హెచ్చరికలు!

కీవ్‌: ఉక్రెయిన్‌లో రష్యా బీభత్సం సృష్టించింది. ప్రజా రవాణా లక్ష్యంగా రష్యా సైన్యం గ్లైడ్ బాంబ్‌ల వర్షం కురిపించింది. ఈ దాడిలో బస్సుల్లో ప్రయాణిస్తున్న 33 మంది సామాన్యులు ప్రాణాలు కోల్పోయారు. 18మంది తీవ్రంగా గాయపడ్డారు.తూర్పు భాగంలో రష్యా బలగాలకు అతి దగ్గరగా..ఉక్రెయిన్ సైన్యానికి కీలకమైన రక్షణ ప్రాంతమైన ఫ్రంట్‌లైన్ సిటీ క్రమటోర్స్క్ నగరంలో రష్యా జరిపిన భీకర గ్లైడ్ బాంబ్ దాడి చేసింది. ఈ దాడిలో భారీ ఎత్తున ప్రాణ నష్టం సంభవించడంపై ఉక్రెయిన్‌ అధ్యక్షుడు జెన్‌స్కీ తీవ్ర ఆందోళన వ్యక్తం చేశారు.ఈ ఘోర ప్రమాదంపై దొనెత్స్క్ గవర్నర్ వాదిమ్ ఫిలాష్కిన్ మాట్లాడుతూ.. ప్రయాణికులతో వెళ్తున్న బస్సులపై రష్యా బలగాలు ఉద్దేశ పూర్వకంగానే ఈ దాడికి పాల్పడ్డాయని ఆరోపించారు. బస్సు పూర్తిగా మంటల్లో చిక్కుకున్న దృశ్యాలు, రోడ్డుపై చెల్లాచెదురైన శిథిలాలను ఉక్రెయిన్ అటార్నీ జనరల్ కార్యాలయం విడుదల చేసింది. భద్రతా పరిస్థితి క్షీణించడంతో క్రమటోర్స్క్, స్లోవియాన్స్క్ ప్రాంతాలలో ప్రజా రవాణాను పూర్తిగా నిలిపివేశారు. అక్కడి ప్రజలు సురక్షిత ప్రాంతాలకు తరలిపోవాలని గవర్నర్ విజ్ఞప్తి చేశారు.మధ్య ఉక్రెయిన్‌ ప్రిలుకి నగరంలో రష్యా జరిపిన మరో దాడిలో ఐదు అంతస్తుల నివాస భవనం నేలమట్టమైంది. ఐదుగురు పిల్లలతో సహా మొత్తం 22 మంది ఈ దాడిలో ప్రాణాలు కోల్పోయినట్లు బీబీసీ నివేదించింది. రాజధాని కీవ్ చుట్టూ కూడా దాడులు పెరిగాయి. గురువారం జరిగిన దాడుల్లో ముగ్గురు మృతి చెందగా, మరో 14 మంది గాయపడినట్లు మేయర్ విటాలి క్లిట్చ్కో వెల్లడించారు. వీరిలో ఇద్దరి పరిస్థితి విషమంగా ఉంది.పెరుగుతున్న ప్రాణనష్టాలు ఉక్రెయిన్‌లో పౌర మరణాలు భారీగా పెరుగుతున్నాయని ఐక్యరాజ్యసమితి ఆందోళన వ్యక్తం చేసింది. గతేడాదిలో మొత్తం జరిగిన ప్రాణ నష్టంతో పోలిస్తే.. ఈ ఏడాది తొలి ఎనిమిది నెలల్లోనే ఉక్రెయిన్‌లో ఎక్కువ మంది ప్రాణాలు కోల్పోయినట్లు ఐరాస తెలిపింది. దొనెత్స్క్ ప్రాంతంలోని కీలక నగరాలను కైవసం చేసుకునేందుకు రష్యా ఈ విధ్వంసకర వ్యూహాన్ని అమలు చేస్తోంది.ఈ దాడులపై ఉక్రెయిన్ అధ్యక్షుడు వ్లాదిమిర్‌ జెలెన్‌స్కీ తీవ్ర దిగ్భ్రాంతి వ్యక్తం చేశారు. రష్యా ఉద్దేశ పూర్వకంగానే పౌరులను టార్గెట్ చేస్తోందని ఆగ్రహం వ్యక్తం చేశారు. ఎలాంటి సైనిక లక్ష్యాలు లేని ప్రాంతాలపై రష్యా మళ్లీ మళ్లీ దాడులకు పాల్పడుతోందని ఉక్రెయిన్ అధికారులు ఆవేదన వ్యక్తం చేశారు. కాగా, ఈ దాడుల నేపథ్యంలో ఆ ప్రాంతంలో అధికారులు ప్రజా రవాణాను తాత్కాలికంగా నిలిపివేశారు. రష్యా దాడులను ఖండించిన ఆయన, ఉక్రెయిన్‌కు అదనపు వైమానిక రక్షణ వ్యవస్థలు తక్షణమే అందించాలని అంతర్జాతీయ భాగస్వామ్య దేశాలను కోరారు. ఇదీ చదవండి : ఉక్రెయిన్ వార్ వేళ బిగ్ ట్విస్ట్.. ట్రంప్ లక్ష కోట్ల మాస్టర్ ప్లాన్!

సైబీరియా: రష్యాలోని సైబీరియాలో ప్లేగు పరిశోధనా కేంద్రంలో పనిచేసే 28 ఏళ్ల దర్యా షిపిలోవా మృతి చెందడం అంతర్జాతీయంగా అనుమానాలకు దారితీసింది. ఆమె మరణానికి కారణం ఏమిటన్న దానిపై స్పష్టత లేకపోవడంతో అమెరికా, ప్రపంచ ఆరోగ్య సంస్థ (డబ్ల్యూహెచ​వో) రష్యాను మరిన్ని వివరాలు వెల్లడించాలని కోరుతున్నాయి. ఈ నేపథ్యంలో అమెరికా అధ్యక్షుడు డొనాల్డ్ ట్రంప్‌తో ఫోన్‌లో మాట్లాడేందుకు రష్యా అధ్యక్షుడు వ్లాదిమిర్ పుతిన్ సిద్ధంగా ఉన్నట్లు మాస్కో తెలిపింది. అయితే ఇప్పటివరకు కాల్‌కు ఎలాంటి సమయం ఖరారు కాలేదు.‘న్యూమోనియా’తో మృతి.. ప్లేగుపై అనుమానాలుఅక్టోబర్ 2న మరణించిన షిపిలోవా.. ఇర్కుట్స్క్ యాంటీ-ప్లేగ్ ఇన్‌స్టిట్యూట్‌లో పనిచేస్తున్నారు. ఆమె మరణానికి ‘న్యూమోనియా’ కారణమని రష్యా అధికారులు చెబుతున్నారు. అయితే తొలుత వచ్చిన కొన్ని రష్యా మీడియా కథనాల్లో ల్యాబ్‌లో జరిగిన ప్రమాదం కారణంగా ఆమెకు న్యూమోనిక్ ప్లేగు సోకి ఉండొచ్చని పేర్కొన్నారు.200 మందికి పరీక్షలు.. ప్లేగు కేసులేవీ లేవుషిపిలోవాతో సంబంధం ఉన్న సుమారు 200 మందిని పరీక్షించినట్లు రష్యా ఆరోగ్య పర్యవేక్షణ సంస్థ రోస్పోట్రెబ్నాడ్జోర్ తెలిపింది. వారిలో ఎవరికీ ప్లేగు నిర్ధారణ కాలేదని పేర్కొంది. దాదాపు 90 శాతం మందిని పర్యవేక్షణ కోసం విధించిన క్వారంటైన్ నుంచి విడుదల చేసినట్లు తెలిపింది. మొత్తం దాదాపు 5 వేల ప్రయోగశాల పరీక్షలు నిర్వహించామని, ప్రమాదకరమైన వ్యాధికారకాలు ఏవీ గుర్తించలేదని వెల్లడించింది.‘మహమ్మారి ముప్పు లేదు’షిపిలోవా మరణం నేపథ్యంలో ఇర్కుట్స్క్ ప్రాంతంలో తీసుకున్న ముందస్తు జాగ్రత్తలను సడలిస్తున్నట్లు రష్యా అధికారులు తెలిపారు. ఆమెకు పనిచేసే ప్రమాదకర అంటువ్యాధులపై వ్యాక్సిన్లు కూడా ఉన్నాయని పేర్కొన్నారు. అయితే షిపిలోవా మరణానికి అసలు కారణం ఏమిటో స్పష్టంగా చెప్పకపోవడంతో డబ్ల్యూహెచ్‌​వో రష్యా నుంచి మరింత సమాచారం కోరింది. ఆ ప్రాంతంలో మరో వ్యక్తికి కూడా ఇన్ఫెక్షన్ సోకినట్లు వచ్చిన వార్తలను పరిశీలిస్తున్నట్లు తెలిపింది. అయితే రెండో కేసు ఇప్పటివరకు నిర్ధారణ కాలేదు.బయో టెర్రరిజం ముప్పుపైనా ప్రశ్నలుఇర్కుట్స్క్ పరిశోధనా కేంద్రం సాధారణ ప్లేగు పరిశోధనలతో పాటు బయోటెర్రరిజానికి ఉపయోగించే ప్రమాదకర జీవ పదార్థాలకు సంబంధించిన అత్యవసర పరిస్థితులను ఎదుర్కొనే ప్రణాళికలపై కూడా పనిచేస్తున్నట్లు సంస్థ వెబ్‌సైట్‌లో పేర్కొంది. ఈ కారణంగానే ఈ ఘటనపై అంతర్జాతీయ దృష్టి మరింత పెరిగింది. గతంలో రష్యా జీవాయుధ కార్యక్రమాలతో సంబంధం ఉన్నట్లు ఆరోపణలు ఎదుర్కొన్న నేపథ్యంలో ఈ కేంద్రంపై కొత్త అనుమానాలు వ్యక్తమవుతున్నాయి. అయితే షిపిలోవా మరణానికి జీవాయుధాలు లేదా ల్యాబ్ ప్రమాదమే కారణమని నిర్ధారించే ఆధారాలు ఇప్పటివరకు లేవు.పొరుగు దేశాల అప్రమత్తతరష్యా అధికారులు ప్రజలకు ఎలాంటి మహమ్మారి ముప్పు లేదని చెబుతున్నప్పటికీ, పొరుగు దేశాలు మాత్రం అప్రమత్తమయ్యాయి. రష్యా నుంచి అంటువ్యాధులు వ్యాప్తి చెందకుండా కజకిస్థాన్, కిర్గిజిస్థాన్, ఉజ్బెకిస్థాన్ అదనపు ముందస్తు చర్యలు చేపట్టినట్లు అధికారులు తెలిపారు. షిపిలోవా మరణానికి ఖచ్చితమైన కారణంపై రష్యా నుంచి స్పష్టమైన వివరణ వచ్చే వరకు ఈ అంశంపై అంతర్జాతీయంగా ప్రశ్నలు కొనసాగే అవకాశం ఉంది.ఇదీ చదవండి: ‘నానా’ను బలిగొన్న కార్డియాక్‌ అరెస్ట్‌.. ఆ కీలక నిమిషాల్లో ఏం చేయాలంటే..

రష్యాలోని సైబీరియాలో ఓ యాంటీ-ప్లేగు పరిశోధనా సంస్థలో పనిచేసే 28 ఏళ్ల యువతి అనుమానాస్పద పరిస్థితుల్లో మృతి చెందడం ప్రపంచవ్యాప్తంగా కలకలం రేపుతోంది. ఆమె ప్లేగుతో చనిపోయిందన్న ప్రచారం మొదలైనప్పటికీ.. రష్యా అధికారులు మాత్రం దీనిని ఖండిస్తున్నారు. అయితే మృతురాలితో సంబంధం ఉన్నవారిని వైద్య పర్యవేక్షణలో ఉంచడం, ల్యాబ్‌ సిబ్బందిని ఐసోలేషన్‌లో పెట్టడం, కొన్ని ఆసుపత్రుల్లో అదనపు ఆంక్షలు విధించడం అనుమానాలకు తెరలేపింది. దీంతో అసలు ఏం జరిగింది? ఆమెకు సోకింది ప్లేగేనా? ల్యాబ్‌లో ఏదైనా ప్రమాదం జరిగిందా? అన్న ప్రశ్నలు తలెత్తుతున్నాయి. ఈ నేపథ్యంలో రష్యా బయో ల్యాబ్‌లో చోటుచేసుకున్న ఈ మరణంపై సీఎన్‌ఎన్‌ సహా అంతర్జాతీయ మీడియా కథనాలు వెలువడటం మరింత ఆసక్తిని రేపుతోంది.అసలు ఏం జరిగిందంటే.. ఇర్కుట్స్క్‌ యాంటీ ప్లేగు రీసెర్చ్‌ ఇన్‌స్టిట్యూట్‌లో పనిచేసే దర్యా షిపిలోవా సెప్టెంబర్‌ 29న ఆసుపత్రిలో చేరినట్లు రష్యా, స్థానిక మీడియా కథనాలు తెలిపాయి. అక్టోబర్‌ 2న ఆమె మరణించింది. రష్యా ఆరోగ్య పర్యవేక్షణ సంస్థ రోస్పోట్రెబ్నాడ్జోర్‌ ప్రకారం.. ఆమెకు ‘తెలియని కారణంతో వచ్చిన న్యూమోనియా’ ఉన్నట్లు గుర్తించారు. అయితే ఆమె మృతదేహంలో ఆమె పనిచేసిన ల్యాబ్‌కు సంబంధం ఉన్న ప్రమాదకర సూక్ష్మజీవులు గుర్తించలేదని అధికారులు తెలిపారు. కాగా, కొన్ని స్థానిక, అంతర్జాతీయ మీడియా కథనాల్లో ఆమె ప్లేగు పరిశోధన సమయంలో అనుకోకుండా వ్యాధికారక పదార్థానికి గురై ఉండొచ్చన్న కథనాలు వెలువడ్డాయి. ముఖ్యంగా ‘ప్లేగు బ్యాక్టీరియా ఉన్న టెస్ట్‌ ట్యూబ్‌ పగిలింది’ అన్న వాదన కూడా ప్రచారంలోకి వచ్చింది.దీంతో, యువతి మృతితో ఆమె పనిచేసిన సంస్థలోని 60 మందికి పైగా సిబ్బందిని ఐసోలేషన్‌లో ఉంచినట్లు వార్తలు వచ్చాయి. ఆమెతో పరిచయం ఉన్న పలువురిని కూడా వైద్య పర్యవేక్షణలోకి తీసుకున్నారు. కొన్ని నివేదికల ప్రకారం దాదాపు 200 మందిని పరిశీలనలో ఉంచారు. ఇదే సమయంలో ఇర్కుట్స్క్‌ ప్రాంతంలోని కొన్ని ఆసుపత్రుల్లోనూ అదనపు ఆంక్షలు అమలు చేయడంతో ప్రజల్లో ఆందోళన పెరిగింది. ముఖ్యంగా కొన్ని ఆసుపత్రుల్లో ‘అత్యంత ప్రమాదకరమైన అంటువ్యాధి ప్లేగు’ అనుమానిత లక్షణాలపై ఉన్నట్టు ఆసుపత్రి పత్రుల్లో పేర్కొన్నట్టు సమాచారం బయటకు వచ్చింది. దీంతో అధికారులు ఏదో విషయాన్ని దాచిపెడుతున్నారన్న అనుమానాలు సోషల్‌ మీడియాలో వెల్లువెత్తాయి. అయితే రష్యా ప్రభుత్వం మాత్రం పరిస్థితి పూర్తిగా అదుపులోనే ఉందని చెబుతోంది.ప్లేగు భయానికి కారణమేంటి?రష్యాలోని ఇర్కుట్స్క్‌ ప్రాంతంలో ఉన్న ఈ సంస్థ సాధారణ ఆసుపత్రి కాదు. ప్లేగు సహా అత్యంత ప్రమాదకరమైన అంటువ్యాధులపై పరిశోధనలు, పర్యవేక్షణ చేసే ప్రత్యేక సంస్థ. అందుకే అక్కడ పనిచేసే ఉద్యోగి అనుమానాస్పద న్యూమోనియాతో మరణించడం సహజంగానే ప్రపంచ ఆరోగ్య సంస్థలు, ఇతర దేశాల దృష్టిని ఆకర్షించింది. అయితే, ఇప్పటివరకు ప్లేగు కేసు అధికారికంగా నిర్ధారణ కాలేదు. రష్యా అధికారులు ప్రపంచ ఆరోగ్య సంస్థ (WHO)కి ఇర్కుట్స్క్‌లో ప్లేగు కేసులు నమోదు కాలేదని తెలిపారు. మృతురాలితో సంబంధం ఉన్న వ్యక్తులను పరీక్షించగా వారిలోనూ ప్రమాదకర వ్యాధికారకాలు గుర్తించలేదని చెప్పారు. ఇక, ఈ ఘటనపై ప్రపంచ ఆరోగ్య సంస్థ రష్యా అధికారులతో నేరుగా సంప్రదింపులు జరిపింది. దీనికి సంబంధించిన పరిస్థితులు, నిర్వహించిన పరీక్షలు, వాటి ఫలితాలపై వివరాలు కోరింది. ప్రస్తుతం అందుబాటులో ఉన్న సమాచారాన్ని బట్టి రష్యా వెలుపల ప్రజారోగ్య ముప్పు చాలా తక్కువగా ఉందని WHO అంచనా వేసింది. రష్యా అధికారులు కూడా ఇర్కుట్స్క్‌లో ప్లేగు కేసు లేదని స్పష్టం చేశారు.ట్రంప్‌ ఏమన్నారు?రష్యా ఘటనపై అమెరికా అధ్యక్షుడు డొనాల్డ్‌ ట్రంప్‌ కూడా స్పందించారు. ఈ అంశంపై రష్యా అధ్యక్షుడు వ్లాదిమిర్‌ పుతిన్‌తో త్వరలో ఫోన్‌లో మాట్లాడనున్నట్లు ఆయన తెలిపారు. ఈ కేసుపై అమెరికా నిఘా వర్గాలు ‘చాలా లోతుగా’ పరిశీలిస్తున్నాయని, మరిన్ని వివరాలను త్వరలో వెల్లడిస్తామని చెప్పారు. అంతకుముందు ట్రంప్‌.. అవసరమైతే రష్యాకు ఈ పరిస్థితిని ఎదుర్కొనేందుకు అమెరికా సాయం చేస్తుందని చెప్పారు. వ్యాధికారక సూక్ష్మజీవులు గతంతో పోలిస్తే మరింత బలంగా మారుతున్నాయని ఆయన వ్యాఖ్యానించారు. అమెరికా విదేశాంగ మంత్రి మార్కో రూబియో కూడా రష్యా ఈ ఘటనపై ప్రపంచానికి మరింత సమాచారం ఇవ్వాల్సిన బాధ్యత ఉందని అన్నారు.భారత్‌కు ముప్పు ఉందా?ప్రస్తుతం భారత్‌ ప్రజలు ఆందోళన చెందాల్సిన అవసరం లేదని చెప్పడానికి అందుబాటులో ఉన్న సమాచారం సరిపోతుంది. దీనికి ప్రధాన కారణం రష్యాలోనే ప్లేగు కేసు ఇంకా అధికారికంగా నిర్ధారణ కాకపోవడం. అంతేకాదు, మృతురాలితో సంబంధం ఉన్నవారిలో ప్రమాదకర వ్యాధికారకాలు గుర్తించలేదని రష్యా అధికారులు WHOకి తెలిపారు. అయితే పరిస్థితి పూర్తిగా స్పష్టమయ్యే వరకు అంతర్జాతీయ ఆరోగ్య సంస్థలు నిఘా కొనసాగించడం సహజమే. ఒకవేళ న్యూమోనిక్‌ ప్లేగు నిర్ధారణైతే.. అది శ్వాసకోశ బిందువుల ద్వారా మనుషుల మధ్య వ్యాపించే అవకాశం ఉన్నందున సన్నిహిత కాంటాక్టులను గుర్తించడం, ఐసోలేషన్‌, పరీక్షలు, త్వరిత చికిత్స కీలకంగా మారతాయి. ప్లేగుకు యాంటీబయాటిక్స్‌తో చికిత్స అందుబాటులో ఉంది. మరోవైపు రష్యాలోని పరిణామాల నేపథ్యంలో మధ్య ఆసియా దేశాలు కూడా అప్రమత్తమయ్యాయి. కజకిస్థాన్‌, కిర్గిజిస్థాన్‌, ఉజ్బెకిస్థాన్‌, తజికిస్థాన్‌ సరిహద్దుల్లో ఆరోగ్య నియంత్రణ చర్యలను పెంచినట్లు నివేదికలు వెల్లడించాయి.రష్యా ఎందుకు ఇలా చేస్తోంది?ఇదే ఇప్పుడు అసలు ప్రశ్నగా మారింది. రష్యా అధికారులు మాత్రం ఎలాంటి ప్లేగు వ్యాప్తి లేదని చెబుతున్నారు. మరోవైపు ల్యాబ్‌ సిబ్బందిని ఐసోలేషన్‌లో పెట్టడం, ఆసుపత్రుల్లో అదనపు ఆంక్షలు విధించడం వంటి చర్యలు చేపట్టడంతో ప్రజల్లో అనుమానాలు పెరిగాయి. అయితే ముందస్తు జాగ్రత్తగా కాంటాక్టులను పర్యవేక్షించడం, ఐసోలేషన్‌లో ఉంచడం వంటి చర్యలు ప్రమాదకర అంటువ్యాధి అనుమానం వచ్చినప్పుడు సాధారణ ప్రజారోగ్య చర్యల్లో భాగం కావచ్చు. ప్రస్తుతం అసలు తేలాల్సిన విషయం ఒక్కటే.. దర్యా షిపిలోవా మృతికి కారణమైన వ్యాధికారకం ఏమిటి? రష్యా దర్యాప్తు, ల్యాబొరేటరీ పరీక్షల తుది ఫలితాలు వెల్లడైతేనే ఈ ఘటన వెనుక ఉన్న వాస్తవం మరింత స్పష్టమవుతుంది. ఇదీ చదవండి: సౌదీకి పాక్‌ బలగం.. హౌతీలను ఓడించే దమ్ముందా?

ఎల్లారెడ్డిపేట (సిరిసిల్ల): ఉన్న ఊరిలో ఉపాధి లేక రష్యాకు వెళ్లిన యువకుడు ఏజెంట్‌ చేసిన మోసంతో అక్కడి ఆర్మీలో పనిచేయాల్సి వస్తోంది. ఏజెంట్‌ మాటలు నమ్మి వెళ్లిన పాపానికి యుద్ధ వాతావరణంలో బిక్కుబిక్కుమంటూ గడుపుతున్నాడు. తన భర్తను ఇండియాకు రప్పించాలని, ఏజెంట్‌పై చర్యలు తీసుకోవాలని బాధితుడి భార్య పోలీసులను ఆశ్రయించింది. ఎల్లారెడ్డిపేట ఎస్సై రమేశ్‌గౌడ్‌ తెలిపిన వివరాలు.. రాజన్నసిరిసిల్ల జిల్లా ఎల్లారెడ్డిపేట మండలం నారాయణపూర్‌కు చెందిన దొమ్మాటి కిషన్‌–రక్షిత దంపతులు గ్రామంలో కులవృత్తి చేసుకుంటూ జీవిస్తున్నారు. కిషన్‌కు సరైన ఉపాధి అవకాశాలు లేకపోవడంతో రష్యాలో మంచి ఉద్యోగం ఇప్పిస్తానని సిరిసిల్ల పట్టణానికి చెందిన ఆదిత్య మ్యాన్‌పవర్‌ ఏజెంట్‌ దార్నం శ్రీనివాస్‌ చెప్పడంతో ఆయన మాటలు నమ్మి రూ.2.50 లక్షలు చెల్లించారు. గత నెల 5న కిషన్‌ రష్యాకు వెళ్లాడు. అక్కడికి వెళ్లిన తర్వాత తన భర్త మోసపోయాడని వాపోయింది. బలవంతంగా రష్యా ఆర్మీలో చేర్పించి ఉక్రెయిన్‌ సరిహద్దులోని యుద్ధ ప్రాంతానికి పంపినట్లు కిషన్‌ ఫోన్‌ చేసి చెప్పినట్లు భార్య రజిత తెలిపింది. రష్యాలో ఉద్యోగం పేరుతో పంపించి మోసానికి పాల్పడ్డ ఏజెంట్‌పై చర్యలు తీసుకోవడంతోపాటు తన భర్తను సురక్షితంగా స్వదేశానికి తీసుకురావాలని ఆమె పోలీసులను కోరింది. కేసు నమోదు చేసి దర్యాప్తు చేస్తున్నట్లు ఎస్సై రమేశ్‌గౌడ్‌ తెలిపారు.

నల్ల సముద్రంలో రష్యా దాడుల కలకలం రేపింది. వాణిజ్య నౌకపై డ్రోన్‌ విరుచుకుపడడంతో అది మునిగిపోయింది. ఈ దాడిలో ఒకరు మరణించగా.. మొత్తం 11 మంది సురక్షితంగా బయటపడ్డారు. వాళ్లలో ముగ్గురు భారతీయులు ఉండగా.. ఒకరికి తీవ్ర గాయాలు కావడంతో ఆస్పత్రికి తరలించారు. ‌ఎంవీ రోయాద్‌ మమ్మదోవ్‌ అనే సరకు రవాణా నౌకపై రష్యా దాడి జరిపింది. మంటలు చెలరేగి అనంతరం సముద్రంలో మునిగిపోయింది. ఈ ఘటనలో నౌక కెప్టెన్‌ మృతి చెందగా.. ముగ్గురు భారతీయ సిబ్బంది సహా మొత్తం 11 మందిని రొమేనియా సైన్యం రక్షించగలిగింది. ఈ దాడిని ఖండించిన ఉక్రెయిన్‌ అధ్యక్షుడు వ్లాదిమిర్‌ జెలెన్‌స్కీ.. టర్కీకి చెందిన ఈ నౌకలో అజర్‌బైజాన్‌, భారత్‌కు చెందిన సిబ్బంది ఉన్నారని తెలిపారు.దాడి సమాచారం అందిన వెంటనే రొమేనియాలోని భారత రాయబార కార్యాలయం అప్రమత్తమైంది. తొలుత నౌకలో ముగ్గురు భారతీయులు ఉన్నట్లు, వారి పరిస్థితిపై వివరాలు సేకరిస్తున్నట్లు తెలిపింది. అనంతరం ముగ్గురితో నేరుగా మాట్లాడినట్లు వెల్లడించింది. ముగ్గురు భారతీయులూ సురక్షితంగా ఉన్నారని, వారిలో ఒకరికి గాయాలు కావడంతో వైద్య చికిత్స అందుతున్నట్లు రాయబార కార్యాలయం తెలిపింది. ఆసుపత్రి అధికారులతో నిరంతరం సంప్రదింపులు జరుపుతున్నామని, భారతీయ సిబ్బందికి అవసరమైన అన్ని సహాయాలు అందిస్తున్నామని పేర్కొంది.రెండు డ్రోన్లతో దాడిఉక్రెయిన్‌ అధ్యక్షుడు జెలెన్‌స్కీ ఈ ఘటనపై స్పందిస్తూ.. రెండు రష్యా డ్రోన్లు పౌర నౌకపై దాడి చేశాయని ఆరోపించారు. నౌకలో మొక్కజొన్న సరకు ఉందన్నారు. దాడిలో నౌక కెప్టెన్‌ మృతి చెందినట్లు జెలెన్‌స్కీ వెల్లడించారు. మరో వ్యక్తి ఆచూకీపై కొంతసేపు స్పష్టత లేదని, 11 మంది సిబ్బందిని రక్షించగా వారిలో ఒకరికి గాయాలయ్యాయని తెలిపారు. అయితే ఈ ఆరోపణలపై రష్యా నుంచి వెంటనే అధికారిక స్పందన రాలేదు. రష్యా రక్షణ మంత్రిత్వ శాఖ అంతకుముందు విడుదల చేసిన రోజువారీ బులెటిన్‌లో రెండు సరకు రవాణా నౌకలపై రష్యా దళాలు దాడులు చేసినట్లు పేర్కొన్నప్పటికీ.. ఈ ఘటనకు సంబంధించిన పూర్తి వివరాలు వెల్లడించలేదు.ఇటలీకి వెళ్తుండగా..ఎంవీ రోయాద్‌ మమ్మదోవ్‌ మొక్కజొన్న సరుకుతో ఇటలీలోని రావెన్నా వైపు వెళ్తోంది. ఇది సెయింట్‌ కిట్స్‌ అండ్‌ నెవిస్‌ జెండాతో ప్రయాణిస్తోంది. అంతకుముందు ఉక్రెయిన్‌లోని ఇజ్‌మాయిల్‌ నౌకాశ్రయంలో ఈ నౌక నిలిచినట్లు నౌకల కదలికలను పర్యవేక్షించే వెసెల్‌ఫైండర్‌ సమాచారం వెల్లడించింది. ఇజ్‌మాయిల్‌ ఉక్రెయిన్‌లోని డాన్యూబ్‌ నదీ తీరంలో రొమేనియా సరిహద్దుకు సమీపంలో ఉన్న కీలక నౌకాశ్రయం. యుద్ధం కారణంగా నల్ల సముద్రంలోని ఇతర మార్గాలపై ప్రమాదాలు పెరగడంతో ఉక్రెయిన్‌ నుంచి వ్యవసాయ ఉత్పత్తుల రవాణాకు ఇది ముఖ్యమైన మార్గంగా మారింది. రొమేనియా మీడియా కథనాల ప్రకారం.. నౌకపై దాడి రొమేనియా ఇంధన సంస్థ ఓఎంవీ పెట్రోమ్‌ నిర్వహించే చమురు వేదిక సమీపంలో జరిగినట్లు తెలుస్తోంది.భారతీయ నావికులకు పెరుగుతున్న ముప్పురష్యా-ఉక్రెయిన్‌ యుద్ధం నేపథ్యంలో నల్ల సముద్రంలో వాణిజ్య నౌకల ప్రయాణం ప్రమాదకరంగా మారింది. క్షిపణులు, డ్రోన్ల దాడులతో పాటు సముద్రంలో కొట్టుకొచ్చే మందుపాతరలు కూడా వాణిజ్య నౌకలకు ముప్పుగా మారుతున్నాయి. ఈ ప్రాంతంలో ఇప్పటికే పలుమార్లు భారతీయ నావికులు దాడుల బారినపడ్డారు. జూలైలో ఉక్రెయిన్‌లోని ఒడెసా నౌకాశ్రయం నుంచి బయలుదేరుతున్న సమయంలో ఎంవీ గోల్డెన్‌ లియో నౌకపై రష్యా క్షిపణి దాడి జరగడంతో నలుగురు భారతీయ నావికులు మృతి చెందారు. అంతకుముందు ఎంవీ ఒమోర్ఫి నౌకపై జరిగిన దాడిలో మరో భారతీయ నావికుడు ప్రాణాలు కోల్పోయాడు. అదే నెలలో ఒడెసా నౌకాశ్రయంలో ఎంవీ ఏజీఎన్‌ రాగ్నర్‌ నౌకపై కూడా దాడి జరిగింది. అందులో నలుగురు భారతీయులు ఉండగా.. ఇద్దరు సురక్షితంగా ఉన్నట్లు నిర్ధారించారు. మరో ఇద్దరి ఆచూకీపై తొలుత ఆందోళన వ్యక్తమైంది. వరుస ఘటనల నేపథ్యంలో యుద్ధ ప్రభావిత నల్ల సముద్ర ప్రాంతంలో వాణిజ్య నౌకల్లో ఉద్యోగాలు తీసుకునే ముందు భద్రతాపరమైన ముప్పులను జాగ్రత్తగా అంచనా వేసుకోవాలని భారత్‌ తన పౌరులకు సూచించింది.ఇదీ చదవండి: దుబాయ్‌ బంపర్‌ ఆఫర్‌.. వాళ్లకు మాత్రమే!

ఖార్కివ్: ఉక్రెయిన్‌లోని ఖార్కివ్ నగరంపై రష్యా మరోసారి డ్రోన్లతో దాడికి పాల్పడింది. అక్టోబర్ 4 రాత్రి మూడు ‘బాండెరోల్’ జెట్‌ ఇంజిన్‌ డ్రోన్లతో జరిగిన దాడిలో ఒకరు మృతి చెందగా, మరో ఎనిమిది మంది గాయపడ్డారు. క్షతగాత్రుల్లో ఒకరి పరిస్థితి విషమంగా ఉన్నట్లు ఖార్కివ్ మేయర్ ఇహోర్ తెరెఖోవ్ తెలిపారు. నగరంలోని ఇండస్ట్రియల్నీ జిల్లాలో నివాస భవనాల సమీపంలో డ్రోన్లు ఢీకొన్నాయి. ఈ ఘటనలో ఐదు భవనాల కిటికీలు ధ్వంసమయ్యాయి. కొన్ని భవనాల పైకప్పులు కూడా దెబ్బతిన్నాయని మేయర్ తెలిపారు. ఖార్కివ్ ప్రాంతీయ సైనిక పరిపాలన అధిపతి ఒలెక్సాండర్ సినియెహుబోవ్ మాట్లాడుతూ.. ఓ దాడి ఎత్తైన భవనాన్ని తాకిందని చెప్పారు. ఉక్రెయిన్ స్టేట్ ఎమర్జెన్సీ సర్వీస్ ప్రకారం.. దాడి అనంతరం ఓ పరిపాలనా భవనం, ఓ పారిశ్రామిక కేంద్రంలో మంటలు చెలరేగాయి. అగ్నిమాపక, సహాయక బృందాలు అక్కడికి చేరుకుని సహాయక చర్యలు చేపట్టాయి. ఈ ఘటనలో పలు వాహనాలు కూడా దెబ్బతిన్నాయి.ఇదీ చదవండి: మెర్జ్‌ పర్యటనలోనే కీవ్‌పై రష్యా దాడులు!

రష్యాలోని సైబీరియా ప్రాంతంలో ఓ అనుమానాస్పద అంటువ్యాధి కేసు కలకలం రేపుతోంది. ఇర్కుట్స్క్‌ సమీపంలోని యాంటీ–ప్లేగ్‌ రీసెర్చ్‌ ఇన్‌స్టిట్యూట్‌లో పనిచేసే 28 ఏళ్ల ల్యాబ్‌ టెక్నీషియన్‌ డారియా షిపిలోవా తీవ్ర న్యుమోనియాతో మృతి చెందారు. అయితే ఆమెకు ప్లేగ్‌ సోకి ఉండొచ్చన్న అనుమానాల నేపథ్యంలో అధికారులు అప్రమత్తమయ్యారు. ఆమెతో ఈ మధ్యకాలంలో కాంటాక్ట్‌ అయిన దాదాపు 200 మందిని పలు ఆసుపత్రుల్లో క్వారంటైన్‌లో ఉంచారు.రష్యన్‌ మీడియా కథనాల ప్రకారం.. డారియా యాంటీ–ప్లేగ్‌ పరిశోధనా కేంద్రంలో నమూనాలను పరీక్షిస్తున్న సమయంలో ప్రమాదవశాత్తూ లైవ్‌ బ్యాక్టీరియా ఉన్న టెస్ట్‌ట్యూబ్‌ పగిలినట్లు సమాచారం. ఈ ఘటన జరిగిన తర్వాతే ఆమె అనారోగ్యానికి గురైనట్లు చెబుతున్నారు. మరణానికి కొద్దిసేపటి ముందు ఆసుపత్రి సిబ్బందికి కూడా డారియా ఈ విషయాన్ని చెప్పినట్లు కథనాలు వెలువడ్డాయి.డారియా సెప్టెంబర్‌ 29న తీవ్రమైన న్యుమోనియా లక్షణాలతో షెలెఖోవ్‌లోని ఆసుపత్రిలో చేరారు. ఆమె పరిస్థితి విషమించడంతో వెంటిలేటర్‌పై ఉంచారు. రెండు రోజులకే మృతి చెందినట్లు స్థానిక స్వతంత్ర మీడియా సంస్థలు తెలిపాయి. ఆమె మరణానికి ప్లేగ్‌ కారణమై ఉండొచ్చన్న అనుమానాలు అప్పటి నుంచే మొదలయ్యాయి. అయితే రష్యా ప్రజారోగ్య సంస్థ రోస్పోట్రెబ్‌నాడ్జోర్‌ మాత్రం ఆ పరిశోధనా కేంద్రంలో అలాంటి ప్రమాదమేమీ జరగలేదని పేర్కొన్నట్లు సమాచారం.డారియాతో సన్నిహితంగా ఉన్నవారిని గుర్తించి అధికారులు వైద్య పర్యవేక్షణలోకి తీసుకున్నారు. రష్యా మీడియా కథనాల ప్రకారం.. కనీసం 197 మందిని ఐసోలేషన్‌లో ఉంచారు. వీరిలో 100 మందికిపైగా ఆసుపత్రుల్లోనే ఉన్నట్లు సమాచారం. ఇర్కుట్స్క్‌లో కనీసం నాలుగు ఆసుపత్రుల్లో క్వారంటైన్‌ విధించినట్లు స్థానిక వార్తా సంస్థలు వెల్లడించాయి. రోగులను సందర్శించడంపైనా ఆంక్షలు విధించినట్లు తెలుస్తోంది. కొన్ని ప్రభుత్వ, ప్రైవేటు సంస్థల్లోనూ మాస్కులు ధరించడాన్ని తప్పనిసరి చేసినట్లు సమాచారం.ఈ పరిణామాల నేపథ్యంలో ఇర్కుట్స్క్‌ ప్రాంతంలో ముందుగా నిర్ణయించిన కొన్ని బహిరంగ కార్యక్రమాలను కూడా రద్దు చేసినట్లు రష్యన్‌ మీడియా తెలిపింది. ఆరోగ్య భద్రతా నిబంధనల ఉల్లంఘన జరిగిందా? అనే కోణంలో పోలీసులు దర్యాప్తు ప్రారంభించినట్లు సమాచారం.అదే అయితే.. ఎంత ప్రమాదం?ప్లేగ్‌కు కారణమయ్యే బ్యాక్టీరియాను యెర్సినియా పెస్టిస్‌ అంటారు. సాధారణంగా ఈ వ్యాధి మూడు ప్రధాన రూపాల్లో కనిపిస్తుంది. అవి బుబోనిక్‌, సెప్టిసిమిక్‌, న్యుమోనిక్‌ ప్లేగ్‌. వీటిలో న్యుమోనిక్‌ ప్లేగ్‌ ఊపిరితిత్తులను ప్రభావితం చేస్తుంది. దగ్గు, జ్వరం, శ్వాస తీసుకోవడంలో ఇబ్బంది వంటి లక్షణాలు కనిపించవచ్చు. ఇతర ప్లేగ్‌ రూపాలతో పోలిస్తే ఇది వేగంగా తీవ్రమయ్యే అవకాశం ఉంటుంది. సోకిన వ్యక్తి నుంచి శ్వాసకోశ బిందువుల ద్వారా మరొకరికి వ్యాపించే ప్రమాదం కూడా ఉంటుంది. మధ్యయుగ కాలంలో యూరప్‌లో కోట్లాది మంది ప్రాణాలను బలిగొన్న ‘బ్లాక్‌ డెత్‌’కు కూడా యెర్సినియా పెస్టిస్‌ బ్యాక్టీరియానే కారణమైంది.మంగోలియా సరిహద్దులోనూ అప్రమత్తతఇర్కుట్స్క్‌ ప్రాంతం మంగోలియాకు సమీపంలో ఉండటంతో అక్కడి పరిణామాలు మరింత ఆసక్తికరంగా మారాయి. డారియా బురియాటియా ప్రాంతానికి వెళ్లిన తర్వాత అనారోగ్యానికి గురైనట్లు కొన్ని రష్యన్‌ మీడియా సంస్థలు పేర్కొన్నాయి. అయితే బురియాటియా ప్రాంత అధిపతి అలెక్సీ సిడెనోవ్‌ ఈ వాదనను ఖండించారు. ఆమె బురియాటియాను సందర్శించినట్లు ఆధారాలు లేవని, ఆ ప్రాంతంలో ప్లేగ్‌ వ్యాప్తి లేదని ఆయన తెలిపారు. ఇన్ఫెక్షన్‌కు మూలం బురియాటియాకు సంబంధం లేని పరిస్థితుల్లో ఉండొచ్చని పేర్కొన్నారు.రష్యా అధికారుల ప్రత్యేక చర్యలుపరిస్థితిని పర్యవేక్షించేందుకు రష్యా చీఫ్‌ శానిటరీ డాక్టర్‌ అన్నా పోపోవా ఇర్కుట్స్క్‌ ప్రాంతానికి వెళ్లినట్లు సమాచారం. రోస్పోట్రెబ్‌నాడ్జోర్‌ అవసరమైన అంటువ్యాధి నియంత్రణ చర్యలు చేపడుతోందని అధికారులు చెబుతున్నారు. డారియాతో సంబంధం ఉన్న వ్యక్తులను గుర్తించడం, వారిని పర్యవేక్షించడం, అనుమానాస్పద కేసులను పరీక్షించడం వంటి చర్యలు కొనసాగుతున్నాయి.అయితే రష్యా ప్రభుత్వం ప్లేగ్‌ వ్యాప్తిని అధికారికంగా ప్రకటించకపోవడం చర్చనీయాంశంగా మారింది. ఒకవైపు అధికారులు పరిస్థితి అదుపులోనే ఉందని చెబుతుండగా.. మరోవైపు ఆసుపత్రుల్లో క్వారంటైన్‌, వందల మందిపై నిఘా, ప్రజా కార్యక్రమాల రద్దు వంటి చర్యలు అనుమానాలకు తావిస్తున్నాయి.అమెరికా కూడా ఆరారష్యాలో వెలుగుచూసిన ఈ పరిణామాలపై అంతర్జాతీయంగానూ దృష్టి పడింది. ఈ వ్యవహారంపై రష్యాతో సంప్రదింపులు జరుపుతున్నామని, సమాచారాన్ని పరస్పరం ఇచ్చిపుచ్చుకుంటున్నామని అమెరికా వర్గాలు వెల్లడించినట్లు సమాచారం. ప్రపంచ ఆరోగ్య సంస్థ కూడా పరిస్థితిని గమనిస్తోంది.ప్రపంచ ఆరోగ్య సంస్థ ప్రకారం.. ప్లేగ్‌ జంతువుల్లో కనిపించే వ్యాధిగా అనేక ప్రాంతాల్లో ఉంది. 2019 నుంచి 2025 మధ్య ప్రపంచవ్యాప్తంగా దాదాపు 4,000 అనుమానిత ప్లేగ్‌ కేసులు నమోదయ్యాయి. ఆఫ్రికా, ఆసియా, దక్షిణ అమెరికాలో గతంలో ప్లేగ్‌ వ్యాప్తులు చోటుచేసుకున్నాయి. ముఖ్యంగా డెమొక్రటిక్‌ రిపబ్లిక్‌ ఆఫ్‌ కాంగో, మడగాస్కర్‌లో మనుషులకు సోకిన సందర్భాలు ఎక్కువగా నమోదయ్యాయి.ప్రస్తుతం రష్యాలో వెలుగుచూసిన ఘటన నిజంగా న్యుమోనిక్‌ ప్లేగ్‌ కేసేనా? ల్యాబ్‌లోనే ఇన్ఫెక్షన్‌ సోకిందా? మరణించిన డారియాకు వైరస్‌ లేదంటే మరేదైనా బ్యాక్టీరియా కారణమా? ఆమెతో సంబంధం ఉన్నవారికి ఇన్ఫెక్షన్‌ సోకిందా? అన్న అంశాలపై దర్యాప్తు కొనసాగుతోంది. యాంటీ–ప్లేగ్‌ ల్యాబ్‌ ఉద్యోగి అనుమానాస్పద మరణం, దాదాపు 200 మందిని పర్యవేక్షణలో ఉంచడం, ఆసుపత్రుల్లో క్వారంటైన్‌ చర్యలు మాత్రం తీవ్ర అప్రమత్తతకు కారణమవుతున్నాయి. అయితే నేటి రోజుల్లో ప్లేగ్‌కు యాంటీబయాటిక్స్‌ అందుబాటులో ఉండటంతో సకాలంలో చికిత్స అందిస్తే వ్యాధిని నియంత్రించే అవకాశం ఉంది.ఇదీ చదవండి: చంద్రుడిపై హక్కులు ఏ దేశానివో తెలుసా?

చంద్రుడిపై శాశ్వత స్థావరాలు ఏర్పాటు చేయాలన్న లక్ష్యంతో అగ్రరాజ్యాలు కీలక అడుగు వేస్తున్నాయి. భవిష్యత్తులో చంద్రుడిపై పరిశోధనలు, వనరుల అన్వేషణతో పాటు మరింత దూరంలోని అంతరిక్ష మిషన్లకు అక్కడి నుంచి మద్దతు అందించేందుకు అణు విద్యుత్‌ కీలకంగా మారుతుందని అమెరికా, చైనా, రష్యా భావిస్తున్నాయి. దీంతో చంద్రుడిపై అణు రియాక్టర్లను ఏర్పాటు చేసేందుకు ఈ మూడు దేశాల మధ్య పోటీ మొదలైంది. భవిష్యత్‌ అంతరిక్ష ఆధిపత్యంలో ఈ అణు రేసు కీలకంగా మారే అవకాశం కనిపిస్తోంది.అణు రియాక్టర్‌ ఎందుకు?చంద్రుడిపై శాశ్వత స్థావరం ఏర్పాటు చేయాలంటే నిరంతర విద్యుత్‌ అవసరం. ప్రస్తుతం సౌర విద్యుత్‌ ఒక ప్రధాన మార్గమైనప్పటికీ.. చంద్రుడిపై దాదాపు రెండు వారాలకు పైగా రాత్రి కొనసాగుతుంది. దీంతో కేవలం సౌరశక్తిపైనే ఆధారపడటం కష్టమవుతుంది. అణు రియాక్టర్లు సూర్యకాంతి అవసరం లేకుండా ఎక్కువ కాలం విద్యుత్‌ను అందించగలవు. అమెరికా అంతరిక్ష సంస్థ నాసా ఆగస్టులో కాంట్రాక్టర్లను సంప్రదించి.. అంతరిక్ష ప్రయాణాన్ని తట్టుకుని, చంద్రుడి దక్షిణ ధ్రువానికి సమీపంలో మానవ జోక్యం లేకుండా పనిచేయగల అణు రియాక్టర్‌ను సిద్ధం చేయాలని కోరినట్లు ది న్యూయార్క్‌ టైమ్స్‌ నివేదించింది. దీనిని 2030 డిసెంబర్‌ నాటి ప్రయోగానికి సిద్ధం చేయాలని లక్ష్యంగా పెట్టుకుంది. నాసా ప్రతిపాదించిన Lunar Reactor-1 సుమారు 20 కిలోవాట్ల విద్యుత్‌ను ఉత్పత్తి చేస్తూ.. దాదాపు ఐదేళ్లపాటు మానవ జోక్యం లేకుండా పనిచేసేలా రూపొందించనున్నారు.ఇక, రష్యా కూడా చైనాతో కలిసి Selena పేరుతో చంద్రుడిపై అణు రియాక్టర్‌ను అభివృద్ధి చేయాలని చూస్తోంది. 2036 నాటికి దీనిని సిద్ధం చేయాలని రష్యా లక్ష్యంగా పెట్టుకున్నట్లు సమాచారం. చైనా నేతృత్వంలోని చంద్ర స్థావరాలకు విద్యుత్‌ అందించడమే దీని ఉద్దేశం. ఈ రియాక్టర్‌ 10 కిలోవాట్ల వరకు విద్యుత్‌ ఉత్పత్తి చేస్తూ దాదాపు పదేళ్లపాటు స్వయంచాలకంగా పనిచేసేలా రూపొందించనున్నట్లు నివేదికలు చెబుతున్నాయి.అణు విద్యుత్‌తో ప్రయోజనాలు.. ప్రారంభ దశలో అమెరికా, చైనా సౌర విద్యుత్‌, రేడియోఐసోటోప్‌ వ్యవస్థలను ఉపయోగించి పరికరాలను పనిచేయించడం, చంద్ర వాహనాలకు శక్తిని అందించడం వంటి పనులు చేయాలని భావిస్తున్నాయి. అయితే భవిష్యత్తులో పెద్ద స్థావరాలు ఏర్పడితే మరింత ఎక్కువ విద్యుత్‌ అవసరం కానుంది. ఆ అవసరాన్ని అణు రియాక్టర్లు తీర్చగలవని శాస్త్రవేత్తలు భావిస్తున్నారు. అయితే చంద్రుడిపై అణు రియాక్టర్ల ఏర్పాటుపై భద్రతా ఆందోళనలు కూడా ఉన్నాయి. రియాక్టర్‌ను తీసుకెళ్లే రాకెట్‌ ప్రయోగంలో ప్రమాదం జరిగితే రేడియోధార్మిక పదార్థాలు వ్యాపించే అవకాశం ఉంటుందని నిపుణులు హెచ్చరిస్తున్నారు. చంద్రుడిపై రియాక్టర్‌ను ఏర్పాటు చేయడం, నిర్వహించడం కూడా అత్యంత క్లిష్టమైన ప్రక్రియగా మారనుంది. భూమిపై ఉన్న అణు రియాక్టర్ల మాదిరిగా చంద్రుడిపై భారీ రక్షణ వ్యవస్థలు ఏర్పాటు చేయడం కష్టం. రేడియేషన్‌ ముప్పును తగ్గించేందుకు రియాక్టర్ల చుట్టుపక్కల ప్రాంతాలను పరిమితం చేయాల్సి రావచ్చని నిపుణులు చెబుతున్నారు.చంద్రుడిపై హక్కు ఎవరిది?అణు రియాక్టర్ల పోటీ మరో కీలక ప్రశ్నను కూడా తెరపైకి తెస్తోంది. 1967లో కుదిరిన Outer Space Treaty ప్రకారం ఏ దేశమూ చంద్రుడిని తన భూభాగంగా ప్రకటించుకోలేదు. అయితే చంద్రుడిపై స్థావరాలు ఏర్పాటు చేసిన తర్వాత వాటి చుట్టూ ఇతర దేశాల ప్రవేశాన్ని పరిమితం చేయవచ్చా? అక్కడి నుంచి వెలికితీసే వనరులపై ఎవరి హక్కు ఉంటుంది? అనే ప్రశ్నలు ఇంకా పూర్తిగా తేలలేదు. చైనా, రష్యా నిర్మించే అణు రియాక్టర్ల చుట్టూ భద్రత పేరుతో పరిమిత ప్రాంతాలు ఏర్పడితే.. అమెరికా వ్యోమగాములు, రోవర్లు చంద్రుడిపై కొన్ని ప్రాంతాలకు వెళ్లలేని పరిస్థితి రావచ్చన్న ఆందోళనలు ఉన్నాయి. అలాంటి పరిమిత ప్రాంతాలు అంతరిక్షంలో స్వేచ్ఛాయుత ప్రవేశం అనే సూత్రానికి విరుద్ధమా? అనే అంశంపై అంతరిక్ష చట్ట నిపుణుల్లో చర్చ మొదలైంది.ఒప్పందం ఇలా.. 1967లో అమెరికా, సోవియట్‌ యూనియన్‌ సహా పలు దేశాలు కుదుర్చుకున్న Outer Space Treaty (అంతరిక్ష ఒప్పందం) ప్రకారం.. చంద్రుడు, ఇతర గ్రహాలు, అంతరిక్ష ప్రాంతాలను ఏ ఒక్క దేశం తన సొంత భూభాగంగా ప్రకటించుకోకూడదు. అంతరిక్షాన్ని శాంతియుత ప్రయోజనాల కోసం వినియోగించాలి, అక్కడ అణ్వాయుధాలు లేదా ఇతర సామూహిక విధ్వంసక ఆయుధాలను మోహరించకూడదు. అలాగే చంద్రుడి సహజ వనరులపై దేశాలు సార్వభౌమ హక్కులు ప్రకటించకుండా ఈ ఒప్పందం నిర్దేశిస్తుంది. అయితే భవిష్యత్తులో చంద్రుడిపై శాశ్వత స్థావరాలు, అణు రియాక్టర్లు ఏర్పడితే.. వాటి చుట్టూ భద్రతా ప్రాంతాలను ఏర్పాటు చేయడం, ఇతర దేశాల ప్రవేశాన్ని పరిమితం చేయడం వంటి అంశాలపై కొత్త న్యాయపరమైన ప్రశ్నలు తలెత్తే అవకాశం ఉంది.రియాక్టర్లతో ముప్పులూ తప్పవు!చంద్రుడిపై అణు రియాక్టర్లు ఏర్పాటు చేయడం వల్ల విద్యుత్‌ సమస్యకు పరిష్కారం లభించినా.. ప్రమాదాలు, సవాళ్లు కూడా తక్కువేమీ కావు. రియాక్టర్‌ను చంద్రుడికి తీసుకెళ్లే రాకెట్‌ ప్రయోగం విఫలమైతే అణు పదార్థాలకు సంబంధించిన ప్రమాదం తలెత్తొచ్చు. రియాక్టర్‌ నుంచి వెలువడే రేడియేషన్‌ వ్యోమగాములు, పరికరాలకు ముప్పుగా మారే అవకాశం ఉంది. చంద్రుడి దుమ్ము, తీవ్రమైన ఉష్ణోగ్రతలు రియాక్టర్‌ పరికరాల పనితీరును దెబ్బతీయొచ్చు. ఏదైనా సాంకేతిక సమస్య తలెత్తితే భూమి నుంచి నిపుణులు వెళ్లి మరమ్మతులు చేయడం కూడా అత్యంత క్లిష్టం. అంతేకాదు.. రియాక్టర్‌ చుట్టూ భద్రత పేరుతో ఇతర దేశాల ప్రవేశాన్ని పరిమితం చేసే పరిస్థితి వస్తే చంద్రుడి వనరులపై ఆధిపత్య పోటీ, అంతరిక్ష రాజకీయ ఉద్రిక్తతలు మరింత పెరిగే అవకాశం ఉంది. మొత్తంగా.. చంద్రుడిపై అణు విద్యుత్‌ కోసం మొదలైన ఈ పోటీ భవిష్యత్‌ అంతరిక్ష అన్వేషణలో కీలక మలుపుగా మారే అవకాశం కనిపిస్తోంది.ఇదీ చదవండి: ఇరాన్‌లో హై అలర్ట్‌.. గన్స్‌ పట్టిన మహిళలు!

న్యూఢిల్లీ: యుద్ధాల వేళ ఇరుపక్షాలు దౌత్యం ద్వారా సమస్యకు పరిష్కారం కనుగొనాలని హితబోధ చేసే బదులు తొలిసారిగా నేరుగా చర్చలకు భారత్‌ ప్రయత్నించిందని భారత విదేశాంగ మంత్రి ఎస్‌.జైశంకర్‌ తెలిపారు. రష్యా, ఉక్రెయిన్‌ యుద్ధం ముగింపు కోసం భారత్‌ చొరవ చూపిందని ఆ దేశం బహిరంగంగా ఒప్పుకోవడం ఇదే తొలిసారి. మంత్రి జైశంకర్‌ ఆదివారం ఢిల్లీలో జరిగిన ఒక కార్యక్రమంలో మాట్లాడారు. రష్యాతో మాత్రమే భారత్‌ ఎందుకు అత్యంత స్నేహంగా ఉంటుందని మీడియా అడిగిన ప్రశ్నకు జైశంకర్‌ తనదైన రీతిలో బదులిచ్చారు. ‘‘దేశ భద్రత, భౌగోళిక సమగ్రత ప్రమాదంలో పడినప్పుడు ఒక్క రష్యానే మాకు అండగా నిలిచింది. అందుకే దశాబ్దాలుగా రష్యాతోనే భారత్‌ అత్యంత స్నేహంగా ఉంటుంది. 1971లో పాక్‌తో జరిగిన యుద్ధంలో మాకు రష్యా మద్దతిచ్చింది. అప్పట్లో పాక్‌కు అండగా అమెరికా బంగాళాఖాతంలోకి నావికా దళాన్నే పంపించింది’ అని గుర్తు చేశారు. ‘అప్పట్నుంచి రష్యాతో సంబంధాలు క్రమంగా బలపడుతూ వచ్చాయి. కేవలం ఆర్థికమే కాదు, సైనిక సామగ్రి సాయం, అణు కేంద్రాల ఏర్పాటు, అంతరిక్ష రంగంలో తోడ్పాటు, వాణిజ్యం, పెట్టుబడులు, ఇంధన వనరులు..ఇలా అన్ని రంగాల్లో బంధం బలపడింది’’ అని వివరించారు.

వాషింగ్టన్: ఉక్రెయిన్‌‌పై రష్యా దాదాపు మూడేళ్లుగా సాగిస్తున్న భీకర యుద్ధాన్ని ముగించే దిశగా జరుగుతున్న దౌత్య ప్రయత్నాలలో అనూహ్యమైన మలుపు చోటు చేసుకుంది. రష్యాతో యుద్ధాన్ని ముగించేందుకు అమెరికాలోని డొనాల్డ్ ట్రంప్ ప్రభుత్వం జరుపుతున్న రహస్య చర్చలు.. కేవలం రాజకీయ ఒప్పందాలకే పరిమితం కాకుండా, బిలియన్ డాలర్ల (దాదాపు లక్ష కోట్ల రూపాయల) భారీ చమురు ఒప్పందం వైపు అడుగులు వేస్తున్నట్లు న్యూయార్క్ టైమ్స్ సంచలన కథనాన్ని వెలువరించింది.ఈ ఒప్పందం ద్వారా అమెరికా తరఫున దౌత్య మధ్యవర్తులుగా వ్యవహరిస్తున్న స్టీవ్ విట్కాఫ్, జారెడ్ కుష్నర్‌లతో సన్నిహిత సంబంధాలున్న పశ్చిమాసియా వ్యాపారవేత్తలకు అత్యధిక లబ్ధి చేకూరే అవకాశం ఉందని ఆ నివేదిక పేర్కొంది.లూకోయిల్ ఆస్తులే లక్ష్యంగా..అమెరికా ప్రభుత్వం, రష్యా సంయుక్త ఆమోదంపై పూర్తిగా ఆధారపడి ఉన్న ఈ ఒప్పందంలో.. రష్యాకు చెందిన ప్రముఖ ప్రైవేట్ ఇంధన దిగ్గజం 'లూకోయిల్' సంస్థకు ప్రపంచ వ్యాప్తంగా విస్తరించి ఉన్న చమురు క్షేత్రాలు, అధునాతన రిఫైనరీలు, భారీ గ్యాస్ స్టేషన్ల నెట్‌వర్క్ ప్రధాన భాగంగా ఉన్నాయి. ఉక్రెయిన్ యుద్ధం కారణంగా రష్యాపై విధించిన కఠినమైన ఆంక్షల వల్ల నిలిచిపోయిన ఈ అంతర్జాతీయ ఆస్తులకు మళ్లీ జీవం పోయడమే ఈ డీల్ ప్రధాన ఉద్దేశంగా తెలుస్తోంది.తెరవెనుక చక్రం తిప్పుతున్న దిగ్గజాలుఈ భారీ చమురు ఒప్పందాన్ని కుదిర్చేందుకు తెరవెనుక తీవ్రంగా ప్రయత్నిస్తున్న బృందంలో ప్రముఖ అమెరికన్ బిలియనీర్, పెట్టుబడిదారుడు టాడ్ బోహ్లీతో పాటు.. ట్రంప్ బంధువైన కుష్నర్ లేదా విట్కాఫ్ కుటుంబాలతో వాణిజ్య సంబంధాలున్న రెండు శక్తివంతమైన పశ్చిమాసియా సంస్థలు, అలాగే అమెరికా ప్రభుత్వానికి చెందిన ఒక కీలక విభాగం క్రియాశీలకంగా వ్యవహరిస్తున్నట్లు సమాచారం.పుతిన్ ప్రత్యేక వ్యూహంగత సెప్టెంబర్ 5న క్రెమ్లిన్‌లో రష్యా అధ్యక్షుడు వ్లాదిమిర్ పుతిన్‌తో అమెరికా సంధానకర్తలు స్టీవ్ విట్కాఫ్, జారెడ్ కుష్నర్‌లు భేటీ అయ్యారు. ఈ సమావేశంలోనే పుతిన్ స్వయంగా ఈ భారీ చమురు ఒప్పంద ప్రతిపాదనను తెరపైకి తెచ్చినట్లు తెలుస్తోంది.ఈ రహస్య సమావేశం గురించి పూర్తి అవగాహన ఉన్న విశ్వసనీయ వర్గాలను ఉటంకిస్తూ 'న్యూయార్క్ టైమ్స్' ఈ వివరాలను ప్రచురించింది. అమెరికాతో తాము కేవలం శత్రువులమే కాదని, భవిష్యత్తులోనూ విజయవంతంగా వాణిజ్య, వ్యాపార సంబంధాలు కొనసాగించగలమని రష్యన్ ప్రజలకు, ప్రపంచ దేశాలకు నిరూపించేందుకు ఈ ఒప్పందం ఒక బలమైన వేదిక అవుతుందని పుతిన్ అభిప్రాయపడ్డారు. అందుకే ఈ డీల్‌ను వీలైనంత త్వరగా తుదిరూపునకు తీసుకురావాలని ఆయన ప్రతి పాదించినట్లు ఆ వర్గాలు వెల్లడించాయి.మొత్తానికి, ఉక్రెయిన్ సంక్షోభాన్ని ముగించే ముసుగులో జరుగుతున్న ఈ భారీ ఆర్థిక లావాదేవీలు ఇప్పుడు అంతర్జాతీయ రాజకీయ వర్గాల్లో తీవ్ర చర్చనీయాంశంగా మారాయి.ఇదీ చదవండి : అమెరికా ఘోర తప్పిదం

కీవ్‌: రష్యాతో కాల్పుల విరమణ విషయంలో భారత్‌ చేసిన ప్రతిపాదనను పరిశీలించడానికి తాము సిద్ధంగా ఉన్నట్లు ఉక్రెయిన్‌ విదేశాంగ మంత్రి ఆండ్రీ సిబిహా తెలిపారు. కాల్పుల విరమణ అంశంలో తమకు భారత్, టర్కీ, ఈజిప్‌్ట, అమెరికా నుంచి మొత్తం నాలుగు ప్రతిపాదనలు వచ్చాయని చెప్పారు. వాటిలో భారతదేశ ప్రతిపాదన అత్యంత విస్తృతమైనదిగా, ఉపయుక్తమైనదిగా అభివర్ణించారు. ఇంధన మౌలిక సదుపాయాలు, నల్ల సముద్రాన్ని కూడా పరిగణనలోకి తీసుకునే కాల్పుల విరమణను పరిశీలిస్తామని అన్నారు. ఏ ఒప్పందమైనా సరే కేవలం పోరాట కార్యకలాపాలనే కాకుండా, ఇంధన, ఓడరేవు మౌలిక సదుపాయాలపై దాడులను, అలాగే నల్ల సముద్రంలోని పరిస్థితిని కూడా పరిగణనలోకి తీసుకోవాలని అన్నారు. సిబిహా శుక్రవారం కీవ్‌లో విలేకరులతో మాట్లాడారు. ఉక్రెయిన్‌–రష్యా యుద్ధం ప్రస్తుతం ఐదో సంవత్సరంలోకి ప్రవేశించింది. ఇప్పటికే ఇరుదేశాల్లో వేలాది మంది పౌరుల బలైపోయారు. లక్షలాది మంది నిరాశ్రయులయ్యారు. కీలక మౌలిక సదుపాయాలు ధ్వంసమయ్యాయి. యుద్ధాన్ని ముగించాలంటూ ఉక్రెయిన్, రష్యాలపై ప్రపంచ దేశాలు ఒత్తిడి పెంచుతున్నాయి. ఇందులో భారత్‌ కూడా ఉంది. ఉక్రెయిన్‌ ఘర్షణకు పరస్పరం ఆమోదయోగ్యమైన పరిష్కారాన్ని కనుగొనడానికి భారత ప్రధాని నరేంద్ర మోదీ వద్ద చాలా మంచి ఆలోచనలు ఉన్నాయని రష్యా అధ్యక్షుడు వ్లాదిమిర్‌ పుతిన్‌ పేర్కొన్న సంగతి తెలిసిందే.

కీవ్‌: ఇప్పటి వరకు ఉక్రెయిన్‌లోని జనావాసాలు, గ్యాస్‌ స్టేషన్లు, సూపర్‌మార్కెట్‌ గోదాములు, డేటా సెంటర్లపై డ్రోన్‌లు, క్షిపణులను ప్రయోగించి ధ్వంసం చేసిన రష్యా తన తంత్రాన్ని మార్చుకుంది. ప్రజల్లో భయోత్పాతాన్ని సృష్టించేందుకు రవాణాకు కీలకమైన వంతెనలపై దృష్టి సారించింది. గురువారం రాత్రి ఉక్రెయిన్‌ రాజధాని కీవ్‌లోని నీప్రో నదిపై ఉన్న ఆరు ముఖ్యమైన వంతెనలకు గాను మూడింటిపై డ్రోన్లతో దాడులకు పాల్పడింది. ఈ దాడుల్లో వంతెనలు తీవ్రంగా దెబ్బతినడంతో అధికారులు వాటిని మూసివేశారు. దీంతో, వాహనాల రాకపోకలకు తీవ్ర విఘాతం ఏర్పడింది. కీవ్‌ సహా 9 ప్రాంతాలపై గురువారం రాత్రి రష్యా 100కుపైగా డ్రోన్లను ప్రయోగించినట్లు ఉక్రెయిన్‌ అధ్యక్షుడు జెలెన్‌స్కీ తెలిపారు. ఇందులో సగానికి సగం అత్యంత వేగంతో, గగనతల రక్షణ వ్యవస్థలకు అందనంత ఎత్తులో ఎగిరేవని చెప్పారు. ఈ దాడుల్లో ఒకరు చనిపోగా, నలుగురు గాయపడ్డారన్నారు. అంతర్జాతీయ ఆంక్షల్లో ఉన్న లొసుగులను ఆసరాగా తీసుకుని రష్యా ఆయుధాల తయారీకి అవసరమైన సామగ్రిని తేలిగ్గా కొనుగోలు చేస్తోందన్నారు. అందుకే, వాణిజ్య ఆంక్షలను మరింత కఠినతరం చేయాలని పిలుపునిచ్చారు. ఇలా ఉండగా, గురువారం రాత్రి క్రిమియా, నల్ల సముద్రం, అజోవ్‌ సముద్రం సహా పలు ప్రాంతాలపైకి ఉక్రెయిన్‌ ప్రయోగించిన 646 డ్రోన్లను కూల్చివేసినట్లు రష్యా రక్షణ శాఖ తెలిపింది. భారత్‌ నుంచి కాల్పుల విరమణ ప్రతిపాదన తాత్కాలిక కాల్పుల విరమణకు సంబంధించి అమెరికా, తుర్కియే, ఈజిప్టులతోపాటు మొదటిసారిగా భారత్‌ నుంచి కూడా వేర్వేరు ప్రతిపాదనలు అందాయని ఉక్రెయిన్‌ ఉన్నతాధికారి ఒకరు తెలిపారు. ఇంధన కొరతకు కారణమవుతున్న రష్యాలోని చమురు వనరులపై ఉక్రెయిన్‌ లాంగ్‌ రేంజ్‌ డ్రోన్‌ దాడులు, ఉక్రెయిన్‌లో తీవ్ర కరెంటు కోతలకు కారణమవుతున్న ఇంధన మౌలిక సదుపాయాలపై రష్యా దాడులను నిలిపివేయడం, నల్ల సముద్రం మీదుగా ప్రపంచ దేశాలకు కీలకమైన ఆహార ధాన్యాల రవాణాను యథా ప్రకారం కొనసాగనివ్వడం ఇందులో ఉన్నాయని ఆ అధికారి వివరించారు. ఈ విషయంలో మధ్యవర్తిత్వం వహించేందుకు భారత్‌ ముందుకు వచి్చందని చెప్పారు. రష్యా దాడులను నిలిపివేసిన పక్షంలో తాము కూడా ఆ దేశంపై దాడులను ఆపేందుకు సిద్ధంగా ఉన్నామని ఆయన తెలిపారు. రష్యా మాత్రం పూర్తి స్థాయి కాల్పుల విరమణ మాత్రమే తాము కోరుకుంటున్నామని రష్యా స్పష్టం చేస్తోంది. రష్యా నుంచి చమురు కొనుగోలు చేసే దేశాలపై ఇటీవల అమెరికాలోని ట్రంప్‌ ప్రభుత్వం కఠిన ఆంక్షలు విధించింది. వీటి ప్రభావం చైనాతోపాటు రష్యా ప్రధాన చమురు దిగుమతి దారుల్లో ఒకటైన భారత్‌పైనా పడుతోంది. ఈ నేపథ్యంలోనే భారత్‌ మధ్యవర్తిత్వానికి ముందుకు రావడం గమనార్హం.

మాస్కో: రష్యా–ఉక్రెయిన్‌ సంఘర్షణను పరిష్కరించడంపై భారత ప్రధాని నరేంద్ర మోదీకి చాలా చక్కటి ఆలోచనలు ఉన్నాయని రష్యా అధ్యక్షుడు పుతిన్‌ చెప్పారు. ప్రతి సమావేశంలోనూ మోదీ ఈ విషయాన్ని ప్రస్తావిస్తుంటారని తెలిపారు. గురువారం జరిగిన వాల్డాయ్‌ ఇంటర్నేషనల్‌ డిస్కషన్‌ క్లబ్‌ వార్షిక సమావేశంలో పుతిన్‌ మాట్లాడారు. ‘‘యుద్ధాలను ముగించడంపై ప్రధానమంత్రి మోదీ వైఖరి విషయానికి వస్తే.. మా ఇద్దరి మధ్య చాలా మంచి స్నేహపూర్వక సంబంధాలు ఉన్నాయి. ఉక్రెయిన్‌ సంఘర్షణను ముగించే అంశాన్ని ఆయన నిరంతరం ప్రస్తావిస్తూ ఉంటారు. రష్యా–ఉక్రెయిన్‌ ఘర్షణ గురించి ప్రశ్నలు అడిగే ప్రపంచ నాయకుల్లో మోదీ ఒకరని నేను చెప్పగలను. మేము జరిపే ప్రతి సమావేశంలోనూ మోదీ ఈ అంశాలను ప్రస్తావిస్తారు. ప్రత్యేక ఆసక్తిని కనబరుస్తారు. పరస్పర ఆమోదయోగ్యమైన పరిష్కారాలను కనుగొనే లక్ష్యంతో మోదీ వద్ద చాలా మంచి ఆలోచనలు ఉన్నాయి’’అని పుతిన్‌ స్పష్టంచేశారు. అలాగే బుధవారం ఓ సదస్సులో పుతిన్‌ ప్రసంగించారు. భారతదేశ సాంస్కృతిక వైవిధ్యం, ఐక్యత పట్ల ప్రశంసల వర్షం కురిపించారు. భారతదేశం తన విస్తృతి, వైవిధ్యంతో అందరినీ ఆశ్చర్యపరుస్తోందని అన్నారు. ‘‘ఈ విషయం చాలా తక్కువ మందికి తెలుసు. 150 కోట్ల మంది జనాభాలో 60 కోట్ల మంది భారతీయులు తమ మాతృభాష అయిన హిందీని మాట్లాడతారు. మిగిలిన వారు తమ మాతృ భాషలను మాట్లాడతారు. అయినప్పటికీ వారందరూ కలిసిమెలిసి జీవిస్తున్నారని మోదీ నాకు చెప్పారు. ఇది నిజంగా అద్భుతం, ప్రశంసనీయం. వైవిధ్యం, ఐక్యత ఎలా కలిసి ఉండగలవో చెప్పడానికి భారతీయ సంస్కృతిలో ఒక ప్రత్యేకత ఉంది. అది కచి్చతంగా ఒక ఉదాహరణగా నిలుస్తుంది. నిజంగానే మనం నేర్చుకోవాల్సిన విషయం’’అని కొనియాడారు.

రష్యా-పశ్చిమ దేశాల మధ్య ఉద్రిక్తతలు మరింత ముదురుతున్న వేళ రష్యా అధ్యక్షుడు వ్లాదిమిర్‌ పుతిన్‌ కీలక హెచ్చరిక చేశారు. రష్యా భూభాగమైన కలినిన్‌గ్రాడ్‌పై ప్రత్యక్ష దాడి జరిగితే.. తమ దేశం వద్ద ఉన్న అన్ని రకాల ఆయుధాలను ఉపయోగించే అంశం వెంటనే తెరపైకి వస్తుందని స్పష్టం చేశారు. అవసరమైతే అణ్వాయుధాలను కూడా ఉపయోగించే పరిస్థితి తప్పదని పుతిన్‌ వ్యాఖ్యానించారు.మాస్కోలో జరిగిన వాల్డై ఫోరంలో మాట్లాడిన పుతిన్‌.. రష్యాకు యూరప్‌లోని ఏ దేశంపైనా దాడి చేసే ఉద్దేశం లేదన్నారు. శాంతియుత సహజీవనాన్నే కోరుకుంటున్నామని చెప్పారు. అయితే కలినిన్‌గ్రాడ్‌ లేదా రష్యాలోని ఇతర ప్రాంతాలపై ప్రత్యక్ష దాడి జరిగితే పరిస్థితులు పూర్తిగా మారిపోతాయని హెచ్చరించారు. రష్యా వద్ద ఉన్న ఆయుధాలు తమకు పోటీ ప్రయోజనం కల్పిస్తున్నాయని పేర్కొన్నారు. బ్రిటన్‌, ఫ్రాన్స్‌ వద్ద ఉన్న అణ్వాయుధ సామర్థ్యాల గురించి కూడా తమకు పూర్తిగా తెలుసని చెప్పారు.ప్రస్తుత ఉద్రిక్తతలు మరింత పెరిగితే తిరిగి మార్చలేని స్థాయికి పరిస్థితులు చేరుకునే ప్రమాదం ఉందని పుతిన్‌ హెచ్చరించారు. ప్రపంచంలోని ప్రధాన శక్తుల వద్ద భారీ విధ్వంసానికి కారణమయ్యే ఆయుధాలు ఉన్నాయని, వాటి వినియోగానికి దారితీసే పరిస్థితులను నివారించాలని సూచించారు.మరోవైపు ఉక్రెయిన్‌పై రష్యా దాడులను ఆపే ప్రసక్తే లేదని పుతిన్‌ స్పష్టం చేశారు. రష్యా చమురు శుద్ధి కేంద్రాలపై ఉక్రెయిన్‌ దాడుల వల్ల తమ దేశ జీడీపీలో సుమారు ఒక శాతం మేర నష్టం వాటిల్లిందని చెప్పారు. పశ్చిమ దేశాలు ఉక్రెయిన్‌కు రష్యా భూభాగంలోకి లోతుగా దాడులు చేసే సామర్థ్యాన్ని అందిస్తే పరిణామాలు తీవ్రంగా ఉంటాయని హెచ్చరించారు.నాటో స్పందన...కాగా, రష్యాకు చెందిన కలినిన్‌గ్రాడ్‌.. పోలాండ్‌, లిథువేనియా మధ్య ఉన్న ప్రాంతం. నాటో సభ్య దేశాల మధ్య ఉన్న ఈ ప్రాంతంలో రష్యా భారీగా సైనిక బలగాలను మోహరించింది. కలినిన్‌గ్రాడ్‌ను నాటో నుంచి వేరుచేసే ప్రయత్నం జరిగితే అణ్వాయుధాల వినియోగానికి సిద్ధంగా ఉన్నట్లు మాస్కో ఇప్పటికే దౌత్యపరమైన హెచ్చరికలు జారీ చేసిందని నాటో వెల్లడించింది. దీనిపై నాటో ప్రధాన కార్యదర్శి మార్క్‌ రుట్టే స్పందిస్తూ.. నాటో రక్షణాత్మక కూటమి మాత్రమేనని, అణ్వాయుధాల బెదిరింపులు ఉపయోగకరం కాదని పేర్కొన్నారు.ఇదీ చదవండి: మళ్లీ రణరంగమా?.. ట్రంప్‌ ప్లాన్‌ ఏంటి?

దుబాయ్‌:పశ్చిమాసియాలో మరోసారి తీవ్ర కలకలం రేపిన ఉదంతం వెలుగులోకి వచ్చింది. యూఏఈలోని దుబాయ్ నుంచి ఇజ్రాయెల్‌లోని టెల్ అవీవ్‌కు బయలుదేరిన ‘ఫ్లైదుబాయ్’ విమానంలో పైలట్ల మధ్య తలెత్తిన వివాదం పెను సంచలనానికి దారితీసింది. టేకాఫ్ అయిన కొద్దిసేపటికే ఈ విమానం అత్యవసర సంకేతాలను జారీ చేయడంతో ఏవియేషన్ వర్గాల్లో భయాందోళనలు వ్యక్తమయ్యాయి.ఫ్లైట్ ట్రాకింగ్ డేటా,ది టైమ్స్ ఆఫ్ ఇజ్రాయెల్ నివేదిక ప్రకారం.. విమానం గాల్లో ఉండగానే మొదట అంతర్జాతీయ అత్యవసర సంకేతాన్ని జారీ చేసింది. అయితే ఆ వెంటనే ఆ కోడ్ కాస్తా విమానం హైజాక్‌కు గురైనట్లు తెలిపే ప్రమాదకరమైన ‘హైజాక్ కోడ్’కి మారింది. ఈ అత్యవసర సంకేతం వెలువడే కేవలం రెండు నిమిషాల ముందే, విమానం అకస్మాత్తుగా సుమారు 17,400 అడుగుల మేర కిందకి దిగడం గగనతలంలో తీవ్ర ఉత్కంఠకు గురిచేసింది.రంగంలోకి ఇజ్రాయెల్ యుద్ధ విమానాలు విమానం నుంచి ‘7500’ స్క్వాక్ కోడ్ ప్రసారం కావడంతో ఇజ్రాయెల్ రక్షణ శాఖ ఒక్కసారిగా అప్రమత్తమైంది. వెంటనే ఇజ్రాయెల్ వైమానిక దళానికి చెందిన యుద్ధ విమానాలు ఆ వాణిజ్య విమానం వైపు దూసుకెళ్లాయి. ఫ్లైట్‌రాడార్24 ఫుటేజ్ ప్రకారం.. టెల్ అవీవ్‌కు వెళ్లాల్సిన ఆ విమానం, జోర్డాన్ గగనతలంలోకి దూసుకెళ్లి, ఆపై ఇజ్రాయెల్ వైపు వెళ్లకుండా తిరిగి సౌదీ అరేబియా గగనతలంలోకి మళ్లింది. చివరికి సౌదీలోని పౌర, సైనిక స్థావరమైన తబూక్ విమానాశ్రయంలో అత్యవసరంగా ల్యాండ్ అయింది. ఈ పరిణామాల మధ్య ఇజ్రాయెల్ ప్రధాని బెంజమిన్ నెతన్యాహు కార్యాలయం అత్యవసరంగా స్పందించి పరిస్థితి అదుపులో ఉందని స్పష్టం చేసింది.అసలు కారణం పైలట్ల మధ్య గొడవే భద్రతా అధికారులను ఉటంకిస్తూ వచ్చిన నివేదికల ప్రకారం.. టెర్రర్ అటాక్ అనుకున్న ఈ ఘటనకు అసలు కారణం ఉగ్రవాదం కాదని తేలింది. విమానంలోని ఇద్దరు పైలట్లు (పైలట్, కో-పైలట్) మధ్య కాక్‌పిట్‌లో తలెత్తిన వ్యక్తిగత ఘర్షణే అసలు కారణమని అధికారులు ధృవీకరించారు. అయితే, ఈ ఘటనకు సంబంధించి ఆసక్తికరమైన విషయాలు వెలుగులోకి వచ్చాయి. విమానాన్ని నడిపిన కెప్టెన్ రష్యా దేశస్థుడు కాగా, కో-పైలట్ ఉక్రెయిన్ దేశస్థుడని.. వారిద్దరి మధ్య ఉన్న దేశాల ఉద్రిక్తతల ప్రభావమో లేదా వ్యక్తిగత విభేదాల కారణంగానో ఈ గొడవ జరిగిందని కొన్ని అంతర్జాతీయ మీడియా సంస్థలు (ఛానెల్ 12 వంటివి) నివేదించాయి. ఈ భౌతిక దాడి కారణంగా ఇద్దరు పైలట్లు గాయపడి ఆసుపత్రిలో చేరినట్లు తబూక్ విమానాశ్రయాన్ని నిర్వహిస్తున్న సంస్థ అధికారికంగా వెల్లడించింది.ఊపిరి పీల్చుకున్న ప్రయాణికులు ఎన్నికలకు ముందు శత్రు దేశాల నుంచి దాడులు జరగవచ్చనే హెచ్చరికల నేపథ్యంలో, ఈ విమాన ఘటన కొద్దిసేపు తీవ్ర అలజడి సృష్టించింది. విమానంలో ఉన్న ప్రయాణికులు, సిబ్బంది అందరూ క్షేమంగా ఉన్నట్లు అధికారులు వెల్లడించారు. పైలట్ల వ్యక్తిగత గొడవ కారణంగా ప్రయాణికులు ప్రాణాలను అరచేతిలో పెట్టుకోవాల్సిన పరిస్థితి వచ్చినప్పటికీ.. చివరికి అదృష్టవశాత్తు ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు. ఈ ఘటన ప్రస్తుతం ప్రపంచవ్యాప్తంగా చర్చనీయాంశమైంది.ఇదీ చదవండి : ఘోర ప్రమాదం.. కుప్పకూలిన రష్యా అణు బాంబర్‌ విమానం!

మాస్కో: రష్యాలో ఘోర విమాన ప్రమాదం చోటుచేసుకుంది. అణ్వాయుధాలను మోసుకెళ్లే సత్తా ఉన్న రష్యన్ ఎయిర్‌ఫోర్స్‌కు చెందిన శక్తివంతమైన వ్యూహాత్మక బాంబర్ విమానం అమూర్ ప్రాంతంలో కుప్పకూలింది. ఈ దుర్ఘటనలో ఆరుగురు సిబ్బంది మృతి చెందగా, మరొకరు తీవ్రంగా గాయపడ్డారు.రష్యాలోని అమూర్ ప్రాంతంలో రష్యన్ సైన్యానికి చెందిన ప్రసిద్ధ టుపోలెవ్‌ టీయూ-95ఎంఎస్‌ (Tupolev Tu-95MS) బాంబర్ విమానం సాధారణ శిక్షణ నిమిత్తం టేకాఫ్ అయింది. ఉక్రెయిన్‌తో ఉద్రిక్తతలు కొనసాగుతున్నప్పటికీ, ఈ విమానం ఎలాంటి ఆయుధాలను లేదా అణ్వాయుధాలను మోసుకెళ్లట్లేదని రష్యా రక్షణ శాఖ స్పష్టం చేసింది.అమూర్ ప్రాంతంలోని ఉక్రైంకా వైమానిక స్థావురం నుంచి బయలుదేరిన కొద్దిసేపటికే ఈ విమానంలో సాంకేతిక లోపం తలెత్తింది. క్రాస్నోయారోవో గ్రామం సమీపంలో జనావాసాలకు దూరంగా ఉన్న నిర్మానుష్య ప్రాంతంలో ఇది కుప్పకూలింది. ఈ ప్రమాదంలో విమానంలో ఉన్న ఆరుగురు సిబ్బంది ప్రాణాలు కోల్పోగా, మరో వ్యక్తి తీవ్ర గాయాలతో బయటపడ్డాడు. అతన్ని వెంటనే రక్షించి చికిత్స నిమిత్తం ఆసుపత్రికి తరలించారు.విమానం జనావాసాల మధ్య కాకుండా నిర్మానుష్య ప్రాంతంలో కూలడంతో పెను ప్రమాదం తప్పిందని, నేలపై ఎలాంటి ప్రాణ, ఆస్తినష్టం జరగలేదని స్థానిక అధికారులు తెలిపారు. పైలట్లు చివరి నిమిషం వరకు విమానాన్ని నియంత్రించేందుకు శ్రమించినట్లు తెలుస్తోంది. ఈ ప్రమాదానికి ఖచ్చితమైన కారణాలపై రక్షణ శాఖాధికారులు హై లెవల్ విచారణకు ఆదేశించారు.

హైదరాబాద్‌: రష్యా యుద్ధభూమిలో చిక్కుకున్న ఉమ్మడి నిజామాబాద్‌ జిల్లాకు చెందిన నలుగురిని సురక్షితంగా రప్పించాలని బాధిత కుటుంబసభ్యులు ప్రభుత్వానికి విజ్ఞప్తి చేశారు. మంగళవారం ప్రజాభవన్‌లో సీఎం ప్రజావాణి రాష్ట్ర ఇన్‌చార్జ్‌ గద్వాల్‌ విజయలక్ష‍్మీకి కుటుంబ సభ్యులు వినతిపత్రం అందజేశారు.భుక్యా రవీందర్, సిర్షు అశోక్, మెగావత్‌ ప్రకాష్, మహమ్మద్‌ అఫ్జల్‌ ఖాన్‌ సుమారు ఏడు నెలల క్రితం ఉపాధి కోసం రష్యా వెళ్లారని కుటుంబ సభ్యులు తెలిపారు. ఏజెంట్ల చేతిలో మోసపోయి రష్యా సైన్యంలో చేరాల్సిన పరిస్థితి ఏర్పడిందని వాపోయారు. రాయబార కార్యాలయం అధికారులతో మాట్లాడి సురక్షితంగా రప్పిస్తామని విజయలక్ష్మి వారికి భరోసా కల్పించారు.కాగా, ప్రజాభవన్‌లో మంగళవారం నిర్వహించిన సీఎం ప్రజావాణికి 16 గ్రూపులు, 196 మంది ద్వారా 160 దరఖాస్తులు అందాయి. ప్రధానంగా రెవెన్యూ శాఖకు 40, బీసీ సంక్షేమ శాఖ 27, మున్సిపల్‌ శాఖ 19, ఇతర శాఖలకు 74 దరఖాస్తులు అందాయి. కార్యక్రమంలో స్టేట్‌ నోడల్‌ అధికారి విద్యాసాగర్, డిప్యూటీ కలెక్టర్‌ వెంకటేశ్వర్లు, ఏసీపీ ఉమేందర్, ఎన్‌.ఆర్‌.ఐ. సలహామండలి వైస్‌ చైర్మన్‌ మంద భీంరెడ్డి, సభ్యులు స్వదేశ్‌ పరికిపండ్ల, అధికారులు పాల్గొన్నారు.ఇదీ చదవండి: సోషల్‌ మీడియాలో కొత్త కార్పొరేషన్ల సందడి..

హైదరాబాద్: ఉపాధి కోసం రష్యా వెళ్లి.. ఏజెంట్ల చేతిలో మోసపోయి రష్యా సైన్యంలో చేరాల్సిన పరిస్థితి ఏర్పడి.. ప్రస్తుతం యుద్ధ భూమిలో చిక్కుకున్నట్లు చెబుతున్న ఉమ్మడి నిజామాబాద్ జిల్లాకు చెందిన నలుగురు తెలంగాణ వాసులను సురక్షితంగా భారత్‌కు రప్పించాలని వారి కుటుంబ సభ్యులు ’సీఎం ప్రవాసీ ప్రజావాణి’ని ఆశ్రయించారు.మంగళవారం మహాత్మా జ్యోతిబా ఫూలే ప్రజాభవన్‌లో తెలంగాణ రాష్ట్ర ప్రణాళికా మండలి వైస్ చైర్‌పర్సన్ గద్వాల్ విజయలక్ష్మికి కుటుంబ సభ్యులు వినతిపత్రం అందజేశారు. కుటుంబ సభ్యుల వివరాల ప్రకారం, భుక్యా రవీందర్, సిర్షు అశోక్, మెగావత్ ప్రకాష్, మహమ్మద్ అఫ్జల్ ఖాన్ ఉపాధి కోసం సుమారు ఏడు నెలల క్రితం రష్యా వెళ్లారు. ఆయిల్ కంపెనీలో మంచి వేతనంతో ఉద్యోగం ఇప్పిస్తామని ఏజెంట్లు చెప్పడంతో లక్షల రూపాయలు వెచ్చించి అక్కడికి వెళ్లినట్లు తెలిపారు.ఆయిల్ కంపెనీలో వేతనాలు నిలిచిపోవడంతో ఇతర సాధారణ పనులు మాత్రమే ఉంటాయని చెప్పి కొందరు ఏజెంట్లు వారిని రష్యా సైన్యంలో చేరేలా చేశారని కుటుంబ సభ్యులు పేర్కొన్నారు. శిక్షణ అనంతరం వారిని యుద్ధ ప్రాంతంలో విధులకు పంపినట్లు, ప్రస్తుతం వారి ప్రాణ భద్రతపై తీవ్ర ఆందోళన నెలకొందని వివరించారు.కుటుంబ సభ్యుల విన్నపాన్ని విన్న గద్వాల్ విజయలక్ష్మి వారికి భరోసా కల్పించారు. నలుగురు తెలంగాణ వాసులకు అవసరమైన దౌత్య సహాయం అందించి, సురక్షితంగా విడుదల చేయించి స్వదేశానికి రప్పించేందుకు చర్యలు చేపట్టాలని GAD–NRI అధికారులకు సూచించారు. ఈ విషయంలో విదేశీ వ్యవహారాల మంత్రిత్వ శాఖతో పాటు మాస్కోలోని భారత రాయబార కార్యాలయంతో సమన్వయం చేసుకోవాలని ఆదేశించారు. నలుగురి వివరాలతో భారత రాయబార కార్యాలయానికి కూడా లేఖ పంపించి.. వారి భద్రత, స్వదేశానికి రప్పించే ప్రక్రియలో సహకరించాలని కోరారు.విదేశాల్లో ఉపాధి కోసం వెళ్లి ఇలాంటి క్లిష్ట పరిస్థితుల్లో చిక్కుకున్న తెలంగాణ వాసులకు ప్రభుత్వం తరఫున సాధ్యమైన సహాయం అందించేందుకు కృషి చేస్తాం. కుటుంబ సభ్యులు ఆందోళన చెందకుండా సంబంధిత అధికారులతో నిరంతరం సమన్వయం చేస్తామని గద్వాల్ విజయలక్ష్మి తెలిపారు. ఈ కార్యక్రమంలో సీఎం ప్రజావాణి స్టేట్ నోడల్ అధికారి కె. విద్యాసాగర్, ప్రభుత్వ ఎన్‌ఆర్‌ఐ అడ్వైజరీ కమిటీ వైస్ చైర్మన్ మంద భీంరెడ్డి, తదితరులు పాల్గొన్నారు.

రష్యా నుంచి చమురు కొనుగోలు చేస్తున్న దేశాలకు అమెరికా నుంచి భారీ సుంకాల ముప్పు పొంచి ఉంది. ముఖ్యంగా భారత్‌, చైనా వంటి రష్యా చమురు ప్రధాన కొనుగోలుదారులపై 100 శాతం వరకు సుంకాలు విధించే అధికారం అమెరికా అధ్యక్షుడు డొనాల్డ్‌ ట్రంప్‌కు లభించింది. కొత్తగా తీసుకొచ్చిన ‘లిండ్సే ఓ. గ్రాహం శాంక్షనింగ్‌ రష్యా అండ్‌ ఇరాన్‌ యాక్ట్‌–2026’ మరో రెండు వారాల్లో ఆచరణలోకి వచ్చే చాన్స్‌ ఉంది. దీంతో రష్యా చమురు కొనుగోలు విషయంలో భారత్‌ ఎలాంటి మార్గాన్ని అనుసరిస్తుందన్నది ఆసక్తికరంగా మారింది.ఇక్కడే రష్యా చమురు రంగంలో భారత కంపెనీలకు ఉన్న భారీ వాటా తెరపైకి వస్తోంది. రష్యా ప్రభుత్వ రంగ చమురు దిగ్గజం రోస్‌నెఫ్ట్‌ అనుబంధ సంస్థ అయిన వాంకోర్నెఫ్ట్‌లో భారత ప్రభుత్వ రంగ సంస్థలకు కలిపి 49.9 శాతం వాటా ఉంది. ఓఎన్‌జీసీ విదేశ్‌కు 26 శాతం వాటా ఉండగా.. ఆయిల్‌ ఇండియా, ఇండియన్‌ ఆయిల్‌, భారత్‌ పెట్రోరిసోర్సెస్‌ కలిసి వాంకోర్‌ ఇండియా ద్వారా మరో 23.9 శాతం వాటా కలిగి ఉన్నాయి. మిగిలిన 50.1 శాతం రోస్‌నెఫ్ట్‌ వద్ద ఉంది.అంటే.. భారత్‌ రష్యా నుంచి చమురును కేవలం బయట నుంచి కొనుగోలు చేయడమే కాదు. రష్యాలోని చమురు ఉత్పత్తి ఆస్తిలోనే భారత కంపెనీలకు వాటా ఉంది. ఇప్పుడు అసలు ప్రశ్న.. ఈ వాటా ఆధారంగా భారత్‌ తనకు వచ్చే చమురును ‘భారత చమురు’గా చూపించి అమెరికా ఆంక్షల నుంచి తప్పించుకోగలదా?రష్యా చమురు.. భారత్‌దిగా మారుతుందా?కానే కాదన్నది నిపుణుల అభిప్రాయం. ఒక భారత కంపెనీకి రష్యా చమురు క్షేత్రంలో వాటా ఉన్నంత మాత్రాన.. అక్కడి నుంచి వెలికితీసిన ముడిచమురు భారత మూలం గల చమురుగా మారదు. చమురు ఎక్కడ వెలికితీశారన్నదే దాని మూలాన్ని నిర్ణయిస్తుంది. రష్యాలో ఉత్పత్తి అయితే అది రష్యా మూలం గల క్రూడ్‌గానే ఉంటుంది. ఒకవేళ భారత కంపెనీలు తమ వాటాకు అనుగుణంగా చమురును నేరుగా తీసుకుని భారత్‌కు తరలించినా ఇదే వర్తిస్తుంది. మూడో దేశం మీదుగా పంపినా దాని మూలం మారదు. కాబట్టి 49.9 శాతం వాటా ఉండటం వాణిజ్యపరంగా భారత్‌కు ప్రయోజనం కావచ్చు కానీ.. అమెరికా ఆంక్షల నుంచి ఆటోమేటిక్‌గా మినహాయింపు మాత్రం ఇవ్వదు.మరి ఈ వాటాతో..ఇక్కడే అసలు ట్విస్ట్‌ ఉంది. భారత కంపెనీలకు వాంకోర్నెఫ్ట్‌లో వాటా ఉండటం వల్ల ఉత్పత్తిపై ఆర్థిక హక్కు ఉంటుంది. సాధారణంగా రష్యా కంపెనీ నుంచి మార్కెట్‌లో చమురు కొనుగోలు చేసే బదులు.. వాటాదారుగా ఉత్పత్తిలో తమ వాటాకు సంబంధించిన హక్కును వినియోగించుకునే అవకాశం ఉంటుంది. దీంతో ఒప్పందాలు, చెల్లింపులు, మధ్యవర్తులు, రవాణా వంటి వ్యవహారాల్లో మార్పులు రావచ్చు. అలాగని ఇది అమెరికా ఆంక్షలను తప్పించే ప్రత్యేక మినహాయింపు అని మాత్రం కచ్చితంగా చెప్పలేం. ఏ లావాదేవీకి ఆంక్షలు వర్తిస్తాయన్నది ఉత్పత్తి చేసే సంస్థ, లావాదేవీలోని భాగస్వాములు, చెల్లింపుల విధానం, షిప్పింగ్‌, బీమా తదితర అంశాలపై ఆధారపడి ఉంటుంది. వాంకోర్‌.. వోస్టోక్‌ ఆయిల్‌కు సంబంధమేంటి?ఇక్కడ మరో విషయం అర్థం చేసుకోవాలి. భారత కంపెనీల 49.9 శాతం వాటా మొత్తం వోస్టోక్‌ ఆయిల్‌ ప్రాజెక్టులో కాదు.. వాంకోర్నెఫ్ట్‌లో ఉంది. వాంకోర్‌ చమురు క్షేత్రాలు మాత్రం భారీ వోస్టోక్‌ ఆయిల్‌ ప్రాజెక్టులో భాగంగా ఉన్నాయి. రష్యా సెప్టెంబర్‌లో వోస్టోక్‌ ఆయిల్‌ నుంచి వాణిజ్య చమురు ఎగుమతులను ప్రారంభించింది. ఆర్కిటిక్‌ ప్రాంతంలోని ఈ భారీ ప్రాజెక్టును రష్యా భవిష్యత్తులో కీలక చమురు ఉత్పత్తి కేంద్రంగా అభివృద్ధి చేయాలని చూస్తోంది. దీంతో వాంకోర్నెఫ్ట్‌లో భారత కంపెనీల వాటా మరోసారి చర్చలోకి వచ్చింది. అమెరికా ఆంక్షల మాటేంటి?ఈ పరిణామాలతో అమెరికా ఆంక్షల గండం భారత్‌కు తప్పినట్లేనా?. ఇదే ఈ మొత్తం వ్యవహారంలో కీలకమైన విషయం. భారత్‌కు రష్యా చమురు ఉత్పత్తి ఆస్తిలో 49.9 శాతం వాటా ఉన్నప్పటికీ.. ఆ చమురు రష్యాలోనే వెలికితీస్తున్నారు. అందువల్ల దాని మూలం రష్యాదే. కాబట్టి భారత వాటాను చూపించి అమెరికా కొత్త చట్టం కింద వచ్చే సుంకాలు, ఆంక్షల నుంచి పూర్తిగా బయటపడే మార్గం ఏర్పడిందని చెప్పడానికి ఆధారం లేదు. అంటే.. భారత్‌ చేతిలో ఉన్న 49.9 శాతం వాటా ఒక కీలక వాణిజ్య బలం కావచ్చు. కానీ అదే అమెరికా ఆంక్షలకు కవచంగా మారుతుందా అన్నది మాత్రం అమెరికా నిబంధనల అమలు, లావాదేవీ నిర్మాణం, భవిష్యత్తు నిర్ణయాలపై ఆధారపడి ఉంటుందన్నమాట.ఇదీ చదవండి: ట్రంప్‌ని ఎంత పెద్ద మాట అన్నాడు సర్‌?

రష్యా-ఉక్రెయిన్ యుద్ధం, పశ్చిమాసియాలో కొనసాగుతున్న ఘర్షణలు ఇప్పుడు భారత రైతుపై ప్రభావం చూపే పరిస్థితిని కల్పించాయి. యుద్ధాల కారణంగా చమురు, సహజవాయువు కేంద్రాలపై దాడులు పెరగడంతో సల్ఫర్ సరఫరా దెబ్బతింటోంది. మరోవైపు ఎలక్ట్రిక్ వాహనాల బ్యాటరీలకు అవసరమైన నికెల్ ఉత్పత్తి కోసం సల్ఫ్యూరిక్ యాసిడ్‌కు డిమాండ్ భారీగా పెరిగింది. ఈ రెండు పరిణామాలు కలిసి సల్ఫర్ ధరలను ఏడాది వ్యవధిలో దాదాపు రెట్టింపు చేశాయి.రైతు ఎరువులపై యుద్ధ ప్రభావంఈ ఏడాది ప్రారంభం నుంచి భారత్‌కు దిగుమతి అవుతున్న సల్ఫర్ ధర దాదాపు రెట్టింపై టన్నుకు 1,050–1,100 డాలర్లకు చేరింది. సరుకు ధర, సముద్ర రవాణా ఖర్చులు కలిపిన ధర ఇది. సల్ఫర్ కొరత, అధిక ధరలు , కీలక ఎరువుల లభ్యతపై ప్రభావం చూపుతున్నాయి. యూరియా విషయంలో అవసరమైన దిగుమతులు చేపట్టడం ద్వారా భారత్ తాత్కాలికంగా ఆందోళనను తగ్గించుకున్నప్పటికీ, సల్ఫర్ ఇప్పుడు మరో కీలక సవాలుగా మారింది.సల్ఫర్ ఎక్కడి నుంచి వస్తుంది?ప్రపంచంలో ఉత్పత్తి అయ్యే సల్ఫర్‌లో కేవలం 10 శాతం మాత్రమే నేరుగా గనుల నుంచి లభిస్తుంది. మిగిలిన దాంట్లో సుమారు 56 శాతం పెట్రోలియం శుద్ధి ప్రక్రియ నుంచి, మరో 34 శాతం సహజవాయువు ప్రాసెసింగ్ ద్వారా లభిస్తుంది. ముడి చమురు, గ్యాస్ నుంచి సల్ఫర్‌ను తొలగించడం పర్యావరణ నిబంధనల ప్రకారం అవసరం. ఈ ప్రక్రియను ‘డీసల్ఫరైజేషన్’ అంటారు. ఇందులో వెలువడే సల్ఫర్‌ను ఎరువుల తయారీలో ఉపయోగిస్తారు. అందువల్ల చమురు, గ్యాస్ మౌలిక వసతులపై దాడులు జరిగితే సల్ఫర్ సరఫరాపైనా ప్రభావం పడుతుంది.సల్ఫర్ ఎందుకంత కీలకం?ప్రపంచవ్యాప్తంగా ఏటా దాదాపు 7 కోట్ల టన్నుల సల్ఫర్ వినియోగం జరుగుతోంది. అందులో సుమారు 60 శాతం ఎరువుల పరిశ్రమకే వెళ్తుంది. సల్ఫర్‌లో ఎక్కువ భాగాన్ని ముందుగా సల్ఫ్యూరిక్ యాసిడ్‌గా మారుస్తారు. ఫాస్ఫరస్ ఆధారిత ఎరువుల తయారీలో ఈ యాసిడ్ కీలకం. గనుల నుంచి లభించే రాక్ ఫాస్ఫేట్‌ను మొక్కలు గ్రహించగల రూపంలోకి మార్చడానికి సల్ఫ్యూరిక్ యాసిడ్ అవసరం. అందువల్ల సల్ఫర్ లేకపోతే డీఏపీ, ఎస్‌ఎస్‌పీ వంటి మిశ్రమ ఎరువుల తయారీకి ఆటంకాలు ఏర్పడతాయి.ఒకప్పుడు వ్యర్థం.. ఇప్పుడు బంగారమైంది!సల్ఫర్‌కు సంబంధించిన ధరల చరిత్ర కూడా ఆసక్తికరంగా ఉంది. భారత్ ఏటా సుమారు 38–39 లక్షల టన్నుల సల్ఫర్ వినియోగిస్తుండగా, అందులో 20–21 లక్షల టన్నులు ఎరువుల పరిశ్రమకు అవసరం. చమురు, గ్యాస్ పరిశ్రమలో ఇది ఉప ఉత్పత్తిగా లభించడం వల్ల గతంలో చాలా చౌకగా ఉండేది. ఒక దశలో టన్ను ధర 200 డాలర్ల కంటే తక్కువగా ఉండేది. 2019–20లో కొన్ని నెలల్లో 100 డాలర్ల కంటే కూడా దిగువకు వెళ్లింది. 2020లో జపాన్, దక్షిణ కొరియాలోని కొన్ని లోహ పరిశ్రమల నుంచి భారత్ టన్నుకు మైనస్ 20 డాలర్లకే సల్ఫర్ తెచ్చుకున్న సందర్భం కూడా ఉంది. అయితే 2022లో రష్యా-ఉక్రెయిన్ యుద్ధం మొదలైన తర్వాత ధరలు 400–500 డాలర్లకు చేరాయి. 2022 చివరి నుంచి 2025 ప్రారంభం వరకు మళ్లీ 200 డాలర్ల కంటే దిగువకు వచ్చినా, 2025 ఆగస్టు నుంచి పరిస్థితి మారింది. రష్యా చమురు శుద్ధి కేంద్రాలపై ఉక్రెయిన్ దాడులు పెరగడంతో డిసెంబర్ నాటికి ధర 500 డాలర్లను దాటింది. అనంతరం పశ్చిమాసియా ఘర్షణలతో మరింత పెరిగింది.ఈవీ బ్యాటరీల డిమాండ్‌తో..సల్ఫర్ ధర పెరగడానికి యుద్ధాలే ఏకైక కారణం కాదు. ఎలక్ట్రిక్ వాహనాల బ్యాటరీలకు అవసరమైన నికెల్ ఉత్పత్తి కూడా దీనిపై ప్రభావం చూపుతోంది. నికెల్‌ను లేటరైట్ ఖనిజం నుంచి వెలికితీసి బ్యాటరీలకు అనువైన రూపంలోకి మార్చే ప్రక్రియలో సల్ఫ్యూరిక్ యాసిడ్‌ను భారీగా ఉపయోగిస్తారు. ఈ ప్రక్రియలో ఏర్పడే ఎంహెచ్‌పీ(మిక్స్‌డ్ హైడ్రాక్సైడ్ ప్రెసిపిటేట్) ఈవీ బ్యాటరీల్లో ఉపయోగపడుతుంది. నికెల్ కోసం సల్ఫ్యూరిక్ యాసిడ్ డిమాండ్ 2021లో 35 లక్షల టన్నుల నుంచి 2025లో 1.5 కోట్ల టన్నులకు పైగా పెరిగింది. ఇందులో ఇండోనేషియా కీలక పాత్ర పోషిస్తోంది. అదే సమయంలో రష్యా ఎరువుల ఉత్పత్తికి ప్రాధాన్యం ఇస్తూ సల్ఫర్, సల్ఫ్యూరిక్ యాసిడ్ ఎగుమతులను నిలిపివేయగా, చైనా కూడా సల్ఫ్యూరిక్ యాసిడ్ ఎగుమతులపై ఆంక్షలు విధించింది.భారత్‌కు ఎంత పెద్ద సవాలు?భారత ఎరువుల కంపెనీలు దేశీయ చమురు శుద్ధి కేంద్రాల నుంచి కొంత సల్ఫర్‌ను పొందుతున్నప్పటికీ, అవసరాల్లో ఎక్కువ భాగం దిగుమతులపైనే ఆధారపడి ఉంది. ఇఫ్కో, కోరమాండల్ ఇంటర్నేషనల్, పారాదీప్ ఫాస్ఫేట్స్ వంటి సంస్థలకు సమీకృత తయారీ కేంద్రాలు ఉన్నాయి. ఇవి సల్ఫర్, రాక్ ఫాస్ఫేట్‌ను దిగుమతి చేసుకుని సల్ఫ్యూరిక్ యాసిడ్, ఫాస్ఫారిక్ యాసిడ్ ద్వారా డీఏపీ, ఎస్‌ఎస్‌పీ వంటి ఎరువులను తయారు చేస్తాయి. ఒక టన్ను సల్ఫర్‌తో సుమారు 3 టన్నుల సల్ఫ్యూరిక్ యాసిడ్ తయారవుతుంది. భారత్‌కు 1.5–1.6 కోట్ల టన్నుల ఫాస్ఫేట్ ఎరువుల తయారీకి 43–45 లక్షల టన్నుల ఫాస్ఫారిక్ యాసిడ్ అవసరం కాగా, దేశీయ ఉత్పత్తి సామర్థ్యం సుమారు 22 లక్షల టన్నులే. జోర్డాన్, సెనెగల్, మొరాకోలో భాగస్వామ్యాల ద్వారా రాక్ ఫాస్ఫేట్ సరఫరాను కంపెనీలు సమకూర్చుకున్నప్పటికీ, సల్ఫర్ లేకుండా దాన్ని ఎరువుగా మార్చడం సాధ్యం కాదు. ఇదీ చదవండి: నోయిడా నిరసనలు: చదువులు, ఉద్యోగాలకు దూరమైన ‘జెన్‌ జీ’

న్యూఢిల్లీ: ఐక్యరాజ్యసమితి భద్రతామండలిలో శాశ్వత సభ్యత్వం కోసం భారత్ చేస్తున్న ప్రయత్నాలకు రష్యా మరోసారి బహిరంగంగా మద్దతు తెలిపింది. ఐరాస సర్వసభ్య సమావేశంలో ప్రసంగించిన రష్యా విదేశాంగ మంత్రి సెర్గీ లావ్రోవ్.. భద్రతామండలిలో ఆసియా, ఆఫ్రికా, లాటిన్ అమెరికా దేశాలకు మరింత ప్రాతినిధ్యం కల్పించాల్సిన అవసరం ఉందన్నారు. ఇందులో భాగంగా భారత్, బ్రెజిల్‌లను శాశ్వత సభ్యులుగా చేర్చాలన్న తమ మద్దతును స్పష్టం చేశారు. భద్రతామండలి సంస్కరణలు జరగాల్సిందేనని పేర్కొన్న లావ్రోవ్.. పాశ్చాత్య దేశాలకు మాత్రం అదనపు శాశ్వత స్థానాలు కేటాయించకూడదని అన్నారు. ముఖ్యంగా జర్మనీ, జపాన్‌కు శాశ్వత సభ్యత్వం ఇవ్వడాన్ని రష్యా వ్యతిరేకిస్తోందని తెలిపారు. ఆ దేశాలు సైనికవాదం, పునరుద్ధరణవాదం వైపు వెళ్తున్నాయని ఆయన వ్యాఖ్యానించారు. భద్రతామండలిలో ప్రస్తుతం చైనా, ఫ్రాన్స్, రష్యా, బ్రిటన్, అమెరికా శాశ్వత సభ్యులుగా ఉన్నాయి. వీటికి వీటో అధికారం ఉంది.భద్రతామండలిలో ప్రస్తుతం శాశ్వత సభ్యత్వం లేని 10 దేశాలు రెండేళ్ల కాలానికి సభ్యులుగా కొనసాగుతున్నాయి. మండలి నిర్మాణంలో మార్పులు చేయాలంటే ఐరాస సర్వసభ్య సమావేశంలో మూడింట రెండొంతుల మెజారిటీ అవసరం. అంతేకాకుండా ప్రస్తుతం ఉన్న ఐదు శాశ్వత సభ్యదేశాల సమ్మతి కూడా తప్పనిసరి. దీంతో భద్రతామండలి విస్తరణ ప్రక్రియ అంత సులభం కాదని తెలుస్తోంది. భద్రతామండలిలో గ్లోబల్ సౌత్ దేశాలకు మరింత ప్రాతినిధ్యం కల్పించాలని లావ్రోవ్ పిలుపునిచ్చారు. ముఖ్యంగా ఆఫ్రికా ఖండ ప్రయోజనాలను పరిగణనలోకి తీసుకోవాలని అన్నారు. భారత్, బ్రెజిల్‌లకు శాశ్వత సభ్యత్వం కల్పించాలన్న డిమాండ్‌కు రష్యాతో పాటు బ్రిక్స్ దేశాలు గతంలోనూ మద్దతు తెలిపాయి. న్యూఢిల్లీ ప్రకటనలోనూ భారత్, బ్రెజిల్‌కు ఐరాసలో మరింత కీలక పాత్ర ఉండాలన్న ఆకాంక్షకు మద్దతు ప్రకటించారు.భారత్ శాశ్వత సభ్యత్వానికి ఇతర దేశాల నుంచి కూడా మద్దతు లభిస్తోంది. మారిషస్ విదేశాంగ మంత్రి ధనంజయ్ రామ్‌ఫుల్.. భద్రతామండలి సంస్కరణల్లో జీ4, ఎల్69 కూటముల వైఖరికి తమ మద్దతు కొనసాగుతుందని, ప్రపంచ వ్యవహారాల్లో భారత్ నిర్మాణాత్మక పాత్రకు తగినట్లుగా శాశ్వత సభ్యత్వం కల్పించాలన్న భారత్ అభ్యర్థనకు మద్దతు ఇస్తున్నామని తెలిపారు. పోర్చుగల్ ప్రధాని లూయిస్ మోంటెనెగ్రో కూడా ఆఫ్రికా, బ్రెజిల్, భారత్‌కు శాశ్వత ప్రాతినిధ్యం కల్పించేలా మండలిని మరింత ప్రాతినిధ్యాత్మకంగా మార్చాలని కోరారు.ఇదీ చదవండి: నాలుగు ముక్కలుకానున్న ఉత్తరప్రదేశ్‌.. రంగం సిద్ధం?

ఐక్యరాజ్యసమితి: తమపై యుద్ధానికి రష్యా భారత్‌సహా 40 దేశాల పౌరులను ఉపయోగిస్తోందని ఉక్రెయిన్‌ అధ్యక్షుడు జెలెన్‌స్కీ తెలిపారు. రష్యా అధ్యక్షుడు వ్లాదిమిర్‌ పుతిన్‌ మిమ్మల్నీ యుద్ధంలోకి లాగకుండా జాగ్రత్తపడాలని బుధవారం 81వ ఐరాస సర్వసభ్య సమావేశాల్లో మాట్లాడుతూ ఆ దేశాలకు పిలుపునిచ్చారు. రష్యా సాగిస్తున్న ఈ క్రూరమైన యుద్ధంలో ఉత్తర కొరియా నుంచే కాకుండా పలు దేశాల వారిని యుద్ధ ఖైదీలుగా బంధిస్తున్నామని ఆయన చెప్పారు. ఘానా, నేపాల్, తజకిస్తాన్, భారత్, యెమెన్, కెన్యా, జింబాబ్వే, క్యూబా, బెలారస్, సూడాన్, దక్షిణాఫ్రికా వంటి చాలా ఇతర దేశాల పౌరులున్నారని, అప్పుడప్పుడూ వీరిని స్వదేశాలకు పంపించాల్సిందిగా తమకు విజ్ఞప్తులు అందుతున్నాయని తెలిపారు. ఇతరదేశాల ప్రజలు చాలామంది యుద్ధభూమిలో ప్రాణాలు కోల్పోతున్నారని చెప్పారు. ‘‘యుద్ధభూమిలో రష్యన్లు కాని 47 దేశాల ప్రజలున్నారు. రష్యా చేతిలో మోసపోయి, కుట్రకు గురై చనిపోతూండటం చూస్తున్నాం’’అన్నారు. ఆయా దేశాల ప్రభుత్వాలు వీరిని కాపాడాలని, రష్యా పిచ్చితనానికి పౌరులను బలిచేయవద్దని కోరారు. రష్యాను ఆర్థికంగా దిగ్బంధించడం ద్వారా యుద్ధం ఆగిపోయేలా చేయాలని ఆయన కోరారు. యూక్రెయిన్‌కు మద్దతుగా నిలిచిన దేశాలకు కృతజ్ఞతలు తెలిపిన జెలెన్‌స్కీ రష్యాతో వ్యాపారాన్ని మరింత తగ్గించాలని కోరారు. తద్వారా రష్యా ఆదాయ వనరులు తగ్గుతాయన్నారు. రష్యా సైన్యంలో నియమితులైన భారతీయులు సుమారు 227 మంది ఉండవచ్చునని విదేశీ వ్యవహారాల కార్యదర్శి విక్రమ్‌ మిస్రీ ఈ నెల మొదట్లో తెలపడం ఇక్కడ చెప్పుకోవాల్సిన అంశం. వీరిలో 139 మంది విడుదలయ్యారని, సుమారు 51 మంది యుద్ధంలో మరణించినట్లూ సమాచారం ఉందని ఆయన తెలిపారు.

ఎన్నికల బాదరబందీ లేకుండా, ఓటర్ల చుట్టూ ప్రదక్షిణ చేసే ‘ఖర్మ’ పట్టకుండా దేశాధినేతలుగా చలామణి అయ్యేవారు ప్రపంచంలో ఇప్పటికీ చాలామందే ఉన్నారు. ఆ దేశాల్లో ఇలాంటివారికి మీడియా, సామాజిక మాధ్యమాలూ భజన చేస్తున్నా... ప్రపంచంలో వేరేచోట్ల వారికి నియంతలన్న అపకీర్తి ఉంటుంది. చైనా, ఉత్తర కొరియా వంటి దేశాల్లో మార్క్సిజం పేరు చెప్పి ఈ ఏకపక్ష స్వామ్యం సాగిపోతుంటుంది. రష్యాను దీర్ఘకాలంనుంచి ఏలుతున్న అధ్యక్షుడు వ్లాదిమిర్‌ పుతిన్‌ సాధించిన అఖండ విజయం మరోసారి ఆయనదైన ముద్ర చూపింది. తన పదవికి ఎసరుపెట్టే అవకాశం ఉందని భావించిన వారెవరినీ ఆయన వదల్లేదు. ఏమాత్రం ప్రభావితం చేయలేనివారు పోటీలో ఉన్నా పట్టించుకోలేదు. ఆయన వ్యతిరేకులు అనుమానాస్పద స్థితిలో మరణించ టమో, జైళ్లకు పోవటమో రివాజు. ఈనెల 18 నుంచి 20 వరకూ రష్యా పార్లమెంటు డ్యూమాకు జరిగిన ఎన్నికల్లో ఆయనకే చెందిన ‘యునైటెడ్‌ రష్యా’ పోలైన ఓట్లలో 57.83 శాతం దక్కించుకుంది. 2021లోని 49.82 శాతంతో పోలిస్తే ఇది అధికం. 95 శాతం ఓట్ల లెక్కింపు జరిగాక బుధవారం ఎన్నికల సంఘం ప్రకటించిన ప్రాథమిక ఫలితాలనుబట్టి దానికి 355 స్థానాలు వచ్చాయి. గత ఎన్నికల్లో ఆ పార్టీ బలం 343. ఒకప్పుడు అవిచ్ఛిన్నంగా దేశాన్నేలిన వారసత్వంగల కమ్యూనిస్టు పార్టీ ఆఫ్‌ రష్యన్‌ ఫెడరేషన్‌ పార్టీకి 13.8 శాతం ఓట్లు, దాదాపు 40 స్థానాలు లభిస్తాయని తేలింది. 2021లో ఆ పార్టీకి 18.93 శాతం ఓట్లు, 57 సీట్లు లభించాయి. ఉక్రెయిన్‌ యుద్ధాన్ని వ్యతిరేకించిన ఏకైక పార్టీ యాబ్లొకొ పార్టీపై అనర్హత వేటుపడింది.ఉక్రెయిన్‌పై యుద్ధం ప్రారంభించి నాలుగున్నరేళ్లు దాటడం, ఆంక్షల పర్యవసానంగా దేశ ఆర్థికవ్యవస్థ కుంగిపోవటం, ధరలు ఆకాశాన్నంటడం, ప్రత్యర్థి దేశం డ్రోన్‌ దాడుల పరంపరతో చమురు క్షేత్రాలు ధ్వంసం కావటంతో జనం యునైటెడ్‌ రష్యాను వ్యతిరేకించటం ఖాయమని కొందరు అంచనా వేశారు. రష్యా ఎదుర్కొంటున్న సంక్షోభం సామాన్యమైనది కాదు. చమురు క్షేత్రాల ధ్వంసంవల్ల ఉత్పత్తి నిలిచి, పెట్రోల్‌ బంకుల వద్ద వేలాది వాహనాలు బారులు తీరాయి. చివరకు తాను విక్రయించిన చమురునే మళ్లీ భారత్‌నుంచి కొనుగోలు చేయకతప్పలేదు. రష్యాలో సంక్షోభం ఏ స్థాయిలో ఉందంటే, మరిన్ని ‘త్యాగాలకు’ సిద్ధపడాలని కొత్త ప్రభుత్వం పౌరుల్ని కోరవచ్చంటు న్నారు. ఆరోగ్య పరిరక్షణ, విద్య వగైరా వ్యయాలను కట్టిపెట్టి యుద్ధంపైనే సర్వశక్తులూ కేంద్రీకరించాలని పుతిన్‌ చాన్నాళ్లుగా భావిస్తున్నారు. ‘యుద్ధ ఆర్థిక వ్యవస్థ’లో సర్వం లయంకావటం సహజమే. ఎన్నికల ప్రక్రియను ఏమార్చటం రష్యాలో సాధారణమే అయినా, ఓట్లేసినవారిలో అత్యధికులు దేశభక్తి, జాతీయత వంటి వ్యామోహాల్లో పడ్డారని కొందరి వాదన. తనకు దేశంపై పూర్తి స్థాయి పట్టు ఉందని... ఎన్నికలైనా, వ్యవస్థలైనా విశ్వసనీయమైనవని చూపటానికి పుతిన్‌ తాపత్రయపడ్డారు. ‘త్యాగాలకు’ సిద్ధపడాలని పిలుపునిచ్చే ఆర్థిక దుఃస్థితి లేనేలేదని, ఇదంతా గిట్టనివాళ్ల ప్రచారమని ఎన్నికలకు ముందు ఆయన ప్రకటించారు. కానీ ఇచ్చిన మాట నిలుపుకుంటారా అన్నది చెప్పలేం.ఈ ఎన్నికలు బూటకమని, వీటిని తిరస్కరించాలని బ్రిటన్, కెనడా, నార్వే, ఆస్ట్రేలియా, న్యూజిలాండ్‌ ఉమ్మడి ప్రకటన విడుదల చేశాయి. అయితే సార్వజనీనంగా ఆమోదించిన ప్రజాస్వామ్య నమూనా అంటూ ప్రపంచంలో ఎక్కడా లేదు. ప్రజాస్వామ్యం వర్ధిల్లుతున్నదని చెప్పుకుంటున్న దేశాలు ఆ పదానికి తమ తమ సొంత భాష్యాలు ఇచ్చుకుంటున్నాయి. క్రమం తప్పని ఎన్నికలు, నిర్ణీత వ్యవధిలో చట్టసభల సమావేశాలు, వాటిల్లో అధికార విపక్షాల వాగ్యుద్ధాలు, పరస్పర ఆరోపణలు... ఇవన్నీ ప్రజాస్వామ్యమని చాలా దేశాల్లో జనం నమ్ముతారు. రష్యా వరకూ చూస్తే 2006లో మరణించిన అలెగ్జాండర్‌ లిత్వినెంకో, అన్నా పొలిటికోవ్‌స్క్యా, 2013లో చనిపోయిన బోరిస్‌ బెరెజోవ్‌స్కీ, 2015లో విగతజీవుడైన బోరిస్‌ నెమ్‌సోవ్, రెండేళ్ల క్రితం మరణించిన అలెక్సీ నవాల్నీ అక్కడ ప్రజాస్వామ్యం ఏపాటో చెబుతారు. వీరిలో ఇతరులంతా ఖండాంతరాల్లో అనుమానాస్పదంగా చనిపోతే, నవాల్నీ బందీఖానాలో కన్నుమూశారు. ఏదేమైనా 2031లో జరిగే అధ్యక్ష ఎన్నికల్లో మళ్లీ పుతిన్‌ గెలుపు ఖాయమని ఈ ఎన్నికలు నిరూపించాయి.

బ్రిక్స్‌ శిఖరాగ్ర సమావేశాలు ఒక బృహత్తరమైన విషయం అయినందున అందు గురించి చర్చించుకోవలసినవి అనేకంఉంటూనే ఉంటాయి. అందులోనూ ఆ సంస్థ కజాన్‌తో ఆరంభించి రియో డి జనేరో మీదుగా ఢిల్లీ వరకు ఒక కొత్త దశలోకి ప్రయాణిస్తూ వచ్చినపుడు. ఇటు వంటి దశలో మార్గ నిర్దేశనాలను స్థూలమైన రీతిలో ఎన్ని చేసుకున్నా, ప్రశ్నలూ సందేహాలూ కూడా అంతగా మిగిలే ఉండటం సహజం. ఐక్యత సాధ్యమేనా?వాటిలో అన్నింటికన్న ప్రధానమైనది బ్రిక్స్‌ సభ్య దేశాల మధ్య ఐక్యత ప్రశ్న. ఇందుకు రెండు కోణాలున్నాయి. ఒకటి, ఆ దేశాల మధ్య ఏకాభిప్రాయాలు. రెండు, వారికి బ్రిక్స్‌ బయటి దేశాలతో గల సంబంధాలు. ఈ విషయాన్ని కొంత సూటిగా చెప్పుకుందాము. ఢిల్లీ సమావేశాలకు ముందూ, ఆ తర్వాతా పాశ్చాత్య మీడియా, పరిశీల కులతో పాటు ఇక్కడ కూడా పలువురు బ్రిక్స్‌లోని భిన్నత్వాలను చాలా ఎత్తి చూపారు. ఆ కారణంగా ఐక్యత సందేహాస్పదమన్నారు. వారు ఉదాహరించిన వాటిలో ముఖ్యమైనవి భారత–చైనా, ఇరాన్‌ –అరబ్‌ రాజ్యాల వివాదాలు.ఇవి ముఖ్యమైనవనటంలో సందేహం లేదు. అయితే, అవి ఉన్నప్పటికీ అందరూ ఒక చోట చేరటం, ఏకగ్రీవ ప్రకటనను విడుదల చేయటాన్ని కూడా విమర్శకులు అదే సమయంలో గుర్తించారు. అట్లా జరగటంలో భారతదేశపు దౌత్యనీతి కొంత పనిచేసిన మాట నిజమే అయినా, అంతకుమించిన మౌలిక కారణాలు ఉన్నాయనేది గమనించాలి. మొదటిది, పరస్పర సమస్యలు ఉన్న బ్రిక్స్‌ దేశాలకు కూడా బయటి శక్తుల నుంచి అంతకన్న పెద్ద సమస్యలు ఎదురవుతున్నాయి. పరస్పర సమస్యల పరిష్కారం కన్నా బయటి సమస్యల పరిష్కారం పెద్ద సవాలు అవుతున్నది. మొదట 2006లో ‘బ్రిక్‌’ ఏర్పడినా, 2010లో ‘బ్రిక్స్‌’గా మారినా, ఇపుడు 2026లో మరింత విస్తరించినా సభ్య దేశాల మధ్య కొన్ని సమస్యలు ఎప్పుడూ ఉన్నవే. ఉదాహరణకు ఇండియా–చైనా వివాదం. అది 2006 నాటికి కొన్ని దశాబ్దాలుగా ఉంది. ఒక యుద్ధం, కొన్ని ఘర్షణలు జరిగాయి. అయినప్పటికీ బ్రిక్స్‌లోనే గాక షాంఘై సహకార సంస్థ తదితరాలలోనూ చైనాతో పాటు సభ్య దేశంగా ఉండేందుకు భారత్‌ ఎందుకు అంగీకరించినట్లు?మూడు ముఖ్య దేశాలుపైన వేసుకున్న ప్రశ్నకు సమాధానం ఇందులోనే లభిస్తుంది. సభ్య దేశాలకు పరస్పర సమస్యలకన్న బయటి శక్తుల నుంచి ఎదు రవుతున్న సమస్యలు పెద్ద సవాళ్లవుతున్నాయి. ఇంకా చెప్పాలంటే, బయటి శక్తుల నుంచి సమస్యలన్నవి వందల సంవత్సరాల వలస పాలనలతో మొదలై, సామ్రాజ్యవాదపు వివిధ చర్యల రూపంలో నేటికీ కొనసాగుతున్నాయి. అందుకే వీరు ఒకటి అవుతుండటమే గాక, బ్రిక్స్‌ పట్ల అన్ని ఖండాల దేశాలలో ఆకర్షణలు పెరుగు తున్నాయి. కనుక, ఈ విస్తృత చిత్రాన్ని గమనించినప్పుడు, పరస్పర సమస్యలన్నవి భూతద్దంలో చూడవలసినవిగా తోచదు. అయితే, ప్రధాని మోదీ, చైనా అధ్యక్షుడు షి జిన్‌పింగ్‌ మధ్య సమావేశంలో ‘భిన్నాభిప్రాయాలు విభేదాలుగా మారకూడ’దన్న మాట ఒకటి వచ్చింది. అందులోని రెండు పదాలకు చాలా అర్థం ఉంది. అది ఇక్కడ చర్చించలేము. కానీ, వారు అదే అవగాహనతో ముందుకు సాగుతుండటం మాత్రం గమనించదగ్గది. అందులో పరస్పర ప్రయోజనాలతో పాటు బ్రిక్స్‌ స్ఫూర్తి ఉంది. బ్రిక్స్‌ను చైనా హైజాక్‌ చేస్తుందా అనే ప్రశ్న ఒకటి ఉన్నది గానీ అది వేరే వివరమైన చర్చ.ఇందుకు పొడిగింపుగా చెప్పుకోవలసింది ఒకటున్నది. బ్రిక్స్‌లో వేర్వేరు ఖండాల నుంచి ప్రధానమైన దేశాలు ఉన్నప్పటికీ, సంస్థకు వెన్నుదన్ను అనదగ్గవి ఇండియా, చైనా, రష్యాలే. ఈ మూడూ ఆర్థికంగా, శాస్త్ర సాంకేతికపరంగా, సైనికంగా, భౌగోళిక వైశాల్య పరంగా, జనాభా రీత్యా శక్తిమంతమైనవి. రాజకీయంగా చూసి నపుడు భారత్‌ ప్రజాస్వామికమైనది కాగా, తక్కిన రెండు స్థిరమైన వ్యవస్థలు. ఈ ముగ్గురికి కూడా వలస పాలనల కాలం నుంచి, ఆ తర్వాత వర్తమానంలోనూ వర్ధమాన దేశాలతో వెన్నంటి నిలిచిన పేరున్నది. బ్రిక్స్‌ పునాదులు కూడా 2006 నుంచి ఈ 2026 వరకు అవే. వర్ధమాన దేశాలకు బయటి శక్తులతో రాగల కాలంలో ఘర్షణాత్మక స్థితి ఏర్పడే కొద్దీ ఈ సంస్థకు నాయకత్వం వహించి నిలబెట్ట గలది, ఒక ప్రత్యామ్నాయ వ్యవస్థను రూపొందించగలది, ఇపుడున్న అంతర్జాతీయ సంస్థలను సంస్కరించి వర్ధమాన దేశాలకు అవకా శాలు కల్పించేట్లు చేయగలది ఈ ముగ్గురి నాయకత్వమే. ఇదే సంద ర్భంలో మరొకటి కూడా చెప్పాలి. వర్ధమాన దేశాలకు బయటి శక్తు లతో రక్షణపరమైన సమస్యలు తలెత్తితే, ఈ ముగ్గురిలో ఇండియా, చైనాలు కాదు గానీ తమ సైన్యాలను పంపి ఆదుకునేందుకు సైతం రష్యా సిద్ధమే. ఇటీవల పశ్చిమ ఆఫ్రికాలో అదే జరుగుతున్నది.భారత ప్రభుత్వం గురించి దాపరికం లేకుండా మాట్లాడుకోవ లసిన విషయం ఒకటున్నది. ఇండియా బ్రిక్స్‌లో చేరింది కాంగ్రెస్‌ అధికారంలో ఉండిన 2006లో కాగా, బీజేపీ గెలిచిన 2014 నుంచి మోదీ ప్రభుత్వ వైఖరి బయటి ప్రపంచపు దృష్టిలో అనుమానా స్పదంగా మారింది. వైఖరిలో మార్పునకు కారణం దేశ ప్రయోజ నాలు అని చెప్పేవి అయితే కావచ్చు గాక, కానీ అనుమానాస్పదంగా మారింది నిజం. వర్ధమాన దేశాలకు హాని కలిగే విధంగా బయటి శక్తులకు సన్నిహితంగా మెలిగేందుకు ప్రయత్నిస్తూ పోయారన్న మాటలు ఇంటాబయటా వినిపించాయి. గాజాలో ఇజ్రాయెల్‌ మారణహోమం, వెస్ట్‌ బ్యాంక్‌ ఆక్రమణలు, వెనిజులా అధ్యక్షుని అపహరణ, ఇరాన్‌పై దాడుల సందర్భాలలో ప్రభుత్వ వైఖరులతో అనుమానాలు మరింత పెరిగాయి. ఇపుడు ఢిల్లీలో వైఖరి కొంత మారుతున్న సూచనలు కన్పించినందున, ఇది ఇక స్థిరపడుతూ పోగలదేమో చూడాలి. బయటి శక్తులతో ఇండియాకు సమస్యలు క్రమంగా పెరుగుతున్నందున అందుకు అవకాశాలైతే ఉన్నాయి. అసలు ఆయుధీకరణచివరగా చర్చించవలసినవి రెండున్నాయి. స్వేచ్ఛా నౌకా యాన ప్రశ్న, వనరుల ఆయుధీకరణ ప్రశ్న. ఈ రెండూ ఢిల్లీ సమావేశాల సందర్భంగా మరొకమారు ప్రస్తావనకు వచ్చాయి. స్వేచ్ఛాయానం హార్మూజ్‌ దిగ్బంధం నుంచీ, ఆయుధీకరణ అమెరికా అధ్యక్షుని ట్యారిఫ్‌ వార్‌తోనూ మొదలయ్యాయి. హార్మూజ్‌ను ఇరాన్‌ మూసి వేసింది శత్రు దాడుల నుంచి ఆత్మరక్షణకే తప్ప అంతకు ముందు ఎటువంటి మూసివేతలూ లేవు. దాడులు ఆగకుండా హార్మూజ్‌ను తెరవాలని ఒత్తిడి చేయడమంటే తమ ఆత్మరక్షణ సాధనాన్ని వదలుకుని లొంగిపోవలసిందిగా కోరటమే. స్వేచ్ఛాయానమన్న మాట దక్షిణ చైనా సముద్రం విషయంలోనూ ఉన్నా, బ్రిక్స్‌ చర్చల సంద ర్భం అది కాదు. పోతే, స్వేచ్ఛా యానాన్ని అమెరికా అట్లాంటిక్, పసిఫిక్‌లలో తమ ప్రత్యర్థులకు అనుమతించక పోవటాన్ని ఏమంటాం?అమెరికా అధ్యక్షుడు ట్యారిఫ్‌లను, సాంకేతిక పరికరాల ఎగుమతిని ఆయుధాలుగా మార్చటం మొదలు పెట్టినందునే చైనా, కెనడా, యూరప్‌ వంటివి ఎదురు ట్యారిఫ్‌లతో, కీలకమైన వనరుల ఎగుమతిపై ఆంక్షలతో ఆత్మరక్షణ వ్యూహాన్ని అనుసరిస్తున్నాయి. దీనంతటిలో ఏది ఆయుధీకరణ అవుతుంది, ఏది కాదు? అందు వల్ల, సమస్యకు గల కారణాలను వదలి సమస్యల గురించి మాత్రమే మాట్లాడటంతో పరిష్కారం లభించదు.టంకశాల అశోక్‌ వ్యాసకర్త సీనియర్‌ సంపాదకుడు

యుద్ధం.. డ్రోన్ల దాడులు.. ఆర్థిక ఒత్తిళ్లు.. ఎన్ని సవాళ్లు ఎదురైనా రష్యాలో పుతిన్‌ రాజకీయ ఆధిపత్యానికి ఎదురులేకుండా పోయింది. పార్లమెంటు ఎన్నికల్లో అధికార యునైటెడ్ రష్యా పార్టీ 57.5 శాతం ఓట్లతో దూసుకెళ్తోంది. ఉక్రెయిన్‌తో యుద్ధంపై ప్రజల మద్దతును పరీక్షించుకునేందుకు జరిగిన ఈ ఎన్నికల్లోనూ పుతిన్‌ పార్టీ స్పష్టమైన ఆధిక్యంలో కొనసాగుతోంది. ప్రతిపక్షాలు వెనుకబడగా.. రష్యా రాజకీయాల్లో పుతిన్‌ పట్టు మరోసారి చర్చనీయాంశంగా మారింది.ఉక్రెయిన్‌తో యుద్ధం ఐదో ఏడాదిలోకి అడుగుపెట్టిన వేళ రష్యా అధ్యక్షుడు వ్లాదిమిర్ పుతిన్‌కు కీలక రాజకీయ పరీక్ష ఎదురైంది. అయినప్పటికీ పార్లమెంటు ఎన్నికల్లో ఆయనకు చెందిన అధికార యునైటెడ్ రష్యా పార్టీ భారీ ఆధిక్యంలో కొనసాగుతోంది. పాక్షిక అధికారిక ఫలితాల ప్రకారం ఆ పార్టీకి 57.5 శాతం ఓట్లు లభించాయి. అయితే ఇవి తుది ఫలితాలు కావు. 450 మంది సభ్యులున్న రష్యా స్టేట్ డూమాలో మెజారిటీ సాధించే దిశగా అధికార పార్టీ ముందుకు సాగుతోంది. కమ్యూనిస్ట్ పార్టీ, ఎల్‌డీపీఆర్‌, న్యూ పీపుల్‌, జస్ట్ రష్యా పార్టీలు చాలా వెనుకబడి ఉన్నప్పటికీ పార్లమెంటులో స్థానాలు దక్కించుకునే అవకాశముంది.సెప్టెంబర్ 18–20 మధ్య మూడు రోజుల పాటు పోలింగ్ జరిగింది. సెప్టెంబర్ 21 నాటికి వెలువడిన పాక్షిక ఫలితాల్లో యునైటెడ్ రష్యా 57.5 శాతం ఓట్లతో ముందంజలో ఉంది. గత ఎన్నికలతో పోలిస్తే 2021 ఎన్నికల్లో యునైటెడ్ రష్యా పార్టీకి 49.82 శాతం ఓట్లు వచ్చాయి. తాజా ఎన్నికల్లోని 57.5 శాతం పాక్షిక ఫలితంతో పోలిస్తే దాదాపు 7.7 శాతం పాయింట్ల ఆధిక్యం కనిపిస్తోంది. ప్రతిపక్షాల పరిస్థితి ఇలా ఉంది. ప్రాథమిక లెక్కల్లో కమ్యూనిస్ట్ పార్టీ 13.67 శాతం, ఎల్‌డీపీఆర్‌ 9.27 శాతం, న్యూ పీపుల్‌ 7.96 శాతం, జస్ట్‌ రష్యా 5.16 శాతం ఓట్లతో ఉన్నట్లు ఒక నివేదిక వెల్లడించింది. ఈ గణాంకాలు పాక్షిక లెక్కల ఆధారంగా వచ్చినవే.BREAKING! 🇷🇺Preliminary results. Putin and Medvedev's "United Russia" party is leading with 57% in the State Duma elections. The other parties got from 1 to 7 percent of the votes.pic.twitter.com/SKQtov4R8A— Дepлorabлe Russian🔹 (@TeaTramRussia) September 20, 2026పుతిన్ తన ప్రభుత్వ విధానాలకు, ఉక్రెయిన్ యుద్ధానికి ప్రజల మద్దతు ఉందా లేదా అన్నదానికి ఈ ఎన్నికలను పరీక్షగా అభివర్ణించారు. మాజీ అధ్యక్షుడు, రష్యా భద్రతా మండలి ఉపాధ్యక్షుడు దిమిత్రి మెద్వెదెవ్‌.. యునైటెడ్ రష్యా గౌరవప్రదమైన ఫలితాన్ని సాధించిందని, దేశాన్ని పాలించే బాధ్యతను ప్రజలు మరోసారి ఆ పార్టీకి అప్పగించారని వ్యాఖ్యానించారు.యుద్ధ వ్యతిరేక అభ్యర్థులకు అవకాశం నిరాకరణయుద్ధాన్ని వ్యతిరేకించే పలువురు అభ్యర్థులకు ఎన్నికల్లో పోటీ చేసే అవకాశం దక్కలేదు. ఉదారవాద యాబ్లోకో పార్టీకి చెందిన నేతలు కూడా తమ స్వేచ్ఛపై ఆందోళన వ్యక్తం చేశారు. ఉక్రెయిన్ యుద్ధంపై వ్యాఖ్యల నేపథ్యంలో తమ పార్టీకి చెందిన ఇద్దరు సీనియర్ నేతలకు కోర్టులు సుదీర్ఘ జైలు శిక్షలు విధించడమే ఇందుకు కారణమని వారు పేర్కొన్నారు. రష్యాలో సైన్యాన్ని అప్రతిష్ఠపరిచేలా మాట్లాడటం, అధికారులు తప్పుడు వార్తలుగా పరిగణించే సమాచారాన్ని వ్యాప్తి చేయడం వంటి చర్యలకు సుదీర్ఘ జైలు శిక్షలు విధించే అవకాశం ఉంది.సైబర్ దాడుల మధ్య ఓటింగ్ఎన్నికల వ్యవస్థలపై పెద్ద ఎత్తున సైబర్ దాడులు జరిగినట్లు రష్యా ఎన్నికల అధికారులు తెలిపారు. అయినప్పటికీ ఓటింగ్ ప్రక్రియ చాలావరకు సజావుగా సాగిందని పేర్కొన్నారు. మాస్కో స్థానిక కాలమానం ప్రకారం సాయంత్రానికి పోలింగ్ శాతం దాదాపు 57కు చేరినట్లు కేంద్ర ఎన్నికల సంఘం గణాంకాలు వెల్లడించాయి. ప్రభుత్వాన్ని వ్యతిరేకించే రష్యన్లు మధ్యాహ్నం 12 గంటలకు పోలింగ్ కేంద్రాల వద్దకు చేరుకుని నిరసన తెలపాలని ప్రవాస ప్రతిపక్ష నేతలు పిలుపునిచ్చారు. కొన్ని ప్రాంతాల్లో పొడవైన క్యూలు కనిపించినప్పటికీ.. ఈ నిరసన ఎన్నికల ఫలితాలపై ఎంతవరకు ప్రభావం చూపిందన్నది స్పష్టంగా తెలియలేదు.Ukraine launched its "largest ever" drone barrage against Moscow during the final day of Russia's parliamentary elections.The attack — involving over 1,000 drones nationwide — struck a major Moscow oil refinery, sending heavy flames and smoke into the sky and leaving at least… pic.twitter.com/0G2gmmpopr— Fox News (@FoxNews) September 20, 2026ఎన్నికల వేళ మాస్కోపై ఉక్రెయిన్ డ్రోన్ల దాడిరష్యా ఎన్నికలు జరుగుతున్న సమయంలోనే మాస్కోతో పాటు పలు ప్రాంతాలపై ఉక్రెయిన్ భారీ డ్రోన్ దాడులకు పాల్పడినట్లు రష్యా అధికారులు వెల్లడించారు. మాస్కో ప్రాంతంలో ముగ్గురు, రష్యా ఆధీనంలోని ఉక్రెయిన్ ఖెర్సన్ ప్రాంతంలో మరో ఇద్దరు మరణించినట్లు తెలిపారు. మృతుల్లో ఎన్నికల అధికారి కూడా ఉన్నట్లు పేర్కొన్నారు. ఎన్నికలను అడ్డుకునేందుకే ఈ దాడులు జరిగాయని మాస్కో మేయర్ సెర్గీ సోబ్యానిన్ ఆరోపించారు. అయితే వాటి వల్ల ఎన్నికల ప్రక్రియకు ఆటంకం కలగలేదని చెప్పారు.ఇక, ఎన్నికల ఫలితాలను పుతిన్ ప్రభుత్వం తన విధానాలకు, ఉక్రెయిన్ యుద్ధానికి ప్రజల మద్దతు ఉందనడానికి నిదర్శనంగా చూపించే అవకాశం ఉంది. అయితే యుద్ధం కొనసాగుతున్న వేళ ప్రజల ఆర్థిక ఆందోళనలు, ప్రతిపక్ష పార్టీలకు లభించే మద్దతు రష్యా రాజకీయ పరిణామాల్లో కీలకంగా మారనున్నాయి.Ukraine launched MASSIVE ATTACK in attempt to DISRUPT Russia ELECTIONS — Russian MoD1,951 DRONES and 8 FLAMINGO MISSILES shot down in 24 HOURSMOSCOW WARNS RESPONSE IS COMING as STRIKES ON Kiev set to INTENSIFY pic.twitter.com/Fsm3mW3KG8— RT (@RT_com) September 20, 2026

మాస్కో: రష్యాలో ఎన్నికలు జరుగుతున్నవేళ ఉక్రెయిన్‌ రెచ్చిపోయింది. రాజధాని మాస్కోతో పాటు ఇతర చుట్టుప్రక్కల ప్రాంతాలే టార్గెట్‌గా విరుచుకపడింది. 1600 డ్రోన్లతో ఏకకాలంతో దాడి చేసింది. ఈ దాడుల్లో ఇద్దరు రష్యాపౌరులు మరణించగా ఒక ప్రధాన చమురు శుద్ధి కర్మాగారం దెబ్బతింది. ఈ దాడిపై రష్యా తీవ్ర ఆగ్రహం వ్యక్తం చేస్తుంది.ఇటీవల రష్యా- ఉక్రెయిన్‌ దాడులు తీవ్ర స్థాయికి చేరుకుంటున్నాయి. రష్యా మౌలిక సదుపాయాలే లక్షంగా ఉక్రెయిన్‌ దాడులకు తెగబడుతుంది. రష్యా సైతం పెద్దఎత్తున ప్రతి దాడులు జరుపుతుంది. ఈ దాడుల వల్ల పెద్ద సంఖ్యలో పౌరులు ప్రాణాలు కోల్పోతున్నారు. తాజాగా మరోసారి ఉక్రెయిన్ రష్యాపై పెద్దఎత్తున డ్రోన్‌ దాడులు చేసింది.ఈ విషయమై రష్యా మేయర్‌ మాట్లాడుతూ.. 1,600కు పైగా డ్రోన్లను అడ్డుకుని కూల్చివేసాం. ఇందులో 450 డ్రోన్లు మాస్కోను లక్ష్యంగా చేసుకుని వచ్చాయి. రెండు వేర్వేరు దాడుల్లో 44 ఏళ్ల మహిళ, ఒక వృద్ధుడు మరణించినట్లు తెలిపారు. 21 అంతస్తుల భవనంపై డ్రోన్ కూలిపోవడంతో మంటలు చెలరేగాయి. దీంతో సుమారు 400 మందిని భవనం నుంచి ఖాళీ చేయించాల్సి వచ్చింది." అని ఆయన అన్నారు.రష్యాలో జరుగుతున్న ఎన్నికలను అడ్డుకునే ప్రయత్నంలో భాగంగానే ఉక్రెయిన్ ఈ దాడికి పాల్పడిందని ఆయన ఆరోపించారు. "ఎన్నికలను భంగపరచాలనే ఉద్దేశంతోనే ఈ దాడిని స్పష్టంగా ప్రణాళిక చేశారు. అయితే శత్రువు అందులో విజయవంతం కాలేదు” అని ఆయన సోషల్ మీడియాలో పేర్కొన్నారుమరోవైపు, ఉక్రెయిన్ అధ్యక్షుడు జెలెన్‌స్కీ ఈ దాడులను ప్రశంసించారు. “గత రాత్రి మాస్కో ప్రాంతంలో మా సుదూర దాడులు చాలా ప్రభావాన్ని చూపించాయి. రష్యా చమురు పరిశ్రమలోని కీలక సదుపాయాల్లో ఒకదానితో పాటు లాజిస్టిక్స్‌కు సంబంధించిన సదుపాయం కూడా దెబ్బతింది. ఇవి యుద్ధ యంత్రాంగాన్ని కొనసాగించేందుకు ఉపయోగపడే బిలియన్ల డాలర్ల నిధులు” అని ఆయన ఎక్స్‌లో పోస్టు చేశారు.ఇదిలా ఉండగా, ఉక్రెయిన్‌లో రాత్రిపూట రష్యా జరిపిన దాడుల్లో కీవ్ ప్రాంతంలో కనీసం నలుగురు మరణించినట్లు అధికారులు తెలిపారు. మృతుల్లో ముగ్గురు చిన్నారులు ఉన్నారు. రష్యా, ఉక్రెయిన్‌లు ఒకరిపై ఒకరు సుదూర ప్రాంతాలను లక్ష్యంగా చేసుకుని డ్రోన్, క్షిపణి దాడులను మరింత తీవ్రతరం చేస్తున్న సమయంలో ఈ తాజా దాడులు చోటుచేసుకున్నాయి.యుద్ధం ప్రారంభమైనప్పటి నుంచి రష్యాపై జరిగిన అతిపెద్ద ఒక్కరోజు దాడుల్లో ఇది ఒకటని విశ్లేషకులు భావిస్తున్నారు. ఈ భారీ స్థాయి దాడి రష్యా ఎన్నికల చివరి రోజునే జరగడం యాదృచ్ఛికం కాదని అంటున్నారు. కాగా ఉక్రెయిన్‌ దాడులతో పరిస్థితులు మరోసారి ఉద్రిక్తంగా మారాయి. రష్యా భారీ స్థాయిలో ‍ప్రతిదాడులు చేసే అవకాశం ఉంది.

వాషింగ్టన్‌: రష్యా ఆంక్షల బిల్లుపై అమెరికా అధ్యక్షుడు డొనాల్డ్‌ ట్రంప్‌ సంతకం చేసి చట్టంగా మార్చారు. ఈ పరిణామంతో రష్యా నుంచి చమురు, గ్యాస్‌ కొనుగోలు చేసే దేశాలపై 100 శాతం వరకు సుంకాలు విధించడానికి అధ్యక్షుడికి అధికారం లభించింది. తద్వారా భారత్, చైనాలకు అమెరికా సుంకాల ముప్పు పొంచి ఉన్నట్లే. ‘లిండ్సే ఓ.గ్రాహం శాంక్షనింగ్‌ రష్యా అండ్‌ ఇరాన్‌ యాక్ట్‌ ఆఫ్‌ 2026’ అనే ఈ బిల్లును రిపబ్లికన్ల మద్దతుతో అమెరికా ప్రతినిధుల సభ 262–159 ఓట్ల తేడాతో ఆమోదించిన సంగతి తెలిసిందే. చట్టసభలో బిల్లు ఆమోదం పొందిన రెండు రోజుల తర్వాత ట్రంప్‌ దీనిపై సంతకం చేశారు. → ఉక్రెయిన్‌పై రష్యా చేస్తున్న యుద్ధానికి ఆర్థిక వనరులను తగ్గించడమే ఈ కొత్త చట్టం అసలు లక్ష్యం. → ఇది రష్యా అధికారులు, బ్యాంకులు, ఇంధన సంస్థలు, మాస్కో సైనిక కార్యకలాపాలకు మద్దతు ఇస్తున్న విదేశీ సంస్థలపై గురిపెట్టింది. → రష్యాకు చెందిన చమురు, గ్యాస్‌పై ఆధారపడటాన్ని తగ్గించడానికి, రష్యాతో వ్యాపారం చేసే దేశాలపై సుంకాలు విధించే అధికారాన్ని ఈ చట్టం అధ్యక్షుడికి కల్పిస్తుంది. → హౌస్‌ వేస్‌ అండ్‌ మీన్స్‌ కమిటీ ప్రకారం ఈ చట్టం రష్యన్‌ ఉత్పత్తులపై 500 శాతం వరకు సుంకాలు విధించడానికి వీలు విధిస్తుంది. రష్యా చమురు, గ్యాస్‌ కొనుగోలు నిబంధనల పరిధిలోకి వచ్చే దేశాల ఉత్పత్తులపై 100 శాతం వరకు సుంకాలు విధించవచ్చు. → రష్యా అధ్యక్షుడు పుతిన్‌తోపాటు రష్యా ప్రభుత్వంలోని ఉన్నతాధికారులపైనా ఆంక్షలు విధించడానికి ఆస్కారం ఉంది. → 100% వరకు సుంకాలు విధించడానికి అర్హమైన దేశాలుగా చైనా, భారత్, యూఏఈ, టర్కీ, సింగపూర్, అజర్‌బైజాన్, కజకిస్తాన్, హంగేరీ, కిర్గిజిస్తాన్, స్లోవేకియా పేర్లను స్పష్టంగా పేర్కొనాలని బిల్లులో ఒక సవరణ ద్వారా ప్రతిపాదించారు. ఈ బిల్లు భారత్‌పై 100% సుంకాలు విధించాలని నేరుగా చెప్పలేదు. → అధ్యక్షుడు ట్రంప్‌ తన అధికారాన్ని వినియోగించుకోవాలని నిర్ణయించుకుంటే భారత్‌పై 100 శాతం వరకు సుంకాలు విధించవచ్చు. → బలవంతపు శ్రమతో తయారైన వస్తువుల ఎగుమతులను అడ్డుకోవడంలో విఫలమైనందుకు భారత్‌ నుంచి వచ్చే ఉత్పత్తులపై అమెరికా ప్రస్తుతం 10 శాతం సుంకం వసూలు చేస్తోంది. ఒకవేళ ట్రంప్‌ 100 శాతం సుంకం విధిస్తే అది ఇప్పుడున్న 10 శాతం సుంకానికి అదనం అవుతుంది. → అమెరికా సుంకం రేట్లను ప్రకటించిన తర్వాతే భారతీయ ఎగుమతులపై కొత్త సుంకాల ప్రభావం ఎంతవరకు ఉంటుందో చెప్పగలమని నిపుణులు అంటున్నారు.

గ్రీన్‌లాండ్‌ విషయంలో అమెరికా అధ్యక్షుడు డొనాల్డ్‌ ట్రంప్‌ కీలక ప్రకటన చేశారు. డెన్మార్క్‌, గ్రీన్‌లాండ్‌తో కలిసి అమెరికా ఒక కొత్త భద్రతా ఒప్పందానికి అంగీకరించినట్లు తెలిపారు. ఈ ఒప్పందం ద్వారా గ్రీన్‌లాండ్‌ భద్రతపై అమెరికాకు ‘శాశ్వత నియంత్రణ’’ లభిస్తుందని ట్రంప్‌ ప్రకటించారు. అలాగే దీనిని ఆయన ‘‘ఇన్ఫినిట్‌ లైఫ్‌ అగ్రిమెంట్‌’’గా అభివర్ణించారు.ట్రంప్‌ చేసిన తాజా ప్రకటన.. ప్రపంచంలోనే అతిపెద్ద ద్వీపాన్ని అమెరికా స్వాధీనం చేసుకుంటుందని కాదు. కేవలం భద్రతకు సంబంధించింది మాత్రమే. గ్రీన్‌లాండ్‌ ఇక మీదట కూడా డెన్మార్క్‌ రాజ్యంలోనే కొనసాగుతుందని, ఆ దేశ సార్వభౌమాధికారాన్ని, ప్రాదేశిక సమగ్రతను, అక్కడి ప్రజల స్వయం నిర్ణయ హక్కును ఒప్పందం గుర్తిస్తుందని డెన్మార్క్‌ స్పష్టం చేసింది. అమెరికా, డెన్మార్క్‌, గ్రీన్‌లాండ్‌ ప్రభుత్వాలు వచ్చే వారం ఐక్యరాజ్యసమితి సాధారణ సభ సందర్భంగా న్యూయార్క్‌లో ఈ ఒప్పందంపై సంతకాలు చేయనున్నాయి. అనంతరం అవసరమైన పార్లమెంటరీ ప్రక్రియలు పూర్తయిన తర్వాతే ఇది అమల్లోకి రానుంది. కొత్త ఒప్పందం.. రష్యా, చైనాకు చెక్‌గ్రీన్‌లాండ్‌లో అమెరికా ప్రత్యర్థి దేశాలు సైనిక స్థావరాలు ఏర్పాటు చేయకుండా ఈ ఒప్పందం అడ్డుకట్ట వేస్తుందని ట్రంప్‌ చెప్పారు. ముఖ్యంగా రష్యా, చైనాలు అక్కడ సైనిక స్థావరాలు ఏర్పాటు చేయడం, సైనిక ఉనికిని పెంచడం లేదా సున్నితమైన పెట్టుబడులు పెట్టడం అమెరికా అనుమతి లేకుండా సాధ్యం కాదని ఆయన పేర్కొన్నారు. అమెరికా ఇప్పటికే గ్రీన్‌లాండ్‌లో పిటుఫిక్‌ స్పేస్‌ బేస్‌ను నిర్వహిస్తోంది. క్షిపణి హెచ్చరికలు, క్షిపణి రక్షణ, అంతరిక్ష నిఘా వంటి కార్యకలాపాల్లో ఈ స్థావరం కీలకంగా ఉంది. కొత్త ఒప్పందంతో గ్రీన్‌లాండ్‌లో అమెరికా సైనిక ఉనికిని మరింత పెంచుకునే అవకాశం ఏర్పడినట్లు తాజా వివరాలు సూచిస్తున్నాయి. ట్రంప్‌ వ్యాఖ్యకు అర్థమేంటి?ఈ ఒప్పందానికి గడువు ఉండదనే అర్థంలో ట్రంప్‌ దీనిని ‘‘ఇన్ఫినిట్‌ లైఫ్‌ అగ్రిమెంట్‌’’గా పేర్కొన్నారు. గ్రీన్‌లాండ్‌, అమెరికా భద్రతను కాపాడేందుకు అవసరమైన చర్యలు తీసుకునే అవకాశం అమెరికాకు ఎప్పటికీ ఉంటుందని ఆయన అన్నారు. గ్రీన్‌లాండ్‌లో పెద్ద ఎత్తున అమెరికా సైనిక ఉనికిని అభివృద్ధి చేసే ప్రక్రియను వెంటనే ప్రారంభిస్తామని కూడా ప్రకటించారు. ఎందుకంత కీలకం?ఆర్కిటిక్‌ ప్రాంతంలో ఉన్న గ్రీన్‌లాండ్‌ భౌగోళికంగా అత్యంత కీలకమైన ప్రదేశం. ఉత్తర అమెరికా, యూరప్‌ మధ్య ఉన్న ప్రాంతంలో దాని స్థానం కారణంగా అమెరికా రక్షణ వ్యూహంలో దీనికి ప్రత్యేక ప్రాధాన్యం ఉంది. రష్యా, చైనా ఆర్కిటిక్‌ ప్రాంతంలో తమ ప్రభావాన్ని పెంచుకునే ప్రయత్నాలు చేస్తున్న నేపథ్యంలో గ్రీన్‌లాండ్‌పై అమెరికా దృష్టి మరింత పెరిగింది.ట్రంప్‌ పాత డిమాండ్‌కు భిన్నంగా..గ్రీన్‌లాండ్‌ను అమెరికా సొంతం చేసుకోవాలన్న ఆకాంక్షను ట్రంప్‌ గతంలో పలుమార్లు వ్యక్తం చేశారు. అవసరమైతే బలప్రయోగాన్ని కూడా తోసిపుచ్చని ఆయన వైఖరి డెన్మార్క్‌తో పాటు ఇతర నాటో దేశాల్లో తీవ్ర ఆందోళనకు దారితీసింది. తాజా ఒప్పందం మాత్రం గ్రీన్‌లాండ్‌ను అమెరికాలో కలపడం లేదా దాని సార్వభౌమాధికారాన్ని మార్చడం కాకుండా.. భద్రత, సైనిక ఉనికిపై అమెరికా పాత్రను విస్తరించే దిశగా ఉంది. డెన్మార్క్‌ ప్రధాని మెట్టె ఫ్రెడరిక్సన్‌ ఈ ఒప్పందం.. ఆర్కిటిక్‌, ఉత్తర అట్లాంటిక్‌ ప్రాంతంలో ఉమ్మడి భద్రతను బలోపేతం చేస్తుందని పేర్కొన్నారు. ఇది నాటో, యూరప్‌కు కూడా ప్రయోజనకరమని అన్నారు. గ్రీన్‌లాండ్‌ ప్రభుత్వ అధిపతి జెన్స్‌-ఫ్రెడరిక్‌ నీల్సన్‌ కూడా ఈ ఒప్పందం గ్రీన్‌లాండ్‌, డెన్మార్క్‌, అమెరికా, పాశ్చాత్య కూటమి భద్రతను బలోపేతం చేస్తుందని తెలిపారు. ఇదీ చదవండి: మీడియాను తొక్కిపారేస్తున్న ట్రంప్‌

ఉత్కంఠకు తెర పడింది. రష్యా నుంచి చమురు, గ్యాస్‌ కొనుగోలు చేస్తున్న దేశాలకు అమెరికా అధ్యక్షుడు డొనాల్డ్‌ ట్రంప్‌ భారీ షాక్‌ ఇచ్చారు. రష్యాపై ఆంక్షలను మరింత కఠినతరం చేసే బిల్లుపై ట్రంప్‌ ఇవాళ సంతకం చేశారు. ఈ బిల్లు చట్టంగా మారడంతో ఆయా దేశాలపై ఏ క్షణమైనా 100 శాతం వరకు టారిఫ్‌లు ట్రంప్‌ విధించే అవకాశం ఉంది. ప్రధానంగా.. భారత్‌, చైనాలకు ఇప్పుడు టెన్షన్‌ పట్టుకుంది. లిండ్సే గ్రాహం యాక్ట్‌ ప్రకారం.. రష్యా నుంచి అత్యధికంగా క్రూడ్‌ ఆయిల్‌ లేదంటే గ్యాస్‌ దిగుమతి చేసుకునే టాప్‌-5 దేశాల నుంచి అమెరికాకు వచ్చే వస్తువులపై 100 శాతం వరకు సుంకాలు విధించే అవకాశం ఉంది. అయితే చట్టంలో ఆ దేశాల పేర్లను ప్రత్యేకంగా పేర్కొనలేదు. ఆయా జాబితాలను ఎలా లెక్కించాలన్న దానిపైనా పూర్తి స్పష్టత లేదు. దీంతో తుది నిర్ణయాధికారం ట్రంప్‌ ప్రభుత్వానికే దక్కింది. అబ్‌ ఆయేగా అస్లీ మజా!ట్రంప్‌ సంతకం చేయడంతో ఇప్పటివరకు కొనసాగిన ఉత్కంఠకు తెరపడింది. కానీ అసలు పరిణామాలు ఇప్పుడే మొదలుకానున్నాయి. భారత్‌, చైనా సహా రష్యా చమురు కొనుగోలు చేస్తున్న ఏ దేశాలు ‘టాప్‌-5’ జాబితాలోకి వస్తాయి? వాటిపై ట్రంప్‌ 100 శాతం వరకు టారిఫ్‌ విధిస్తారా? లేక మినహాయింపు ఇస్తారా? అన్నదే ఇప్పుడు కీలకం. తుది జాబితా, టారిఫ్‌ స్థాయిపై అమెరికా ప్రభుత్వం తీసుకునే నిర్ణయమే ఇప్పుడు అందరి దృష్టినీ ఆకర్షిస్తోంది.ఆగస్టు క్రూడ్‌ దిగుమతుల డేటా ఆధారంగా రష్యా చమురు కొనుగోలులో ముందున్న దేశాలు:భారత్‌చైనాఇటలీటర్కీనెదర్లాండ్స్‌ఎస్‌అండ్‌పీ గ్లోబల్‌ ప్రకారం ఆగస్టులో రష్యా క్రూడ్‌ దిగుమతుల్లో భారత్‌ రోజుకు సుమారు 16 లక్షల బ్యారెళ్లతో మొదటి స్థానంలో ఉండగా, చైనా 11 లక్షల బ్యారెళ్లతో తర్వాతి స్థానంలో ఉంది. ఇటలీ, టర్కీ, నెదర్లాండ్స్‌ తర్వాతి స్థానాల్లో ఉన్నాయి.భారత్‌కు ఎందుకు కీలకం?రష్యా నుంచి చౌకగా లభించే క్రూడ్‌ ఆయిల్‌ భారత రిఫైనరీలకు కీలక వనరుగా మారింది. దేశీయ అవసరాల్లో భారీ భాగం దిగుమతులపైనే ఆధారపడుతోంది. రష్యా చమురు దిగుమతులు భారత మొత్తం క్రూడ్‌ దిగుమతుల్లో దాదాపు సగం వరకు ఉన్నాయని తాజా విశ్లేషణలు పేర్కొంటున్నాయి. దీంతో రష్యా నుంచి కొనుగోళ్లపై అమెరికా చర్యలు తీసుకుంటే భారత రిఫైనింగ్‌ రంగంతో పాటు అమెరికాకు ఎగుమతి చేసే భారతీయ ఉత్పత్తులపైనా ప్రభావం పడే అవకాశం ఉంది. అయితే భారత్‌ సహా ఏ దేశాలపై, ఎప్పుడు, ఎంతమేర సుంకాలు విధించాలన్న విషయంలో ట్రంప్‌దే తుదినిర్ణయం కానుంది. మరోవైపు ఈ విషయంలో అమెరికాతో చర్చలు జరుగుతున్నాయని ఇప్పటికే భారత్‌ స్పష్టం చేసింది. చర్చల్లో మరికొన్ని దేశాలురష్యా చమురు కొనుగోలుదారుల జాబితాతో పాటు రష్యా ఆంక్షలను తప్పించుకునేందుకు సహకరిస్తున్న దేశాలపైనా చట్టం దృష్టి పెట్టింది. ఈ నేపథ్యంలో బ్రెజిల్‌, జపాన్‌, యూరోపియన్‌ యూనియన్‌లోని కొన్ని దేశాలు కూడా అమెరికా చర్యల పరిధిలోకి రావచ్చనే చర్చ జరుగుతోంది. 30 రోజుల్లో నిర్ణయం?కొత్త చట్టం ప్రకారం అర్హత కలిగిన దేశాలపై టారిఫ్‌లు విధించే చర్యలను 30 రోజుల్లో ప్రారంభించే అవకాశం ఉంది. దీంతో నవంబర్‌లో జరగనున్న అమెరికా మధ్యంతర ఎన్నికలకు ముందు ఈ అంశం కీలకంగా మారింది. రష్యా చమురుపై ఆంక్షలు కఠినతరం చేస్తే ప్రపంచ చమురు సరఫరాపై ప్రభావం పడి ధరలు పెరిగే అవకాశం ఉందని విశ్లేషకులు చెబుతున్నారు. అదే సమయంలో అమెరికాలో వినియోగదారులపై ఇంధన ధరల భారం పెరగకుండా ట్రంప్‌ ప్రభుత్వం ఈ అధికారాలను ఎంతవరకు ఉపయోగిస్తుందన్నది ఆసక్తికరంగా మారింది.రష్యాపై మరింత ఒత్తిడిఈ చట్టం కేవలం చమురు కొనుగోలుదారులపైనే కాదు.. రష్యా ఇంధన, రక్షణ రంగాలతో పాటు ఆంక్షలను తప్పించుకునేందుకు ఉపయోగిస్తున్నట్లు ఆరోపణలు ఎదుర్కొంటున్న ‘షాడో ఫ్లీట్‌’ ట్యాంకర్లపైనా చర్యలకు వీలు కల్పిస్తోంది. ఇరాన్‌పై ఉన్న కొన్ని ఆంక్షలను కూడా ఈ చట్టం పొడిగించింది. ఉక్రెయిన్‌పై యుద్ధానికి రష్యాకు లభిస్తున్న ఆర్థిక వనరులను దెబ్బతీయడమే ఈ చర్యల ప్రధాన లక్ష్యంగా అమెరికా పేర్కొంటోంది. మొత్తంగా చూస్తే.. రష్యా నుంచి చమురు కొనుగోలు చేస్తున్న భారత్‌, చైనాలకు ఇది నేరుగా తాకే అంశమే అయినప్పటికీ, 100 శాతం టారిఫ్‌ ఇప్పటికిప్పుడు ఖరారైన నిర్ణయం కాదు. ఏ దేశాలను తుది జాబితాలో చేర్చుతారు? భారత్‌పై ఎంత మేర ప్రభావం ఉంటుంది? అన్నది ట్రంప్‌ ప్రభుత్వం తీసుకునే తదుపరి నిర్ణయాలపై ఆధారపడి ఉంటుంది.ఇదీ చదవండి: భూకంపం కాదు.. భూకంపాలు పుట్టిన కిమ్‌

మాస్కో: రష్యాలో పార్లమెంటరీ ఎన్నికల సందడి మొదలైంది. మూడు రోజులపాటు పోలింగ్‌ జరుగనుంది. దేశంలో 11.1 కోట్ల మంది ఓటర్లు ఉన్నారు. ఓటింగ్‌ శాతాన్ని పెంచడమే లక్ష్యంగా ఎన్నికల సంఘం అధికారులు వారాంతంలో పోలింగ్‌ ప్రక్రియ చేపట్టారు. ఈసారి ఎలక్ట్రానిక్‌ ఓటింగ్‌ విధానాన్ని కూడా అనుమతించారు. శుక్రవారం ప్రారంభమైన పోలింగ్‌ ఆదివారం ముగుస్తుంది. 2022లో ఉక్రెయిన్‌పై పూర్తిస్థాయి దండయాత్ర ప్రారంభమైన తర్వాత జరుగుతున్న తొలి పార్లమెంటరీ ఎన్నికలు ఇవే కావడం విశేషం. ఉక్రెయిన్‌పై యుద్ధానికి ప్రజల మద్దతు ఉందని చాటుకోవాలని, తమ చర్యలకు చట్టబద్ధత ఉ న్నట్లుగా ఒక ముద్ర వే యాలని పుతిన్‌ ప్రభుత్వం భావిస్తోంది. అ ధ్యక్షుడు పుతిన్‌ శుక్ర వారం ఆన్‌లైన్‌ ద్వారా ఓటు హక్కు వినియోగించుకున్నారు. అంతకుముందు దేశ ప్రజలను ఉద్దేశించి మాట్లాడారు. ‘‘మీ ఎంపిక, మీ సంకల్పం లక్షలాది మంది మన యోధులకు అండగా నిలుస్తున్నారని నిరూపిస్తుంది. ఐక్యతను చాటిచెబుతుంది’’ అని పేర్కొన్నారు. ఓటు వేయడానికి కంప్యూటర్‌ స్క్రీన్‌ ముందు పుతిన్‌ ఉన్న వీడియోను రష్యా ప్రభుత్వ వార్తా సంస్థలు విడుదల చేశాయి. ప్రజలు ఓటు వేయడానికి రెండు వేర్వేరు బ్యాలెట్లను ఉపయోగిస్తారు. మొదటి బ్యాలెట్‌ లోని రాజకీయ పార్టీల్లో ఏదో ఒక దాన్ని ఎంచుకోవడం ద్వారా పార్లమెంట్‌ దిగువ సభ అయిన స్టేట్‌ డూమాలోని 450 సీట్లలో సగాన్ని భర్తీ చేస్తారు. మిగిలిన సింగిల్‌–సీట్‌ నియోజకవర్గాల్లో అభ్యర్థు లను ఎన్నుకుంటారు. పుతిన్‌ నాయకత్వంలోని ‘యునైటెడ్‌ రష్యా’ స్టేట్‌ డూమాపై తన ఆధిపత్యాన్ని నిలబెట్టుకో వడం ఖాయంగా కనిపిస్తోంది.

అనగనగా రష్యాలోని దట్టమైన మంచు అడవిలో ఒక చలికోడి (రష్యన్‌ గ్రౌస్‌) ఉండేది. ఒక సాయంత్రం ఆ కోడి ఒక చెట్టు కొమ్మపై కూర్చుని విశ్రాంతి తీసుకుంటోంది. అదే సమయంలో ఆహారం కోసం వెతుకుతున్న జిత్తులమారి నక్క ఆ చెట్టు కిందికి వచ్చింది. పైన కూర్చున్న కోడిని చూడగానే నక్క నోట్లో నీరూరాయి. కానీ అంత ఎత్తుకు తను ఎగరలేదు కదా. అందుకే ఒక ఉపాయం ఆలోచించింది.నక్క మంచితనంగా ‘ఓ కోడి మరదలా! నీకో శుభవార్త. మన అడవి జంతువులన్నీ కలిసి ఇప్పుడే ఒక కొత్త చట్టం చేసుకున్నాయి. దాని ప్రకారం అడవిలో ఎవరూ ఒకదానినొకటి చంపుకోకూడదు, అందరూ స్నేహంగా ఉండాలి. కాబట్టి నువ్వు భయం లేకుండా కిందికి రా, ఇద్దరం ఆలింగనం చేసుకుని స్నేహం చేద్దాం’ అంది.కోడి నక్క మోసాన్ని గ్రహించి, ‘అవునా బావా! ఎంత మంచి వార్త చెప్పావు. అదో చూడు, దూరంగా వేటగాళ్లు తమ వేట కుక్కలతో ఇటువైపే వస్తున్నారు. ఆ కుక్కలు కూడా ఈ కొత్త చట్టం వింటే ఎంతో సంతోషిస్తాయి కదా’ అంది.‘వేట కుక్కలు’ మాట వినగానే నక్క గుండె ఆగిపోయినంత పనైంది. తోక ముడుచుకుని పారిపోవడానికి సిద్ధమైంది. అప్పుడు కోడి నవ్వుతూ ‘ఎందుకు పారిపోతున్నావు నక్క బావా? కొత్త చట్టం వచ్చింది కదా, కుక్కలు నిన్నేం చేయవులే’ అంది. దానికి నక్క వణుకుతూ ‘బహుశా ఆ కుక్కలకు ఇంకా కొత్త చట్టం తెలిసి ఉండదు’ అని అడవిలోకి పరుగు తీసింది. కోడి తన తెలివితో ప్రాణాలు కాపాడుకుంది.నీతి: ఆపద సమయంలో ఆవేశపడకుండా ఉపాయంతో ఆలోచిస్తే ఎంతటి శత్రువునైనా ఓడించవచ్చు.

రష్యాపై మరిన్ని ఆంక్షలకు అమెరికా సిద్ధమైంది. రష్యా నుంచి చమురు, సహజవాయువు కొనుగోలు చేస్తున్న దేశాలపై భారీ టారిఫ్‌లు విధించేందుకు అధ్యక్షుడు డొనాల్డ్‌ ట్రంప్‌కు అధికారం ఇచ్చే బిల్లుకు అమెరికా కాంగ్రెస్‌ ఆమోదం తెలిపింది. దీంతో రష్యా చమురు కొనుగోలులో కీలకంగా ఉన్న భారత్‌, చైనాలకు 100 శాతం వరకు టారిఫ్‌ ముప్పు పొంచి ఉంది. అయితే.. ఇదే బిల్లులో అమెరికాకు అనుకూలంగా ఉన్న మరో కీలక నిబంధన ఇప్పుడు ఆసక్తికరంగా మారింది.ట్రంప్‌ సర్కార్‌ ‘లిండ్సే ఓ. గ్రాహమ్‌ శాంక్షనింగ్‌ రష్యా అండ్‌ ఇరాన్‌ యాక్ట్‌–2026’ పేరుతో ఈ బిల్లును తీసుకొచ్చింది. ఉక్రెయిన్‌పై యుద్ధం కొనసాగిస్తున్న రష్యాకు చమురు, గ్యాస్‌ ఎగుమతులే ప్రధాన ఆదాయ వనరుల్లో ఒకటి. ఆ ఆదాయాన్ని తగ్గించడంతో పాటు.. రష్యాతో ఇంధన వ్యాపారం కొనసాగిస్తున్న దేశాలపై ఒత్తిడి పెంచడమే బిల్లు ప్రధాన ఉద్దేశం. రష్యా అధికారులు(అధ్యక్షుడు పుతిన్‌ సహా..), ఆర్థిక సంస్థలు, ఇంధన రంగం, ఆంక్షలను తప్పించుకునేందుకు ఉపయోగిస్తున్న ‘షాడో ఫ్లీట్‌’పై కూడా కఠిన చర్యలకు ఇందులో అవకాశం కల్పించారు. అమెరికా ప్రతినిధుల సభలో బిల్లు 262–159 ఓట్లతో ఆమోదం పొందింది. ఇందులో 203 మంది రిపబ్లికన్లు, 58 మంది డెమొక్రాట్లు, ఒక ఇండిపెండెంట్‌ సభ్యుడు అనుకూలంగా ఓటేశారు. అంతకుముందే సెనేట్‌ కూడా ఈ బిల్లును 86–11 ఓట్లతో ఆమోదించింది. దీంతో ఇప్పుడు బిల్లు ట్రంప్‌ డెస్క్‌కు చేరగా.. ఆయన సంతకంపై సర్వత్రా ఉత్కంఠ నెలకొంది.అసలు ట్విస్ట్‌ ఇదే..రష్యా నుంచి చమురు కొనే దేశాలపై భారీ టారిఫ్‌లకు సిద్ధమైన అమెరికా.. అందులో తనకు అనుకూలంగా ఓ సెక్షన్‌ను జత చేర్చుకుంది. అవసరమైన రష్యా యురేనియం విషయంలో మాత్రం కొంత వెసులుబాటు ఉంచుకుంది. అయితే బిల్లులోని సెక్షన్‌ 111 రష్యా నుంచి యురేనియం దిగుమతులపై ఇప్పటికే ఉన్న అమెరికా ఆంక్షలను అమలు చేయాలని చెబుతోంది. రష్యా ప్రభుత్వ అణు సంస్థ రోసాటమ్‌, దాని అనుబంధ/వారస సంస్థల నుంచి వచ్చే యురేనియం కూడా ఇందులో ప్రస్తావనకు వచ్చింది.కానీ అదే బిల్లులోని సెక్షన్‌ 114 మాత్రం కొన్ని ముఖ్యమైన మినహాయింపులను ఇచ్చింది. అమెరికా–రష్యా మధ్య కుదిరిన పౌర అణు సహకార ఒప్పందాల కింద జరిగే కొన్ని కార్యకలాపాలకు ఈ ఆంక్షలు వర్తించవు. అలాగే అణు రియాక్టర్లలో ఉపయోగించే కొన్ని రకాల లో-ఎన్‌రిచ్డ్‌ యురేనియం (LEU) దిగుమతులకు కూడా మినహాయింపు ఉంది. నిబంధనల ప్రకారం కొన్ని వైద్య ఐసోటోపుల దిగుమతులకు కూడా వెసులుబాటు కల్పించారు. అంటే రష్యాతో అణు రంగంలో ప్రతి లావాదేవీని పూర్తిగా నిలిపివేసేలా ఈ బిల్లు లేనేలేదన్నమాట.అమెరికాకు ఎందుకంత అవసరం?రష్యాపై ఆర్థిక ఆధారపడటాన్ని తగ్గించాలని అమెరికా ప్రయత్నిస్తున్నప్పటికీ.. అణు ఇంధన రంగంలో మాత్రం మాస్కో పాత్ర ఇప్పటికీ పెద్దదే. 2025లో అమెరికా పౌర అణు విద్యుత్‌ సంస్థలు మొత్తం 12.71 మిలియన్‌ సెపరేటివ్‌ వర్క్స్‌ యూనిట్స్‌ (SWU) మేర ఎన్‌రిచ్‌మెంట్‌ సేవలను కొనుగోలు చేశాయి. అందులో రష్యా నుంచి వచ్చినవి 3.284 మిలియన్‌ ఎస్‌డబ్ల్యూయూ.. అంటే సుమారు 26 శాతం. అమెరికా దేశీయ ఎన్‌రిచ్‌మెంట్‌ సేవల వాటా సుమారు 23 శాతంగా ఉంది. ఫ్రాన్స్‌, బ్రిటన్‌, నెదర్లాండ్స్‌ కూడా అమెరికాకు ఎన్‌రిచ్‌మెంట్‌ సేవలు అందిస్తున్నాయి. యురేనియం కొంటే సరిపోదు..అణు ఇంధనం తయారీ ప్రక్రియ ముడి చమురు లాంటిది కాదు. గనుల నుంచి తీసిన యురేనియంను నేరుగా చాలా వాణిజ్య అణు రియాక్టర్లలో ఉపయోగించలేరు. ముందుగా కన్వర్షన్‌, ఎన్‌రిచ్‌మెంట్‌ వంటి పలు దశలు దాటాలి. ఈ ఎన్‌రిచ్‌మెంట్‌ సామర్థ్యంలో రష్యా చాలా కాలంగా ప్రపంచంలో కీలక స్థానంలో ఉంది. అందుకే రష్యాతో విస్తృత ఆర్థిక సంబంధాలను తగ్గించేందుకు అమెరికా ప్రయత్నిస్తున్నా.. అణు విద్యుత్‌ రంగానికి అవసరమైన ఇంధన సరఫరాను ఒక్కసారిగా దెబ్బతీసే నిర్ణయాలు తీసుకోవడం అంత సులభం కాదు.2024లోనే రష్యా యురేనియంపై నిషేధంఈ ఆధారపడటాన్ని తగ్గించే ప్రయత్నంలో భాగంగా.. అమెరికా 2024 మేలో రష్యా యురేనియం ఉత్పత్తుల దిగుమతులపై నిషేధం విధించింది. అయితే దేశీయ సరఫరా వ్యవస్థ పూర్తిస్థాయిలో అందుబాటులోకి వచ్చే వరకు కంపెనీలు మినహాయింపులు కోరుకునే అవకాశం కల్పించింది. ఈ మినహాయింపు వ్యవస్థ 2028 జనవరి 1 వరకు కొనసాగేందుకు అవకాశం ఉంది.అదే సమయంలో అమెరికా దేశీయ అణు ఇంధన సరఫరా గొలుసును బలోపేతం చేసేందుకు 2.72 బిలియన్‌ డాలర్ల నిధులను కేటాయించింది. దీని లక్ష్యం కూడా రష్యాపై ఆధారపడటాన్ని క్రమంగా తగ్గించడమే. అయితే రష్యా చమురు, గ్యాస్‌ కొనుగోలు చేసే దేశాలపై భారీ టారిఫ్‌లకు మార్గం వేస్తూనే.. తన అణు విద్యుత్‌ రంగానికి అవసరమైన కొన్ని రష్యా యురేనియం సరఫరాలకు మాత్రం మినహాయింపులు ఉంచింది. ఇలా.. ఒకే బిల్లులో అమెరికా రెండు రకాల విధానాలను అవలంబిస్తున్నట్లు స్పష్టంగా కనిపిస్తోంది. భారత్‌, చైనా.. టారిఫ్‌లపై సస్పెన్స్‌రష్యా నుంచి ముడి చమురు, సహజవాయువు కొనుగోలు చేసే దేశాలపై 100 శాతం వరకు టారిఫ్‌లు విధించే అధికారం ఈ బిల్లుతో ట్రంప్‌కు దక్కింది. రష్యా ఇంధనాన్ని పెద్ద మొత్తంలో కొనుగోలు చేస్తున్న భారత్‌, చైనాలే ఈ విషయంలో ప్రభావితం కానున్నాయి. అయితే భారత్‌ మాత్రం రష్యా ఆయిల్‌ విషయంలో తగ్గేదే లేదని చెబుతోంది. జాతి ప్రయోజనాల కోసం తాము ఆలోచిస్తామని.. అదే సమయంలో ఈ టారిఫ్‌ ముప్పు గురించి అమెరికాతో చర్చిస్తున్నట్లు తెలిపింది. దీంతో ట్రంప్‌ నిర్ణయం ఏంటన్నది ఉత్కంఠగా మారింది. ఇదీ చదవండి: డయానా ఎపిసోడ్‌లో బిగ్‌ ట్విస్ట్‌

యుద్ధం అంటే కేవలం సైనికులు, ఆయుధాలే కాదు.. సామాన్య ప్రజలు కూడా అనుకోని పరిస్థితుల్లో ఎదుర్కోవాల్సి వస్తుంది. ఉక్రెయిన్‌లో ఓ వృద్ధ మహిళకు ఎదురైన అలాంటి ఘటనే ఇప్పుడు సోషల్‌ మీడియాలో వైరల్‌గా మారింది. రోడ్డుపై పడి ఉన్న రష్యా డ్రోన్‌ వద్దకు వెళ్లిన ఆమె.. దాన్ని పీకిపారేసి ఎందుకు పనికి రాకుండా చేసి పడేసింది. ఉక్రెయిన్‌ యుద్ధానికి సంబంధించిన ఓ వీడియో నెట్టింట వైరల్‌ అవుతోంది. ఎరుపు రంగు దుస్తులు ధరించిన ఆ మహిళ.. నేలపై ఉన్న డ్రోన్‌ దగ్గరకు వెళ్లింది. దాని పైభాగంలోని ఫైబర్‌-ఆప్టిక్‌ కేబుల్‌ స్పూల్‌ను బయటకు తీసి అవతల పడేసింది. అనంతరం డ్రోన్‌ను కూడా చేతుల్లోకి తీసుకుని అక్కడి నుంచి వెళ్లిపోయారు. ఇది ఎప్పుడు, ఎక్కడ జరిగింది అనేదానిపై స్పష్టత లేదు. కానీ, ఈ వీడియో సెప్టెంబర్‌ 15న సోషల్‌ మీడియా నుంచి వైరల్‌ అయింది. ఈ ఘటన ఉక్రెయిన్‌లోని జపోరిజ్జియా ప్రాంతంలో జరిగి ఉండొచ్చని నివేదికలు చెబుతున్నాయి. ఏంటీ డ్రోన్‌ స్పెషాలిటీ!సాధారణ డ్రోన్లు రేడియో సిగ్నళ్ల ద్వారా ఆపరేటర్‌ నియంత్రణలో ఉంటాయి. అయితే ఫైబర్‌-ఆప్టిక్‌ ఎఫ్‌పీవీ డ్రోన్లకు మాత్రం పలుచటి ఆప్టికల్‌ ఫైబర్‌ కేబుల్‌ అనుసంధానమై ఉంటుంది. డ్రోన్‌ ఎగురుతున్న కొద్దీ ఈ కేబుల్‌ స్పూల్‌ నుంచి బయటకు వస్తుంది. దీని ద్వారా ఆపరేటర్‌కు ప్రత్యక్ష వీడియో, నియంత్రణ సమాచారం అందుతుంది. రేడియో సిగ్నళ్లపై ఆధారపడకపోవడంతో ఎలక్ట్రానిక్‌ జామింగ్‌ ద్వారా వీటిని అడ్డుకోవడం సాధారణ డ్రోన్లతో పోలిస్తే కష్టంగా ఉంటుంది. అందుకే వీడియోలో కనిపించిన మహిళ స్పూల్‌ను తొలగించడంతో డ్రోన్‌కు ఆపరేటర్‌తో ఉన్న నియంత్రణ లింక్‌ తెగిపోయినట్లు తెలుస్తోంది. అయితే ఇలాంటి డ్రోన్‌ను చేతితో తాకడం అత్యంత ప్రమాదకరమని నిపుణులు, పరిశీలకులు హెచ్చరిస్తున్నారు. డ్రోన్‌లో పేలుడు పదార్థాలు ఉండే అవకాశం ఉంటుందని చెబుతున్నారు. సో.. ఈ బామ్మ లక్కీ అన్నమాట.Ukrainian badass granny disables russian FPV drone 😮 pic.twitter.com/uyZiPIwtvS— Apple Tree (@LonelyAppleTree) September 16, 2026ఇదేం కొత్త కాదు!ఉక్రెయిన్‌లో డ్రోన్‌లతో సామాన్యులు తలపడిన ఘటనలు గతంలోనూ వెలుగులోకి వచ్చాయి. 2022లో కీవ్‌కు చెందిన ఓ వృద్ధురాలు.. బాల్కనీలో నుంచి జార్‌ను విసిరి రష్యా డ్రోన్‌ను కూల్చేయడం చర్చనీయాంశమైంది. అలాగే మొన్నీమధ్యే ఓ పండ్ల వ్యాపారిని వెంటాడగా.. అతను బతిమాలిన దృశ్యాలు వైరల్‌ అయ్యాయి. అయితే అది పేలి.. అతనికి గాయాలయ్యాయి. తాజా వీడియోపై సోషల్‌ మీడియాలో పెద్ద ఎత్తున స్పందనలు వస్తున్నాయి. మహిళ ధైర్యాన్ని పలువురు ప్రశంసిస్తున్నారు.ఇదీ చదవండి: ఇది వెయ్యేళ్లకొకసారి వచ్చే వర్షమట!

రష్యా నుంచి చమురు కొనుగోలు చేస్తున్న దేశాలపై భారీ సుంకాలు విధించేలా అమెరికా కాంగ్రెస్‌ ఆమోదించిన బిల్లుపై భారత్‌ స్పందించింది. తమ వాణిజ్య, ఆర్థిక ప్రయోజనాలను కాపాడుకునేందుకు అవసరమైన చర్యలు తీసుకుంటామని స్పష్టం చేసింది. ఇదే సమయంలో దేశ ఇంధన అవసరాలు, జాతీయ ప్రయోజనాలే తమ చమురు కొనుగోళ్లకు ప్రాతిపదిక అని మరోసారి తేల్చిచెప్పింది.అమెరికా ప్రతినిధుల సభ బుధవారం ‘లిండ్సే ఓ. గ్రాహం శాంక్షనింగ్‌ రష్యా అండ్‌ ఇరాన్‌ యాక్ట్‌ 2026’కు 262–159 ఓట్లతో ఆమోదం తెలిపింది. ఈ బిల్లు ద్వారా రష్యా నుంచి పెద్ద మొత్తంలో చమురు, సహజవాయువు కొనుగోలు చేసే దేశాలపై గరిష్టంగా 100 శాతం వరకు టారిఫ్‌లు విధించే అధికారాన్ని అమెరికా అధ్యక్షుడు డొనాల్డ్‌ ట్రంప్‌కు కల్పించారు. భారత్‌, చైనా వంటి దేశాలు దీని పరిధిలోకి వచ్చే అవకాశం ఉంది. దీంతో ఆయన నిర్ణయంపై ఉత్కంఠ నెలకొంది.భారత్‌ స్పందన.. బిల్లు ఆమోదం నేపథ్యంలో.. భారత విదేశాంగ శాఖ గురువారం స్పందించింది. తన వాణిజ్య, ఆర్థిక ప్రయోజనాలను పరిరక్షించుకునే విషయంలో స్పష్టమైన వైఖరితో ఉన్నట్లు తెలిపింది. రష్యా నుంచి ఇంధనాన్ని కొనుగోలు చేయడంపై భారత్‌ ఇప్పటికే తన విధానాన్ని పలుమార్లు వివరించిందని గుర్తు చేస్తోంది. దేశంలోని 140 కోట్లకుపైగా ప్రజల ఇంధన అవసరాలను తీర్చేందుకు వివిధ దేశాల నుంచి చమురు దిగుమతులు చేసుకుంటున్నామని పేర్కొంది. రష్యా చమురు కొనుగోళ్ల విషయంలో అమెరికా ఒత్తిడి కొనసాగుతున్న నేపథ్యంలో.. భారత్‌ తన ఇంధన భద్రత, జాతీయ ప్రయోజనాలను ప్రధానంగా పరిగణనలోకి తీసుకుంటున్నట్లు స్పష్టం చేస్తోంది. అదే సమయంలో.. అమెరికా ప్రతినిధులతో గత కొన్ని నెలలుగా ఉన్నతస్థాయిలో ఈ అంశంపై చర్చలు జరుగుతున్నాయని విదేశాంగ శాఖ అంటోంది. ఈ బిల్లు వల్ల భారత్‌–అమెరికా ద్వైపాక్షిక సంబంధాలతో పాటు అంతర్జాతీయ ఇంధన మార్కెట్‌పై పడే ప్రభావాలను కూడా భారత ప్రభుత్వం ఇప్పటికే అమెరికా వర్గాలకు స్పష్టంగా వివరించిందని పేర్కొంది. అమెరికా చర్య వల్ల ఎదురయ్యే పరిణామాలను ఎదుర్కొనేందుకు వాణిజ్య, పారిశ్రామిక సంస్థలతో కలిసి పనిచేస్తామని తెలిపింది.ట్రంప్‌ డెస్క్‌ మీద.. అమెరికా ప్రతినిధుల సభలో రష్యా ఆంక్షల బిల్లు ఆమోదం పొందింది. అయితే అంత మాత్రాన భారత్‌పై వెంటనే 100 శాతం టారిఫ్‌ అమల్లోకి వచ్చినట్లు కాదు. ఈ బిల్లు ఇప్పుడు అధ్యక్షుడు ట్రంప్‌ ఆమోదానికి వెళ్లనుంది. సంబంధిత చట్టానికి సంబంధించిన ఫైల్‌.. ట్రంప్‌ డెస్క్‌ వద్దకు వెళ్లినట్లు వైట్‌హౌజ్‌ వర్గాలు ధృవీకరించాయి. అయితే ఏ దేశంపై, ఎంత టారిఫ్‌ విధించాలి అనే అధికారం ఇప్పుడు అధ్యక్షుడి నిర్ణయంపై ఆధారపడి ఉంది. రష్యా ఆంక్షల బిల్లులో.. రష్యా చమురు, గ్యాస్‌ కొనుగోళ్లపై ఆంక్షలతో పాటు రష్యా ‘షాడో ఫ్లీట్‌’, ఆ దేశ నాయకత్వం(పుతిన్‌ సహా అక్కడి పలువురు అగ్రనేతలు), ఆర్థిక సంస్థలు, ఇంధన రంగంపైనా బిల్లు కఠిన చర్యలను ప్రతిపాదిస్తోంది. ఉక్రెయిన్‌ యుద్ధానికి రష్యాకు లభిస్తున్న ఇంధన ఆదాయాన్ని పరిమితం చేయడమే అమెరికా చర్యల ప్రధాన ఉద్దేశంగా పేర్కొంటోంది. ఇక భారత్‌పై ఈ చట్టం ఎలా అమలవుతుంది? టారిఫ్‌ విధిస్తే ఎంత మేరకు ఉంటుంది? రష్యా నుంచి భారత్‌ చమురు కొనుగోళ్లపై దాని ప్రభావం ఏ స్థాయిలో ఉంటుంది? అనే అంశాలు ట్రంప్‌ తదుపరి నిర్ణయంపై ఆధారపడి ఉంటాయి. ప్రస్తుతానికైతే భారత్‌ మాత్రం తన ఇంధన భద్రత, వాణిజ్య ప్రయోజనాల పరిరక్షణకే ప్రాధాన్యం ఇస్తున్నట్లు స్పష్టం చేసింది.అమెరికా రిపబ్లికన్‌ సెనేటర్‌ లిండ్సే గ్రాహం.. 2026 జూలైలో ఉక్రెయిన్‌ పర్యటన ముగించుకుని అమెరికాకు తిరిగొచ్చిన మరుసటి రోజే మరణించారు. రష్యాపై కఠిన ఆంక్షలకు ఉద్దేశించిన ఈ బిల్లును ఆయనే ముందుకు తీసుకెళ్లడంతో.. ఆయన గౌరవార్థం ఈ బిల్లుకు ట్రంప్‌ ‘లిండ్సే ఓ. గ్రాహం’ పేరు పెట్టారు.ఇదీ చదవండి: ట్రంప్‌ రష్యా బిల్లు.. భారత్‌, చైనాపైనే ఎందుకు?

రష్యా–ఉక్రెయిన్‌ యుద్ధం నేపథ్యంలో మాస్కోపై ఆర్థిక ఒత్తిడి పెంచేందుకు అమెరికా కీలక నిర్ణయం తీసుకుంది. రష్యాపై కఠిన ఆంక్షలు విధించే బిల్లుకు అమెరికా ప్రతినిధుల సభ ఆమోదం తెలిపింది. ఈ బిల్లులో రష్యా చమురు, గ్యాస్‌ను కొనుగోలు చేసే దేశాలపై భారీ టారిఫ్‌లు విధించే అధికారం అమెరికా అధ్యక్షుడు డొనాల్డ్‌ ట్రంప్‌కు కల్పించారు. ఇందులో భాగంగా 100 శాతం వరకు టారిఫ్‌లు విధించే అవకాశం ఉండటం భారత్‌, చైనాలకు ఆందోళన కలిగించే అంశంగా మారింది.ప్రతినిధుల సభలో రష్యా ఆంక్షల బిల్లుకు అనుకూలంగా 262 ఓట్లు, వ్యతిరేకంగా 159 ఓట్లు వచ్చాయి. ఇప్పటికే గత నెలలో సెనెట్‌ 86–11 ఓట్లతో ఈ బిల్లును ఆమోదించింది. దీంతో ఇప్పుడు బిల్లు ట్రంప్‌ వద్దకు వెళ్లనుంది. తాను బిల్లుపై సంతకం చేస్తానని ట్రంప్‌ ఇప్పటికే ప్రకటించారు.రష్యాపై మరింత ఒత్తిడి‘లిండ్సే ఓ. గ్రాహం శాంక్షనింగ్‌ రష్యా అండ్‌ ఇరాన్‌ యాక్ట్‌–2026’గా పిలుస్తున్న ఈ చట్టం రష్యా ఇంధన, రక్షణ రంగాలపై కఠిన ఆంక్షలకు మార్గం సుగమం చేయనుంది. రష్యా అధ్యక్షుడు వ్లాదిమిర్‌ పుతిన్‌, ఇతర కీలక అధికారులపైనా ఆంక్షలు విధించే అవకాశం ఉంటుంది. పాశ్చాత్య దేశాల ఆంక్షలను తప్పించుకునేందుకు రష్యా ఉపయోగిస్తోందని ఆరోపణలు ఎదుర్కొంటున్న ‘షాడో ఫ్లీట్‌’ ట్యాంకర్లపైనా చర్యలు తీసుకునే వీలు కల్పిస్తోంది. ఇరాన్‌కు సంబంధించిన అదనపు ఆంక్షలకు కూడా బిల్లులో అవకాశం ఉంది.అంతేకాకుండా రష్యాతో వ్యాపారం కొనసాగించే ఇతర దేశాలపై కూడా చర్యలకు ఈ చట్టం వీలు కల్పిస్తుంది. ముఖ్యంగా రష్యా చమురు, గ్యాస్‌ను కొనుగోలు చేసే దేశాల నుంచి అమెరికాకు వచ్చే దిగుమతులపై 100 శాతం వరకు టారిఫ్‌లు విధించే అధికారాన్ని ట్రంప్‌కు ఇస్తోంది.భారత్‌, చైనాలే ఎందుకు?ఉక్రెయిన్‌పై రష్యా యుద్ధం మొదలైన తర్వాత ప్రపంచ ఇంధన మార్కెట్‌లో భారీ మార్పులు చోటుచేసుకున్నాయి. పాశ్చాత్య దేశాల ఆంక్షల కారణంగా రష్యా చమురు తక్కువ ధరలకు విక్రయించాల్సిన పరిస్థితి ఏర్పడగా.. భారత్‌, చైనా సహా పలు దేశాలు రష్యా నుంచి భారీగా ముడిచమురు కొనుగోలు చేస్తున్నాయి. ఈ నేపథ్యంలో రష్యా నుంచి ఇంధనం కొనుగోలు చేసే ప్రధాన దేశాలపై ద్వితీయ టారిఫ్‌లు విధించే అధికారాన్ని అమెరికా ఉపయోగించవచ్చని బిల్లులో పేర్కొన్నారు. అమెరికా ప్రతినిధుల సభలో జరిగిన చర్చలో భారత్‌, చైనాలను ప్రధాన కొనుగోలుదారులుగా ప్రత్యేకంగా ప్రస్తావించారు.అయితే ఇక్కడ కీలకమైన విషయం ఏమిటంటే.. బిల్లు ఆమోదమైనంత మాత్రాన భారత్‌పై 100 శాతం టారిఫ్‌ తక్షణమే అమల్లోకి రాదు. ఏ క్షణమైనా అలాంటి టారిఫ్‌ విధించే అధికారం మాత్రమే అధ్యక్షుడికి లభిస్తుంది. కాబట్టి దాన్ని ఎప్పుడు, ఏ దేశంపై, ఎంత మేరకు అమలు చేయాలన్నది ట్రంప్‌ నిర్ణయంపై ఆధారపడి ఉంటుంది.అమెరికా మార్కెట్‌పై ప్రభావం?భారత్‌ రష్యా నుంచి భారీగా ముడిచమురు దిగుమతి చేసుకుని, దాన్ని శుద్ధి చేసి దేశీయ అవసరాలకు వినియోగించడంతోపాటు కొన్ని ఉత్పత్తులను ఎగుమతి కూడా చేస్తోంది. ఈ నేపథ్యంలో రష్యా ఇంధన కొనుగోళ్లను కొనసాగిస్తే భారత ఉత్పత్తులపై అమెరికా అదనపు టారిఫ్‌లు విధించే అవకాశం ఉండటం వాణిజ్య రంగంలో కొత్త అనిశ్చితికి దారితీస్తోంది. అయితే ఇప్పటివరకు భారత్‌పై కొత్త 100 శాతం టారిఫ్‌ విధించినట్లు అమెరికా ప్రకటించలేదు.ట్రంప్‌కు అధికారం ఇవ్వడంపై అభ్యంతరాలుబిల్లుకు కాంగ్రెస్‌లో విస్తృత మద్దతు లభించినప్పటికీ.. ట్రంప్‌కు ఇంత విస్తృతమైన టారిఫ్‌ అధికారాలు ఇవ్వడంపై డెమొక్రాట్లు అభ్యంతరం వ్యక్తం చేశారు. హౌస్‌ ఫారిన్‌ అఫైర్స్‌ కమిటీలో డెమొక్రాట్ల తరఫున సీనియర్‌ సభ్యుడైన గ్రెగరీ మీక్స్‌ ఈ బిల్లును తీవ్రంగా విమర్శించారు. రష్యాపై ఆంక్షలకు తాము మద్దతు ఇస్తున్నప్పటికీ.. రష్యాతో వ్యాపారం చేసే దేశాలపై టారిఫ్‌లు విధించే అధికారాన్ని ట్రంప్‌కు విస్తృతంగా ఇవ్వడాన్ని వ్యతిరేకిస్తున్నట్లు డెమొక్రాట్లు తెలిపారు. ఇక సెకండరీ టారిఫ్‌లకు సంబంధించిన నిబంధనలను తొలగించే ప్రయత్నం చేసినా అది విఫలమైంది.ట్రంప్‌ నిర్ణయంపైనే ఉత్కంఠరష్యాపై ఒత్తిడి పెంచి ఉక్రెయిన్‌ యుద్ధానికి ముగింపు పలికేలా పుతిన్‌ను చర్చల వైపు తీసుకురావడమే ఈ చర్యల లక్ష్యమని బిల్లు మద్దతుదారులు చెబుతున్నారు. మరోవైపు ట్రంప్‌ స్వయంగా టారిఫ్‌లు, ఆంక్షలను తన విదేశాంగ విధానంలో కీలక సాధనాలుగా ఉపయోగిస్తున్నారు.ఇప్పుడు ప్రతినిధుల సభ, సెనెట్‌ ఆమోదం పొందిన బిల్లు ట్రంప్‌ సంతకానికి వెళ్లనుంది. బిల్లు చట్టంగా మారిన తర్వాత భారత్‌, చైనా వంటి రష్యా ఇంధన కొనుగోలుదారులపై ట్రంప్‌ ఈ అధికారాన్ని ఎలా ఉపయోగిస్తారన్నదే అసలు ప్రశ్న. దీంతో రష్యా నుంచి చమురు కొనుగోళ్లు, భారత్‌–అమెరికా వాణిజ్య సంబంధాలపై తదుపరి పరిణామాలు ఆసక్తికరంగా మారాయి.ఇదీ చదవండి: అక్కడ రూల్స్‌ పాటించకుంటే ఫైన్‌లు వేసేస్తారు!

ఉక్రెయిన్‌ దక్షిణ ప్రాంతంలో ప్రయాణికుల బస్సుపై రష్యా డ్రోన్ దాడి చేయడంతో ఐదుగురు మృతి చెందారు. మృతుల్లో నలుగురు పురుషులు, ఒక మహిళ ఉన్నట్లు పోలీసులు తెలిపారు. నికోపోల్ నగరం వద్ద బుధవారం తెల్లవారుజామున ఈ దాడి జరిగినట్లు వెల్లడించారు. మరో ఏడుగురు గాయపడ్డారని ద్నిప్రొపెట్రోవ్స్క్ ప్రాంత గవర్నర్ ఒలెక్సాండర్ హాంజా తెలిపారు.దాడికి గురైన బస్సు కిటికీలు ధ్వంసమైన దృశ్యాలను ప్రాంతీయ గవర్నర్ టెలిగ్రామ్‌లో పోస్ట్ చేశారు. బస్సు వెలుపల రక్తం కారుతున్నట్లు కనిపించిన ఫొటోను కూడా ఆయన పంచుకున్నారు. అయితే ఆ చిత్రాన్ని అంతర్జాతీయ మీడియా ఇంకా ధ్రువీకరించలేదు. ఈ దాడిపై రష్యా నుంచి ఎలాంటి స్పందన రాలేదు. యుద్ధంలో పౌరులను ఉద్దేశపూర్వకంగా లక్ష్యంగా చేసుకుంటున్నారన్న ఆరోపణలను రష్యా, ఉక్రెయిన్ రెండూ ఖండిస్తున్నాయి.రైళ్లపైనా దాడులుఇదే సమయంలో ఉక్రెయిన్‌లోని మైకోలైవ్ ప్రాంతంలో ప్రయాణికుల రైలుపైనా రష్యా డ్రోన్ దాడి జరిగినట్లు తాత్కాలిక ప్రాంతీయ గవర్నర్ హెఓర్హీ రెషెటిలోవ్ తెలిపారు. రైలులో ఉన్న మొత్తం 168 మంది ప్రయాణికులు, సిబ్బందిని సురక్షితంగా బయటకు తరలించినట్లు, ఎవరూ గాయపడలేదని ఆయన చెప్పారు. తొలి దాడి తర్వాత రైలుపై మరో రెండు సార్లు దాడి జరిగినట్లు తెలిపారు. ఉక్రెయిన్ అధ్యక్షుడు వొలోదిమిర్ జెలెన్‌స్కీ ప్రకారం, పోలాండ్ సరిహద్దుకు సమీపంలోని కోవెల్‌లో ఓ రైలు ఇంజిన్‌పైనా దాడి జరిగింది.ఉక్రెయిన్ గగనతలం 2022లో రష్యా పూర్తిస్థాయి దాడి ప్రారంభించినప్పటి నుంచి మూసివేయడంతో, దేశంలో సాధారణ ప్రజలు, వ్యాపారాలకు బస్సులు, రైళ్లు కీలక రవాణా మార్గాలుగా మారాయి. ఇటీవలి నెలల్లో రష్యా, ఉక్రెయిన్ పరస్పరం రవాణా వ్యవస్థలు, మౌలిక వసతులపై దాడులను పెంచాయి. ఉక్రెయిన్ రైల్వే సంస్థ ప్రకారం, ఈ ఏడాది ఇప్పటివరకు 120 ప్రయాణికుల బోగీలు, 304 రైలు ఇంజిన్లు, 43 రైల్వే స్టేషన్లు దెబ్బతిన్నాయి. మొత్తం 1,700 రైల్వే సదుపాయాలపై దాడులు జరిగినట్లు సంస్థ తెలిపింది.ఈ దాడుల నేపథ్యంలో రష్యాపై మరిన్ని కఠిన ఆంక్షలు విధించాలని జెలెన్‌స్కీ అమెరికా, ఐరోపా దేశాలను కోరారు. రాబోయే రోజుల్లో రవాణా వ్యవస్థలపై దాడులు, పౌరుల భద్రత, రష్యా-ఉక్రెయిన్ యుద్ధంలో పాశ్చాత్య దేశాల తదుపరి చర్యలు కీలకంగా మారనున్నాయి.

వాషింగ్టన్‌: రష్యా నుంచి చమురు, సహజవాయువు కొనుగోలు చేసే దేశాలపై భారీగా సుంకాలు విధించేలా అమెరికా అధ్యక్షుడు డొనాల్డ్‌ ట్రంప్‌కు అధికారం కల్పించే కీలక బిల్లుకు అమెరికా ప్రతినిధుల సభలో ముందడుగు పడింది. ‘లిండ్సేఓ గ్రాహం శాంక్షనింగ్‌ రష్యా అండ్‌ ఇరాన్‌ యాక్ట్‌ ఆఫ్‌ 2026’పై ఓటింగ్‌లో భాగంగా 214–211 ఓట్ల తేడాతో కీలక ప్రొసీజరల్‌ ఆమోదం పొందింది. ఈ బిల్లులో భారత్‌, చైనా వంటి రష్యా చమురు కొనుగోలు చేసే దాదాపు 10 దేశాలపై గరిష్ఠంగా 100 శాతం టారిఫ్‌ విధించే అధికారం అధ్యక్షుడికి ఇవ్వాలని ప్రతిపాదించారు. అయితే, హౌస్‌లో ఈ దశలో జరిగిన ఓటింగ్‌ తుది ఆమోదం కాదు. బిల్లుపై తుది ఓటింగ్‌ బుధవారం జరగాల్సి ఉంది. అది ఆమోదం పొందిన తర్వాతే అధ్యక్షుడి సంతకం కోసం వైట్‌హౌస్‌కు వెళ్లే అవకాశం ఉంటుంది.భారత్‌కు ఎందుకు కీలకం?రష్యా నుంచి భారీ స్థాయిలో ముడి చమురు దిగుమతి చేసుకుంటున్న దేశాల్లో భారత్‌ ఒకటి. ఉక్రెయిన్‌ యుద్ధం తర్వాత పాశ్చాత్య దేశాలు రష్యాపై ఆంక్షలు విధించినప్పటికీ.. భారత్‌ తన ఇంధన అవసరాల కోసం రష్యా నుంచి చమురు కొనుగోళ్లను కొనసాగించింది. ఇప్పుడు ప్రతిపాదిత అమెరికా చట్టం అమల్లోకి వస్తే.. రష్యా నుంచి ఇంధన దిగుమతులు కొనసాగించే దేశాలపై అదనపు టారిఫ్‌లకు మార్గం ఏర్పడుతుంది. బిల్లులో 100 శాతం వరకు టారిఫ్‌ విధించే అధికారం అధ్యక్షుడికి ఇవ్వాలని ప్రతిపాదించారు. అంటే చట్టం ఆమోదం పొందినంత మాత్రాన భారత్‌పై వెంటనే 100 శాతం టారిఫ్‌ అమల్లోకి వచ్చినట్లు కాదు. టారిఫ్‌ విధించాలా? ఎంత విధించాలి? అనే నిర్ణయం అధ్యక్షుడి వద్దే ఉంటుంది.రష్యాపైనే ప్రధాన గురిఈ బిల్లు కేవలం రష్యా చమురు కొనుగోలు చేసే దేశాలపై టారిఫ్‌లకు మాత్రమే పరిమితం కాదు. రష్యా నాయకత్వం, ఆర్థిక సంస్థలు, ఇంధన రంగంతో పాటు ఆంక్షలను తప్పించుకోవడానికి ఉపయోగిస్తున్నట్లు అమెరికా భావిస్తున్న ‘షాడో ఫ్లీట్‌’పై కూడా ఆంక్షలను కఠినతరం చేయాలని ప్రతిపాదించింది. రష్యా చమురు ఆదాయం ఉక్రెయిన్‌పై కొనసాగుతున్న యుద్ధానికి నిధులుగా ఉపయోగపడుతోందన్నది అమెరికా చట్టసభ సభ్యుల వాదన. అలాగే ఇరాన్‌పై ఇప్పటికే ఉన్న ఆంక్షలను పొడిగించే నిబంధనలు కూడా ఈ ప్యాకేజీలో ఉన్నాయి.సెనేట్‌లో భారీ మెజార్టీతో ఆమోదంఈ బిల్లుకు అమెరికా సెనేట్‌లో ఇప్పటికే భారీ మద్దతు లభించింది. ఆగస్టు 7న సెనేట్‌ 86–11 ఓట్లతో బిల్లును ఆమోదించింది. అనంతరం ఇది ప్రతినిధుల సభకు చేరింది. సెనేట్‌లో ఆమోదమైన రూపంలో రష్యా ఇంధనాన్ని భారీగా దిగుమతి చేసుకునే దేశాలపై 100 శాతం వరకు టారిఫ్‌లకు అవకాశం కల్పించారు. భారత్‌, చైనా వంటి దేశాలు ఈ నిబంధన పరిధిలోకి వచ్చే అవకాశం ఉందని రాయిటర్స్‌ సహా పలు నివేదికలు పేర్కొన్నాయి.ఇక, బిల్లుకు మద్దతు ఉన్నప్పటికీ.. అమెరికా ప్రతినిధుల సభలో దీనిపై అభ్యంతరాలు వ్యక్తమయ్యాయి. ముఖ్యంగా అధ్యక్షుడికి టారిఫ్‌ల విషయంలో అత్యధిక అధికారాలు ఇవ్వడంపై కొందరు డెమోక్రటిక్‌ సభ్యులు ఆందోళన వ్యక్తం చేశారు.Breaking || US House to vote on Russia sanctions bill, which could give Trump authority to impose tariffs of up to 100% on countries buying Russian energy.➤ India may face possible 100% tariff➤ India among 10 nations named for tariffs➤ Russia oil buyers: U.S. tariff… pic.twitter.com/4gyjSS8Gi6— TIMES NOW (@TimesNow) September 16, 2026ఇక ఏం జరుగుతుంది?హౌస్‌లో తుది ఓటింగ్‌ కీలకం. బిల్లు ప్రతినిధుల సభలోనూ ఆమోదం పొందితే అధ్యక్షుడి సంతకం కోసం వెళ్తుంది. ఆ తర్వాతే చట్టంలోని నిబంధనలు అమల్లోకి వచ్చే ప్రక్రియ ప్రారంభమవుతుంది. అందువల్ల ప్రస్తుతం భారత్‌పై 100 శాతం టారిఫ్‌ విధించినట్లు కాదు.. అయితే అలాంటి చర్య తీసుకునే చట్టపరమైన అధికారాన్ని ట్రంప్‌కు కల్పించే దిశగా అమెరికా కాంగ్రెస్‌లో ప్రక్రియ ముందుకు సాగుతోంది. ఈ పరిణామం భారత్‌-అమెరికా వాణిజ్య సంబంధాలతో పాటు, భారత్‌ కొనసాగిస్తున్న రష్యా చమురు కొనుగోళ్లపై కూడా ప్రభావం చూపే అవకాశం ఉండటంతో తాజా పరిణామాలు ప్రాధాన్యం సంతరించుకున్నాయి.ఇదీ చదవండి: సౌదీకి భారీ షాక్‌.. గోడ మీద పిల్లిలా హ్యాండిచ్చిన పాక్‌!

మైనస్‌ 50 డిగ్రీల కన్నా తక్కువగా ఉండే అతి చల్లని వాతావరణంం చుట్టూ అంతులేని మంచు పర్వతాలు.. జనసంచారం చాలా తక్కువ. రష్యాలోని ఈశాన్య భాగంలో ఉన్న కోలిమా ప్రపంచంలోని అత్యంత కఠినమైన, ఏకాంత ప్రదేశాల్లో ఒకటి గుర్తింపు తెచ్చుకుంది. అయితే ఈ ప్రాంతాన్ని ప్రపంచం గుర్తించేలా చేసింది అక్కడి చలి మాత్రమే కాదు.. దాని వెనుక ఉన్న విషాద చరిత్ర. సోవియట్‌ పాలకుడు జోసెఫ్‌ స్టాలిన్‌ పాలనలో కోలిమా ప్రాంతం ఒక పెద్ద లేబర్‌ క్యాంప్‌గా మారింది. గులాగ్‌ అనే వ్యవస్థలో భాగంగా వేలాది కిలోమీటర్ల దూరం నుంచి ఖైదీలను ఇక్కడికి తరలించేవారు. బంగారం, ఇతర ఖనిజాల తవ్వకాలు, రహదారుల నిర్మాణం వంటి అత్యంత కఠినమైన పనుల్లో వారిని ఉపయోగించేవారు.తీవ్రమైన చలి, తగిన ఆహారం లేకపోవడం, వ్యాధులు, కఠినమైన వర్కింగ్‌ కండిషన్స్‌, ఇవన్నీ అక్కడి ఖైదీల జీవితాన్ని దారుణంగా మార్చేశాయి. అసలు కొలిమాకు ఎంతమందిని తరలించారు, అక్కడ ఎంత మంది మరణించారు అనే విషయంపై చరిత్రకారుల్లోనే స్పష్టత లేదు. అయితే బాధితుల సంఖ్య లక్షల్లోనే ఉంటుంది అని అంచనా వేస్తున్నారు. నేడు కోలిమాలో చిన్న చిన్న పట్టణాలు, గనులు, విస్తారమైన అడవులు కనిపిస్తాయి. అయితే శీతాకాలంలో తీవ్రమైన చలి, పరిమితమైన రవాణా సదుపాయం, కఠినమైన ప్రకృతి ఈ ప్రాంతాన్ని ఛాలెంజింగ్‌ లొకేషన్‌గా మార్చాయి. కోలిమా అనేది ఒక ట్రావెల్‌ డెస్టినేషన్‌ మాత్రమే కాదు ఒకప్పుడు వేలాది మంది ఖైదీలు అనుభవించిన బాధను గుర్తు చేసే ప్రదేశంగా చరిత్రలో నిలిచిపోతోంది. పూర్తిగా మంచుతో నిండి ఉన్న ఈ నేల సోవియట్‌ చరిత్రలోని ఒక చీకటి అధ్యాయానికి నేటికీ నిశ్శబ్ద సాక్షిగా నిలిచిపోయింది. ఇదీ చదవండి: ఎట్టకేలకు 105 ఏళ్ల తల్లిని కలిసిన 85 ఏళ్ల కుమార్తె

కీవ్‌: రష్యాలోని డీజిల్‌ వనరులపై డ్రోన్‌ దాడులను వెంటనే ఆపాలని ఉక్రెయిన్‌ అధ్యక్షుడు జెలెన్‌స్కీని కోరినట్లు అమెరికా అధ్యక్షుడు డొనాల్డ్‌ ట్రంప్‌ ఆదివారం వెల్లడించారు. ఉక్రెయిన్‌ దీర్ఘ శ్రేణి డ్రోన్‌ దాడుల కారణంగా ప్రపంచవ్యాప్తంగా డీజిల్‌ కొరత తీవ్రరూపం దాల్చిందని చెప్పారు. రష్యాలోని డీజిల్‌ ఇంధన మౌలిక వనరులను వదిలేసి, ఇతర లక్ష్యాలపై దాడులు చేసుకోవచ్చని చెప్పానన్నారు. ఈ ఒక్క పని చేయాలని జెలెన్‌స్కీని కోరినట్లు వెల్లడించారు. ప్రపంచంలోనే చమురు, గ్యాస్‌ అతిపెద్ద ఎగుమతిదారైన రష్యా, ఇప్పుడు ఉక్రెయిన్‌ డ్రోన్‌ దాడుల కారణంగా తీవ్ర ఇంధన సంక్షోభాన్ని ఎదుర్కొంటోంది. దేశంలో ఇంధన రేషనింగ్‌ను అమలు చేస్తోంది. భారత్‌ నుంచి ఇంధనాన్ని దిగుమతి చేసుకుంటోంది. పశి్చమాసియాలో పరిణామాలతో ఇప్పటికే ఇంధన వనరుల సరఫరాకు తీవ్ర విఘాతం కలగడం, ధరలు ఆకాశాన్నంటుతున్న నేపథ్యంలో ట్రంప్‌ ఆదివారం ఈ విషయం వెల్లడించడం గమనార్హం.

ఆర్కిటిక్ సముద్ర జలాల్లో కీలకమైన సముద్రగర్భ కేబుళ్లను ధ్వంసం చేసేందుకు రష్యా చేపట్టిన రహస్య ప్రయత్నాన్ని నాటో దేశాలు అడ్డుకున్నాయి. కొన్ని నెలల క్రితం స్వాల్‌బార్డ్ దీవుల సమీపంలో రష్యా జలాంతర్గాములు ఓ రహస్య ఆయుధాన్ని ప్రయోగించేందుకు శిక్షణ తీసుకుంటుండగా బ్రిటన్, నార్వే, అమెరికా సంయుక్తంగా వాటిని గుర్తించి అడ్డుకున్నట్లు రాయిటర్స్ తెలిపింది.ఈ రహస్య ఆపరేషన్‌ను రష్యా ప్రధాన సముద్రగర్భ పరిశోధనా విభాగం జీయూజీఐ నిర్వహించినట్లు ఇద్దరు అధికారులు తెలిపారు. లోతైన సముద్రంలో ప్రయాణించగల చిన్న జలాంతర్గాములను ఉపయోగించి అత్యంత అధునాతన సాంకేతికతతో రూపొందించిన ఆయుధాన్ని ఎలా ప్రయోగించాలో రష్యా సిబ్బంది పరీక్షించినట్లు చెప్పారు.బ్రిటన్, నార్వే, అమెరికా కలిసి రష్యా నౌకలను సముద్రంలో గుర్తించి ఎదుర్కొన్నాయి. దీంతో రష్యా తన శిక్షణను పూర్తి చేయలేకపోయింది. అనంతరం ఆ నౌకలు ఆ ప్రాంతాన్ని విడిచిపెట్టాయి. ఈ ఘటనలో ఎలాంటి సముద్రగర్భ కేబుల్‌ దెబ్బతినలేదు. నాటోతో ఘర్షణ ఏర్పడితే ఆ సాంకేతికతను ఎలా ఉపయోగించవచ్చో పరీక్షించడమే ఈ శిక్షణ ఉద్దేశమని అధికారులు తెలిపారు.స్వాల్‌బార్డ్ దీవులను నార్వే ప్రధాన భూభాగంతో కలిపే 2 సముద్రగర్భ ఫైబర్‌ ఆప్టిక్ కేబుళ్లు సుమారు 1,400 కిలోమీటర్ల పొడవు ఉన్నాయి. ఇవి సముద్ర మట్టానికి 2,700 మీటర్ల లోతు వరకు ఉన్నాయి. ప్రపంచంలోనే అతిపెద్ద ఉపగ్రహ భూ కేంద్రంగా ఉన్న స్వాల్‌సాట్ నుంచి భారీ మొత్తంలో ఉపగ్రహ సమాచారాన్ని ఈ కేబుళ్లు ప్రసారం చేస్తాయి.విధ్వంసక చర్యలను పెంచుతున్న రష్యా ఈ ఘటనతో రష్యా యూరప్‌లో విధ్వంసక చర్యలను పెంచుతోందన్న పాశ్చాత్య దేశాల ఆందోళనలు మరింత పెరిగాయి. కొంతమంది అమెరికా నిఘా అధికారులు రష్యా నాటో పరస్పర రక్షణ ఒప్పందంలోని ఆర్టికల్‌ 5ను పరీక్షించే అవకాశం ఉందని ఆందోళన వ్యక్తం చేశారు. నాటోలోని ఓ సభ్యదేశంపై తీవ్రమైన దాడి జరిగితే ఇతర సభ్యదేశాలు దాన్ని మొత్తం కూటమిపై దాడిగా పరిగణించే నిబంధనే ఆర్టికల్‌ 5.రష్యా తన చర్యలతో కేబుళ్లకు ఎలాంటి నష్టం కలిగించలేదని అధికారులు తెలిపారు. బ్రిటన్, నార్వే అధికారులు తమ వద్ద కొత్త సాంకేతికతపై సమాచారం ఉందని మాస్కోకు తెలియజేసినట్లు చెప్పారు. రష్యా దాన్ని ఉపయోగించకుండా వెనక్కి తగ్గుతుందనే ఉద్దేశంతో ఈ విషయాన్ని వెల్లడించినట్లు తెలిపారు.‘‘మా సంయుక్త చర్య ద్వారా రష్యాకు స్పష్టమైన సందేశం పంపాం. వారు రహస్యంగా కార్యకలాపాలు నిర్వహించలేరు’’ అని నార్వే రక్షణ మంత్రి టోరె శాండ్‌విక్ తెలిపారు. కీలక మౌలిక వసతులను లక్ష్యంగా చేసుకునే ఏ ప్రయత్నాన్నైనా గుర్తించి తగిన పరిణామాలు ఎదుర్కొనేలా చేస్తామని రష్యా అధికారులకు స్పష్టం చేసినట్లు ఆయన చెప్పారు.బ్రిటన్, నార్వే ఏప్రిల్‌లోనే ఆందోళన రష్యా సముద్రగర్భ కార్యకలాపాలపై బ్రిటన్, నార్వే ఏప్రిల్‌లోనే ఆందోళన వ్యక్తం చేశాయి. రష్యా ప్రధాన సముద్రగర్భ పరిశోధనా విభాగం జీయూజీఐ నార్వే, బ్రిటన్ జలాల్లో రహస్య కార్యకలాపాలకు ప్రయత్నించినట్లు అప్పట్లో వెల్లడించాయి. ఈ విభాగంపై అమెరికా, బ్రిటన్ ఆంక్షలు విధించాయి. 2022లో జర్మనీకి రష్యా నుంచి సహజ వాయువును సరఫరా చేసే నార్డ్‌ స్ట్రీమ్‌ సముద్రగర్భ పైప్‌లైన్లలో 4లో 3 ధ్వంసమైన తర్వాత నాటో దేశాలు సముద్రగర్భ మౌలిక వసతుల భద్రతపై ప్రత్యేక దృష్టి పెట్టాయి. ఈ ఘటనలో ఉక్రెయిన్ ప్రమేయాన్ని ఆ దేశం ఖండించింది. 2023 నుంచి సముద్రగర్భ పైప్‌లైన్లు, విద్యుత్‌ కేబుళ్లు, సమాచార కేబుళ్లకు సమీపంలో కొన్ని నౌకలు నెమ్మదిగా ప్రయాణిస్తూ వాటి స్థానాలను గుర్తిస్తున్నట్లు భద్రతా నిపుణులు గుర్తించారు. దీనిని ‘డ్రిఫ్టింగ్‌’గా పిలుస్తారు.గత ఏడాది ఉత్తర సముద్రంలో ఇలాంటి నౌకల సంఖ్య 52 శాతం పెరిగి 13,079కు చేరింది. దక్షిణ చైనా సముద్ర ప్రాంతంలో ఈ కార్యకలాపాలు 88 శాతం పెరిగి 18,401 నౌకలకు చేరినట్లు సముద్ర భద్రతా విశ్లేషణ సంస్థ విండ్‌వార్డ్ తెలిపింది. సముద్రగర్భ మౌలిక వసతులపై విస్తృతంగా సమాచారాన్ని సేకరించడం చట్టవిరుద్ధం కాకపోయినా, ఇంత భారీ స్థాయిలో ప్రాంతాలను గుర్తించడం భవిష్యత్తులో విధ్వంసక చర్యలకు సిద్ధమవుతున్న సంకేతంగా భద్రతా నిపుణులు భావిస్తున్నారు.ఈ కార్యకలాపాలు, కొన్ని కేబుళ్లపై అనుమానాస్పద జోక్యాల నేపథ్యంలో నాటో గత ఏడాది జనవరిలో బాల్టిక్‌ సెంట్రీ పర్యవేక్షణ వ్యవస్థను ప్రారంభించింది. బ్రిటన్ నేతృత్వంలో నార్డిక్‌ వార్డెన్‌ కార్యక్రమాన్ని కూడా ప్రారంభించారు. కీలక మౌలిక వసతులపై నిఘా, గస్తీని పెంచడం ఈ కార్యక్రమాల ఉద్దేశం.విద్యుత్‌, సమాచార ప్రసార కేబుళ్లపై ప్రపంచవ్యాప్తంగా ఆధారపడటం పెరుగుతున్నందున సముద్రగర్భ మౌలిక వసతుల ప్రాధాన్యం కూడా పెరుగుతోంది. కృత్రిమ మేధ కారణంగా సమాచారంతో పాటు విద్యుత్‌ అవసరం పెరుగుతుండటంతో ఈ కేబుళ్ల సంఖ్య కూడా ప్రతి ఏడాది పెరుగుతోంది. అయితే యూరప్‌ ఇప్పటికీ ఈ మౌలిక వసతులపై ముప్పును ఎదుర్కొనే స్థితిలోనే ఉందని కొందరు నిపుణులు హెచ్చరిస్తున్నారు.బ్రూకింగ్స్‌ సంస్థకు చెందిన సీనియర్‌ పరిశోధకుడు బ్రూస్‌ జోన్స్‌ మాట్లాడుతూ.. గత 25 ఏళ్లలో యూరప్‌ సముద్రగర్భ మౌలిక వసతులపై ఆధారపడటాన్ని భారీగా పెంచుకున్నా, వాటిని రక్షించే సామర్థ్యాన్ని గణనీయంగా తగ్గించుకుందని అన్నారు. పెరుగుతున్న రష్యా ముప్పు నేపథ్యంలో ఇప్పుడు ఆ రక్షణ సామర్థ్యాన్ని తిరిగి నిర్మించేందుకు ప్రయత్నిస్తోందని తెలిపారు.

ప్రపంచ దేశాల అధినేతలు సదస్సులు, సమావేశాలకు వెళ్లినప్పుడు ప్రసంగాలకే కాదు.. వాళ్ల ప్రయాణాలు, భద్రత-ఆహార ఏర్పాట్లు కూడా ప్రత్యేక ఆకర్షణగా నిలుస్తుంటాయి. వెంట తీసుకొచ్చే వస్తువులు, అందుకునే కానుకల వరకు ప్రతీ అంశంపైనా ఆసక్తికర చర్చ నడుస్తుంటుంది. ఇప్పుడు ఢిల్లీలో జరుగుతున్న 2026 బ్రిక్స్‌ సదస్సు సందర్భంగా రష్యా అధ్యక్షుడు వ్లాదిమిర్‌ పుతిన్‌, చైనా అధ్యక్షుడు జీ జిన్‌పింగ్‌ విషయంలో అంతకు మించిందేదో కనిపిస్తోంది.. ఇద్దరు నేతలు భారత్‌కు చేరుకున్న తీరు ఇప్పుడు ప్రత్యేక చర్చకు దారితీసింది. ఒకవైపు పుతిన్‌ అత్యంత భద్రతా ప్రమాణాలతో రూపొందించిన ఐఎల్‌-96-300పీయూలో ఢిల్లీకి వచ్చారు. దీనినే ‘డూమ్స్‌డే ప్లేన్‌’, ‘ఫ్లయింగ్‌ క్రెమ్లిన్‌’ వంటి పేర్లతో పిలుస్తారు. మరోవైపు ఎయిర్‌ చైనా ప్రత్యేక విమానంలో జిన్‌పింగ్‌ వచ్చారు. గగన ప్రయాణమే కాదు.. ఇటు వీళ్ల కోసం తెచ్చిన ప్రెసిడెన్షియల్‌ కార్లు కూడా అంతే ఆసక్తికరంగా ఉన్నాయి. పుతిన్‌ కోసం ఔరస్‌ సెనాట్‌.. జిన్‌పింగ్‌ కోసం సమ్‌థింగ్‌ స్పెషల్‌ హోంగ్‌చీ ఎన్‌701 హైలైట్‌గా నిలిచాయి. ఒకరిది ‘ఫోర్ట్‌రెస్‌ ఆన్‌ వీల్స్‌’గా పేరొందితే.. మరొకరి రాజకీయ చరిత్రతో ముడిపడిన ‘రెడ్‌ ఫ్లాగ్‌’ బ్రాండ్‌గా పేరొందాయి.‘ఫ్లయింగ్‌ క్రెమ్లిన్‌’..పుతిన్‌ ప్రయాణించే విమానం ఐఎల్‌-96-300పీయూ.. ఎంతో ప్రత్యేకం. అత్యవసర పరిస్థితుల్లోనూ రష్యా అధ్యక్షుడు దేశ సైనిక, ప్రభుత్వ వ్యవస్థలతో సురక్షితంగా కమ్యూనికేట్‌ చేయగలిగేలా దీన్ని మొబైల్‌ కమాండ్‌ సెంటర్‌గా రూపొందించారు. శాటిలైట్‌ లింకులు, ఎన్‌క్రిప్టెడ్‌ కమ్యూనికేషన్‌, రాడార్‌ జామింగ్‌ సహా పలు రక్షణ వ్యవస్థలు ఇందులో ఉంటాయి. అంతేకాదు.. పుతిన్‌ భారత్‌కు వచ్చినప్పుడు ఒకే తరహాకు చెందిన రెండు విమానాలు ఒకేసారి ప్రయాణించాయి. అసలు అధ్యక్షుడు ఏ విమానంలో ఉన్నారో గుర్తించడం కష్టమయ్యేలా చేసే ఈ వ్యూహం.. భద్రతలో భాగమే. అందుకే ఐఎల్‌-96-300పీయూకి ‘ఫ్లయింగ్‌ క్రెమ్లిన్‌’, ‘డూమ్స్‌డే ప్లేన్‌’ వంటి పేర్లు వచ్చాయి.ఫోర్ట్‌రెస్‌ ఆన్‌ వీల్స్‌..ఆకాశంలో ఇంతటి భద్రత ఉంటే.. పుతిన్‌ నేలపై ప్రయాణించే కారు కూడా అంతే కట్టుదిట్టంగా ఉంటుంది. ఢిల్లీలో పుతిన్‌ ఉపయోగించిన ఔరస్‌ సెనాట్‌ను అందుకే ‘ఫోర్ట్‌రెస్‌ ఆన్‌ వీల్స్‌’గా అభివర్ణిస్తారు. బుల్లెట్లు, పేలుళ్ల నుంచి రక్షణ కల్పించేలా రూపొందించిన ఈ ఆర్మర్డ్‌ లిమోసిన్‌ను రష్యా దేశీయంగా అభివృద్ధి చేసింది. పాశ్చాత్య లగ్జరీ కార్లపై ఆధారపడకుండా.. దేశాధ్యక్షుడి స్థాయికి తగ్గ భద్రతా వాహనాన్ని సొంతంగా తయారు చేసుకోగలిగింది. బ్రిక్స్‌ సందర్భంగా ప్రధాని నరేంద్ర మోదీతో కలిసి పుతిన్‌ ఇదే కారులో ప్రయాణించడం కూడా ప్రత్యేక ఆకర్షణగా నిలిచింది.జిన్‌పింగ్‌ ‘ఎయిర్‌ చైనా’..ఇక పుతిన్‌ విమానంతో పోలిస్తే జిన్‌పింగ్‌ ప్రయాణించిన విమానం మరో రకమైన ప్రత్యేకతను చూపిస్తుంది. చైనా అధ్యక్షుడు ఎయిర్‌ చైనా ప్రత్యేక విమానంలో భారత్‌కు చేరుకున్నారు. ఇది పుతిన్‌ ఐఎల్‌-96-300పీయూ తరహాలో మొబైల్‌ కమాండ్‌ సెంటర్‌గా రూపొందించిన ప్రత్యేక అధ్యక్ష విమానం కాదు. అయితే దేశాధ్యక్షుడి విదేశీ పర్యటన కావడంతో భద్రత, ప్రోటోకాల్‌కు అనుగుణంగా ప్రత్యేక ఏర్పాట్లు ఉంటాయి. అంటే.. ఒకరి విమానం అత్యంత రహస్య భద్రతా వ్యవస్థలకు ప్రతీక అయితే.. మరొకరి ప్రయాణం చైనా అధికారిక విమానయాన వ్యవస్థను ప్రతిబింబిస్తోంది.‘రెడ్‌ ఫ్లాగ్‌’ ఎన్‌701..విమానం నుంచి రోడ్డుపైకి వస్తే.. జిన్‌పింగ్‌ కోసం ఉపయోగించే హోంగ్‌చీ ఎన్‌701 మరో ప్రత్యేక ఆకర్షణ. హోంగ్‌చీ అంటే చైనీస్‌లో ‘రెడ్‌ ఫ్లాగ్‌’.. అంటే ‘ఎర్ర జెండా’ అని అర్థం. చైనా రాజకీయ, అధికార వ్యవస్థతో దశాబ్దాలుగా ముడిపడిన ఈ బ్రాండ్‌.. దేశ అత్యున్నత నాయకత్వానికి ప్రతీకగా మారింది. జిన్‌పింగ్‌ కోసం ఉపయోగించే ఎన్‌701 సాధారణ హోంగ్‌చీ కారు కాదు. సుమారు 5.5 మీటర్ల పొడవుండే ఈ ప్రత్యేక లిమోసిన్‌లో బుల్లెట్‌ ప్రూఫ్‌ గ్లాస్‌, భారీ ఆర్మర్‌, బుల్లెట్‌ ప్రూఫ్‌ టైర్లు వంటి భద్రతా ఏర్పాట్లు ఉన్నట్లు నివేదికలు చెబుతున్నాయి. అయితే దీని పూర్తి సాంకేతిక వివరాలను చైనా అధికారికంగా వెల్లడించలేదు. అందుకే ఎన్‌701 చుట్టూ ఉన్న ఆసక్తి.. దాని డిజైన్‌ కంటే, దానిలో దాగి ఉన్న భద్రతా సాంకేతికతపైనే ఎక్కువ.కేవలం ప్రయాణం కాదు.. పవర్‌ స్టేట్‌మెంట్‌!ఈ విమానాలు, కార్లు కేవలం ప్రపంచ నేతలను ఒక చోటు నుంచి మరో చోటుకు తీసుకెళ్లే సాధనాలు మాత్రమే కాదు. ఆ విమానాలు, కార్లు ఆయా దేశాల భద్రతా ఏర్పాట్లు, టెక్నాలజీ, సొంత తయారీ సామర్థ్యాన్ని చూపిస్తాయి. బ్రిక్స్‌ వంటి ప్రపంచ వేదికపై నేతల రాకతో పాటు వారి వెంట వచ్చిన ఈ ‘పవర్‌ మెషీన్లు’ కూడా తమదైన రీతిలో ఒక సందేశాన్ని ఇస్తున్నాయి. ఆకాశంలో భద్రతా కోటలు.. నేలపై కదిలే కోటలు.. మొత్తంగా చూస్తే ఇది కేవలం నేతల ప్రయాణం కాదు.. రష్యా, చైనాల పవర్‌ స్టేట్‌మెంట్‌!.ఇదీ చదవండి: ఏడేళ్ల తర్వాత భారత్‌లో అడుగుపెట్టాడు!

న్యూఢిల్లీ: ఉక్రెయిన్‌–రష్యా సంఘర్షణను ముగించడానికి చేపట్టే ఏ శాంతి ప్రయత్నానికైనా మద్దతు ఇచ్చేందుకు భారత్‌ సిద్ధంగా ఉందని ప్రధాని నరేంద్ర మోదీ పునరుద్ఘాటించారు. నల్ల సముద్రంలోని భారతీయ నావికుల తగిన భద్రతకు కల్పింంచాలని రష్యా అధినేత పుతిన్‌కు విజ్ఞప్తి చేశారు. పెరుగుతున్న భౌగోళిక రాజకీయ అస్థిరత నేపథ్యంలో ద్వైపాక్షిక, వాణిజ్య సంబంధాలను మరింత బలోపేతం చేసుకోవాలని ఇరువురు నేతలు నిర్ణయించారు. బ్రిక్స్‌ సదస్సులో పాల్గొనేందుకు పుతిన్‌ శుక్రవారం ఢిల్లీకి చేరుకున్నారు. అనంతరం భారత్‌ మండపంలో ప్రధాని మోదీతో ద్వైపాక్షిక సమావేశంలో పాల్గొన్నారు. 45 నిమిషాలకు పైగా ఈ భేటీ జరిగింది. భారత్, రష్యా సంబంధాలతోపాటు ప్రాంతీయ, అంతర్జాతీయ పరిణామాలపై విస్తృతంగా చర్చించారు. కీలక రంగాల్లో పరస్పర సహకారాన్ని మరింత ముందుకు తీసుకెళ్లాలని తీర్మానించారు. రెండు దేశాల మధ్య వాణిజ్య, పెట్టుబడి సంబంధాలను సైతం సమీక్షించారు. ప్రస్తుతం 65 బిలియన్‌ డాలర్లుగా ఉన్న వార్షిక ద్వైపాక్షిక వాణిజ్యాన్ని 2030 నాటికి 100 బిలియన్‌ డాలర్లకు చేర్చాలని ఈ సందర్భంగా భారత్, రష్యాలు లక్ష్యంగా నిర్దేశించుకున్నాయి. ఈ ద్వైపాక్షిక సమావేశం అనంతరం భారత విదేశాంగ శాఖ ఒక ప్రకటన విడుదల చేసింది. భారత్‌–రష్యా ప్రత్యేక, వ్యూహాత్మక భాగస్వామ్యాన్ని మరింత బలోపేతం చేసే ప్రయత్నాల్లో వేగం పెంచాలని ఇద్దరు నేతలు నిర్ణయానికి వచ్చారని వెల్లడించింది. రెండు దేశాల మధ్య వార్షిక శిఖరాగ్ర చర్చల కోసం రష్యాలో పర్యటించాలన్న పుతిన్‌ ఆహ్వానాన్ని మోదీ అంగీకరించారని తెలియజేసింది. చర్చలు, దౌత్యమే సరైన మార్గం రక్షణ, ఇంధనం, కీలక ఖనిజాలు, పౌర అణు శక్తి, ఎరువుల సరఫరా, ప్రజల మధ్య పరస్పర సంబంధాల్లో సహకారాన్ని మరింత పెంపొందించుకోవాలని మోదీ, పుతిన్‌ నిర్ణయించారు. పశ్చిమాసియా, నల్ల సముద్ర ప్రాంతంలో సముద్ర వాణిజ్యం, భారతీయ నావికుల భద్రత సహా ఉమ్మడి ప్రయోజనాలతో ముడిపడి ఉన్న ప్రాంతీయ, అంతర్జాతీయ అంశాలపై అభిప్రాయాలు పంచుకున్నారు. రాజకీయ, ఆర్థిక, రక్షణ, ఇంధన, అంతరిక్ష, నైపుణ్య బదిలీ సహా ప్రజల మధ్య సంబంధాలు, ద్వైపాక్షిక సహకారంలో సాధించిన పురోగతిని సమీక్షించారు. ఉక్రెయిన్, రష్యా మధ్య ఘర్షణ త్వరగా ముగిసిపోవాలని మోదీ ఆకాంక్షించినట్లు సమాచారం. సంఘర్షణల పరిష్కారానికి చర్చలు, దౌత్యమే సరైన మార్గమని పుతిన్‌ దృష్టికి మరోసారి తీసుకెళ్లినట్లు తెలిసింది. శాంతి ప్రయత్నాలకు భారత్‌ ఎల్లవేళలా సహకరిస్తుందని మోదీ అన్నారు. రష్యా మార్కెట్‌లో అవకాశాలు ఇప్పటికే బలంగా ఉన్న తమ రక్షణ సహకారాన్ని మరింత విస్తరించడంపైనా ఇరుపక్షాలు లోతుగా చర్చించాయి. ఇంధన రంగంలో ప్రస్తుత పరిస్థితిని సమీక్షించాయి. పౌర అణు ఇంధన రంగంలో సహకారాన్ని మరింత పెంచుకోవడానికి అంగీకరించాయి. అంతేకాకుండా పారిశ్రామిక సహకారాన్ని విస్తరించడం, రైలు, సొరంగ మార్గాల నిర్మాణాల్లో కలిసి పనిచేయడం, ఉక్కు సప్లై చైన్లను అభివృద్ధి చేయడం, భారతీయ ఎగుమతిదారులకు రష్యా మార్కెట్‌లో అవకాశాలను పెంచడం వంటి అంశాలు కూడా ఈ చర్చల్లో చోటుచేసుకున్నాయి. మోదీ, పుతిన్‌ కలుసుకోవడం 2 వారాల వ్యవధిలో ఇది రెండోసారి. ఇటీవల కిర్గిజిస్తాన్‌లోని బిష్కెక్‌లో ఎస్సీఓ శిఖరాగ్ర సమావేశం సందర్భంగా ఇరువురు నేతలు సమావేశమయ్యారు. ఇదిలా ఉండగా, శుక్రవారం ద్వైపాక్షిక సమావేశం అనంతరం భారత్‌ మండపంలో బిజినెస్‌ ఫోరమ్‌ వేదిక వద్దకు చేరుకోవడానికి మోదీ, పుతిన్‌ ఒకే కారులో ప్రయాణించారు. అంతకుముందు వారిద్దరూ భారత్‌ మండపంలో ‘ఇన్నోప్రోమ్‌ ఇండియా’ప్రదర్శనను సందర్శించారు. అందులో పాల్గొన్న వారితో సంభాషించారు. పరస్పర సహకారంపై చర్చించా: మోదీ మౌలిక సదుపాయాలు, ఇంధనం, సాంకేతికత, రక్షణ, సంస్కృతి వంటి రంగాల్లో పరస్పర సహకారంపై పుతిన్‌తో చర్చించానని మోదీ సోషల్‌ మీడియాలో పోస్టుచేశారు. ‘ఆర్థిక సహకార కార్యక్రమం–2030’అమలు సహా వాణిజ్య సంబంధాలను మరింత బలోపేతం చేయడంపై తాము చర్చించినట్లు పేర్కొన్నారు. పుతిన్‌కు ‘తిరుక్కురళ్‌’బహూకరణ ప్రఖ్యాత తమిళ కవి, తత్వవేత్త తిరువళ్లువర్‌ రచించిన ప్రాచీన తమిళ కావ్య సంకలనం ‘తిరుక్కురళ్‌’రష్యన్‌ అనువాద గ్రంథాన్ని ప్రధాని మోదీ రష్యా అధినేత పుతిన్‌కు బహూకరించారు. అనేక అంశాలపై జ్ఞానోపదేశాలు ఈ గ్రంథంలో ఉన్నాయి. భాషలు, సరిహద్దులకు అతీతంగా శాశ్వత జ్ఞానాన్ని అందించే తిరుక్కురళ్‌ రష్యన్‌ అనువాదాన్ని పుతిన్‌కు అందజేశానంటూ మోదీ ‘ఎక్స్‌’లో పోస్టుచేశారు. పుతిన్‌తో ఆప్యాయంగా కరచాలనం చేసిన దృశ్యాలతో కూడిన ఒక చిన్న వీడియో క్లిప్‌ను కూడా షేర్‌చేశారు.

న్యూఢిల్లీ: ఉక్రెయిన్ సంక్షోభానికి దౌత్యపరమైన చర్చల ద్వారానే పరిష్కారం సాధ్యమని భారత ప్రధాని నరేంద్ర మోదీ పునరుద్ఘాటించారు. రష్యా అధ్యక్షుడు వ్లాదిమిర్ పుతిన్‌తో జరిపిన ద్వైపాక్షిక సమావేశంలో ప్రధాని మోదీ యుద్ధాన్ని తక్షణమే ఆపి, శాంతి మార్గాన్ని ఎంచుకోవాలని విజ్ఞప్తి చేశారు. ఇరు దేశాల మధ్య శాంతిని పునరుద్ధరించేందుకు భారత్ తన వంతు సహాయసహకారాలు అందించడానికి ఎల్లప్పుడూ సిద్ధంగా ఉంటుందని ఆయన స్పష్టం చేశారు. భారత్‌ అధ్యక్షతన న్యూఢిల్లీ వేదికగా జరుగుతున్న 18వ బ్రిక్స్‌ శిఖరాగ్ర సదస్సులో పాల్గొనేందుకు రష్యా అధ్యక్షుడు పుతిన్ భారత్‌కు విచ్చేశారు. ఈ పర్యటనలో భాగంగా ఢిల్లీలోని ‘భారత్ మండపం’ వేదికగా ఇరు నేతలు ప్రత్యేకంగా సమావేశమయ్యారు. ఈ సందర్భంగా ప్రధాని మోదీ రష్యన్ భాషలోకి అనువదించిన ప్రముఖ తమిళ ప్రాచీన కావ్యమైన ‘తిరుక్కురళ్’ ప్రతిని పుతిన్‌కు ప్రత్యేక బహుమతిగా అందజేశారు. దాదాపు రెండు వేల ఏళ్ల నాటి ఈ గ్రంథంలోని మానవతా విలువలను మోదీ ఈ సందర్భంగా పుతిన్‌కు వివరించారు.రాజకీయ, ఆర్థిక, రక్షణ, ఇంధన, అంతరిక్ష రంగాల బలోపేతంపై ఇరు నేతలు సుదీర్ఘంగా చర్చించారు.రష్యాలో జరగబోయే 24వ ఇండో-రష్యా వార్షిక శిఖరాగ్ర సమ్మిట్‌కు హాజరు కావాల్సిందిగా ప్రధాని మోదీని అధ్యక్షుడు పుతిన్ అధికారికంగా ఆహ్వానించగా.. ఆయన ఆ ఆహ్వానాన్ని స్వీకరించారు. దీనికి సంబంధించిన తుది తేదీలను దౌత్య అధికారులు త్వరలోనే ఖరారు చేయనున్నారు.👉ఇదీ చదవండి: ప్రధాని మోదీతో పుతిన్‌ భేటీ

‘‘మీరు ఒప్పుకుంటే.. త్వరలో మా సినిమాల్లో చూస్తామేమో’’ అంటూ కేంద్ర వాణిజ్య, పరిశ్రమల శాఖ మంత్రి పీయూష్‌ గోయల్‌ చేసిన కామెంట్‌ ఇప్పుడు వైరల్‌ అవుతోంది. రష్యా మంత్రి ఆంటోన్‌ అలిఖానోవ్‌ను ఉద్దేశించి గోయల్‌ ఆ వ్యాఖ్య చేశారు. వృత్తి రీత్యా రాజకీయ నాయకుడు అయినప్పటికీ ఆయన లుక్‌, కటౌట్‌లు సినిమా హీరోలకు ఏమాత్రం తీసిపోదన్నట్లుగా ఉంటుంది. ఇదే విషయాన్ని మన మంత్రి ప్రస్తావించారు..ఇన్నోప్రామ్‌ ఇండియా 2026 కార్యక్రమంలో భారత్, రష్యా మధ్య పారిశ్రామిక, వాణిజ్య సంబంధాలపై చర్చ సందర్భంగా ఈ ఆసక్తికర వ్యాఖ్యలు చోటుచేసుకున్నాయి. అలిఖానోవ్‌ చూడటానికి చాలా డ్యాషింగ్‌గా ఉన్నారని పేర్కొన్న గోయల్‌.. ఆయన బహుశా పొరపాటున రాజకీయాల్లోకి వచ్చారేమో అని వ్యాఖ్యానించారు. ఇరు దేశాల మధ్య ఆడియోవిజువల్‌ సహకారాన్ని కూడా మరింత పెంచుకోవాలని, త్వరలోనే ఆయనను బాలీవుడ్‌ సినిమాలో చూడొచ్చేమోనని సరదాగా వ్యాఖ్యానించారు.2030 నాటికి 100 బిలియన్‌ డాలర్ల టార్గెట్‌అలిఖానోవ్‌కు గోయల్‌ ఇచ్చిన బాలీవుడ్‌ ఆఫర్‌ సరదా వ్యాఖ్యే అయినప్పటికీ.. ఆయనతో జరిగిన చర్చలు మాత్రం పూర్తిగా వ్యాపారపరమైనవే. భారత్‌–రష్యా ద్వైపాక్షిక వాణిజ్యాన్ని 2030 నాటికి 100 బిలియన్‌ డాలర్లకు తీసుకెళ్లాలని ఇరు దేశాలు లక్ష్యంగా పెట్టుకున్నాయి. అలాగే రెండు దేశాల మధ్య పెట్టుబడులను 50 బిలియన్‌ డాలర్లకు పెంచే దిశగా చర్చలు జరుగుతున్నాయి.ప్రస్తుతం ఇరు దేశాల మధ్య వాణిజ్యం దాదాపు 60 బిలియన్‌ డాలర్ల స్థాయిలో ఉంది. 2024–25 ఆర్థిక సంవత్సరంలో ఇది రికార్డు స్థాయిలో 68.7 బిలియన్‌ డాలర్లకు చేరింది. అయితే ఈ వాణిజ్యంలో భారత్‌ నుంచి రష్యాకు జరిగే ఎగుమతులు తక్కువగా ఉండగా.. రష్యా నుంచి భారత్‌కు దిగుమతులు భారీగా ఉన్నాయి.Bollywood calling? Piyush Goyal sees a movie star in Russia’s trade minister“Possibly we’ll see him starring in a movie in Bollywood very soon,” Goyal joked about Anton Alikhanov at the India–Russia Business Dialogue 2026. pic.twitter.com/yvRpLn26en— Sputnik India (@Sputnik_India) September 10, 2026పుతిన్‌ మెచ్చుకుని మరీ..ఆంటోన్‌ ఆండ్రేయెవిచ్‌ అలిఖానోవ్‌ 1986 సెప్టెంబర్‌ 17న సుఖుమిలో జన్మించారు. ప్రస్తుతం 40 ఏళ్ల వయసున్న ఆయన.. ఆర్థికశాస్త్రం, న్యాయశాస్త్రం చదివారు. రష్యా ప్రభుత్వంలో వివిధ బాధ్యతలు చేపట్టి రాజకీయాల్లో వేగంగా ఎదిగారు. 2016లో కేవలం 30 ఏళ్ల వయసులో కలినిన్‌గ్రాడ్‌ ప్రాంతానికి తాత్కాలిక గవర్నర్‌గా నియమితులై.. అప్పట్లో రష్యాలోనే అత్యంత పిన్న వయస్కుడైన రీజియనల్‌ లీడర్‌గా పేరు దక్కించుకున్నారు. 2017లో పూర్తిస్థాయి గవర్నర్‌గా బాధ్యతలు చేపట్టారు. ఈ సమయంలో అధ్యక్షుడు వ్లాదిమిర్‌ పుతిన్‌ నేతృత్వంలోని కేంద్ర ప్రభుత్వంతో ఆయనకు సన్నిహిత అధికారిక సమన్వయం కొనసాగింది. 2024లో పుతిన్‌ ప్రభుత్వం ఆయనకు కీలకమైన పరిశ్రమలు, వాణిజ్య శాఖ బాధ్యతలు అప్పగించింది. అప్పటి నుంచి రష్యా పారిశ్రామిక విధానాలు, విదేశీ వాణిజ్యంపై కీలక నిర్ణయాల్లో ఆయన భాగస్వామిగా ఉన్నారు.భారీగా వాణిజ్య లోటురష్యా నుంచి భారత్‌ ప్రధానంగా ముడిచమురు, ఇంధనం వంటి ఉత్పత్తులను పెద్ద మొత్తంలో దిగుమతి చేసుకుంటోంది. దీంతో రెండు దేశాల మధ్య వాణిజ్యంలో భారీ అసమతుల్యత(trade imbalance) ఉంది. దీన్ని తగ్గించేందుకు భారత్‌ నుంచి రష్యాకు వ్యవసాయ ఉత్పత్తులు, ఔషధాలు, టెక్స్‌టైల్స్‌ తదితరాల ఎగుమతులను పెంచాలని గోయల్‌ లక్ష్యంగా పెట్టుకున్నారు.ఇదే సమయంలో భారత్‌–యూరేషియన్‌ ఎకనామిక్‌ యూనియన్‌ (EAEU) మధ్య స్వేచ్ఛా వాణిజ్య ఒప్పందం (FTA) చర్చలను వేగవంతం చేయాలని ఇరు పక్షాలు నిర్ణయించాయి. రష్యాతో పెట్టుబడులు, వాణిజ్య సంబంధాలను మరింత విస్తరించేందుకు ఈ ఒప్పందం కీలకంగా మారనుంది. పీయూష్‌ గోయల్‌ సెప్టెంబర్‌ 10న అలిఖానోవ్‌తో పాటు ఈఏఈయూ వాణిజ్య మంత్రి ఆండ్రే స్లెప్నెవ్‌తోనూ చర్చలు జరిపారు.రేర్‌ ఎర్త్స్‌, మైక్రోఎలక్ట్రానిక్స్‌పై దృష్టిఇరు దేశాల మధ్య సహకారాన్ని సంప్రదాయ వాణిజ్యానికి మాత్రమే పరిమితం చేయకుండా కొత్త రంగాలకు విస్తరించాలన్న దానిపైనా చర్చ జరిగింది. ముఖ్యంగా రేర్‌ ఎర్త్‌ మినరల్స్‌, మైక్రోఎలక్ట్రానిక్స్‌, టెక్నాలజీ రంగాల్లో కలిసి పనిచేసే అవకాశాలను అలిఖానోవ్‌ ప్రస్తావించారు. రష్యాలో ఏపీఐ తయారీ యూనిట్లను ఏర్పాటు చేసేందుకు భారత ఫార్మా కంపెనీలను ఆయన ఆహ్వానించారు.ఇలా ఇరు దేశాల మధ్య కీలకమైన వాణిజ్య, పారిశ్రామిక చర్చలు జరుగుతున్న వేళ.. అలిఖానోవ్‌ లుక్‌ను ప్రస్తావిస్తూ గోయల్‌ చేసిన ఒక్క సరదా వ్యాఖ్య మాత్రం అందరి దృష్టినీ ఆకర్షించింది. వ్యాపార చర్చల మధ్య ‘‘బాలీవుడ్‌లోకి వస్తారా?’’ అంటూ గోయల్‌ చేసిన చమత్కారం ఇప్పుడు సోషల్‌ మీడియాలోనూ ఆసక్తికరంగా మారింది.ఇదీ చదవండి: ఏఐతో ఎంతో ఈజీగా వినాశనం!

మాస్కో: రష్యా నుంచి ఓ భారతీయ మహిళ చేసిన విజ్ఞప్తికి భారత ప్రభుత్వం వెంటనే స్పందించింది. తన భర్తను అక్కడి పోలీసులు అక్రమంగా నిర్భందించారని అక్కడి సైన్యంలో చేరమని ఒత్తిడి చేస్తున్నారని సదరు మహిళ భారత్‌ ప్రభుత్వానికి ఎమెర్జెన్సీ కాల్‌ ద్వారా విజ్ఞప్తి చేసింది. దీనికి స్పందించిన భారత ప్రభుత్వం అతని విడుదల కొరకు రష్యాలోని భారత ఎంబసీతో సంప్రదింపులు జరుపుతున్నట్లు పేర్కొంది.బాధితురైలైన మహిళ ఇన్‌స్టా వేదికగా భారత ప్రభుత్వానికి విజ్ఞప్తి చేస్తూ వీడియో చేసింది. అందులో "తన భర్త ఉత్తర ప్రదేశ్‌లోని కాన్పూర్‌కు చెందిన ఇంజనీర్ చందన్ గుప్తా, నోయిడాలోని కంపెనీ ద్వారా జారీ చేయబడిన 'అత్యంత అర్హత కలిగిన నిపుణుడి' వీసాపై మా కుటుంబం మాస్కోలో ఉంది. ఆదివారం మధ్యాహ్నం 12.30 గంటల ప్రాంతంలో రష్యా పోలీసులు నా భర్తను అరెస్టు చేశారు. ఎలాంటి తప్పు చేయనప్పటికీ అతడిని జైలులో ఉంచారు. ఉక్రెయిన్‌కు వ్యతిరేకంగా పోరాడటానికి రష్యన్ సైన్యంలో చేరమని పోలీసులు తన భర్తపై ఒత్తిడి తెచ్చారు." అని సదరు మహిళ వీడియోలో ఆరోపించింది.రష్యన్ సైన్యంలో సిబ్బంది కొరత ఉందనే నెపంతో, భారతీయులతో సహా విదేశీయులను దేశ సాయుధ దళాలలోకి బలవంతంగా చేర్చుకునే ప్రయత్నాలు జరుగుతున్నాయని ఆమె పేర్కొంది. తన భావోద్వేగ విజ్ఞప్తిలో, ఆ దంపతులకు పదేళ్ల కుమారుడు ఉన్నాడని, ఈ పరిస్థితితో తమ కుటుంబం తీవ్ర మనోవేదనకు గురైందని ఆమె తెలిపింది. తన భర్తను సురక్షితంగా విడుదల చేయించడానికి ఈ విషయంలో తక్షణమే జోక్యం చేసుకోవాలని ఆమె భారత ప్రభుత్వానికి, ఉత్తరప్రదేశ్ ముఖ్యమంత్రి యోగి ఆదిత్యనాథ్‌కు విజ్ఞప్తి చేసింది. ఈ నేపథ్యంలో భారత ప్రభుత్వం ఈ విషయమై రష్యాలోని భారత ఎంబసీతో సంప్రదింపులు జరిపినట్లు తెలుస్తోంది.కాగా ఉక్రెయిన్‌- రష్యా మధ్య యుద్ధం మెుదలై దాదాపుగా నాలుగేళ్లు గడుస్తోంది. అయినప్పటికీ యుద్ధం ఇంకా ముగియలేదు. అయితే యుద్ధంలో పెద్దఎత్తున సైనికులు మృతిచెందడంతో రష్యాకు సైనికుల కొరత ఏర్పడింది. ఈ నేపథ్యంలోనే రష్యా ఉద్యోగాల పేరుతో ఆశ చూపి భారతీయులను రష్యాకు రప్పించి, ఆ తర్వాత రష్యా సైన్యంలోకి చేర్చుకుంటున్నారనే ఆరోపణలు వస్తున్నాయి.భారత్‌ సైతం దీనిపై కీలక ప్రకటన చేసింది. ఇప్పటివరకూ మెుత్తంగా 227 మంది భారతీయులు రష్యా సాయుధ దళాలలోకి చేరారని, వారిలో 139 మందిని విడుదల చేయగా, 51 మంది మరణించారని విదేశాంగ మంత్రిత్వ శాఖ తెలిపింది. మిగిలిన భారతీయులను సైతం త్వరగా విడుదల చేసి, తిరిగి రప్పించేందుకు భారత్ రష్యా పక్షంతో సంప్రదింపులు కొనసాగిస్తోందని మంత్రిత్వ శాఖ పేర్కొంది.

యుద్ధం తుపాకులతోనే కాదు.. ఇప్పుడు భాషతోనూ మొదలైంది! రష్యా దాడులతో అట్టుడుకుతున్న ఉక్రెయిన్‌లో రష్యన్‌ భాషపై ఉక్కుపాదం మోపేందుకు ప్రయత్నాలు జరుగుతున్నాయి. దేశంలోని మూడో అతిపెద్ద నగరమైన ఒడెసాలో కళలు, సంగీతం, సాహిత్యంలో రష్యన్‌ భాషను బహిరంగంగా ఉపయోగించడాన్ని పూర్తిగా నిలిపివేయాలన్న ప్రతిపాదన తెరపైకి వచ్చింది. రష్యన్‌ మాట్లాడేవారు అధికంగా ఉన్న ఈ నగరంలో ఈ నిర్ణయం ఇప్పుడు తీవ్ర దుమారం రేపుతోంది. దీంతో, పుతిన్‌కు బిగ్‌ షాక్‌ తగిలినట్టు అయ్యింది. వీధులు, పార్కులు, ప్రభుత్వ కార్యాలయాలు, ప్రభుత్వ ఆధ్వర్యంలోని కళా, వినోద ప్రదేశాల్లో రష్యన్‌ పాటలు, సాహిత్యాన్ని ప్రదర్శించకుండా చేయాలని ప్రతిపాదించారు. పబ్లిక్‌ లైబ్రరీల్లో రష్యన్‌ పుస్తకాలను ప్రముఖంగా ప్రదర్శించడంపైనా ఆంక్షలు రానున్నాయి. అయితే ఇళ్లలో లేదా ప్రైవేట్‌ ప్రదేశాల్లో వ్యక్తిగతంగా రష్యన్‌ మాట్లాడటంపై నిషేధం ఉండదు. రష్యన్‌ భాష ద్వారా మాస్కో తన సాంస్కృతిక ప్రభావాన్ని కొనసాగిస్తోందని ఉక్రెయిన్‌ భాషా ఉద్యమకారులు ఆరోపిస్తున్నారు. ముఖ్యంగా యువతపై రష్యన్‌ సంగీతం, సాహిత్యం ప్రభావాన్ని తగ్గించాల్సిన అవసరం ఉందని చెబుతున్నారు.అయితే ఈ ప్రతిపాదనను వ్యతిరేకిస్తున్నవారు కూడా గట్టిగానే ఉన్నారు. రష్యన్‌ భాష కేవలం పుతిన్‌ భాష కాదని.. దొస్తొయెవ్‌స్కీ, బుల్గాకోవ్‌ వంటి ప్రముఖ రచయితల భాష కూడా అదే అని ఒడెసా హాస్య నటుడు బోరిస్‌ బార్స్కీ వ్యాఖ్యానించారు. ఉక్రెయిన్‌ను ప్రేమించే రష్యన్‌ మాట్లాడేవారిని దూరం చేయడం వల్ల చివరకు లాభపడేది పుతిన్‌ మాత్రమేనని అన్నారు. ఉక్రెయిన్‌లో ఇప్పటికే విద్య, ప్రభుత్వ సేవలు, కస్టమర్‌ సర్వీసులు వంటి అనేక రంగాల్లో ఉక్రేనియన్‌ భాష వినియోగం తప్పనిసరిగా ఉంది.కాగా, 2022లో రష్యా పూర్తిస్థాయి దాడి ప్రారంభించిన తర్వాత చాలామంది రష్యన్‌ మాట్లాడే ప్రజలు ఉక్రేనియన్‌ భాష వైపు మారారు. ఇప్పుడు ఒడెసాలో రష్యన్‌ భాషపై కొత్త ప్రతిపాదనకు కౌన్సిల్‌ ఆమోదం లభిస్తుందా? అన్నది ఆసక్తికరంగా మారింది. రష్యా ప్రభావాన్ని తుడిచేయడమా.. లేక భాషా స్వేచ్ఛను కాపాడడమా? అనే ప్రశ్నతో ఒడెసాలో రాజకీయ, సాంస్కృతిక పోరు మరింత ముదురుతోంది.ఇదీ చదవండి: కోర్టు సంచలన తీర్పు.. టీవీ యాంకర్‌కు ఉరిశిక్ష

మాస్కో: ఉక్రెయిన్‌-రష్యా యుద్ధానికి తాత్కాలిక బ్రేక్‌ లభించింది. మూడురోజుల పాటు ఉక్రెయిన్‌పై ఎటువంటి దాడులు చేయవద్దని రష్యా అధ్యక్షుడు పుతిన్‌ ఆదేశించినట్లు మాస్కో ప్రకటించింది. ఉక్రెయిన్‌ యుద్ధంపై చర్చల నేపథ్యంలో అమెరికా ప్రతినిధులు రష్యా వచ్చిన నేపథ్యంలో పుతిన్‌ ఈ నిర్ణయం తీసుకున్నట్లు తెలిపింది. దీంతో గత కొంతకాలంగా ఇరు దేశాల మధ్య మారణహోమం జరిగిన నేపథ్యంలో ఎట్టకేలకు కొంతమేర ఊపశమనం లభించింది.ఉక్రెయిన్‌పై జరుగుతున్న యుద్ధంపై చర్చలకు అమెరికా ప్రతినిధులు స్టీవ్ విట్‌కాఫ్, జారెడ్ కుష్నర్ శనివారం మాస్కో చేరుకున్నారు. వారిద్దరితో యుద్ధం అంశమై పుతిన్‌ చర్యలు జరపనున్నట్లు క్రెమ్లిన్ ప్రతినిధి దిమిత్రి పెస్కోవ్ తెలిపారు. ఆయన మాట్లాడుతూ శనివారం (ఈ రోజు) అర్ధరాత్రి నుంచి మూడు రోజుల పాటు కీవ్‌పై ఎలాంటి దాడులు జరపకూడదని పుతిన్ ఆదేశాలు జారీ చేసినట్లు పేర్కొన్నారు. అయితే చర్చలు ముగిసిన అనంతరం ఆ వివరాలను మీడియాకు వెల్లడిస్తామని పేర్కొన్నారు.మాస్కో చేరుకున్న అమెరికా ప్రతినిధులుకాగా గత కొంతకాలంగా రష్యా-ఉక్రెయిన్‌ యుద్ధ అంశాన్ని అమెరికా పట్టించుకోవడం లేదు. ఇరాన్‌తో యుద్ధం నేపథ్యంలో ఈ అంశంపై ట్రంప్‌ ఆసక్తి కనబరచలేదు. దీంతో చర్చలను మరోసారి ముందుకు తీసుకెళ్లేందుకు అమెరికా యత్నిస్తున్నట్లు తెలుస్తోంది. ఈ నేపథ్యంలోనే రష్యా-ఉక్రెయిన్ యుద్ధానికి ముగింపు పలికేందుకు అమెరికా ప్రత్యేక ప్రతినిధులు స్టీవ్ విట్‌కాఫ్, జారెడ్ కుష్నర్ శనివారం మాస్కో చేరుకున్నారు. వీరికి రష్యా అధ్యక్షుడి ప్రత్యేక ప్రతినిధి కిరిల్ దిమిత్రియెవ్.. మాస్కో విమానాశ్రయంలో స్వాగతం పలికారు.యుద్దంపై ట్రంప్ ప్రకటన అమెరికా అధ్యక్షుడు డొనాల్డ్ ట్రంప్ ఈ అంశమై మాట్లాడుతూ యుద్ధానికి ముగింపు పలికేందుకు వాషింగ్టన్ వద్ద తాజాగా ఒక స్పష్టమైన ప్రతిపాదన ఉందని తెలిపారు.కాగా ఈ పర్యటన అనంతరం అమెరికా ప్రతినిధులు రేపు ఆదివారం అమెరికా ప్రతినిధులు మాస్కో పర్యటన ముగించుకుని ఆదివారం ఉక్రెయిన్‌కు వెళ్లనున్నట్లు సమాచారం

రష్యా నుంచి పాకిస్తాన్‌లోని కరాచీకి వెళ్తున్న ఓ నౌకపై (ఎంవీ బేరియన్‌) డ్రోన్ దాడి జరిగింది. ఈ దాడిలో నౌకలోని సిబ్బంది నివాస ప్రాంతం దెబ్బతినడంతో మంటలు చెలరేగాయి. దాడి సమయంలో నౌకలో 23 మంది భారతీయ నావికులు ఉన్నారు. వారంతా సురక్షితంగా బయటపడ్డారని తెలుస్తోంది. నౌక సమీపంలో మరో డ్రోన్‌ కూడా కనిపించినట్లు సమాచారం.హోర్ముజ్ ప్రాంతంలో పెరుగుతున్న ఉద్రిక్తతఅమెరికా-ఇరాన్ మధ్య కొనసాగుతున్న ఘర్షణల నేపథ్యంలో గల్ఫ్ ప్రాంతంలో వాణిజ్య నౌకల భద్రతపై ఆందోళనలు పెరుగుతున్నాయి. ముఖ్యంగా చమురు రవాణాకు కీలకమైన హర్మూజ్ జలసంధి పరిసర ప్రాంతాల్లో నౌకాయానానికి ముప్పు పెరిగింది.డ్రోన్ దాడులు, నౌకలపై దాడుల ముప్పు, సముద్ర మార్గాల్లో అంతరాయాల కారణంగా అంతర్జాతీయ షిప్పింగ్ సంస్థలు అప్రమత్తంగా వ్యవహరిస్తున్నాయి. హర్మూజ్ వద్ద పరిస్థితి మరింత దిగజారితే ప్రపంచవ్యాప్తంగా చమురు, సహజ వాయువు సరఫరాలపై భారీ ప్రభావం పడే అవకాశం ఉంది.స్పష్టత లేదుఎంవీ బేరియన్‌పై జరిగిన డ్రోన్‌ దాడి హర్మూజ్ జలసంధిలో జరిగిందా, లేక దాని సమీపంలో జరిగిందా అనేది ఇంకా స్పష్టంగా తెలియలేదు.నౌకపై దాడి జరిగిన ఖచ్చితమైన ప్రదేశాన్ని అధికారులు ఇంకా నిర్ధారించలేదు.చదవండి: అమెరికాలో డీజిల్ ధరలు ఆల్‌టైమ్ హై

కీవ్ :రష్యా నుంచి చమురు కొనకపోవడం వల్ల ప్రస్తుతం జరుగుతున్న యుద్ధం ఆగే పరిస్థితులు లేవని భారత విదేశాంగ శాఖ మంత్రి జైశంకర్‌ స్పష్టం చేశారు. దీర్ఘకాలికంగా జరుగుతున్న ఈ ఘర్షణను ఆపాలంటే ఇరు దేశాలు దౌత్యం, చర్యల సంప్రదింపుల ద్వారానే సమస్యను పరిష్కరించుకోవాలన్నారు. రష్యా నుంచి భారత్‌ చమురు కొనుగోలు చేస్తున్న నేపథ్యంలో పరోక్షంగా అమెరికా, ఉక్రెయిన్‌లకు చురకలింటించారు.ఉక్రెయిన్‌ పర్యటనలో ఉన్న భారత విదేశాంగ మంత్రి జైశంకర్‌ కీలక వ్యాఖ్యలు చేశారు. ప్రస్తుతం ప్రపంచ వ్యాప్తంగా ఇంధన కొరత ఏర్పడిన నేపథ్యంలో 140 కోట్ల మందికి ఇంధనాన్ని అందించడంలో ఉన్న సవాళ్లను అర్థం చేసుకోవాలన్నారు. చమురు కొనుగోళ్ల విషయంలో ఉక్రెయిన్‌కు స్పష్టంగా దృక్కోణం ఉంటుందని దానిని భారత్‌ గౌరవిస్తుందని అదే విధంగా భారత్‌ దృక్కోణాన్ని సైతం ఇతరులు గౌరవించాలని ఆశిస్తున్నట్లు జైశంకర్‌ పేర్కొన్నారు.ఆయన మాట్లాడుతూ "యుద్దం ‍ ఐదవ సంవత్సరంలోకి అడుగుపెడుతుంది. ఎవరో చమురు, అల్యూమినియం, ఖనిజాలు, లోహాలు లేదా ఎరువులు కొనడం లేదా కొనకపోవడం వల్ల పరిష్కారం కాదు. ఈ వివాదం చర్చలు, దౌత్యం, సంప్రదింపుల ద్వారానే పరిష్కారమవుతుంది," అని అన్నారు. ఉక్రెయిన్ విదేశాంగ మంత్రి ఆండ్రీ సిబిహాతో భేటీ అనంతరం నిర్వహించిన మీడియా సమావేశంలో ఈ వ్యాఖ్యలు చేశారు.కాగా గత నెలలో అధిక పన్నుల చట్టాన్ని చట్ట సభల్లో ప్రవేశపెట్టారు. రష్యా నుండి చమురు, గ్యాస్‌ను దిగుమతి చేసే దేశాలపై 100 శాతం వరకు సుంకాలు విధించే బిల్లును అమెరికా సెనేట్ లో ప్రవేశ పెట్టారు. అనంతరం దీనికి సెనేట్ ఆమోదం తెలిపింది. ఈ వాణిజ్యం మాస్కో ఆర్థిక వ్యవస్థకు మద్దతు ఇస్తుందని, సైనిక కార్యకలాపాలకు నిధులు సమకూర్చడంలో సహాయపడుతుందని అధిక పన్నులు విధిస్తున్నట్లు అమెరికా తెలిపింది. చమురు దిగుమతులుకాగా యుద్ధం ప్రారంభానికి ముందు (2021) వరకు, భారతదేశ ముడి చమురు దిగుమతులలో రష్యా చమురు వాటా కేవలం 0.2 శాతంగా మాత్రమే ఉండేది. అయితే, 2022 ఫిబ్రవరిలో రష్యా దాడి చేసిన తరువాత, పాశ్చాత్య దేశాలు మాస్కోను బహిష్కరించడంతో తక్కువ ధరకు లభించే రష్యా ముడి చమురుకు న్యూఢిల్లీ అతిపెద్ద కొనుగోలుదారుగా మారింది.భారతదేశం తన ముడి చమురులో సుమారు 88 శాతాన్ని విదేశాల నుండి కొనుగోలు చేస్తుంది, దీనిని పెట్రోల్, డీజిల్ వంటి ఇంధనాలుగా మారుస్తారు. అందులో మూడింట ఒక వంతు రష్యా నుండే వస్తుంది. భారతదేశ ముడి చమురు దిగుమతులలో 40 శాతానికి పైగా ఉంటుంది. క్లెప్లర్ డేటా ప్రకారం, ఆగస్టులో భారతదేశం రష్యా నుండి రోజుకు సుమారు 2.1 మిలియన్ బ్యారెళ్ల ముడి చమురును దిగుమతి చేసుకుంది.

వార్సా: లీప్జిగ్‌ విమానాశ్రయంపై ఆగస్ట్‌ 4వ తేదీన రష్యా డ్రోన్‌ దాడికి యతి్నంచిందన్న జర్మనీ ఆరోపణ తీవ్ర దుమారం రేపింది. ఈ ఆరోపణను తీవ్రంగా ఖండించిన రష్యా..మరో అడుగుముందుకేసి, తమ దేశంలోని జర్మన్‌ సాంస్కృతి కేంద్రాలను మూసివేయాలని ఆదేశించింది. మాస్కోతోపాటు సెయింట్‌ పీటర్స్‌బర్గ్, ఎక్తెరినాబర్గ్‌ నగరాల్లోని గోతె ఇన్‌స్టిట్యూట్‌ ఆధ్వర్యంలో నడిచే కల్చరల్‌ సెంటర్లను మూసివేయాలని ఆదేశాలు జారీ చేసినట్లు రష్యా విదేశాంగ మంత్రి సెర్గీ లావ్‌రోవ్‌ బుధవారం చెప్పారు. బదులుగా, బాన్‌లోని రష్యా కాన్సులేట్, బెర్లిన్‌లోని రష్యన్‌ హౌస్‌ కల్చరల్‌సెంటర్‌ను కూడా తాము మూసివేస్తున్నట్లు జర్మనీ ప్రకటించింది. గురువారం మ్యూనిక్‌లో రక్షణ రంగ సంస్థల సముదాయం పక్కన నిర్మాణంలో ఉన్న భవనంపై గుర్తు తెలియని వస్తువులను విసిరేయగా, అవి మండిపోయాయని జర్మనీ తెలిపింది. ఇది రష్యా పనేనని ఆరోపించింది. తమపై నిత్యం రష్యా ఇలాంటి వాటికి పాల్పడుతోందని పేర్కొంది. కాగా, లీప్జిగ్‌ విమానాశ్రయంపై దాడికి నిరసనగా లండన్‌లోని రష్యా రాయబారికి యూకే ప్రభుత్వం గురువారం నోటీసు పంపింది. పోలెండ్, డెన్మార్క్, ఫిన్లాండ్, చెక్‌ రిపబ్లిక్, లిథువేనియా కూడా తమ దేశాల్లోని రష్యా బారులకు నోటీసులు పంపాయి. ఉక్రెయిన్‌పై యుద్ధం ప్రకటించిన రష్యాతో ఇప్పటికే దాదాపుగా యూరప్‌ దేశాలన్నీ తెగదెంపులు చేసుకున్న వేళ చోటుచేసుకున్న ఈ పరిణామం, మరిన్ని చర్యలకు దారి తీయనుందని విశ్లేషకులు భావిస్తున్నారు. రష్యా తీరుపై ఇప్పటికే భయపడుతున్న యూరప్‌ దేశాలు ముందస్తు భద్రతా చర్యలను మొదలుపెట్టాయి. గురువారం ఫిన్లాండ్‌ రాజధాని హెల్సింకిలో 2 వేల మంది పౌర రక్షణ విన్యాసాల్లో పాలుపంచుకున్నారు. రెండో ప్రపంచ యుద్ధం తర్వాత యూరప్‌లో చేపట్టిన అతి పెద్ద విన్యాసంగా దీనిని భావిస్తున్నారు. రష్యా తమ ఆయుధ కంపెనీలు, వివిధ సంస్థలను లక్ష్యంగా చేసుకుంటోందని డెన్మార్క్‌ సైతం ఆరోపిస్తోంది. 7

ప్రపంచ సగటుతో పోలిస్తే వేగంగా పెరుగుతున్న ఆర్కిటిక్‌ సముద్ర ఉపరితల ఉష్ణోగ్రతలు, గ్రీన్‌ లాండ్‌ను వశం చేసుకుంటామనే ట్రంప్‌ బెదిరింపులు, అసాధారణ స్థాయిలో కరిగిపోతున్న మంచు; రష్యా, ఇరాన్‌లపైన అమెరికా ఆర్థిక యుద్ధం క్రమంగా ప్రపంచ దేశాలను ఆర్కిటిక్‌ సముద్ర జలాల వైపు నడిపిస్తున్నాయి. అమెరికా నాయకత్వంలోని పాశ్చాత్య దేశాల అదుపాజ్ఞలలో ఉన్న హార్మూజ్, బాబెల్‌ మాండెబ్, సూయెజ్, మలక్కా జలసంధుల నుండి దూరంగా సురక్షిత ఆర్కి టిక్‌ సముద్ర మార్గం గుండా సరకుల రవాణాకు రష్యా, చైనా పక్కా ప్రణాళికతో ముందుకెళుతున్నాయి. ఆసియా, ఐరోపాలను కలిపే కేప్‌ ఆఫ్‌ గుడ్‌హోప్, సూయెజ్‌ కాలువ మార్గాలలో అశాంతి, అనిశ్చిత స్థితి వలన అందరి చూపు ఆర్కిటిక్‌ వైపు మళ్లింది. ప్రపంచ సగటుతో పోల్చితే ఆర్కిటిక్‌ సముద్రంలో ఉష్ణోగ్రతలు మూడు నుండి నాలుగు రెట్లు వేగంగా పెరుగుతున్నాయి. దీనినే పర్యావరణ శాస్త్రజ్ఞులు ‘ఆర్కిటిక్‌ ఆంప్లిఫికేషన్‌ ’గా అభివర్ణిస్తున్నారు. పారిశ్రామిక విప్లవానికి ముందు ఉష్ణోగ్రతల కంటే ఐరోపాలో 2.4 డిగ్రీల సెల్సియస్‌ ఉష్ణోగ్రతలు పెరిగితే ఆర్కిటిక్‌ సముద్రంలో 3.3. డిగ్రీల సెల్సియస్‌ పెరిగింది. గత సంవత్సరంలో అంతకుముందు సంవత్సరంతో పోలిస్తే ఆర్కిటిక్‌లో 5.8 శాతం మంచుపొర క్షీణించింది. వేగంగా క్షీణిస్తున్న మంచుపొర ఆర్కిటిక్‌ జలాలను నౌకాయానానికి మరింత అనుకూలంగా చేస్తున్నది. రష్యాకు సానుకూలంఆర్కిటిక్‌ జలాలలో మూడు ప్రధాన నౌకా మార్గాలున్నాయి. అవి. 1. నైరుతి మార్గం 2. వాయవ్య మార్గం 3. ధ్రువ ప్రాంతం మీదుగా వెళ్లే (ట్రాన్స్‌ పోలార్‌) మార్గం. కెనడా తీరంలోని వాయవ్య మార్గంలో అనువైన రేవు పట్టణాలు లేవు. అందువలదన ఈ ప్రాంతంలో కేవలం విహార యాత్రికుల క్రూయిజ్‌ షిప్పులు, పరిశోధనా నౌకలు మాత్రమే సంచరిస్తున్నాయి. ఉత్తర ధ్రువాన్ని ఆనుకుని ఉన్న ట్రాన్స్‌పోలార్‌ మార్గం పూర్తిగా మంచుతో కప్పబడి నౌకాయానానికి ఏ మాత్రం వీలుగా లేదు. ప్రస్తుత ప్రపంచ దృష్టి అంతా రష్యా తీరంలోని నైరుతి ఆర్కిటిక్‌ సముద్ర మార్గంపైననే ఉన్నది. రష్యా తీరంలో ముర్‌మన్‌స్క్‌నుండి వ్లాదివోస్తోక్‌ మధ్యలో 70కి పైగా రేవు పట్టణాలు ఉన్నాయి. ముర్‌మన్‌స్క్‌ రేవు పట్టణం సంవత్సరం పొడవునా అందుబాటులో ఉంటుంది. రష్యన్‌ న్యూక్లియర్‌ ఐస్‌ బ్రేకర్‌ నౌకాదళ ప్రధాన కార్యాలయం ఇక్కడనే ఉన్నది. 2025లో ఈ ఆర్కిటిక్‌ సముద్ర మార్గం గుండా 37 మిలియన్‌ టన్నులుగా ఉన్న రవాణా 2026లో ఇప్పటికే 40 మిలియన్‌ టన్నులకు చేరింది. ఈ రవాణా ప్రధానంగా రష్యన్‌ చమురు, గ్యాస్‌ ఎగుమతుల రూపంలో ఉన్నది. యామాల్‌ ద్వీపకల్పంలోని నోవాటెక్‌ చమురు క్షేత్రాలలో ఉత్పత్తి అవుతున్న చమురు, సహజవాయువులను ఈ మార్గం గుండా చైనాకు ఎగుమతి చేస్తున్నారు. రష్యా–చైనా మధ్య గత సంవత్సరం 103 నౌకలు ఈ మార్గంలో ప్రయాణించాయి. ఈ మార్గంలో చమురు ట్యాంకర్లే కాకుండా క్రమంగా సరకుల రవాణా చేసే భారీ కంటెయినర్‌ కార్గో షిప్పుల ప్రయాణం కూడా ప్రారంభమైంది. 2023లో 7 కంటెయినర్‌ షిప్పులు ప్రయాణిస్తే ఈ సంవత్సరం ఇప్పటికే 30 కంటెయినర్‌ షిప్పులు ప్రయాణించాయి.చైనా వడి వడి అడుగులుచైనా వ్యూహాత్మకంగా ఆర్కిటిక్‌ సముద్ర మార్గంపై అమితా సక్తిని చూపిస్తున్నది. చైనాకు ఆర్కిటిక్‌ తీరం లేదు. 2013లో ఆర్కిటిక్‌ కౌన్సిల్‌లో అబ్జర్వర్‌గా చేరింది. 2017లో చైనా తన ప్రతిష్ఠాత్మక బెల్ట్‌ అండ్‌ రోడ్‌ ఇనిషియేటివ్‌ (బీఆర్‌ఐ) పథకాన్ని ఆర్కిటిక్‌కు విస్తరిస్తూ ‘పోలార్‌ సిల్క్‌ రోడ్‌’ను ప్రతిపాదించింది. 2018లో ఆర్కిటిక్‌ విధాన శ్వేతపత్రంలో చైనా తనను తాను ‘నియర్‌ ఆర్కిటిక్‌ స్టేట్‌’గా అభివర్ణించుకున్నది. ఆర్కిటిక్‌ సముద్ర జల మార్గంలో 2024లో 15 చైనా నౌకలు ప్రయాణించగా, వాటి సంఖ్య 2026 నాటికి 30కి పైగా చేరింది. చైనాలో నింగ్‌బో నుండి కంటె యినర్‌ షిప్పులు సూయెజ్‌ కాలువ గుండా ప్రయాణిస్తే యూకేలోని అతిపెద్ద కంటెయినర్‌ టర్మినల్‌ ఫీలిక్స్‌స్టోవే చేరటానికి 40 రోజులు పడుతుంది. ఆర్కిటిక్‌ సముద్ర మార్గంలో నింగ్‌బో నుండి ఫీలిక్స్‌ స్టోవేకు 20 రోజుల్లో చేరుతున్నారు. చైనాకు చెందిన సీవోఎస్‌సీవో (కాస్కో) ఈ మార్గంలో కంటెయినర్‌ రవాణాను చేపట్టింది. నౌకల రవాణాను సుగమం చేయటానికి చైనా ఆర్కిటెక్‌ జలాలలోకి గ్జ్యూ లాంగ్, గ్జ్యూ లాంగ్‌–2 ఐస్‌బ్రేకర్‌ షిప్పులను ప్రవేశపెట్టింది. 2025లో రష్యా, చైనా ఆర్కిటిక్‌ సముద్ర రవాణాలో పరస్పరం సహకరించుకోవటానికి ఒప్పందం కుదుర్చుకొన్నాయి.అంతర్జాతీయంగా రష్యన్‌ ఆర్థిక వ్యవస్థను నిర్వీర్యం చేయటానికి రష్యాపై అమెరికా తీవ్ర ఆంక్షలను విధించింది. అంతర్జాతీయ నెఫ్ట్‌ చెల్లింపుల వ్యవస్థ నుండి రష్యాను బహిష్కరించింది. అయి నప్పటికీ చైనా, భారత్, ఇరాన్‌ వంటి దేశాలతో లావాదేవీల ద్వారా రష్యా తన వాణిజ్యాన్ని కొనసాగిస్తున్నది. ఆర్కిటిక్‌ జలాలలో రష్యా–చైనా వ్యూహాలను అమెరికా, ఐరోపాలు నిశితంగా గమనిస్తున్నాయి. ప్రస్తుతం రష్యన్‌ ఆర్కిటిక్‌ ఎకానమీ, రష్యన్‌ జీడీపీలో పది శాతం కంటే తక్కువగానే ఉన్నది. కానీ రానున్న 20 సంవత్సరాలలో ఇది 60 శాతానికి చేరినా ఆశ్చర్యపడనవసరం లేదు. ఈ నేపథ్యంలోనే ట్రంప్‌ గ్రీన్‌ లాండ్‌ వివాదాన్ని భుజాలకెత్తుకున్నాడు. ఆర్కిటిక్‌ జలాలలో రష్యా–చైనా లపై నిఘా వేయటానికి గ్రీన్‌ లాండ్‌ కీలకం. అందుకే గ్రీన్‌లాండ్‌ను అమెరికాలో అంతర్భాగం చేయాలని పట్టు బడుతున్నాడు. 2026 ఫిబ్రవరిలో నాటో ‘ఆపరేషన్‌ ఆర్కిటిక్‌ సెంట్రీ’ని ప్రారంభించింది. ఇందులో భాగంగానే ఆర్కిటిక్‌ జలా లపై నాటో బలగాలు గట్టి నిఘాను పెడుతున్నాయి. అయితే ఆర్కిటిక్‌ రష్యాను ఎదుర్కొనే నౌకాశక్తిగానీ, ఐస్‌ బ్రేకింగ్‌ షిప్పుల సామ ర్థ్యాలుగానీ, యూఎస్, నాటోలకు లేవు. అదే రకంగా రష్యాకూ పరిమితులున్నాయి. రష్యా మీద ఆంక్షల వలన పాశ్చాత్య షిప్పింగ్‌ కంపెనీలు, బీమా కంపెనీలు ముందుకు రాకపోవడంతో ఆర్కిటిక్‌ ప్రపంచ రవాణా మార్గంగా అభివృద్ధి చెందటం కష్టం.భారత్‌ కార్యకలాపాలు1920 స్వాల్‌బార్డ్‌ ఒప్పందంపై సంతకం చేయటం ద్వారా భారత్‌ ఆర్కిటిక్‌ వైపు అడుగులు వేసింది. 2007లో తన మొదటి పరిశోధనా/ అన్వేషణ నౌకను ఆర్కిటిక్‌కు పంపించింది. 2013లో ఆర్కిటిక్‌ కౌన్సిల్‌లో అబ్జర్వర్‌గా చేరింది. 2022లో ఆర్కిటిక్‌ పాలసీని ప్రకటించింది. శాస్త్ర–వైజ్ఞానిక అంశాల లక్ష్యంగా ఉన్న ఆర్కిటిక్‌ సముద్ర జలాలను భారత్‌ 2022 తర్వాత వనరులు, ఆర్థిక లక్ష్యాలు, వ్యూహాత్మక కోణంలో నుండి పరిశీలించటం ప్రారంభించింది. 2024లో చెన్నై–వ్లాదివోస్తోక్‌ మార్గాన్ని ‘ఈస్టర్న్‌ మారిటైమ్‌ కారిడార్‌’గా అభివృద్ధి చేయటానికి రష్యాతో ఒప్పందం కుదుర్చు కున్నది. రష్యన్‌ ఆర్కిటిక్‌ తీరంలో ప్రాజెక్టుల అభివృద్ధికి ఒక బిలియన్‌ డాలర్ల లైన్‌ ఆఫ్‌ క్రెడిట్‌ను ఏర్పాటు చేసింది. వచ్చే సంవ త్సరం (2027)లో మొట్టమొదటి భారతీయ రవాణా నౌక ఆర్కిటిక్‌ జలాలలో ప్రయాణానికి సన్నాహాలు జరుగుతున్నాయి. గురజాల శ్రీనివాసరావు వ్యాసకర్త అడిషనల్‌ రిజిస్ట్రార్‌ (రిటైర్డ్‌);సివిల్స్, గ్రూప్‌–1 పోటీ పరీక్షల నిపుణులు

కీవ్‌: ఉక్రెయిన్‌ లక్ష్యంగా రష్యాసేనల దాడు లు బుధవారమూ కొనసాగాయి. దీంతో డినిప్రో నగరంలోని పలు అపార్ట్‌మెంట్‌ భవంతులు దాడులతో దద్దరిల్లాయి. బుధ వారం రష్యా జరిపిన 174 డ్రోన్‌ దాడులు, రెండు క్షిపణి దాడుల్లో ఇద్దరు ప్రాణాలు కోల్పోయారు. ఆరుగురు తీవ్రంగా గాయ పడ్డారు. యుద్ధం మొదలై నాలుగేళ్లు పూర్త యినా ఇరు దేశాల మధ్య దాడుల తీవ్రత ఏమాత్రం తగ్గట్లేదు. తూర్పు, దక్షిణ ఉక్రెయి న్‌ ప్రాంతాల్లో యుద్ధం తీవ్రస్థాయిలో కొనసాగుతోంది. సయోధ్యకు అమెరికా ప్రయత్నాలు చేస్తున్నప్పటికీ సానుకూల ఫలితాలు కనుచూపు మేరలో కన్పించట్లేవు. మరోవైపు మంగళవారం అర్ధరాత్రి తదుపరి దాడులు భీకరంగా ఉంటాయని అటు ఉక్రెయిన్‌ అధ్యక్షుడు జెలెన్‌స్కీ ఇటు రష్యా అధ్యక్షుడు పుతిన్‌ పరస్పరం హెచ్చరికలు చేసుకోవడం గమనార్హం. ‘‘రష్యా గగనత లంలో ప్రయాణించే విదేశీ ఎయిర్‌లైన్స్‌ సంస్థల విమానాలకు దాడులు ముప్పు పెరగొచ్చు. ఎందుకంటే ఉక్రెయిన్‌ దీర్ఘశ్రేణి డ్రోన్‌ దాడులతో పరిస్థితి మారుతోంది. శాంతి చర్చలకు ముందుకొచ్చేలా రష్యాపై ఒత్తిడి పెంచడమే మా లక్ష్యం’’ అని జెలెన్‌స్కీ అన్నారు. దీనిపై పుతిన్‌ ఆగ్రహం వ్యక్తంచేశారు. ‘‘ఇది ప్రభుత్వ ప్రయోజిత ఉగ్రవాదంలా ఉంది. ఇలాంటి ఉగ్రవాదులతో మేం చర్చలు జరపబోం’’ అని అన్నారు. పుతిన్‌ వ్యాఖ్యలను ఉక్రెయిన్‌లోని తప్పుడువార్తలను ఖండించే ప్రభుత్వ విభాగం తప్పుబట్టింది. ‘‘రష్యానే ఏకపక్షంగా ఈ యుద్ధం మొదలెట్టింది. రోజూ ఉక్రెయిన్‌ అమాయక పౌరులను లక్ష్యంగా చేసుకుని దాడులకు తెగబడుతోంది. తీరా ఇప్పుడేమో మమ్మల్ని ఉగ్రవాదులు అంటోంది. తమను బాధిత దేశంగా చిత్రీకరించుకునే కుట్ర ఇది’’ అని ఆ విభాగం తూర్పారబట్టింది. ‘‘ఉక్రెయిన్‌ బెదిరింపులకు బెదరబోం. మా గగనతల రక్షణకు అత్యంత ప్రాధాన్యతనిస్తాం. విమానాల రాకపోకలకు యతాతథంగా సాగుతాయి’’ అని రష్యా రవాణా మంత్రి ఆండ్రీ నికితిన్‌ తెలిపారు. మరోవైపు ఉక్రెయిన్‌ దాడులతో బెల్గార్డ్‌ సరిహద్దు ప్రాంతంలో ఇద్దరు చనిపోయారని రష్యా రక్షణ శాఖ బుధవారం తెలిపింది. 130 డ్రోన్లను కూల్చేశామని వెల్లడించింది.

ఉక్రెయిన్‌పై యుద్ధంపై రష్యా అధ్యక్షుడు వ్లాదిమిర్‌ పుతిన్‌ కీలక వ్యాఖ్యలు చేశారు. శాంతి చర్చలకు మాస్కో ఎప్పుడూ సిద్ధంగానే ఉంటుందని అన్నారాయన. అయితే వ్లాదిమిర్‌ జెలెన్‌స్కీ నేతృత్వంలోని ఉక్రెయిన్‌ నాయకత్వాన్ని ‘ఉగ్రవాదులు’గా అభివర్ణిస్తూ.. వారితో చర్చలు జరపడం సాధ్యం కాదని తేల్చిచెప్పారు. కిర్గిజిస్థాన్‌ రాజధాని బిష్కెక్‌లో జరిగిన షాంఘై కోఆపరేషన్‌ ఆర్గనైజేషన్‌ (SCO) సదస్సు ముగిసిన తర్వాత మీడియా సమావేశంలో ఆయన మాట్లాడుతూ..ఉక్రెయిన్‌తో యుద్ధంలో రష్యా దూసుకెళ్తోందని పుతిన్‌ ప్రకటించారు. రష్యా సేనల పురోగతి వేగం పెరిగిందని, ఉక్రెయిన్‌ బలగాలు త్వరలో కుప్పకూలుతాయని ధీమా వ్యక్తం చేశారు. జెలెన్‌స్కీ ఉన్నంతకాలం శాంతి చర్చలు జరగడం అనుమానమే అని వ్యాఖ్యానించారాయన. చర్చలనేవి జరిగితే.. ఉక్రెయిన్‌ నాయకత్వం మారిన తర్వాతే అనే సంకేతాలు ఇచ్చారు.ముందుకు దూసుకెళ్తున్నాం..ఆగస్టులో డొనెట్స్క్‌ ప్రాంతంలో 270 చదరపు కిలోమీటర్ల భూభాగాన్ని స్వాధీనం చేసుకున్నామని పుతిన్‌ ఈ సందర్భంగా ప్రకటించారు. రష్యా సైన్యం చాకచక్యంగా 4,500–4,800 మంది, మరో 2,000 మంది ఉక్రెయిన్‌ సైనికులతో కూడిన రెండు బృందాలను చుట్టుముట్టిందని పేర్కొన్నారు. స్లోవియాన్స్‌క్‌, క్రామటోర్స్క్‌ నగరాల వైపు రష్యా బలగాలు ముందుకు సాగుతున్నాయని చెప్పారు. ఈ వాదనలను స్వతంత్రంగా నిర్ధారించలేదని రాయిటర్స్‌ తెలిపింది.‘డ్రోన్లతో ఉగ్రవాదం’రష్యాలోకి ఉక్రెయిన్‌ జరుపుతున్న డ్రోన్‌ దాడులను పుతిన్‌ తీవ్రంగా తప్పుబట్టారు. ఉగ్రవాదం మరో స్థాయికి చేరిందని ఆగ్రహం వ్యక్తం చేశారు. ఆరోపించారు. రష్యా చమురు శుద్ధి కర్మాగారాలపై దాడులతో నష్టం జరిగినట్లు తొలిసారిగా అంగీకరించిన ఆయన.. తమ రిఫైనరీల్లో కేవలం 10 శాతం మాత్రమే మరమ్మతులు అవసరమని చెప్పారు.చర్చలకు ఓకే.. కానీ!యుద్ధాన్ని పూర్తిగా ముగించే ఉద్దేశంతో జరిగే చర్చలకు రష్యా సిద్ధంగా ఉందని పుతిన్‌ తెలిపారు. అమెరికా అధ్యక్షుడు డొనాల్డ్‌ ట్రంప్‌ ప్రతినిధులతో చర్చలకు కూడా తాము వ్యతిరేకం కాదన్నారు. అయితే చర్చల ప్రక్రియను సాగదీస్తూ కాలయాపన చేయడం మాత్రం అంగీకరించబోమని స్పష్టం చేశారు.కొత్త సైనిక సమీకరణ ఉండదురష్యాలో మరోసారి సైనిక సమీకరణ చేపట్టాల్సి వస్తుందన్న ప్రచారాన్ని పుతిన్‌ కొట్టిపారేశారు. అదంతా ‘పచ్చి అర్ధంలేని మాటలు’ అని వ్యాఖ్యానించారు. రష్యా సైనిక పరిస్థితి బలంగానే ఉందన్న సందేశాన్ని పుతిన్‌ తాజా వ్యాఖ్యల ద్వారా ఇచ్చారు.

లైప్‌జిగ్ విమానాశ్రయంపై గత నెల జరిగిన డ్రోన్ దాడి వెనుక రష్యా ఉందని జర్మనీ ప్రభుత్వం ప్రకటించింది. ఆగస్టు 4న పేలుడు పదార్థాలతో కూడిన డ్రోన్‌ను విమానాశ్రయంలో గుర్తించారు. అది పేలకపోవడానికి డిటోనేటర్‌లో లోపమే కారణమని దర్యాప్తులో తేలింది.మరో డ్రోన్ సమీపంలోని ఉక్రెయిన్ కార్గో విమానాన్ని ఢీకొన్నట్లు అధికారులు అనుమానిస్తున్నారు. 10 రోజుల తర్వాత విమానాశ్రయం సమీపంలో మూడో డ్రోన్‌ను కూడా గుర్తించారు.ఈ దాడి యూరప్‌లో రష్యా చేపడుతున్న హైబ్రిడ్ ఆపరేషన్లకు నమూనాలా ఉందని జర్మనీ అంతర్గత వ్యవహారాల మంత్రి అలెగ్జాండర్ డోబ్రిండ్ట్ తెలిపారు. పరికరాల పరిశీలన, నిఘా సమాచారంతో రష్యా ప్రమేయానికి ఆధారాలు లభించాయని ఆయన చెప్పారు.అయితే రష్యా ఈ ఆరోపణలను తీవ్రంగా ఖండించింది. బెర్లిన్‌లోని రష్యా రాయబార కార్యాలయం ఆరోపణలను అసంబద్ధమైనవిగా పేర్కొంది.రష్యాపై జర్మనీ కీలక చర్యలువిమానాశ్రయంపై దాడిలో రష్యా ప్రమేయం నేపథ్యంలో బాన్‌లోని రష్యా కాన్సులేట్‌ను మూసివేయాలని జర్మనీ విదేశాంగ మంత్రి జోహాన్ వేడ్‌ఫుల్ ప్రకటించారు. బెర్లిన్‌లోని రష్యన్ హౌస్ ఒప్పందాన్ని కూడా రద్దు చేయనున్నట్లు తెలిపారు. చదవండి: అమెరికా స్థావరాలపై ఇరాన్ ప్రతీకార దాడులు

అమెరికా అధ్యక్షుడు డోనాల్డ్‌ ట్రంప్‌ దూకుడుతో అన్ని దేశాలూ కొత్త కొత్త దారులు వెదుక్కుంటున్నాయి. ఉన్న కూటములు విస్తరిస్తున్నాయి. సైనిక సహకార ఒప్పందాలు పుట్టుకొస్తున్నాయి. మంగళవారం ముగిసిన రెండు రోజుల షాంఘై సహకార సంస్థ (ఎస్‌సీఓ) శిఖరాగ్ర సమావేశాలు దీన్నే నిరూపించాయి. 2001లో అయిదు సభ్యదేశాలతో మొదలైన ఆ సంస్థ 2017లో మనదేశంతోపాటు పాకిస్తాన్‌ను కూడా చేర్చుకోగా... 2023లో ఇరాన్, ఆ మరుసటి ఏడాది బెలారస్‌ కూడా సంస్థలోకి ప్రవేశించాయి. ఈసారి తుర్కియే, అజర్‌బైజాన్, ఆర్మేనియా, మంగోలియా, లావోస్, టోగో, నేపాల్, మాల్దీవులు, బహ్రెయిన్, శ్రీలంక తదితర 14 దేశాలు ‘సంభాషణ భాగస్వాములు’గా ఇందులో పాలుపంచుకున్నాయి. ఎస్‌సీఓ పాతికేళ్ల ప్రస్థానాన్ని జాగ్రత్తగా గమనిస్తే అది క్రమేపీ రష్యా పరిధినుంచి చైనా పరిధిలోకి జారుకుంటున్నదన్న అభిప్రాయం కలుగుతుంది. ఇప్పటికైతే మధ్య ఆసియాలోని పూర్వపు సోవియెట్‌ ప్రాంతాలైన కజఖ్‌స్తాన్, కిర్గిస్తాన్, తజికిస్తాన్, తుర్కుమెనిస్తాన్, ఉజ్బెకిస్తాన్‌లు భద్రత, సంస్కృతి, సంస్థాగత, వ్యూహాత్మక అంశాల్లో ఇంకా రష్యాకు సాన్నిహిత్యంగానే ఉన్నాయి. అది కొనసాగుతుంది కూడా. కానీ మరోపక్క ఈ దేశాల్లో చైనా ఆర్థిక ప్రాబల్యం పెరుగుతోంది. అది ఈసారి సమావేశాల్లో బాహాటంగానే కనబడింది. చైనాను పశ్చిమాసియా, యూరప్, పశ్చిమాసియాలతో అనుసంధానించే బెల్ట్‌ అండ్‌ రోడ్‌ ఇన్షియేటివ్‌(బీఆర్‌ఐ) బృహత్తర ప్రాజెక్టు ద్వారా వచ్చే రోడ్లు, రైల్వేలు, పైప్‌లైన్లు, పోర్టులు వగైరాలు తమ ప్రాంత ఆర్థిక చిత్రాన్ని సమూలంగా మార్చేస్తాయని ఆ దేశాలు భావిస్తున్నాయి. చైనా వీటికి ఆయుధ సామగ్రి విక్రయాన్ని కూడా మొదలెట్టింది. అసలే ఆర్థికంగా అంతంత మాత్రంగా ఉండే రష్యా ఉక్రెయిన్‌తో యుద్ధానికి దిగి మరింత నష్టపోయింది. ఈ దశలో చైనాతో భాగస్వామ్యం కలిసొస్తుందని పూర్వపు సోవియెట్‌ దేశాలు భావించటంలో వింతేమీ లేదు. ఇప్పుడున్న అంతర్జాతీయ పరిస్థితుల్లో ఈ విషయంలో చైనాతో విభేదించే ఓపిక, తీరిక రష్యాకు లేవు. అందుకే ఈ పరిణామాలను మౌనంగా వీక్షిస్తోంది. ఈ నేపథ్యంలో మన దేశం కూడా ఆచితూచి అడుగేయటం అవసరం. ప్రధాని నరేంద్ర మోదీ సెక్యూరిటీ (భద్రత), కనెక్టివిటీ (అనుసంధానం), ఆపర్చ్యునిటీ (అవకాశం) అనే మూడుస్తంభాలుగా ఎస్‌సీఓ దేశాలమధ్య సహకారం పటిష్టపడాలనీ... అది కొలవగలిగే ఫలితాల సాధన దిశగా ఉండాలనీ సదస్సులో పిలుపునివ్వటం గమనించదగింది. చైనా మాదిరే ఆ సంస్థ ఛత్రఛాయలో మనం కూడా ఎదగటానికి, ఆర్థికంగా విస్తరించటానికి మరింతగా ప్రయత్నించాల్సి వుంది. ఇందుకు అవరోధాలు తక్కువేం లేవు. సంస్థలోని రెండు సభ్య దేశాలు రష్యా, ఇరాన్‌ యుద్ధాల్లో కూరుకుపోయాయి. వాటితో ఒప్పందాలు కుదుర్చుకునే దేశాలపై అమెరికా ఆంక్షల కత్తి వేలాడుతోంది. భారత్, పాకిస్తాన్‌ మధ్య వైరం అలాగే ఉంది. అమెరికా ఒత్తిళ్ల కారణంగా ఇరాన్‌ నుంచి మన దేశం చమురు కొనుగోళ్లను గణనీయంగా తగ్గించుకుంది. ఏడేళ్ల తర్వాత ఇటీవలే ముడి చమురు దిగుమతి చేసుకుంది. ఇరాన్‌ అధ్యక్షుడు మసూద్‌ పెజెష్కియాన్‌తో జరిగిన ద్వైపాక్షిక సమావేశంలో రాగల కాలంలో ఆ దేశంతో మరిన్ని రంగాలకు వాణిజ్యాన్ని విస్తరించదల్చుకున్నట్టు మోదీ చెప్పారు. ఇరాన్‌పై మహా ఆర్థిక దిగ్బంధనాన్ని అమలు చేస్తామని అమెరికా ప్రకటించిన నేపథ్యంలో ఇది కీలక వాగ్దానం. భిన్న ప్రయోజనాలున్న, వివిధ రాజకీయ వ్యవస్థలున్న దేశాలమధ్య అర్థవంతమైన సహకారం విస్తరించటం అంత సులభమేమీ కాదు. ఈ పాతికేళ్లలో గణనీయంగా పెరిగిన ఎస్‌సీఓ... ఉగ్రవాదం, వేర్పాటువాదం, తీవ్రవాదాలను సమర్థవంతంగా ఎదుర్కొనాలన్న చైనా ప్రతిపాదనకు ఇప్పటికీ కట్టుబడే ఉన్నా, ఆచరణలో అదేమీ అమలుకావటం లేదు. మన దేశంలో ఉగ్రవాద దాడుల వెనక తన హస్తం లేదని దబాయించటంతోపాటు తమ దగ్గర జరిగే అలాంటి దాడుల్లో భారత్‌ ప్రమేయం ఉందని పాకిస్తాన్‌ ఎదురు ఆరోపిస్తోంది. ఇలాంటి డ్రామాలు కట్టిపెట్టి సభ్యదేశాలు చిత్తశుద్ధితో వ్యవహరించినప్పుడే ఏ సంస్థలైనా లక్ష్యసాధనలో విజయం సాధిస్తాయి. ఎస్‌సీఓ విస్తరణ మంచిదే... దాని మాటెలావున్నా ఆ సంస్థ బలపడాలంటే పెడ ధోరణులను అరికట్టడం తప్పనిసరి.

ఉక్రెయిన్‌పై రష్యా దాడులు తీవ్రతరం చేసింది. ఆ దేశ రైల్వే నెట్‌వర్క్‌ లక్ష్యంగా భారీ దాడులకు పాల్పడింది. మంగళవారం జరిగిన తాజా దాడిలో లోకోమోటివ్ డిపోపై బాలిస్టిక్ క్షిపణి పడటంతో ఆరుగురు రైల్వే సిబ్బంది మృతి చెందారు.రష్యా దాడుల కారణంగా ఉక్రెయిన్ రైల్వే వ్యవస్థకు భారీ నష్టం వాటిల్లింది. ఈ ఏడాది ఇప్పటివరకు రైల్వే నెట్‌వర్క్‌పై 1500కు పైగా దాడులు జరిగినట్లు ఉక్రెయిన్ అధికారులు తెలిపారు.యుద్ధం ప్రారంభమైనప్పటి నుంచి 58 మంది రైల్వే సిబ్బంది ప్రాణాలు కోల్పోగా, 318 మందికి పైగా గాయపడ్డారు. రైళ్ల రాకపోకలకు అంతరాయం ఏర్పడి, కొన్ని సర్వీసులు 12 నుంచి 15 గంటల వరకు ఆలస్యమవుతున్నాయి.మరోవైపు కీవ్ ప్రాంతంలో జరిగిన భారీ దాడుల్లో మొత్తం 12 మంది మృతి చెందగా, మరో 12 మంది గాయపడ్డారు. వీరిలో ముగ్గురు చిన్నారులు ఉన్నారు.చదవండి: రష్యా చమురుక్షేత్రంపై దాడి

రష్యా తన పాఠశాల విద్యలో సైనిక శిక్షణను పెంచుతూ, చిన్న వయసు నుంచే పిల్లలను భవిష్యత్ యుద్ధాలకు సిద్ధం చేస్తోంది. రష్యా–ఉక్రెయిన్ యుద్ధం కొనసాగుతున్న నేపథ్యంలో, రష్యా ప్రభుత్వం తరువాతి తరం యువతను సైనిక దృక్పథంతో తీర్చిదిద్దేందుకు విద్యా వ్యవస్థను ఇలా మార్చుతోంది.రష్యాలో పాఠశాలలకు తిరిగి వచ్చే విద్యార్థులకు “మాతృభూమి భద్రత, రక్షణ ప్రాథమిక అంశాలు” అనే కోర్సులో సైనిక శిక్షణకు ఎక్కువ ప్రాధాన్యం ఇవ్వనున్నారు. 13 ఏళ్ల వయసు నుంచే విద్యార్థులకు మెషిన్ గన్స్, యాంటీ-ట్యాంక్ ఆయుధాలు, హ్యాండ్ గ్రెనేడ్లు వంటి ప్రధాన ఆయుధాల గురించి శిక్షణ ఇస్తారు. అత్యవసర పరిస్థితుల్లో ఫీల్డ్ మెడిసిన్, ప్రాథమిక చికిత్స, సైనిక క్రమశిక్షణ వంటి అంశాలను కూడా నేర్పించనున్నారు.కొత్త పాఠ్య ప్రణాళికలో ఈ కోర్సులోని తరగతుల్లో సగం సైనిక శిక్షణకే కేటాయించాలని రష్యా విద్యా మంత్రిత్వ శాఖ ఆదేశించింది. గతంలో కూడా కొన్ని పాఠశాలల్లో పరిమిత స్థాయిలో ఇలాంటి శిక్షణ ఉండేది. అయితే ఇప్పుడు దాన్ని చిన్న వయసు పిల్లల వరకు విస్తరించడం కీలక మార్పు. దీని వెనుక ఉద్దేశం రష్యా యువతలో దేశభక్తి, సైనిక క్రమశిక్షణ, యుద్ధానికి సిద్ధంగా ఉండే మానసిక సామర్థ్యాన్ని పెంచడమే.మొత్తంగా, రష్యా పాఠశాలల్లో జరుగుతున్న ఈ మార్పును కథనం విద్యా వ్యవస్థలో పెరుగుతున్న సైనికీకరణగా వివరిస్తోంది. రష్యా పిల్లలకు పుస్తకాలతో పాటు ఆయుధాలు, యుద్ధ నైపుణ్యాలు నేర్పిస్తూ భవిష్యత్ సైనిక తరాన్ని తయారు చేస్తోంది.నేటి నుంచే విద్యా సంవత్సరం ప్రారంభంరష్యాలోని అన్ని పాఠశాలల్లో కొత్త విద్యా సంవత్సరం మంగళవారం (సెప్టెంబర్ 1న) ప్రారంభమైంది. ఈ రోజును ‘నాలెడ్జ్ డే’గా పిలుస్తారు. ఇటీవలి సంవత్సరాల్లో పుతిన్ ఈ సందర్భాన్ని పురస్కరించుకుని పిల్లలతో ‘ముఖ్యమైన విషయాలపై సంభాషణలు’ పేరుతో ఒక పాఠాన్ని నిర్వహిస్తున్నారు.క్రెమ్లిన్ అభిప్రాయాలైన దేశభక్తి, రష్యా చరిత్రను పిల్లల్లో పెంపొందించేందుకు ఈ తప్పనిసరి తరగతిని సెప్టెంబర్ 2022లో ప్రవేశపెట్టారు. ఇందులో ఉక్రెయిన్‌పై పూర్తిస్థాయి దండయాత్ర గురించి కూడా బోధిస్తారు. ఈ ఏడాది ప్రీ-స్కూల్ పిల్లల కోసం ఆటల ఆధారంగా రూపొందించిన రూపాన్ని కిండర్‌గార్టెన్లలో ప్రవేశపెడుతున్నారు.రష్యా ఆక్రమణలో ఉన్న తూర్పు, దక్షిణ ఉక్రెయిన్ ప్రాంతాల్లో పాఠశాల విద్యను పూర్తిగా మార్చేస్తున్నారు. ఇది సాంస్కృతిక చెరిపివేతకు దారితీస్తోంది. ఈ ఏడాది ప్రవేశపెట్టిన కొత్త ప్రభుత్వ ఆమోదిత చరిత్ర పాఠ్యపుస్తకాల్లో మాస్కో నియంత్రణలో ఉన్న డొనెట్స్క్, లుహాన్స్క్, జపోరిజ్జియా, ఖెర్సాన్ ప్రాంతాల భూమి ఎప్పటినుంచో రష్యాదేనని పిల్లలకు బోధించనున్నారు.

బిష్కెక్‌: ప్రస్తుత కాలంలో యుద్ధం వల్ల ముందుకు వెళ్లలేమని భారత ప్రధాని నరేంద్ర మోదీ తేల్చిచెప్పారు. రష్యా అధ్యక్షుడు పుతిన్‌తో భేటీ సందర్భంగా కీలక వ్యాఖ్యలు చేశారు. అంతులేని యుద్ధం నుండి బయిటపడి యుద్ధానికి ముగింపు పలికే దిశగా మందుకు సాగాలని కోరారు. భారత్ ఎల్లప్పుడూ శాంతికి మద్దతు ఇస్తుందని స్పష్టం చేశారు. ఈ రోజు(సోమవారం) కిర్గిజిస్థాన్ రాజధాని బిష్కెక్‌లో జరిగిన షాంఘై సహకార సంస్థ (SCO) సదస్సు సందర్భంగా రష్యా అధ్యక్షుడు వ్లాదిమిర్ పుతిన్‌తో మోదీ ద్వైపాక్షిక సమావేశం నిర్వహించారు. రష్యా- ఉక్రెయిన్‌ యుద్ధం ప్రారంభమై దాదాపు నాలుగేళ్లు పూర్తయింది. అయినప్పటికీ యుద్ధం ఇంకా ఉద్రిక్తంగానే సాగుతుంది. ఈ నేపథ్యంలో మోదీ,పుతిన్‌ మధ్య కీలక భేటీ జరిగింది. పుతిన్‌తో సమావేశంలో మోదీ మాట్లాడుతూ, “మనం అంతులేని యుద్ధం నుంచి బయటపడి, యుద్ధానికి ముగింపు పలికే దిశగా ముందుకు సాగాలి. ఇది మానవాళి సంక్షేమానికి ఎంతో అవసరం. అన్ని సమస్యలకు వీలైనంత త్వరగా శాంతియుత పరిష్కారం లభించాలి. ఇదే మానవాళి ఆకాంక్ష, ఇదే భారతదేశ సందేశం” అని అన్నారు.భారత్‌ శాంతి సంప్రదాయాన్ని కూడా మోదీ ఈ సందర్భంగా గుర్తు చేశారు. “గాంధీ పుట్టిన నేల, బుద్ధుని నేల — ఈ రెండు నేలలు ఒకే సందేశాన్ని పంచుకుంటాయి. ఆ సందేశం శాంతి మార్గం” అని ఆయన అన్నారు. అంటే మహాత్మా గాంధీ, గౌతమ బుద్ధుల బోధనలు రెండూ కూడా హింసకు బదులుగా శాంతి, సామరస్యం, సమస్యలకు శాంతియుత పరిష్కారం వైపు నడిపిస్తాయని పుతిన్‌కు పరోక్షంగా సూచించారు. భారత్ శాంతి కోసం జరుగుతున్న అన్ని ప్రయత్నాలకు మద్దతుగా నిలుస్తుందని కూడా మోదీ స్పష్టం చేశారు.యుద్ధమనేది మానవాళిని ప్రతిరోజూ వెనక్కి నెడుతుంది. అదే సమయంలో శాంతి వైపు వేసే ప్రతి అడుగు మానవాళిలో కొత్త ఆశను, కొత్త ఉత్సాహాన్ని నింపుతుంది” అని ఆయన పేర్కొన్నారు. కాగా గతేడాది పుతిన్‌ భారత పర్యటన తర్వాత మోదీ, పుతిన్‌లు ప్రత్యక్షంగా కలుసుకున్న సందర్భం ఇదే. ఈ సందర్భంగా సమావేశానికి ముందు ఇరువురు నేతలు ఆప్యాయంగా ఆలింగనం చేసుకున్నారు.తాజా సమావేశంలో మోదీ పుతిన్‌ను భారత్‌లో జరగనున్న BRICS సదస్సుకు కూడా ఆహ్వానించారు. భారత్ కొన్ని రోజుల్లో BRICS సదస్సుకు ఆతిథ్యం ఇవ్వనుందని, పుతిన్‌తో పాటు ఆయన ప్రతినిధి బృందానికి స్వాగతం పలకడానికి భారతీయులందరూ ఎంతో ఆసక్తిగా ఎదురుచూస్తున్నారని మోదీ చెప్పారు.

యాకుట్సిక్, సఖా రిపబ్లిక్‌ క్షణాల్లో వేడి నీళ్లను మంచులా మార్చేసే చలి. ప్రతీ క్షణం జీవితాన్ని ఒక అడ్వెంచర్‌గా మార్చే వాతావరణం. ఈ నగరంలో చలికాలంలో టెంపరేచర్‌ మైనస్‌ 50 డిగ్రీల కంటే తక్కువకు పడిపోతుంది. ఈ ప్రదేశమే రష్యాలోని సఖా రిపబ్లిక్‌ రాజధాని యాకుట్సిక్‌.సైబీరియాలోని ఈశాన్య ప్రాంతంలో లెనా నది తీరంలో ఉన్న యాకుట్సిక్‌ను ప్రపంచంలోనే అత్యంత కోల్డోస్ట్‌ సిటీల్లో ఒకటిగా చెబుతారు. శీతాకాలంలో ఇక్కడ ఉష్ణోగ్రతలు గణనీయంగా పడిపోతాయి. దాదాపు ఏడు నెలల పాటు ఉండే చలికాలంలో లైఫ్‌ ప్రతీ రోజు ఒక ఛాలెంజ్‌లా ఉంటుంది.సిమెంట్‌ పిల్లర్స్‌పై నిలబడే ఇల్లు యాకుట్సిక్‌ ఉన్న సఖాలో ప్రాంతంలో అధిక భాగం పర్మాఫ్రాస్ట్‌ నేల ఉంటుంది. అంటే భూమి లోపలి పొరలు వందల మీటర్ల లోతు వరకు శాశ్వతంగా గడ్డకట్టిన స్థితిలో ఉంటాయి. ఇక్కడ ఇల్లు కట్టుకోవడం అంటే మంచు గడ్డపై నిలబడే ప్రయత్నం చేయడం లాంటిదే. అందుకే ఇంటి నిర్మాణం కోసం డిఫరెంట్‌ టెక్నాలజీని వినియోగిస్తారు. ఇంటిని బలమైన పైల్స్‌పై అంటే పొడుగాటి పిల్లర్స్‌పై నిర్మిస్తారు. ఇంటి నుంచి బయటికి వచ్చే వేడి వల్ల అక్కడి గడ్డకట్టిన నేల కరగకుండా గ్యాప్‌తో నిర్మిస్తారు.నీటి పైపులు కూడా బయటే మన ఇంటి పైపులు సాధారణంగా అయితే భూమిలోపల ఉంటాయి కదా.. కానీ ఇక్కడ మాత్రం భూమిపైనే ఈ పైపులను అంటే నీరు, హీటింగ్, గ్యాస్‌లాంటి ఇంధన సరఫరా వ్యవస్థలకు సంబంధించిన పైపులను భూమిపైనే ఏర్పాటు చేస్తారు. ఎందుకంటే ఈ పైపులు భూమిలోపల ఉంటే వాటి మెయింటెనెన్స్‌ చాలా కష్టం. బయటి ఉష్ణోగ్రతలను తట్టుకునేందుకు వీటికి స్పెషల్‌ ఇన్సులేషన్‌ ఏర్పాటు చేస్తారు.ఇంతటి అత్యంత చల్లని వాతావరణంలోనూ యాకుట్సిక్‌లో లక్షలాది మంది ప్రజలు సాధారణంగా జీవిస్తారు. స్కూల్స్, ఆఫీసులు, షాపులు, ట్రాన్స్‌పోర్టేషన్‌ అన్నీ కూడా ఇక్కడి వాతావరణాన్ని బట్టి నడుస్తాయి. కోల్డెస్ట్‌ ప్రదేశంగా పాపులర్‌ అయిన యాకుట్సిక్‌లో డైమండ్స్‌ లాంటి ఖనిజాలు కూడా లభిస్తాయి. మంచుతో కవర్‌ అయిన ఈ నేలలో దాగి ఉన్న ఖనిజ సంపదే ఈ ప్రాంత ఆర్థిక వ్యవస్థలో కీలక పాత్ర పోషిస్తోంది.ఇదీ చదవండి: 12 ఏళ్లు ఆర్మీకి సేవలు : గుడ్‌బై చెప్పిన ‘నేషనల్‌ క్రష్‌’హైదరాబాద్‌ నుంచి యాకుట్సిక్‌ ఎలా వెళ్లాలి?హైదరాబాద్‌ నుంచి యాకుట్సిక్‌కు వెళ్లేందుకు డైరెక్ట్‌ ఫ్లైట్స్‌ లేవు. హైదరాబాద్‌ నుంచి ముందు మాస్కో వెళ్లి, అక్కడి నుంచి యాకుట్సిక్‌కు వెళ్లవచ్చు. మొత్తం ప్రయాణానికి సుమారు 15 నుంచి 20 గంటల టైమ్‌ పట్టే అవకాశం ఉంది.ఇదీ చదవండి: అపుడు భర్త, ఇపుడు భార్య రాజీనామా? యూపీ రాజకీయాల్లోకి ఎంట్రీ?

మాస్కో/న్యూఢిల్లీ: నెలల తరబడి తమపై దాడులతో తెగబడుతున్న రష్యాపై ఉక్రెయిన్‌ మరోసారి బదులుతీర్చుకుంది. రష్యాలోని లెనిన్‌గ్రాడ్‌ ఓబ్లాస్ట్‌ పరిధిలోని కిరిషి నగరంలోని అత్యంత కీలకమైన చమురుశుద్ధి కర్మాగారంపై ఉక్రెయిన్‌ డ్రోన్లు దాడిచేశాయి. దీంతో ఆయిల్‌ రిఫైనరీ కేంద్రం నుంచి మంటలు చెలరేగాయి. గతంలో రెండుసార్లు దాడులతో నెలల తరబడి ఉత్పత్తిని ఆపేసి మరమ్మత్తుల తర్వాత ఇటీవలే ఉత్పత్తిని మొదలుపెట్టగా వెంటనే ఉక్రెయిన్‌ దాడులు చేయడం గమనార్హం. ఈ దాడిలో ప్రాణనష్టం వివరాలను రష్యా బయటపెట్టలేదు. రిఫైనరీపై దాడికి యతి్నంచిన 62 డ్రోన్లలో నేలమట్టంచేశామని రష్యా ప్రకటించింది. శనివారం రాత్రి నుంచి గత 24 గంటల్లో 500 డ్రోన్లను కూల్చేశామని రష్యా రక్షణశాఖ తెలిపింది. దాడులకు ప్రతీకారం తప్పదని రష్యా అధ్యక్షకార్యాలయం అధికార ప్రతినిధి దిమిత్రీ పెస్కోస్‌ హెచ్చరించారు. భారత్‌ నుంచి రష్యాకు భారీగా పెట్రోల్‌చమురు శుద్ది కర్మాగారాలపై ఉక్రెయిన్‌ దాడులు తీవ్రతరంచేయడంతో రష్యా స్థానిక అవసరాలకు సరిపడా చమురును ఉత్పత్తిచేయలేక దిగుమతులపై ఆధారపడుతోంది. దీంతో తాజాగా సముద్రమార్గం ద్వారా భారీస్థాయిలో పెట్రోల్‌ను సరఫరాచేస్తూ మిత్రదేశాన్ని భారత్‌ ఆదుకుంటోందని గణాంకాలు వెల్లడించాయి. గత రెండు నెలల్లో భారత్‌ నుంచి ఏకంగా 10 లక్షల బ్యారెళ్ల పెట్రోల్‌ రష్యాకు ఎగుమతి అయినట్లు వాణిజ్యరంగంలోని విశ్వసనీయ వర్గాలు తెలిపాయి. గుజరాత్‌లోని వడినార్‌ చమురుశుద్ది కర్మాగారం నుంచి ఎగుమతులు ఎక్కువగా జరిగాయి. పశ్చిమాసియా సంక్షోభం నేపథ్యంలో భారత్‌ తన ఇంధనఅవసరాల కోసం రష్యా నుంచి ముడిచమురున భారీస్థాయిలో కొనుగోలుచేయడం తెల్సిందే. ఇందుకు ప్రతిగా ముడిచమురును శుద్ధిచేశాక వచ్చే పెట్రోల్‌ను తిరిగి రష్యాకు సరఫరాచేస్తున్నట్లు తెలుస్తోంది.

ఉక్రెయిన్‌లోని కీవ్ ప్రాంతంపై గత రాత్రిపూట రష్యా జరిపిన వైమానిక దాడుల్లో 27 మంది మృతి చెందినట్లు గవర్నర్ తైమూర్ తకాచెంకో శనివారం తెలిపారు. టెలిగ్రామ్ యాప్‌లో ఆయన ఈ విషయాన్ని వెల్లడించారు. మరో 42 మంది గాయపడినట్లు, బుచా జిల్లాలో దాడి జరిగిన ప్రాంతం నుంచి 380 మందికి పైగా ప్రజలను తరలిస్తున్నట్లు తెలిపారు.రష్యా దాడిలో దాదాపు 50 నివాస భవనాలు దెబ్బతిన్నట్లు తకాచెంకో తెలిపారు. ఈ దాడి కారణంగా భారీ అగ్నిప్రమాదం సంభవించి, ఇళ్లు, ఒక రెస్టారెంట్‌కు మంటలు వ్యాపించాయని చెప్పారు. దాడిలో ఏ ప్రాంతాన్ని లక్ష్యంగా చేసుకున్నారనే వివరాలను కీవ్ గవర్నర్ వెల్లడించలేదు.గిడ్డంగిపై జరిగిన దాడి కారణంగా పేలుడు సంభవించిందని ఉక్రెయిన్ అధ్యక్షుడు వొలోదిమిర్ జెలెన్‌స్కీ తెలిపారు. సమీపంలోని మౌలిక సదుపాయాలు తీవ్రంగా దెబ్బతిన్నాయని చెప్పారు. ఇందులో నివాస భవనాలు, వృద్ధుల సంరక్షణ కేంద్రం కూడా ఉన్నాయని తెలిపారు.“ఇది జరగడానికి అనుమతించిన వారిని వారి నిర్ణయాలకు బాధ్యులను చేయాలి” అని ఆయన ఎక్స్‌లో పేర్కొన్నారు. అధికారుల నిర్లక్ష్యం ఆరోపణలపై ఇప్పటికే క్రిమినల్ కేసులు నమోదు చేసినట్లు తెలిపారు. బాధ్యులకు శిక్ష తప్పదని ఆయన హామీ ఇచ్చారు.“నిబంధనలు అమల్లో ఉన్నాయి. ఇళ్లకు లేదా ఇతర నివాస ప్రాంతాలకు సమీపంలో మందుగుండు సామగ్రిని నిల్వ చేయకూడదు. దీనిపై తగిన నిర్ణయాలు తప్పకుండా తీసుకుంటాం” అని జెలెన్‌స్కీ తెలిపారు.గత మూడు రోజులుగా కీవ్‌పై దాదాపు నిరంతర వైమానిక దాడులు జరుగుతున్నాయి. రష్యా వైమానిక దాడులతో ఉక్రెయిన్ రాజధానిలో ఆర్థిక కార్యకలాపాలు తీవ్రంగా దెబ్బతిన్నాయి. ఈ దాడుల కారణంగా సాధారణ ప్రజల జీవనం కూడా తీవ్రంగా అంతరాయం ఎదుర్కొంటోంది.

ఉప్పు నిప్పుగా ఉండే అమెరికా రష్యాల మధ్య తాజా పరిణామాలు హాలీవుడ్‌ సినిమాను తలపిస్తున్నాయి. వేర్వేరు వార్తా సంస్థలు, అధికార వర్గాల ద్వారా తెలుస్తున్న సమాచారాన్ని బట్టి అమెరికా గూఢచార సంస్థ సీఐఏ చీఫ్‌ తాజాగా మాస్కో వెళ్లి రష్యన్‌ ఇంటెలిజెన్స్‌ విభాగం క్రెమ్లిన్‌ ఉన్నతాధికారులతో చర్చలు జరిపారు. ఉక్రెయిన్‌తో యుద్ధం కారణంగా ఇటీవలి కాలంలో అమెరికా – రష్యా దౌత్య సంబంధాలు కనిష్ట స్థాయికి చేరిన నేపథ్యంలో ఈ పర్యటన చోటు చేసుకోవడం.. అది కూడా అత్యంత రహస్యంగా జరగడం ఆసక్తి రేకెత్తిస్తోంది. సీఐఏ డైరెక్టర్‌ జాన్‌ రాట్‌ క్లిఫ్‌ రష్యా వచ్చారని, అధ్యక్షుడు పుతిన్‌ను కలవకపోయినప్పటికీ చర్చల సారాంశాన్ని ఆయనకు వివరించామని క్రెమ్లిన్‌ అధికార ప్రతినిధి దిమిత్రీ పెస్కోవ్‌ ప్రకటించారు. ఏ ఏ అంశాలపై చర్చించారన్నది మాత్రం చెప్పలేదు. మరోవైపు ఈ చర్చలపై కానీ, డైరెక్టర్‌ రష్యా పర్యటనపై కానీ సీఐఏ కూడా నోరు మెదపడం లేదు. వైట్‌హౌస్‌ నుంచి కూడా ఎలాంటి సమాచారం లేకుండా పోయింది. అమెరికా మిలిటరీ విమానం మాస్కోలోని వ్నూకోవో విమానాశ్రయంలో మంగళవారం ల్యాండ్‌ అయిందని, అదే రోజు తిరిగి వెళ్లిపోయిందని రష్యా అధికార వార్తా సంస్థలు తెలిపాయి. ఇవన్నీ ఇలా ఉంటే.. ‘‘ప్రతినిధి బృందం ఒకటి రష్య రాజధానికి వెళుతోంది. ఆ బృందం రష్యా నుంచి వెళ్లిపోయేదాకా దాడులకు విరామం ఇవ్వాలి’’అంటూ వాషింగ్టన్‌ నుంచి ఉక్రెయిన్‌కు ఆదేశాలు వెళ్లినట్లు ఉక్రెయిన్‌ అధికారి ఒకరు అసోసియేటెడ్‌ ప్రెస్‌కు తెలిపారని సమాచారం. రష్యా మొత్తమ్మీద దాడులు ఆపాల్సిందిగా చెప్పలేదని, మాస్కో, సెయింట్‌ పీటర్స్‌బెర్గ్, రష్యా ఉత్తర ప్రాంతాల్లో మాత్రం జరక్కూడదని అమెరికా స్పష్టంగా చెప్పిందని పేరు చెప్పేందుకు ఇష్టపడని ఆ అధికారి తెలిపారు. సీఐఏ డైరెక్టర్‌ రష్యా పర్యటన వివరాలను మొట్టమొదట సీబీఎస్‌ ఛానెల్‌ బయటపెట్టింది. సంక్షోభంలోనే దౌత్య సంబంధాలు... నిఘా వర్గాల స్థాయిలో ఇరు దేశాల మధ్య కొన్ని సంబంధాలు ఉన్నప్పటికీ రష్యా, అమెరికా మధ్య దౌత్య సంబంధాల్లో మాత్రం సంక్షోభం కొనసాగుతోందని క్రెమ్లిన్‌ అధికార ప్రతినిధి పెస్కోవ్‌ చెబుతున్నారు. సీఐఏ డైరెక్టర్‌ పర్యటన ప్రభావం ఇరుదేశాల సంబంధాలపై ఎలా ఉంటుందన్నది ఇప్పుడే చెప్పలేమని స్పష్టం చేశారు. అయితే సీఐఏ డైరెక్టర్‌ రష్యా రావడం చాలా అరుదైన విషయమని రష్యా భద్రతాదళాల విషయంలో నిపుణుడైన అండ్రే సోల్డటోవ్‌ చెబుతున్నారు. సాధారణంగా ఈ స్థాయి సమావేశాలు అమెరికా జాతీయ ప్రయోజనాలకు ఏదైనా దెబ్బ తగులుతోందన్న సందర్భంలోనే జరుగుతాయని చెప్పారు.

మాస్కో: రష్యాలోని తూర్పు ప్రాంతమైన అమూర్‌లోని ఒక గ్యాస్ కెమికల్ కాంప్లెక్స్‌లో భారీ అగ్నిప్రమాదం సంభవించింది. ఈ దుర్ఘటనలో ఆరుగురు చైనా పౌరులతో సహా మొత్తం ఏడుగురు ప్రాణాలు కోల్పోగా, మరో తొమ్మిది మంది ఆచూకీ గల్లంతైంది. మంటలను పూర్తిగా అదుపులోకి తెచ్చినట్లు ప్లాంట్ యాజమాన్యం బుధవారం టెలిగ్రామ్ వేదికగా వెల్లడించింది. రాయిటర్స్ నివేదిక ప్రకారం, ఈ ప్రమాదంలో ఏడుగురు మరణించగా, 152 మంది గాయపడ్డారు. వీరిలో పరిస్థితి విషమంగా ఉన్న 36 మందిని మెరుగైన చికిత్స అందిస్తున్నారు.పరిశ్రమల భద్రతా నిబంధనల ఉల్లంఘన కోణంలో రష్యా దర్యాప్తు కమిటీ ఈ ఘటనపై కేసు నమోదు చేసి విచారణ ప్రారంభించింది. ప్రమాదానికి గల ఖచ్చితమైన కారణాలను తెలుసుకునేందుకు దర్యాప్తు సంస్థలు ప్రయత్నిస్తున్నాయి. ఈ గ్యాస్ ప్లాంట్ నిర్మాణ పనుల్లో పలువురు విదేశీ కార్మికులు పనిచేస్తున్నారు. వీరిలో అధిక శాతం చైనా పౌరులు ఉన్నారు. రష్యా సాధారణంగా భారీ పారిశ్రామిక, మౌలిక సదుపాయాల ప్రాజెక్టుల కోసం విదేశీ శ్రామికులపై ఆధారపడుతుంటుంది. ఈ అమూర్ గ్యాస్ కెమికల్ కాంప్లెక్స్ ప్రాజెక్ట్‌ను రష్యాకు చెందిన ‘సిబూర్’, చైనాకు చెందిన ‘సినోపెక్’ సంస్థల భాగస్వామ్యంతో నిర్మిస్తున్నారు. ఇది ప్రపంచంలోనే అతిపెద్ద పాలిథిలిన్, పాలిప్రొపైలిన్ ఉత్పత్తి కేంద్రాలలో ఒకటిగా నిలవనుంది. ఈ ప్లాంట్ ద్వారా ఏటా సుమారు 23 లక్షల మెట్రిక్ టన్నుల పాలిథిలిన్, 4 లక్షల టన్నుల పాలిప్రొపైలిన్ ఉత్పత్తి చేయాలని లక్ష్యంగా పెట్టుకున్నారు.ఇది కూడా చదవండి: నేపాల్‌లో వరద బీభత్సం: 28 మంది పోలీసులు గల్లంతు!

మాస్కోలో అర్ధరాత్రి అమెరికా సైనిక విమానం ల్యాండ్‌ అయింది. ఆ వెంటనే రష్యాపై ఉక్రెయిన్‌ దాడులు ఆగిపోయాయి! అసలు ఆ విమానంలో ఉన్నదెవరు? ఎందుకు ఇంత రహస్యంగా మాస్కోకు వచ్చారు? అనే ప్రశ్నలు ప్రపంచవ్యాప్తంగా ఆసక్తి రేపాయి. ఇప్పుడు ఆ మిస్టరీ దాదాపు వీడినట్లే కనిపిస్తోంది. అమెరికా సీఐఏ డైరెక్టర్‌ జాన్‌ ర్యాట్‌క్లిఫ్‌ రష్యా అధికారులతో రహస్య చర్చల కోసం మాస్కో వచ్చినట్లు అమెరికా మీడియా కథనాలు వెల్లడించాయి.అమెరికా సెంట్రల్‌ ఇంటెలిజెన్స్‌ ఏజెన్సీ (సీఐఏ) డైరెక్టర్‌ జాన్‌ ర్యాట్‌క్లిఫ్‌ రహస్యంగా రష్యా వెళ్లడం తీవ్ర చర్చకు దారితీసింది. ఆయన ఎవరిని కలిశారు? ఎలాంటి అంశాలపై చర్చలు జరిపారు? అనే వివరాలు బయటకు రావాల్సి ఉంది. అయితే మంగళవారం ఆయన రష్యా అధికారులతో సమావేశమైనట్లు అమెరికా మీడియా కథనాలు వెల్లడించాయి. ఇదే సమయంలో అమెరికా సీఐఏ ఈ విషయంపై స్పందించేందుకు నిరాకరించగా.. రష్యా అధ్యక్షుడు వ్లాదిమిర్‌ పుతిన్‌ ప్రతినిధి దిమిత్రి పెస్కోవ్‌ కూడా మీడియా ముందు ఈ పర్యటనను ధ్రువీకరించలేదు. మాస్కోకు సి-17 గ్లోబ్‌మాస్టర్‌మంగళవారం అమెరికా సైన్యానికి చెందిన భారీ రవాణా విమానం సి-17 గ్లోబ్‌మాస్టర్‌-3 మాస్కోలోని వ్నూకోవో విమానాశ్రయంలో దిగింది. విమానాల ట్రాకింగ్‌ వివరాల ప్రకారం.. ఈ విమానం తొలుత లాత్వియా రాజధాని రిగాకు చేరుకుని, అక్కడి నుంచి మాస్కోకు వెళ్లింది. అమెరికా సైన్యానికి చెందిన ఈ విమానం సైనికులు, వాహనాలు, భారీ కార్గో రవాణాకు ఉపయోగిస్తారు.అయితే విమానంలో ఎవరు ప్రయాణించారనే విషయాన్ని అమెరికా అధికారికంగా వెల్లడించలేదు. లాత్వియా రక్షణ శాఖ మాత్రం ఈ విమానానికి తమ గగనతలంలో ప్రయాణించేందుకు అనుమతి ఉందని, అవసరమైన సమన్వయం పూర్తయినట్లు తెలిపింది. ఆ వెంటనే విమానంలో సీఐఏ డైరెక్టర్‌ ర్యాట్‌క్లిఫ్‌ ఉన్నట్లు అమెరికా మీడియా కథనాలు పేర్కొన్నాయి. U.S. Air Force Boeing C-17A Globemaster III strategic airlifter descending to land at the Vnukovo International Airport in Moscow on Tuesday morning.The cameraman, likely sarcastically, comments: "we are under attack!" https://t.co/7EfvANBScW pic.twitter.com/dVItO5nAjn— Status-6 (War & Military News) (@Archer83Able) August 25, 2026ఉక్రెయిన్‌కు అమెరికా కీలక సూచనర్యాట్‌క్లిఫ్‌ పర్యటనకు ముందు అమెరికా.. ఉక్రెయిన్‌కు కీలక సూచన చేసినట్లు సమాచారం. మాస్కో, సెయింట్‌ పీటర్స్‌బర్గ్‌తో పాటు రష్యాలోని ఉత్తర ప్రాంతాలపై సోమవారం నుంచి బుధవారం వరకు డ్రోన్లు, క్షిపణులతో దాడులు చేయవద్దని కోరినట్లు తెలుస్తోంది. రష్యా రాజధానికి ఓ సీనియర్‌ అమెరికా అధికారి ప్రయాణిస్తున్నారని కూడా కీవ్‌కు సమాచారం ఇచ్చినట్లు సంబంధిత వర్గాలను ఉటంకిస్తూ కథనాలు వెలువడ్డాయి. ఈ పరిణామం అమెరికా–ఉక్రెయిన్‌ సంబంధాలపైనా ఆసక్తిని రేకెత్తిస్తోంది. రష్యాతో యుద్ధం కొనసాగిస్తున్న ఉక్రెయిన్‌ను అమెరికా బహిరంగంగా సమర్థిస్తున్న సమయంలోనే.. సీనియర్‌ అమెరికా గూఢచార అధికారి మాస్కోకు వెళ్లడం ప్రాధాన్యం సంతరించుకుంది.నాలుగేళ్ల తర్వాత మళ్లీ సీఐఏ చీఫ్‌ రాకర్యాట్‌క్లిఫ్‌ పర్యటన నిజమైతే.. 2021 తర్వాత రష్యా రాజధానికి అమెరికా గూఢచార సంస్థ అధిపతి వెళ్లడం ఇదే తొలిసారి. అప్పటి సీఐఏ డైరెక్టర్‌ విలియం బర్న్స్‌ 2021 నవంబర్‌లో మాస్కో వెళ్లి అధ్యక్షుడు పుతిన్‌తో చర్చలు జరిపారు. ఆ భేటీ జరిగిన మూడు నెలలకే రష్యా ఉక్రెయిన్‌పై దాడికి దిగింది. ప్రస్తుతం కూడా రష్యా–ఉక్రెయిన్‌ యుద్ధం కొనసాగుతుండటం, మరోవైపు అమెరికా–రష్యా మధ్య సంబంధాలు సున్నితంగా ఉండటంతో ర్యాట్‌క్లిఫ్‌ పర్యటనకు ప్రత్యేక ప్రాధాన్యం ఏర్పడింది.రష్యా–ఇరాన్‌ బంధం కూడా కీలకమే..ర్యాట్‌క్లిఫ్‌ మాస్కో పర్యటన సమయంలో మరో అంశం కూడా చర్చకు వస్తోంది. ఇరాన్‌తో రష్యాకు ఉన్న సన్నిహిత సంబంధాలు అమెరికాకు ఆందోళన కలిగిస్తున్నాయి. ఇరాన్‌పై ఆర్థిక ఒత్తిడి పెంచేందుకు అమెరికా ఇటీవల కొత్త ఆంక్షలు ప్రకటించింది. ఇరాన్‌తో వ్యాపార సంబంధాలు కొనసాగించే దేశాలు, సంస్థలపై కూడా చర్యలు తీసుకునే అవకాశం ఉందని హెచ్చరించింది.రష్యా మాత్రం ఇరాన్‌తో సైనిక, ఆర్థిక, దౌత్య సంబంధాలను కొనసాగిస్తోంది. ఉక్రెయిన్‌తో యుద్ధంలో రష్యాకు ఇరాన్‌ డ్రోన్లు అందించినట్లు గతంలో ఆరోపణలు వచ్చాయి. మరోవైపు రష్యా.. ఇరాన్‌కు అమెరికా లక్ష్యాలపై దాడులకు ఉపయోగపడే ఉపగ్రహ చిత్రాలను అందించిందని ఉక్రెయిన్‌ ఆరోపించింది. మాస్కో ఈ ఆరోపణలను ఖండించింది.ఖైదీల మార్పిడిలోనూ కీలక పాత్రఅమెరికా–రష్యా మధ్య ఖైదీల మార్పిడి వ్యవహారాల్లోనూ సీఐఏ కీలక పాత్ర పోషిస్తోంది. ర్యాట్‌క్లిఫ్‌ స్వయంగా 2025 ఏప్రిల్‌లో అమెరికా–రష్యా ద్వంద్వ పౌరురాలు క్సేనియా కరేలినా విడుదలకు సంబంధించిన చర్చల్లో పాల్గొన్నట్లు సమాచారం. 2024లో వాల్‌స్ట్రీట్‌ జర్నల్‌ విలేకరి ఇవాన్‌ గెర్ష్‌కోవిచ్‌, మాజీ అమెరికా మెరైన్‌ పాల్‌ వీలన్‌ విడుదలకు దారితీసిన ఖైదీల మార్పిడిలోనూ సీఐఏ ప్రమేయం ఉంది.పుతిన్‌తో భేటీ ఉంటుందేమో!ర్యాట్‌క్లిఫ్‌ మాస్కో పర్యటన వెనుక అసలు ఉద్దేశం ఏమిటన్నదే ఇప్పుడు ప్రధాన ప్రశ్నగా మారింది. ఉక్రెయిన్‌ యుద్ధం, రష్యాతో సంబంధాలు, ఇరాన్‌ అంశం, ఖైదీల మార్పిడి వంటి పలు కీలక అంశాలు చర్చకు వచ్చే అవకాశం ఉన్నప్పటికీ.. అధికారికంగా ఎలాంటి వివరాలు బయటకు రాలేదు.ఇదీ చదవండి: ఇరాన్‌పై కోపం.. భారత కంపెనీలకూ షాక్‌!

మాస్కో: అమెరికా, రష్యా మధ్య ప్రస్తుతం ఎలాంటి పరిస్థితులున్నాయో ప్రత్యేకించి చెప్పాల్సిన అవసరం లేదు. ఉక్రెయిన్‌పై దాడితో పాటు ప్రస్తుతం ఇరాన్‌కు సైతం అమెరికా సహకరిస్తోందని ఆరోపణలున్నాయి. దీంతో ప్రస్తుతం ఇరు దేశాల మధ్య సంబంధాలు ఏమాత్రం మెరుగ్గా లేవు. ఈ నేపథ్యంలో ఒక ఆసక్తికర ఘటన చోటు చేసుకుంది. అమెరికా వైమానిక దళానికి చెందిన ఓ రవాణా విమానం మాస్కోలోని వ్నుకోవో విమానాశ్రయంలో ల్యాండ్ కావడం అందరినీ ఆశ్చర్యానికి గురి చేసింది. అయితే, ఈ విమానం రాక గురించి తమకు ఎలాంటి సమాచారం లేదని క్రెమ్లిన్ తెలపడం గమనార్హం.అమెరికాకు చెందిన విమాన ట్రాకింగ్ వెబ్‌సైట్ ఫ్లైట్‌రాడార్ 24 వివరాల ప్రకారం, ఈ విమానం మంగళవారం సుమారు 0700 GMT సమయంలో లాట్వియా రాజధాని రిగా నుంచి మాస్కోకు చేరుకుంది. అయితే ఈ పరిణామంపై క్రెమ్లిన్ ప్రెస్ సెక్రటరీ డిమిత్రి పెస్కోవ్‌ను మీడియా ప్రశ్నించగా, ఈ వారం అమెరికా ప్రభుత్వ ప్రతినిధులతో ఎలాంటి సమావేశాలు జరగాల్సిన ప్రణాళిక లేదని ఆయన చెప్పారు. విమానం రాకకు సంబంధించి తమ వద్ద ఎలాంటి సమాచారం లేదని స్పష్టం చేశారు.ఫ్లైట్‌రాడార్24 డేటా ప్రకారం, ఈ విమానం ఆదివారం సాయంత్రం అమెరికా తూర్పు కాలమానం ప్రకారం సుమారు 5 గంటలకు ముందు ఈ విమానం మేరీల్యాండ్‌లోని అమెరికా వైమానిక దళానికి చెందిన జాయింట్ బేస్ ఆండ్రూస్ నుంచి బయలుదేరింది. వాషింగ్టన్ డీసీ సమీపంలోని క్యాంప్ స్ప్రింగ్స్ ఎయిర్‌బేస్ నుంచి రిగాకు చేరుకుంది. అనంతరం రిగా నుంచి మాస్కోకు వెళ్లింది. అమెరికా అధ్యక్షుడు, ఉన్నతస్థాయి అధికారులు అధికారిక విమాన ప్రయాణాల కోసం ఉపయోగించే ప్రధాన సైనిక స్థావరాల్లో జాయింట్ బేస్ ఆండ్రూస్ ఒకటి.యూరప్ నుంచి రష్యాకు నేరుగా వచ్చిన అమెరికా ఉన్న విమానం ఇదే మొదటిది కాదు. చివరిసారిగా జనవరిలో ఇలాంటి విమానం రష్యాకు వచ్చింది. అప్పట్లో ఉక్రెయిన్‌పై శాంతి చర్చల కోసం అమెరికా ప్రత్యేక ప్రతినిధులు స్టీవెన్ విట్‌కాఫ్, జారెడ్ కుష్నర్ మాస్కోకు వెళ్లి రష్యా అధ్యక్షుడు వ్లాదిమిర్ పుతిన్‌తో సమావేశమయ్యారు.విమానం రాకపై ఊహాగానాలుఈ విమానం సీ-17 గ్లోబ్‌మాస్టర్. భారీ మొత్తంలో సైనిక సామగ్రి, సిబ్బందిని సుదూర ప్రాంతాలకు తరలించేందుకు ఈ విమానాలను ఉపయోగిస్తారు. ఇలాంటి విమానం అకస్మాత్తుగా మాస్కోలో ల్యాండ్ కావడంతో దాని రాక వెనుక కారణంపై పలు ఊహాగానాలు మొదలయ్యాయి. ఇది దౌత్యపరమైన వ్యవహారానికి సంబంధించినదై ఉండొచ్చని, లేదా ఖైదీల మార్పిడి కోసం విమానం వచ్చి ఉండవచ్చని ప్రచారం జరుగుతోంది.కాగా ఇటీవలే మాజీ అమెరికా మెరైన్ రాబర్ట్ గిల్మన్‌ను ఆగస్టు 2026లో రష్యా విడుదల చేసిన విషయం తెలిసిందే. అంతేకాకుండా, ఈ ఏడాది ప్రారంభంలోనూ అమెరికా, రష్యా మధ్య ఖైదీల మార్పిడి జరిగింది.అయితే, మాస్కోలో అమెరికా సైనిక రవాణా విమానం ల్యాండ్ కావడానికి అసలు కారణం ఏమిటన్నది మాత్రం ఇప్పటివరకు అధికారికంగా వెల్లడి కాలేదు.

మాస్కో: బ్రిటన్‌పై రష్యా తీవ్ర స్థాయిలో మండిపడింది. ఉక్రెయిన్‌లో శాంతి స్థాపన జరగకుండా బ్రిటన్‌ అ‍డ్డుకుంటుందని తీవ్ర ఆరోపణలు చేసింది. ఈ మేరకై ఈ రోజు సోమవారం ప్రకటన విడుదల చేసింది. ఉక్రెయిన్‌లోనే SCALP సుదూర క్షిపణులను తయారు చేసేందుకు అవసరమైన సమాచారాన్ని బ్రిటన్ కీవ్‌కు అందిస్తున్నందుకు రష్యా తీవ్రంగా స్పందించింది. ఈ క్షిపణులను తయారు చేసే ప్లాంట్లను గుర్తించి ధ్వంసం చేస్తామని హెచ్చరికలు జారీ చేసింది. ఉక్రెయిన్‌కు సైనికంగా కొనసాగుతున్న బ్రిటన్ మద్దతును మరింత బలపరుస్తామని బ్రిటన్ ప్రధాని ఆండీ బర్న్‌హామ్ కీవ్ పర్యటన సందర్భంగా హామీ ఇచ్చిన నేపథ్యంలో రష్యా ఈ హెచ్చరికలు చేసింది.SCALP క్షిపణులకు సంబంధించిన బ్లూప్రింట్లు, సాంకేతిక సమాచారంపై క్రెమ్లిన్ ప్రతినిధి డిమిత్రి పెస్కోవ్‌ని ప్రశ్నించగా తీవ్ర ఆగ్రహంతో స్పందించారు. “ బ్రిటన్ క్రమపద్ధతిలో, నిరంతరం మంటలకు నూనె పోస్తోంది. శాంతి ప్రక్రియలో కనీస స్థాయిలోనైనా పురోగతి సాధించకుండా అడ్డుకునేందుకు బ్రిటన్ పదేపదే పథకాలు రచిస్తోంది. ఇలాంటి క్షిపణులు, ఇతర సైనిక పరికరాల తయారీ కేంద్రాలను గుర్తించేందుకు మా సాయుధ దళాలు అవసరమైన గూఢచారి సమాచారాన్ని సేకరిస్తున్నాయి. ఆ సదుపాయాలను ధ్వంసం చేసేందుకు తగిన చర్యలు తీసుకుంటున్నాయి” అని విలేకరులతో అన్నారు.SCALP క్షిపణిSCALP ఒక సుదూర క్రూయిజ్ క్షిపణి. ఇది సుమారు 250 కిలోమీటర్ల (దాదాపు 150 మైళ్ల) దూరంలోని లక్ష్యాలను ఛేదించగల సామర్థ్యం కలిగి ఉంది. 2022లో రష్యా ఉక్రెయిన్‌పై పూర్తి స్థాయి సైనిక దాడిని ప్రారంభించినప్పటి నుంచి ఫ్రాన్స్, బ్రిటన్‌లు ఈ క్షిపణులను ఉక్రెయిన్‌కు అందిస్తున్నాయి. అయితే ఇప్పటివరకు ఉక్రెయిన్‌లోనే వీటిని దేశీయంగా తయారు చేయలేదు.ఉక్రెయిన్‌లో SCALP క్షిపణుల ఉత్పత్తి ప్రారంభించేందుకు అవసరమైన సహకారం అందించే దిశగా బ్రిటన్ ప్రభుత్వం చర్యలు చేపడుతోంది. ఫ్రాంకో-బ్రిటిష్ క్షిపణిలో ఉపయోగించే బ్రిటన్‌కు చెందిన భాగాలకు సంబంధించిన సమాచారాన్ని రక్షణ రంగ సంస్థ MBDA ఉక్రెయిన్‌కు విడుదల చేసేందుకు బ్రిటన్ ప్రభుత్వం అనుమతించనుంది.బ్రిటన్ ప్రధాని ఉక్రెయిన్ పర్యటనకాగాా బ్రిటన్ ప్రధాని ఆండీ బర్న్‌హామ్ సోమవారం కీవ్‌ను సందర్శించారు. ఉక్రెయిన్ స్వాతంత్ర్య దినోత్సవ కార్యక్రమాల్లో ఆయన పాల్గొన్నారు. అనంతరం మాట్లాడుతూ, రష్యా నుంచి వస్తున్న దారుణమైన బెదిరింపులు ఉన్నప్పటికీ ఉక్రెయిన్ రక్షణకు బ్రిటన్ తన సైనిక మద్దతును కొనసాగిస్తుందని స్పష్టం చేశారు.నా దేశానికి రష్యా దారుణమైన బెదిరింపులు చేస్తున్నప్పటికీ , ఉక్రెయిన్ రక్షణకు మా మద్దతును కొనసాగిస్తాం అని కీవ్‌లో జరిగిన ప్రసంగంలో బర్న్‌హామ్ అన్నారు. కాగా ప్రస్తుతం రష్యా-ఉ‍క్రెయిన్‌ మధ్య దాడులు తీవ్రస్థాయికి చేరాయి. ఇరుదేశాలు పరస్పరం క్షిపణి దాడులతో విరుచుక పడుతున్నాయి. ఈ నేపథ్యంలో పెద్ద ఎత్తున సాధారణ పౌరులు ప్రాణాలు కోల్పోతున్నారు.

1959 ఫిబ్రవరి ఒకటో తేదీ... రష్యాలోని యూరల్‌ పర్వత ప్రాంతం– సంధ్యకాంతుల్లో ఆ మంచు పర్వతం శోభాయమానంగా కనిపిస్తోంది. అప్పుడే అక్కడకు ఓ పర్వతారోహకుల బృందం వచ్చింది. ‘‘ఈ రాత్రికి ఇక్కడ బస చేద్దాం’’ అని 23 ఏళ్ల ఇగోర్‌ డియాట్లోవ్‌ తన సహచరులను ఉద్దేశించి అనడంతో అందరూ టెంట్‌ వేయడానికి ఉపక్రమించారు.గంటలు గడిచాయి. అందరూ గాఢనిద్రలోకి జారుకున్నారు. చుట్టూ తెల్లటి మంచుకొండలు తప్ప ఎలాంటి అలికిడీ లేదు. బయట ఉష్ణోగ్రత మైనస్‌ 30 డిగ్రీలకు పడిపోయి భయంకరమైన నిశ్శబ్దం రాజ్యమేలుతోంది. అంతలోనే ఏమైందో తెలియదు– టెంటులో ఒక్కసారిగా అలజడి చెలరేగింది. లోపలున్నవారు విపరీతమైన భయంతో టెంట్‌ను కత్తితో చీల్చుకుని బయటకు వచ్చారు. పెద్దగా అరుస్తూ ప్రాణభయంతో తలోదిక్కుకు పరుగులు తీశారు. ఆ రాత్రి వారి జీవితంలో కాళరాత్రిగా మిగిలిపోయింది.ఆ భయానక రాత్రికి ఎనిమిది రోజుల ముందు– అంటే, 1959 జనవరి 23న రష్యాలోని యూరల్‌ పాలిటెక్నిక్‌ ఇన్‌ స్టిట్యూట్‌కు చెందిన ఎనిమిది మంది యువకులు, ఇద్దరు యువతులు ‘ఓటోర్టెన్‌’ అనే ప్రమాదకరమైన మంచు పర్వతాన్ని అధిరోహించడానికి బయలుదేరారు. అనారోగ్యం కారణంగా ‘యూరీ యుడిన్‌’ అనే యువకుడు వెనక్కి తిరిగి వెళ్లిపోయాడు.మిగిలిన తొమ్మిదిమంది ఫిబ్రవరి 1న ‘ఖోలాట్‌ స్యాఖ్ల్‌’ అనే కొండపైకి చేరుకుని అక్కడ టెంట్‌ వేసుకున్నారు. షెడ్యూల్‌ ప్రకారం ఫిబ్రవరి 12 నాటికి తిరిగి రావాలి. కానీ ఫిబ్రవరి 20 వచ్చినా వారి నుంచి ఎలాంటి సమాచారం లేదు. దీంతో కుటుంబసభ్యుల విన్నపం మేరకు రష్యా ప్రభుత్వం సెర్చ్‌ ఆపరేషన్‌ ప్రారంభించింది. ఫిబ్రవరి 26న సహాయక బృందాలు ఆ కొండ వద్దకు చేరుకుని అక్కడి దృశ్యాలు చూసి షాక్‌ తిన్నాయి.టెంట్‌ను లోపల నుంచి కోసిన ఆనవాళ్లు కనిపించాయి. కానీ చుట్టుపక్కల ఎవరూ లేరు. టెంట్‌కు దాదాపు ఒకటిన్నర కిలోమీటర్ల దూరంలో ఓ చెట్టు కింద ఇద్దరి మృతదేహాలు కనిపించాయి. వారి ఒంటిపై లోదుస్తులు మాత్రమే ఉన్నాయి. మరికొంత దూరంలో డియాట్లోవ్‌ సహా మరో ముగ్గురి శవాలు మంచులో గడ్డకట్టి కనిపించాయి. మిగిలిన నలుగురి మృతదేహాలు మే నెలలో కరిగిన మంచు ప్రవాహంలో దొరికాయి. వీరిలో కొందరి పక్కటెముకలు విరిగిపోగా, ఒకరి పుర్రె పగిలిపోయింది. ల్యూడ్మిలా దుబినినా అనే యువతి నాలుక, కళ్లు కనిపించలేదు. మరొకరి కనుగుడ్లు లేవు. వారి ఒంటిపై అంతటి గాయాలు ఉన్నప్పటికీ, బయటి నుంచి దెబ్బలు తగిలిన గుర్తులు లేవు. కొందరి దుస్తులపై రేడియోయాక్టివ్‌ ఆనవాళ్లు కూడా కనిపించాయి.ఈ మరణాలపై దశాబ్దాల పాటు రకరకాల ప్రచారాలు సాగాయి. ఆ రాత్రి ఆకాశంలో వింత కాంతులు కనిపించాయని స్థానికులు చెప్పడంతో ఏలియన్స్‌ లేదా యూఎఫ్‌ఓల దాడే కారణమని కొందరు నమ్మారు. రష్యా మిలిటరీ అక్కడ రేడియేషన్‌ ఆయుధాలను పరీక్షించిందని, అది వికటించి వీరు చనిపోయారని ప్రచారం జరిగింది. ఆ ప్రాంతంలో ఉండే ‘మాన్సీ’ అనే గిరిజన తెగకు చెందిన వ్యక్తులు తమ పవిత్ర స్థలంలోకి వచ్చినందుకు వీరిని హత్య చేశారని అనుకున్నారు.భారీ ఆకారం కలిగిన యతి అనే మంచు మనిషి దాడి చేయడం వల్లే వారికి ఎముకలు విరిగిపోయాయని మరో ఊహాగానం సాగింది. కానీ వీటికి ఎలాంటి శాస్త్రీయ ఆధారాలూ లభించలేదు. చివరకు ప్రభుత్వం– ‘నిరోధించలేని ఒక అపరిమితమైన ప్రకృతి శక్తి’ వల్ల వీరు చనిపోయారని 1959లోనే ఆ కేసును మూసివేసింది. అనంతరం ఆ ప్రాంతం ఆ గ్రూప్‌ లీడర్‌ పేరుతో ‘డియాట్లోవ్‌ పాస్‌’గా ప్రసిద్ధికెక్కింది.మిస్టరీగా మిగిలిపోయిన ఆ మరణాలపై 2021లో స్విట్జర్లాండ్‌కు చెందిన శాస్త్రవేత్తలు జోహన్‌ గౌమే, అలెగ్జాండర్‌ పుజ్రిన్‌ కలిసి కంప్యూటర్‌ మోడళ్లు, స్నో ఫిజిక్స్‌ ఆధారంగా అధ్యయనం చేసి, శాస్త్రీయ వివరణ ఇచ్చారు. ఆ రాత్రి వీచిన బలమైన గాలుల వల్ల ఒక భారీ మంచుపలక టెంట్‌పై పడిందని, దీంతో అందులో ఉన్నవారి పక్కటెముకలు విరిగిపోయాయని అంచనా వేశారు.మంచు పలకలు పడతాయనే భయంతో వారు టెంట్‌ను లోపలి నుంచి కోసుకుని బయటకు పరిగెత్తారని, మైనస్‌ 30 డిగ్రీల చలిలో ‘హైపోథెర్మియా’ (శరీర ఉష్ణోగ్రత పడిపోవడం)తో చనిపోయారని వివరించారు. మృతదేహాలు చాలారోజులు మంచులో ఉండటంతో పక్షులు, అడవి జంతువులు కళ్లు, నాలుకలను తినేసి ఉంటాయని పేర్కొన్నారు. అందులో కొందరు గతంలో రేడియేషన్‌ కు గురయ్యే వాతావరణంలో ఉన్నందున వారి దుస్తులపై రేడియేషన్‌ ఆనవాళ్లు కనిపించి ఉండొచ్చని అభిప్రాయపడ్డారు. అయితే, ఈ వివరణపైనా భిన్నాభిప్రాయాలు వ్యక్తమయ్యాయి.ఇంతకీ అసలా రాత్రి ఏం జరిగింది? వారంతా ఎలా చనిపోయారు... అనే ప్రశ్నలకు సమాధానాలు మాత్రం నేటికీ ఆ యూరల్‌ పర్వతాల మంచు పొరల కిందే నిక్షిప్తమై ఉండిపోయాయి.- సత్యకిశోర్‌ కొండ్రెడ్డి

కీవ్‌: ఉక్రెయిన్‌లోని కీవ్‌పై గురువారం రాత్రి రష్యా క్షిపణులు, డ్రోన్లతో విరుచుకుపడింది. 12 ప్రాంతాలపై జరిగిన ఈ దాడిలో 16 మంది మరణించారు. 40 మంది గాయపడ్డారు. ఈ దాడులతో కీవ్‌లోని పలు చోట్ల మౌలిక వసతులు దెబ్బతిన్నాయి. దీంతో సుమారు 90,000 ఇళ్లకు విద్యుత్‌ సరఫరా పూర్తిగా నిలిచిపోయింది. రాజధాని అంతటా రాత్రంతా పేలుళ్ల శబ్దాలు వినిపించాయని స్థానికులు తెలిపారు. దాడుల కారణంగా గిడ్డంగులు, పాఠశాల, చిన్నారుల వైద్యశాల దారుణంగా దెబ్బతిన్నాయి. దెబ్బతిన్న భవనాల నుంచి సహాయక సిబ్బంది ప్రజలను తప్పిస్తున్న దృశ్యాలను ఉక్రెయిన్‌ అత్యవసర సేవా విభాగం విడుదల చేసింది. డ్రోన్‌ విడిభాగాలను ఉత్పత్తి చేసే కేంద్రాలు, ఒక సైనిక స్థావరం, ఒక లాజిస్టిక్స్‌ హబ్‌ను లక్ష్యంగా చేసుకుని కీవ్‌ సహా చుట్టుపక్కల ప్రాంతంపై రష్యా క్షిపణులు, డ్రోన్లతో వైమానిక దాడులు జరిపిందని ఉక్రెయిన్‌ సైన్యం వెల్లడించింది.

రష్యా-ఉక్రెయిన్ యుద్ధం కారణంగా లక్షలాదిమంది చిన్నారుల జీవితాలు అతలాకుతలమయ్యాయి. ఎన్నో జీవితాలను చిన్నా భిన్నం చేసింది. మరెన్నో కుటుంబాలను విఛ్చిన్నం చేసింది. అలాంటి తల్లీ బిడ్డ స్టోరీ వింటే కళ్లు చెమర్చక మానవు. ఉక్రెయిన్ యుద్ధంలో బందీగా మారిన లిలియా ప్రుటియన్ (55) ,ఆమె చిన్న కొడుకు దిమా జాహ్రేబయేవ్‌ను కాపాడుకోవడం చేసిన సాహసం, జీవన్మరణ పోరాటం యుద్ధ పరిస్థితులకు అద్దం పడుతుంది.లిలియా ఉక్రెయిన్ సైన్యంలో మిలిటరీలో వైద్యురాలిగా పనిచేస్తున్న సమయంలో ఆమె తలకి బలమైన దెబ్బ తగలడంతో ఆమె వినికిడి శక్తి పాక్షికంగా దెబ్బతింది. మరోవైపు 2022 ఫిబ్రవరిలో రష్యా దండయాత్ర ప్రారంభమైంది. ఐదార్ బెటాలియన్‌లో సేవలు అందిస్తున్న సమయంలో, రష్యన్ దళాలు ఆమెను బందీగా పట్టుకున్నాయి. అక్కడ రష్యన్ యుద్ధ ఖైదీలు ఎదుర్కొన్న దారుణమైన పరిస్థితులను అనుభవించింది. తనను పట్టుకున్న సమయంలో, ఒక రష్యన్ సైనికుడు తనపై అత్యాచారం చేశాడని ఆమెచెప్పింది. ఉగ్రవాద ఆరోపణలతో లీలియా రెండున్నర సంవత్సరాల పాటు రష్యన్ బందీగా గడిపారు.ఆమె రష్యన్ నిర్బంధ కేంద్రంలో ఉన్న సమయంలోనే ఆమె చిన్న కుమారుడు 17 ఏళ్ల డిమా తూర్పు ఉక్రెయిన్‌లోని రష్యన్ ఆక్రమిత ప్రాంతంలో చిక్కుకుపోయాడు.తల్లికి దూరమైన డిమా, ఆక్రమిత ప్రాంతంలో తీవ్ర అనారోగ్యం, ఒంటరితనంతో జీవితాన్ని సాగించాడు. తండ్రి ఇప్పటికే మరణించగా, పెద్ద కొడుకు ఉక్రెయిన్ సైన్యంలో, మధ్య కొడుకు రష్యా సైన్యంలో చేరిపోయారు. దీంతో డిమా తనను తాను పోషించుకునేందుకు ఒంటరి పోరాటమే చేశాడు.చివరికి 2024 సెప్టెంబర్‌లో జరిగిన ఒక ప్రధాన ఖైదీల మార్పిడి కార్యక్రమంలో భాగంగా లిలియా విముక్తి లభించింది. ఉక్రెయిన్‌కు తిరిగి వచ్చిన తరువాత తన సుదీర్ఘ జైలు జీవితం వల్ల కలిగిన శారీరక, మానసిక గాయాల నుండి కోలుకోవడానికి ఆమె కైవ్ వెలుపల ఉన్న ఒక పునరావాస కేంద్రంలో చేరారు. అయితే, తన బిడ్డ తన పక్కన లేడనే బాధం వేధించేది. తన కుమారుడు లేని ఆ స్వేచ్ఛ ఆమెకు పూర్తి సంతోషాన్ని ఇవ్వలేదు.పైగా డిమాకు 20 ఏళ్లు నిండడంతో, అతన్ని బలవంతంగా రష్యన్ సైన్యంలోకి చేర్చుకునే ప్రమాదం ఉందే అందోళన తీవ్రమైంది. అందుకే తన ఆరోగ్యం క్షీణించినా లెక్క చేయకుండా మూడేళ్లపాటు దూరమైన తన కొడుకు డిమాను ఆక్రమిత ప్రాంతం నుండి కాపాడుకోవడానికి, యుద్ధ సరిహద్దులను దాటుతూ లిలియా అత్యంత ప్రమాదకర రక్షణ మిషన్‌ను రూపొందించింది.ప్రమాదకరమైన రక్షణ ప్రణాళికడిమాను తప్పించడానికి లిలియా కీవ్ సమీపంలోని పునరావాస కేంద్రం నుంచే పనిచేయడం ప్రారంభించింది. అతన్ని రష్యన్ సైన్యంలోకి బలవంతంగా చేర్చుకుంటారనే భయంతో, ఆమె ఒక టాక్సీ డ్రైవర్‌కు డబ్బు చెల్లించి అతనికి తాత్కాలిక ఉక్రేనియన్ పాస్‌పోర్ట్‌ను రహస్యంగా అందేలా చేసింది. అలా 2025 ఫిబ్రవరిలో దిమా తన గ్రామం నుంచి బయలుదేరి, రష్యా, బెలారస్, పోలండ్ మీదుగా దాదాపు 1,740 మైళ్ల ప్రయాణం చేసి ఉక్రెయిన్‌లోని కీవ్ చేరుకున్నాడు. దాదాపు మూడేళ్ల తర్వాత రైల్వే స్టేషన్‌లో శాశ్వత వేదనకు ముగింపు పలుకుతూ తల్లీకొడుకులు కలుసుకోవడం విశేషం. అయితే ఆమెకు మళ్లీ బందీగా ఉన్నట్లు ఆమెకు ఇప్పటికీ కలలు వస్తుంటాయట.ఇదీ చదవండి: త్విషా శర్మ : నన్ను ప్రశాంతంగా చావనివ్వండి : ఆ 90నిమిషాల్లో ఏం జరిగింది?లిలియా ప్రూటియన్, ఆమె 20 ఏళ్ల కుమారుడు డిమా జహ్రెబాయెవ్‌లగురించి న్యూయార్క్ టైమ్స్ హృదయవిదారక కథనం ప్రచురించింది. ప్రస్తుతం రష్యా నియంత్రణలో ఉన్న ఉక్రెయిన్ భూభాగంలోని 20 శాతం ప్రాంతంలో నెలకొన్న బాధాకరమైన కుటుంబ విభేదాలను వారి కథ ప్రతిబింబిస్తుంది. రష్యా నియంత్రణలో ఉన్న ఉక్రెయిన్‌లోని 20 శాతం భూభాగంలో అనేక కుటుంబాల కథే వారి ఈ ఎడబాటు. లక్షలాది మంది ఆ ఆక్రమిత భూభాగాల నుండి పారిపోయారు, ఇంకా లక్షలాది మంది వెళ్ళడానికి ఇష్టపడక లేదా వెళ్ళలేక అక్కడే ఉండిపోయారు.ఇదీ చదవండి: ప్రియుడితో కలిసి ఘాతుకం : దిండుతో అదిమి భర్త, కొడుకు హత్య

రష్యా–ఉక్రెయిన్‌ యుద్ధం మరో కీలక మలుపు తీసుకుంది. తాజా డ్రోన్ల దాడితో ఇరు దేశాల మధ్య మళ్లీ యుద్ధం భీకరంగా మారింది. ఈ క్రమంలో.. క్రివీ రిహ్‌ స్టీల్‌ ప్రాంతంలో భారత సంతతికి చెందిన ప్రముఖ పారిశ్రామికవేత్త లక్ష్మీ మిట్టల్‌కు చెందిన ఆర్సెలర్‌ మిట్టల్‌ ప్లాంట్‌పై రష్యా క్షిపణితో దాడి చేసింది. ఈ దాడిలో ఇద్దరు మృతి చెందగా.. 14 మంది కార్మికులు గాయపడ్డారు. ఇది ఉక్రెయిన్‌ అధ్యక్షుడు వ్లాదిమిర్‌ జెలెన్‌స్కీ స్వస్థలం కూడా!. రష్యా క్షిపణి దాడి కారణంగా.. మిట్టల్‌ ప్లాంట్‌లోని కీలక ఉత్పత్తి విభాగాలు దెబ్బతిన్నాయి. ముఖ్యంగా విద్యుత్‌ వ్యవస్థలు, బ్లాస్ట్‌ ఫర్నేస్‌ కార్యకలాపాలకు సంబంధించిన సదుపాయాలు ప్రభావితమయ్యాయి. దీంతో ఉత్పత్తి ప్రక్రియలను పాక్షికంగా నిలిపివేయాల్సి వచ్చింది. నష్టం తీవ్రతను అంచనా వేసేందుకు అధికారులు, నిపుణులు పరిశీలనలు ప్రారంభించారు. మృతుల వివరాలు తెలియాల్సి ఉంది. గాయపడిన వాళ్లలో పలువురి పరిస్థితి విషమంగా ఉన్నట్లు సమాచారం. ఇటు దాడి వల్ల జరిగిన ఆర్థిక నష్టంపై అధికారిక అంచనా ఇంకా వెలువడలేదు. అయితే భారీ పరిశ్రమ అయిన ఈ ప్లాంట్‌లో ఉత్పత్తి నిలిచిపోవడం వల్ల మరమ్మతుల ఖర్చుతో పాటు ఉక్కు ఉత్పత్తి, ఎగుమతులపై ప్రభావం పడే అవకాశం ఉంది. నష్టం స్థాయిని పరిశీలించిన తర్వాతే పూర్తి వివరాలు వెల్లడయ్యే అవకాశం ఉంది. 90 ఏళ్ల చరిత్ర.. వెన్నెముకలక్ష్మీ మిట్టల్‌కు చెందిన ఆర్సెలర్‌ మిట్టల్‌ క్రివీ రిహ్‌ స్టీల్‌ ప్లాంట్‌ సాధారణ పరిశ్రమ కాదు. దాదాపు 90 ఏళ్ల చరిత్ర కలిగిన ఈ భారీ ఉక్కు కర్మాగారం నిర్మాణం 1931లో అప్పటి సోవియట్‌ యూనియన్‌ హయాంలో ప్రారంభమైంది. 1934 ఆగస్టులో ఇక్కడ తొలి ఉక్కు ఉత్పత్తి జరిగింది. అప్పట్లో క్రివొరిజ్‌స్టల్‌ (Kryvorizhstal) పేరుతో కొనసాగిన ఈ ప్లాంట్‌.. ఉక్రెయిన్‌ పారిశ్రామిక రంగంలో కీలకమైన సంస్థగా ఎదిగింది.2005లో లక్ష్మీ మిట్టల్‌ నేతృత్వంలోని మిట్టల్‌ స్టీల్‌ సంస్థ ప్రైవేటీకరణ వేలంలో ఈ ప్లాంట్‌ను సుమారు 4.8 బిలియన్‌ డాలర్లకు కొనుగోలు చేసింది. ఆ తర్వాత ఆర్సెలర్‌తో విలీనం కావడంతో ఇది ఆర్సెలర్‌ మిట్టల్‌ క్రివీ రిహ్‌గా మారింది. స్వాధీనం అనంతరం ఆధునీకరణ, ఉత్పత్తి సామర్థ్యం పెంపు, పర్యావరణ ప్రమాణాల మెరుగుదల కోసం భారీగా పెట్టుబడులు పెట్టింది. ఇనుప ఖనిజం నుంచి ఉక్కు తయారీ వరకు మొత్తం ప్రక్రియ ఒకేచోట జరిగే ఈ ప్లాంట్‌.. ఉక్రెయిన్‌ ఉక్కు పరిశ్రమకు వెన్నెముకలాంటి సంస్థల్లో ఒకటిగా నిలిచింది.ఇలాంటి వ్యూహాత్మక పరిశ్రమపై రష్యా క్షిపణి దాడి జరగడం.. కేవలం ఓ కంపెనీకి జరిగిన నష్టంగానే కాకుండా, యుద్ధ సమయంలో ఉక్రెయిన్‌ పారిశ్రామిక మౌలిక సదుపాయాలపై పడుతున్న ఒత్తిడికి మరో ఉదాహరణగా మారింది.డ్రోన్‌ దాడులకు ప్రతీకారమే..ఉక్రెయిన్‌ రష్యాలోని పలు ప్రాంతాలపై భారీ డ్రోన్‌ దాడులు చేసిన తర్వాతే ఈ క్షిపణి దాడి జరిగినట్లు స్పష్టమవుతోంది. ఉక్రెయిన్‌ దాడుల్లో రష్యాలో మరణాలు సంభవించగా.. దీనికి ప్రతీకార చర్యల్లో భాగంగానే మాస్కో ఈ దాడులు చేపట్టింది. అయితే.. తాము ఉక్రెయిన్‌లో సైనిక, పారిశ్రామిక లక్ష్యాలనే టార్గెట్‌ చేస్తున్నామని రష్యా ఖుల్లాగా ప్రకటించుకుంటోంది. క్రివీ రిహ్‌లోని మెటలర్జికల్‌ ప్లాంట్‌ కూడా తమ లక్ష్యాల్లో భాగమని పేర్కొంది. అయితే జెలెన్‌స్కీ స్వస్థలాన్ని టార్గెట్‌ చేసి మరీ దాడులు చేస్తున్నట్లు స్పష్టంగా కనిపిస్తోంది. యుద్ధంలో కొత్త దశరష్యా–ఉక్రెయిన్‌ యుద్ధం కొనసాగుతున్న కొద్దీ ఇరు దేశాలు సరిహద్దులు దాటి దూర ప్రాంతాలపై దాడులను పెంచుతున్నాయి. సైనిక స్థావరాలతో పాటు విద్యుత్‌ కేంద్రాలు, ఇంధన వనరులు, పారిశ్రామిక సంస్థలు కూడా లక్ష్యాలుగా మారుతున్నాయి. జెలెన్‌స్కీ స్వస్థలమైన క్రివీ రిహ్‌పై గతంలోనూ రష్యా దాడులు చేసింది. తాజాగా మిట్టల్‌ స్టీల్‌ ప్లాంట్‌పై జరిగిన దాడి.. ఉక్రెయిన్‌ ఆర్థిక, పారిశ్రామిక వ్యవస్థపై యుద్ధ ప్రభావాన్ని మరోసారి స్పష్టం చేసింది.

కీవ్‌: ఉక్రెయిన్‌ సైన్యం సమారా నగరంలోని రష్యా రాకెట్, అంతరిక్ష కేంద్రంపై ఫ్లామింగో క్షిపణులతో దాడి చేసిందని అధ్యక్షుడు వొలోదిమిర్ జెలెన్‌స్కీ తెలిపారు. ఫ్లామింగో క్షిపణి సుమారు టన్ను పేలుడు పదార్థాలను మోసుకెళ్లగలదని, తక్కువ ఎత్తులో 3,000 కిలోమీటర్ల వరకు ప్రయాణించగలదని నివేదికలు తెలిపాయి. రష్యా యుద్ధ విమానాలకు స్థావరంగా ఉన్న సవాస్లేయ్కా సైనిక వైమానిక స్థావరంపై కూడా సైన్యం దాడి చేసిందని జెలెన్‌స్కీ తెలిపారు. సుదూర దాడుల్లో మంచి ఫలితాలు సాధించినట్లు ఆయన ప్రకటించారు.“మంచి విజయం. మా సరిహద్దు నుంచి దూరం సుమారు 900 కిలోమీటర్లు” అని సమారా దాడి గురించి ఆయన అన్నారు. “ఈ యుద్ధం విషయంలో రష్యాపై మా సుదూర ఆంక్షల ప్రణాళిక అమలవుతోంది. రష్యా యుద్ధ సామర్థ్యం తగ్గించడం ముఖ్యం. శాంతి అవసరం. నిర్దిష్ట స్థావరాలకు స్పష్టమైన నష్టం కలిగించడం ద్వారా ఇది రష్యాలో కనిపించాలి” అని ఆయన అన్నారు.రష్యా నౌకాశ్రయాలపై ఉక్రెయిన్‌ దాడులు చేస్తున్న సమయంలో డ్రోన్ ఒకటి లాత్వియా గగనతలంలోకి ప్రవేశించడంతో శుక్రవారం నాటో యుద్ధ విమానాలను అత్యవసరంగా రంగంలోకి దింపినట్లు అధికారులు తెలిపారు.దీనికి స్పందనగా లిథువేనియా నుంచి 2 ఇటాలియన్ యూరోఫైటర్ యుద్ధ విమానాలు బయలుదేరాయి. ఎస్టోనియాలోని ఒక స్థావరం నుంచి 2 టర్కీ ఎఫ్-16 యుద్ధ విమానాలను కూడా రంగంలోకి దించినట్లు నాటో ప్రతినిధి అల్లిసన్ హార్ట్ తెలిపారు.బ్రిటిష్ డ్రోన్లను ఉపయోగిస్తున్న ఉక్రెయిన్గత 6 నెలలుగా రష్యా భూభాగంలో సుదూర దాడులు చేసేందుకు ఉక్రెయిన్ బ్రిటిష్ డ్రోన్లను ఉపయోగిస్తున్నట్లు సమాచారం. చాలా దాడులు ఉక్రెయిన్ డ్రోన్లతోనే జరిగినప్పటికీ, బ్రిటిష్ డ్రోన్లు కూడా విజయవంతమైన దాడులు చేశాయని ఉక్రెయిన్ సైనిక వర్గాన్ని ఉటంకిస్తూ ది టైమ్స్ నిన్న నివేదించింది.బ్రిటిష్ డ్రోన్లు మాస్కో సమీపంలోనే కాకుండా యారోస్లావ్, వోల్గోగ్రాడ్ ప్రాంతాల్లోని చమురు శుద్ధి కర్మాగారాలపై దాడులు చేశాయి. బ్రిటిష్ రాయల్ నేవీ పరీక్షించిన న్యాన్ జెట్ ఇంజిన్ డ్రోన్‌ను రష్యా సరిహద్దుకు సమీపంలోని ఉక్రెయిన్ సరిహద్దు నగరం బెల్గొరోడ్‌ను లక్ష్యంగా చేసుకునేందుకు కూడా ఉపయోగించినట్లు ఆ పత్రిక తెలిపింది.

రష్యా-ఉక్రెయిన్ యుద్ధంలో నల్ల సముద్రం మరోసారి అగ్నిగుండంగా మారింది. రష్యాకు అత్యంత కీలకమైన నోవొరోసిస్క్ నౌకాశ్రయంపై ఉక్రెయిన్ భారీ డ్రోన్లు, క్షిపణులతో విరుచుకుపడింది. రష్యా నల్ల సముద్ర నౌకాదళానికి ప్రధాన స్థావరంగా ఉన్న ఈ పోర్టుపై జరిగిన దాడిలో నాలుగు రష్యా యుద్ధనౌకలు దెబ్బతిన్నాయని ఉక్రెయిన్ సైన్యం ప్రకటించింది. వాటిలో రెండు ఫ్రిగేట్లు ఉన్నాయని తెలిపింది. అయితే ఈ నష్టంపై రష్యా నుంచి ఇప్పటివరకు పూర్తి స్థాయి అధికారిక ధృవీకరణ రాలేదు.ఈ దాడి సైనిక లక్ష్యాలకే పరిమితం కాలేదు. నోవొరోసిస్క్‌లోని రెండు ప్రధాన ధాన్యం ఎగుమతి టెర్మినల్స్ కూడా దెబ్బతిన్నట్లు సమాచారం. దీంతో రష్యా ధాన్యం ఎగుమతులపై తీవ్ర ప్రభావం పడే అవకాశం కనిపిస్తోంది. నల్ల సముద్రం ద్వారా ప్రపంచ మార్కెట్లకు రష్యా భారీగా గోధుమలు, ఇతర వ్యవసాయ ఉత్పత్తులను ఎగుమతి చేస్తుంది. ఇప్పటికే దాడి కారణంగా సరకు రవాణాను బాల్టిక్, కాస్పియన్ సముద్ర నౌకాశ్రయాలతో పాటు భూ మార్గాలకు మళ్లించే అవకాశాలను రష్యా పరిశీలిస్తున్నట్లు వ్యవసాయ మంత్రిత్వ శాఖ తెలిపింది.నోవొరోసిస్క్ రష్యాకు సాధారణ వాణిజ్య నౌకాశ్రయం కాదు. క్రిమియాలోని సెవాస్టోపోల్‌పై ఉక్రెయిన్ దాడుల ముప్పు పెరగడంతో రష్యా తన నల్ల సముద్ర నౌకాదళంలోని పెద్ద భాగాన్ని నోవొరోసిస్క్‌కు తరలించింది. అందువల్ల అక్కడి నౌకాదళ స్థావరంపై దాడి చేయగలిగామని ఉక్రెయిన్ ప్రకటించడం రష్యాకు వ్యూహాత్మకంగా పెద్ద సవాలుగా మారింది. సెవాస్టోపోల్‌ను వదిలి సురక్షిత ప్రాంతంగా భావించిన నోవొరోసిస్క్ కూడా పూర్తిగా సురక్షితం కాదన్న సందేశాన్ని ఈ దాడి ఇచ్చినట్లయింది.‘ప్రత్యేకమైన ఆపరేషన్’..ఉక్రెయిన్ అధ్యక్షుడు వొలోడిమిర్ జెలెన్‌స్కీ ఈ దాడిని ‘ప్రత్యేకమైన ఆపరేషన్’గా అభివర్ణించారు. రాకెట్లు, వైమానిక డ్రోన్లు, నౌకాదళ డ్రోన్లను కలిపి ఉపయోగించి రష్యా నౌకాదళ స్థావరాన్ని లక్ష్యంగా చేసుకున్నట్లు తెలిపారు. రష్యా దూకుడు కొనసాగుతున్నంతకాలం ఆ దేశ నౌకాదళం, దానికి మద్దతు ఇచ్చే మౌలిక వసతులు సురక్షితంగా ఉండబోవని హెచ్చరించారు. రాత్రంతా నోవొరోసిస్క్‌లో పేలుళ్ల శబ్దాలు వినిపించినట్లు స్థానిక నివేదికలు తెలిపాయి. రష్యా వైమానిక రక్షణ వ్యవస్థలు పలు లక్ష్యాలను కూల్చివేసినట్లు అధికారులు ప్రకటించారు. అయినప్పటికీ డ్రోన్ల దాడి పోర్టు చుట్టుపక్కల ప్రాంతాలను తాకింది. పైప్‌లైన్లు దెబ్బతినడంతో నగరంలో నీటి సరఫరా నిలిచిపోయింది. పరిస్థితి తీవ్రత దృష్ట్యా నోవొరోసిస్క్‌లో అత్యవసర పరిస్థితిని ప్రకటించారు.ఈ దాడి రష్యాకు సైనికంగానే కాకుండా ఆర్థికంగానూ ఇబ్బందులు సృష్టించే అవకాశం ఉంది. రష్యా ప్రపంచంలోనే అతిపెద్ద గోధుమ ఎగుమతిదారు. నల్ల సముద్రంలోని నౌకాశ్రయాలు ఆ ఎగుమతులకు అత్యంత కీలకం. రెండు ప్రధాన ధాన్యం టెర్మినల్స్ కార్యకలాపాలు నిలిచిపోవడం వల్ల ఎగుమతులపై తక్షణ లాజిస్టికల్ ఒత్తిడి ఏర్పడింది. రష్యా తన సరకు రవాణాను ఇతర సముద్ర మార్గాలకు మళ్లించాల్సి వస్తే రవాణా సమయం, ఖర్చులు పెరిగే అవకాశం ఉంది. దీని ప్రభావం రష్యా వరకే పరిమితం కాకపోవచ్చు. రష్యా, ఉక్రెయిన్ రెండూ ప్రపంచ ధాన్యం వాణిజ్యంలో కీలక దేశాలు. ముఖ్యంగా ఉత్తర ఆఫ్రికా, మధ్యప్రాచ్యం, ఆసియాలోని అనేక దేశాలు నల్ల సముద్రం నుంచి వచ్చే ధాన్యంపై ఆధారపడుతున్నాయి. యుద్ధం కారణంగా సరఫరా మార్గాల్లో అంతరాయం పెరిగితే ప్రపంచ ఆహార ధరలపై ఒత్తిడి పెరిగే ప్రమాదం ఉంది.

మాస్కో: నల్లసముద్ర తీరంలో ఉన్న రష్యా అధ్యక్షుడు వ్లాదిమిర్ పుతిన్‌కు చెందిన అత్యంత విలాసవంతమైన రహస్య ప్యాలెస్‌కు రక్షణగా నిలిచిన అత్యాధునిక ‘ఎస్-400’ ఎయిర్ డిఫెన్స్ క్షిపణి వ్యవస్థను ఉక్రెయిన్ డ్రోన్లు విజయవంతంగా ధ్వంసం చేశాయి.దక్షిణ రష్యాలోని గెలెంజిక్ సమీపంలో ఉన్న పుతిన్ భారీ ప్యాలెస్‌కు దాదాపు 12 మైళ్ల దూరంలో ఈ ఎస్-400 ‘ట్రయంఫ్’ లాంచర్‌ను రష్యా మోహరించింది. విమానాలు, క్రూయిజ్ క్షిపణులు, డ్రోన్ల దాడుల నుంచి రక్షణ కల్పించే సామర్థ్యం ఉన్న ఈ వ్యవస్థపై ఉక్రెయిన్ డ్రోన్లు విరుచుకుపడ్డాయి. ఈ దాడి అనంతరం లాంచర్ దాదాపు మూడు గంటల పాటు మంటల్లో కాలిపోయిందని ఉక్రెయిన్ అన్‌మ్యాన్డ్ సిస్టమ్స్ దళాల కమాండర్ మేజర్ రాబర్ట్ బ్రోవ్డీ వెల్లడించినట్లు ‘ది టెలిగ్రాఫ్’ పత్రిక పేర్కొంది.వాస్తవానికి ఈ ఎస్-400 వ్యవస్థ 27 చదరపు మైళ్ల విమానాల రాకపోకలు నిషేధించిన ప్రాంతం పుతిన్ నివాస భద్రతా వలయంలో భాగంగా ఉంది. అయితే, ఉక్రెయిన్ నగరాలపై విరుచుకుపడేందుకు రష్యా ఈ ఎయిర్ డిఫెన్స్ వ్యవస్థను దాడి చేసేందుకు అనువుగా మార్చిందని, ఆగస్టు 8న దీని నుంచే ఆరు క్షిపణులను ప్రయోగించిందని బ్రోవ్డీ ఆరోపించారు. రష్యా వద్ద వ్యూహాత్మక క్షిపణుల కొరత ఏర్పడటంతో ఇలాంటి రక్షణ వ్యవస్థలను కూడా దాడుల కోసం వాడుతోందని నివేదికలు స్పష్టం చేస్తున్నాయి.రూ. 12 వేల కోట్ల 'పుతిన్ ప్యాలెస్'దాడి జరిగిన ప్రదేశం ‘పుతిన్ ప్యాలెస్’గా పిలిచే భారీ ఇటాలియన్ శైలి భవన సముదాయానికి సమీపంలో ఉంది. ఈ ఎస్టేట్ విలువ దాదాపు రూ. 12,000 కోట్లకు పైగా ఉంటుందని అంచనా. 2021లో దివంగత రష్యా ప్రతిపక్ష నేత అలెక్సీ నవల్నీ నేతృత్వంలోని యాంటీ-కరప్షన్ ఫౌండేషన్ ఈ ప్యాలెస్‌కు సంబంధించిన విలాసాలను బయటపెట్టింది. ఈ ఎస్టేట్‌లో క్యాసినో, వైన్‌యార్డ్, స్పా, ఐస్ రింక్, థియేటర్, పోల్-డ్యాన్సింగ్ రూమ్, హుక్కా లాంజ్, అక్వాటిక్ డిస్కోతో పాటు చిన్న రైళ్ల కోసం ప్రత్యేక గది కూడా ఉన్నట్లు నివేదికలు తెలిపాయి. ఉక్రెయిన్ దీర్ఘశ్రేణి డ్రోన్ దాడుల ముప్పు పెరగడంతో పుతిన్ ప్రస్తుతం ఈ నల్లసముద్ర నివాసానికి చాలా అరుదుగా వస్తున్నారని, మాస్కోకు తూర్పున ఉన్న వాల్డాయ్ సరస్సు వద్ద గల కట్టుదిట్టమైన డాచా (విశ్రాంతి భవనం)లోనే ఎక్కువగా గడుపుతున్నారని సమాచారం.రష్యా లోపలికి చొచ్చుకెళ్తున్న ఉక్రెయిన్ డ్రోన్లుఇటీవలి కాలంలో రష్యా సైనిక, ఇంధన మౌలిక వసతులను లక్ష్యంగా చేసుకుని ఉక్రెయిన్ భారీ స్థాయిలో డ్రోన్ దాడులను విస్తరించింది. ఆక్రమిత క్రిమియాలో రెండు ఎస్-400 లాంచర్లను, ఓరియన్ డ్రోన్ల కంట్రోల్ యాంటెన్నాను ధ్వంసం చేసినట్లు ఉక్రెయిన్ మిలిటరీ ఇంటెలిజెన్స్ తెలిపింది. మరోవైపు రష్యాలోని టాటర్‌స్తాన్‌లో ఉన్న చమురు శుద్ధి కర్మాగారంపై 450కి పైగా ఉక్రెయిన్ డ్రోన్లు దాడి చేయడంతో 13 మంది మరణించారు. యుద్ధం ప్రారంభమైన తర్వాత రష్యా భూభాగంలో జరిగిన అత్యంత తీవ్రమైన దాడుల్లో ఇది ఒకటిగా నిలిచింది. సైబీరియాలోని త్యుమెన్ వరకు డ్రోన్ శకలాలు పడినట్లు సమాచారం.

మాజీ భారత ప్రధాన న్యాయమూర్తి జస్టిస్‌ డీవై చంద్రచూడ్‌ మరో కీలక అంతర్జాతీయ బాధ్యతను చేపట్టారు. రష్యా–ఉక్రెయిన్‌ మధ్య కొనసాగుతున్న న్యాయ వివాదంలో రష్యా తరఫున ఆర్బిట్రేటర్‌గా ఆయన నియమితులైనట్లు సమాచారం. ప్రభుత్వ బ్యాంకు ఓష్చాడ్‌బ్యాంక్‌ (Oschadbank) దాఖలు చేసిన పెట్టుబడి వివాదానికి సంబంధించిన కేసులో ఈ నియామకం జరిగింది.ఈ వివాదం 1998 రష్యా–ఉక్రెయిన్‌ ద్వైపాక్షిక పెట్టుబడి ఒప్పందం (BIT) కింద విచారణకు వస్తోంది. రష్యా–ఉక్రెయిన్‌ యుద్ధం కారణంగా బ్యాంకు ఆస్తులు, వ్యాపార కార్యకలాపాలకు జరిగిన నష్టమే ఈ కేసుకు కేంద్రంగా ఉంది. ఈ మేరకు గ్లోబల్‌ ఆర్బిట్రేషన్‌ రివ్యూ (Global Arbitration Review) నివేదికను ఉటంకిస్తూ బార్‌ అండ్‌ బెంచ్‌ ఓ కథనం ఇచ్చింది.భారీ నష్టం అంటూ బ్యాంకు క్లెయిమ్‌ఉక్రెయిన్‌ ప్రభుత్వ ఆధీనంలోని ఓష్చాడ్‌బ్యాంక్‌.. డొనెట్స్క్‌, లుహాన్స్క్‌, ఖెర్సాన్‌, జపోరిజ్జియా ప్రాంతాల్లోని తన ఆస్తులు, వ్యాపార కార్యకలాపాలను రష్యా సైనిక చర్యల కారణంగా కోల్పోయినట్లు పేర్కొంటోంది. 2022లో రష్యా పూర్తి స్థాయి సైనిక దాడి ప్రారంభించిన తర్వాత ఈ నష్టం జరిగిందని బ్యాంకు వాదిస్తోంది. ఈ నేపథ్యంలో పరిహారం కోరుతూ అంతర్జాతీయ ఆర్బిట్రేషన్‌ను ఆశ్రయించింది. బ్యాంకు చేసిన క్లెయిమ్‌ విలువ వందల మిలియన్‌ డాలర్ల స్థాయిలో ఉన్నట్లు సమాచారం.2025 జూలైలో ఓష్చాడ్‌బ్యాంక్‌ రష్యాకు వివాదానికి సంబంధించిన నోటీసు పంపినప్పటికీ.. రష్యా స్పందించకపోవడంతో ఆర్బిట్రేషన్‌ ప్రక్రియ మొదలైనట్లు నివేదికలు చెబుతున్నాయి.ముగ్గురు సభ్యులతో ట్రిబ్యునల్‌ఈ కేసును ముగ్గురు సభ్యులతో కూడిన ఆర్బిట్రేషన్‌ ట్రిబ్యునల్‌ విచారించనుంది. కోస్టారికా మాజీ వాణిజ్య మంత్రి, ఆర్బిట్రేటర్‌ డయాలా జిమెనెజ్‌ను రష్యా, ఓష్చాడ్‌బ్యాంక్‌ సంయుక్తంగా ట్రిబ్యునల్‌ అధ్యక్షురాలిగా ఎంపిక చేశాయి. మరో సభ్యుడిగా ఓష్చాడ్‌బ్యాంక్‌ తరఫున గ్రీస్‌కు చెందిన ఆర్బిట్రేటర్‌, నేషనల్‌ యూనివర్సిటీ ఆఫ్‌ సింగపూర్‌ ప్రొఫెసర్‌ స్టావ్రోస్‌ బ్రెకౌలాకిస్‌ను ఎంపిక చేశారు. రష్యా తరఫున మూడో సభ్యుడిగా మాజీ సీజేఐ చంద్రచూడ్‌ను నియమించింది.అప్పట్లో తిరస్కరణచంద్రచూడ్‌కు రష్యా తరఫున అంతర్జాతీయ ఆర్బిట్రేషన్‌ వ్యవహారాల్లో ఇది తొలి పరిచయం కాదని నివేదికలు చెబుతున్నాయి. గతంలో వింటర్‌షాల్‌ డియా అనే చమురు, గ్యాస్‌ సంస్థకు సంబంధించిన వివాదం, అలాగే ఉక్రెయిన్‌ ప్రభుత్వ విద్యుత్‌ ప్రసార సంస్థ ఉక్రెనెర్గోకు సంబంధించిన ఒప్పంద వివాదాల్లో రష్యా తరఫున ఆర్బిట్రేటర్‌గా వ్యవహరించాలంటూ ఆయనను సంప్రదించినట్లు సమాచారం. అయితే ఆ ప్రతిపాదనలను చంద్రచూడ్‌ గతంలో తిరస్కరించినట్లు నివేదికలు పేర్కొన్నాయి.ఇక ఆ సమయంలో పర్మనెంట్‌ కోర్ట్‌ ఆఫ్‌ ఆర్బిట్రేషన్‌ (PCA) ఆయనను వింటర్‌షాల్‌ కేసులో నియామక అధికారిగా ఎంపిక చేసిన రోజే రష్యా నుంచి ఈ సంప్రదింపులు వచ్చినట్లు సమాచారం. ఆ విషయాన్ని వెల్లడించిన అనంతరం చంద్రచూడ్‌ ఆ బాధ్యత నుంచి తప్పుకున్నట్లు నివేదికలు తెలిపాయి.యుద్ధం.. లీగల్‌వార్‌.. ఇప్పుడు చంద్రచూడ్‌రష్యా–ఉక్రెయిన్‌ యుద్ధం సైనిక రంగానికే పరిమితం కాకుండా అంతర్జాతీయ న్యాయస్థానాలు, పెట్టుబడి వివాదాల వరకు విస్తరించింది. యుద్ధం కారణంగా ఆస్తులు, వ్యాపారాలు, పెట్టుబడులకు జరిగిన నష్టాలపై ఇరు దేశాలకు చెందిన సంస్థలు అంతర్జాతీయ వేదికలను ఆశ్రయిస్తున్నాయి. అలాంటి కీలక వివాదంలో మాజీ భారత ప్రధాన న్యాయమూర్తి చంద్రచూడ్‌ రష్యా తరఫున ఆర్బిట్రేటర్‌గా నియమితులు కావడం ఇప్పుడు అంతర్జాతీయ న్యాయవర్గాల్లో ఆసక్తిని రేకెత్తిస్తోంది.

కీవ్‌: ఉక్రెయిన్‌ తన లాంగ్‌రేంజ్‌ డ్రోన్‌ల సత్తాను మరోసారి రష్యాకు రుచి చూపింది. ఆదివారం రాత్రి రష్యాలోని టాటార్‌స్తాన్‌ ప్రాంతంలోని నిజ్నెకామ్‌స్క్‌ నగరంపై పాల్పడిన డ్రోన్‌లో 13 మంది ప్రాణాలు కోల్పోగా, 48 మంది గాయాలపాలయ్యారు. సోమవారం ఉదయం చోటుచేసుకున్న ఈ దాడి ఎక్కడ జరిగిందో తెలియరాలేదు. అయితే, రష్యా చమురు ప్లాంట్లను ధ్వంసం చేసినట్లు ఉక్రెయిన్‌ ప్రకటించుకుంది. ఉక్రెయిన్‌ సరిహద్దుకు 1,200 కిలోమీటర్ల దూరంలో ఉన్న నిజ్నెకామ్‌స్క్‌ నగర జనాభా 2.40 లక్షలు.నగరంలో రెండు అత్యాధునిక, అతిపెద్ద ఆయిల్‌ రిఫైనరీలతోపాటు ఒక పెట్రో కెమికల్‌ ప్లాంటు ఉన్నాయి. ఉక్రెయిన్‌ తరచుగా రష్యా ఇంధన మౌలిక వనరులే లక్ష్యంగా దాదాపు ప్రతి రోజూ దాడులకు పాల్పడుతుండటం తెల్సిందే. రష్యాలో చమురు శుద్ధి కర్మాగారాలు దెబ్బతినడంతో ఇంధన కొరత తలెత్తింది. ప్రజలు తీవ్ర అసంతృప్తితో ఉన్నారు. నాలుగేళ్ల యుద్ధానికి ముగింపు పలుకుతూ రష్యా అధ్యక్షుడు పుతిన్‌ను చర్చలకు దిగేలా చేయడమే తమ దాడుల లక్ష్యమని ఉక్రెయిన్‌ అధ్యక్షుడు జెలెన్‌స్కీ అంటున్నారు. ‘రష్యా పాల్పడిన ప్రతి దాడికీ ధీటుగా మేం బదులిస్తాం. యుద్ధం ప్రభావం రష్యన్లకు కూడా తెలిసేలా చేస్తాం’అని ఆయన వ్యాఖ్యానించారు. ఉక్రెయిన్‌ దేశీయంగా అభివృద్ధి చేసుకున్న లాంగ్‌ రేంజ్‌ డ్రోన్లతో రష్యాలోని సుదూర ప్రాంతాలపైనా దాడులకు పాల్పడుతోంది. సరిహద్దు నుంచి సుమారు 2 వేల కిలోమీటర్ల దూరంలో గల సైబీరియా ప్రాంతంపైనా ఇటీవల దాడి చేసింది. కాగా, ఉక్రెయిన్‌కు గగనతల రక్షణ వ్యవస్థల కొరత తీవ్రంగా ఉందని తెలిసిన రష్యా నిత్యం శక్తివంతమైన గ్లైడ్‌ బాంబులు, రకరకాల క్షిపణులు, డ్రోన్లతో పౌర ఆవాసాలపై దాడులు చేస్తోంది. ఉక్రెయిన్‌లోని నీప్రో ప్రాంతంలో ఉన్న తమ రెండు గోదాములపై రష్యా 24 గంటల వ్యవధిలో రెండుసార్లు దాడులకు పాల్పడిందని ప్రపంచ ఆరోగ్య సంస్థ సోమవారం వెల్లడించింది. ఈ దాడుల్లో యుద్ధ క్షేత్రంలోని వారికి ఉద్దేశించిన 5 లక్షల డాలర్ల విలువైన అత్యవసర సాగ్రి ధ్వంసమైందని తెలిపింది. ప్రాణనష్టం మాత్రం సంభవించలేదంది. కాగా, ఆదివారం రాత్రి నుంచి సోమవారం ఉదయం వరకు వివిధ ప్రాంతాలపైకి ఉక్రెయిన్‌ ప్రయోగించిన 450కిపైగా డ్రోన్లను మధ్యలోనే కూల్చినట్లు రష్యా తెలిపింది. ఇలా ఉండగా, రష్యాలోని సరిహద్దు బెల్గొరోడ్‌ ప్రాంతంపై ఉక్రెయిన్‌ గత 24 గంటల్లో జరిపిన దాడుల్లో మరో నలుగురు చనిపోయారని అధికారులు తెలిపారు.

కీవ్‌:ఉక్రెయిన్‌ అధ్యక్షుడు జెలెన్‌స్కీ సంచలన ప్రకటన చేశారు. రష్యా అధ్యక్షుడు పుతిన్‌ యుద్ధాన్ని మరింత తీవ్రతరం చేసే అవకాశాలున్నాయని పేర్కొన్నారు. దీనికొరకే త్వరలో భారీ స్థాయిలో సైనికుల సమీకరణ చేపట్టబోతున్నట్లు పేర్కొన్నారు. సెప్టెంబర్‌లో జరిగే రష్యా దిగువ సభ ఎన్నికల తర్వాత ఈ ఆపరేషన్‌ చేపట్టే అవకాశం ఉందని పేర్కొన్నారు.ప్రస్తుతం రష్యా, ఉక్రెయిన్ మధ్య తీవ్ర ఉద్రిక్తకర పరిస్థితులు నడుస్తున్నాయి. ఉక్రెయిన్‌పై రష్యా ఇటీవల వరుసగా డ్రోన్‌ దాడులు చేస్తోంది. ఈ దాడులలో పెద్దఎత్తున పౌరులు ప్రాణాలు వదులుతున్నారు. తాజాగా ఈ రోజు (సోమవారం) రష్యాలోని తతార్‌స్తాన్ ప్రాంతంపై ఉక్రెయిన్‌ జరిపిన డ్రోన్‌ దాడిలో కనీసం 13 మంది మరణించారు. యుద్ధం ప్రారంభమైన తర్వాత ఉక్రెయిన్‌ జరిపిన అత్యంత ప్రాణాంతక దాడుల్లో ఇది ఒకటిగా చెబుతున్నారు. అదే సమయంలో ఉక్రెయిన్‌లోని ఖార్కివ్ ప్రాంతంలో రష్యా జరిపిన ఆర్టిలరీ దాడిలో ఐదుగురు మరణించారు. ఈ ఉద్రిక్తతల నడుమ జెలెన్‌స్కీ సంచలన ప్రకటన చేశారు. రష్యా అధ్యక్షుడు యుద్ధాన్ని మరింత తీవ్రతరం చేసే అవకాశం ఉందన్నారు. జెలెన్‌స్కీ మాట్లాడుతూ.. "రష్యా అధ్యక్షుడు వ్లాదిమిర్ పుతిన్ ఉక్రెయిన్‌పై యుద్ధాన్ని మరింత తీవ్రతరం చేసే అవకాశం ఉంది. ఇందుకోసం 5 లక్షల మంది కొత్త సైనికులను సమీకరించేందుకు సిద్ధమవుతున్నారు. సెప్టెంబర్‌ 21న జరిగే రష్యా డ్యూమా ఎన్నికల తర్వాత ఈ సమీకరణ చేపట్టాలని పుతిన్ భావిస్తున్నారు. రష్యా ప్రజల్లో వ్యతిరేకత భయంతో పుతిన్ ఈ ప్రక్రియను బహిరంగంగా చేపట్టకపోవచ్చు" అని జెలెన్‌స్కీ పేర్కొన్నారు.కాగా ఇటీవల టర్కీ విదేశాంగశాఖ మంత్రి హకాన్ ఫిదాన్ సంచలన ప్రకటన చేశారు." ఉక్రెయిన్‌ రష్యా భూభాగంలోకి సుదూర డ్రోన్‌ దాడులను పెంచుతున్న నేపథ్యంలో పుతిన్ అణ్వాయుధాలను ప్రయోగించే పరిస్థితి రావచ్చని హెచ్చరించారు. యుద్ధం ముందు వరుస నుంచి రష్యా భూభాగంలోకి కూడా తీవ్రంగా విస్తరిస్తే, రష్యా తన ఉనికినే కాపాడుకునే చివరి మార్గంగా అణ్వాయుధాలను ఉపయోగించే ప్రమాదం ఉంది" అని ఆయన అన్నారు.

మాస్కో: సముద్ర మార్గాల్లో ఎదురవుతున్న రవాణా ముప్పును అధిగమించేందుకు హిందూ మహాసముద్రానికి ఒక ప్రత్యక్ష రైల్వే కనెక్షన్‌ను ఏర్పాటు చేసే అంశాన్ని రష్యా పరిశీలిస్తున్నట్లు ఆ దేశ ఉప ప్రధాని మరాత్ ఖుస్నుల్లిన్ తెలిపారు. తుర్క్మెనిస్తాన్, ఇరాన్, ఆఫ్ఘనిస్తాన్, పాకిస్తాన్‌ల మీదుగా వెళ్లే భూమార్గ కారిడార్ల సాధ్యాసాధ్యాలను పరిశీలించనున్నట్లు ఆయన తెలిపారు. బోస్ఫరస్, హోర్ముజ్ జలసంధి వంటి కీలకమైన వ్యూహాత్మక సముద్ర మార్గాల్లో తలెత్తుతున్న రవాణా ప్రమాదాల నేపథ్యంలో ఈ ప్రతిపాదన తెరపైకి వచ్చింది.వార్తా సంస్థ ‘టాస్’కు ఇచ్చిన ఇంటర్వ్యూలో ఖుస్నుల్లిన్ ఈ విషయాలను వెల్లడించినట్లు ‘ఏఎన్ఐ’ వార్తా సంస్థ తెలిపింది. జలమార్గాల్లో ఎదురవుతున్న అంతరాయాల నుండి రష్యా రవాణా రక్షణను మెరుగుపరిచేందుకు ఈ ప్రత్యామ్నాయ మార్గాల అభివృద్ధి దోహదపడుతుందని మరాత్ ఖుస్నుల్లిన్ అన్నారు. భారత్‌తో కనెక్టివిటీని పెంపొందించే ఏ మార్గమైనా ఆచరణాత్మకమైనదిగా పరిగణిస్తామని ఆయన పేర్కొన్నారు. ఈ నెట్‌వర్క్ కనుక భవిష్యత్తులో రూపుదిద్దుకుంటే, రష్యా- భారత్ మధ్య నేరుగా వస్తువుల రవాణాకు ఒక ప్రత్యామ్నాయ భూమార్గ రైల్వే మార్గం అందుబాటులోకి రానుంది.ఈ ప్రతిపాదన సంప్రదాయ సముద్ర మార్గాలకు అతీతంగా కనెక్టివిటీని నిర్మించడంపై ప్రత్యేక దృష్టి పెట్టింది. నల్ల సముద్రాన్ని మధ్యధరా సముద్రంతో కలిపే బోస్ఫరస్ జలసంధి, ప్రపంచ ఇంధన రవాణాకు అత్యంత కీలకమైన మార్గమైన హోర్ముజ్ జలసంధి వ్యూహాత్మకంగా ఎంతో ప్రాముఖ్యత కలిగి ఉన్నాయి. హిందూ మహాసముద్రం మీదుగా భారత్‌కు సరుకులను తరలించడంలో మరింత వెసులుబాటును కల్పించే మార్గాలపై రష్యా పరిశీలిస్తున్నదని ఖుస్నుల్లిన్ వ్యాఖ్యలు సూచిస్తున్నాయి.అయితే, తుర్క్మెనిస్తాన్, ఇరాన్, ఆఫ్ఘనిస్తాన్ , పాకిస్తాన్ ల గుండా వెళ్లే ఈ కారిడార్ బహుళ దేశాల గుండా సాగాల్సి ఉంటుంది. దీనికి గణనీయమైన మౌలిక సదుపాయాల అభివృద్ధి, దేశాల మధ్య సమన్వయం అవసరమవుతాయి. ఒకవేళ ఈ ప్రతిపాదిత రైల్వే నెట్‌వర్క్ సాకారమైతే, ప్రమాదకరమైన సముద్ర రవాణా మార్గాలపై ఆధారపడటాన్ని తగ్గించుకుంటూ రష్యాకు భారత్‌తో ప్రత్యామ్నాయ భూమార్గ రవాణా మార్గం ఏర్పాటవుతుంది. ఇది కూడా చదవండి: ‘నో మ్యాన్స్ ల్యాండ్’.. ఈ భూమిపై ఎవరికీ హక్కు లేదా?

కీవ్‌: రష్యా, ఉకెయ్రిన్‌ల పరస్పర దాడుల్లో కనీసం ఏడుగురు చనిపోగా, పదులసంఖ్యలో క్షతగాత్రులయ్యారు. రష్యా సరిహద్దుల్లోని బెల్గొరోడ్‌పై ఉక్రెయిన్‌ చేపట్టిన డ్రోన్‌ దాడుల్లో నాలుగేళ్ల చిన్నారి సహా ఐదుగురు చనిపోగా, మరో 25 మంది వరకు గాయపడ్డారు. రష్యా క్షిపణి దాడుల్లో ఉక్రెయిన్‌లో ఖర్కీవ్‌లో ఇద్దరు చనిపోగా, 13 మంది గాయపడ్డారు. తీర నగరం ఒడెసాపై జరిగిన మరో దాడిలో 8 మంది గాయపడ్డారు. ఒడెసా చుట్టుపక్కల ప్రాంతాలపై రష్యా డజన్లకొద్దీ క్షిపణలను ప్రయోగించిందని స్థానిక యంత్రాంగం పేర్కొంది. ఇలా ఉండగా, ఉక్రెయిన్‌ డ్రోన్‌ సరిహద్దుల్లోని తమ గ్రామంపై పడిందని మాల్దోవా తెలిపింది. ఘటనలో ఎవరికీ అపాయం వాటిల్లలేదని పేర్కొంది.

పశ్చిమగోదావరి: తణుకు అబ్బాయి.. రష్యా దేశ అమ్మాయి వివాహ బంధంతో ఒక్కటయ్యారు. తణుకు పట్టణానికి చెందిన సిర్రా బ్రహ్మయ్య కుమారుడు జానకి రామ్‌ పాల్, రష్యా దేశానికి చెందిన అనస్తాసియా డానిలోవా వివాహం శనివారం స్థానిక వీకే ఫంక్షన్‌ హాలులో క్రైస్తవ సంప్రదాయబద్ధంగా నిర్వహించారు. నాలుగేళ్ల క్రితం జానకి రామ్‌ పాల్‌ బైబిల్‌ కోర్సులో శిక్షణ పొందేందుకు రష్యా దేశానికి వెళ్లారు.అక్కడ అనస్తాసియా డానిలోవాతో ఆయనకు పరిచయం ఏర్పడింది. ఆ పరిచయం క్రమంగా స్నేహంగా, అనంతరం ప్రేమగా మారడంతో ఇద్దరూ వివాహం చేసుకోవాలని నిర్ణయించుకున్నారు. తమ ప్రేమ విషయాన్ని ఇరువురి కుటుంబ సభ్యులకు తెలియజేయగా, వారు కూడా సానుకూలంగా అంగీకరించారు. దీంతో రష్యా నుంచి వచ్చిన అనస్తాసియా కుటుంబ సభ్యులు, తణుకుకు చెందిన రామ్‌ పాల్‌ కుటుంబ సభ్యులు, బంధుమిత్రులు పెద్ద సంఖ్యలో ఈ వేడుకలో పాల్గొని నూతన దంపతులను ఆశీర్వదించారు.

రష్యా అధ్యక్షుడు వ్లాదిమిర్‌ పుతిన్‌పై అమెరికా నిఘా వర్గాల సంచలన ఆరోపణలు చేశాయి. పుతిన్‌.. నాటో కూటమి ఐక్యతను, దాని సమిష్టి రక్షణ సామర్థ్యాన్ని పరీక్షించేందుకు ఆ కూటమిలోని ఓ సభ్యదేశంపై పరిమిత స్థాయి దాడికి పాల్పడే అవకాశం ఉందని అమెరికా నిఘా వర్గాల పేర్కొంటున్నాయి. సైబర్‌ దాడులు, రహస్య కార్యకలాపాలు, హైబ్రిడ్‌ ఆపరేషన్లు లేదా చిన్న స్థాయి సైనిక చొరబాటు రూపంలో ఈ చర్య ఉండొచ్చని అమెరికా అధికారులు భావిస్తున్నట్లు ది వాల్‌ స్ట్రీట్‌ జర్నల్‌ కథనం నివేదించింది.ఉక్రెయిన్‌ యుద్ధంలో రష్యా నిమగ్నమై ఉన్నంతకాలం నాటోతో నేరుగా తలపడేందుకు పుతిన్‌ ప్రయత్నించరని గతంలో అమెరికా అధికారులు భావించారు. అయితే, తాజాగా ఆ అంచనాలో మార్పు వచ్చినట్లు తెలుస్తోంది. ఉక్రెయిన్‌ డ్రోన్‌ దాడులు రష్యా సైనిక స్థావరాలు, చమురు మౌలిక సదుపాయాలను లక్ష్యంగా చేసు​కోవడం, యుద్ధంలో రష్యా భారీ నష్టాలను ఎదుర్కోవడం వంటి పరిణామాలను అమెరికా నిఘా వర్గాలు పరిగణనలోకి తీసుకుంటున్నాయి.రష్యా చర్యకు దిగితే భూభాగాన్ని ఆక్రమించుకోవడం కంటే నాటోలోని దేశాల మధ్య విభేదాలు సృష్టించడం, కూటమి స్పందనను పరీక్షించడమే లక్ష్యం కావచ్చని అధికారులు భావిస్తున్నారు. ఇలాంటి చర్యలు 2026 నవంబర్‌ నుంచి 2029 మధ్య ఎప్పుడైనా చోటుచేసుకునే అవకాశం ఉందని చెబుతున్నారు. అయితే నేరుగా భూదాడి చేసే అవకాశం తక్కువగా ఉందని అధికారులు చెబుతున్నారు. నాటో ఆర్టికల్‌ 5 ప్రకారం ఒక సభ్యదేశంపై సాయుధ దాడిని మొత్తం కూటమిపై దాడిగా పరిగణించే అవకాశం ఉండటమే దీనికి కారణం. అలా జరిగితే రష్యా-నాటో మధ్య ప్రత్యక్ష యుద్ధానికి దారితీసే ప్రమాదం ఉంది.అలాంటి పరిస్థితుల్లో నాటో ఎలాంటి చర్య తీసుకుంటుందన్నదే కీలకంగా మారనుంది. కాగా, ఎలాంటి పరిస్థితినైనా ఎదుర్కొనేందుకు తాము సిద్ధంగా ఉన్నామని నాటో ఇప్పటికే స్పష్టం చేసింది. వివిధ రకాల పరిస్థితులను ముందుగానే అంచనా వేసి, అవసరమైనప్పుడు నిరోధించేందుకు, రక్షించేందుకు సిద్ధంగా ఉన్నామని నాటో ప్రతినిధి కల్నల్‌ మార్టిన్‌ ఓ డొన్నెల్‌ తెలిపారు.ఇదిలా ఉండగా అమెరికా కీలక ఆయుధాల నిల్వలపైనా ఆందోళనలు వ్యక్తమవుతున్నాయి. ఉక్రెయిన్‌కు సంవత్సరాలుగా అందించిన సైనిక సహాయం, ఇటీవల ఇరాన్‌కు సంబంధించిన సైనిక చర్యల కారణంగా కొన్ని కీలక ఆయుధాల నిల్వలు తగ్గినట్లు అధికారులు, రక్షణ నిపుణులు చెబుతున్నారు. ప్రెసిషన్‌ స్ట్రైక్‌ మిసైల్స్‌, ఆర్మీ టాక్టికల్‌ మిసైల్‌ సిస్టమ్స్‌ (ATACMS), స్టింగర్‌ క్షిపణులతో పాటు పేట్రియాట్‌, SM-3, THAAD వంటి వాయు రక్షణ ఇంటర్‌సెప్టర్ల నిల్వలపైనా ఒత్తిడి ఉన్నట్లు సమాచారం. రష్యా-నాటో మధ్య ప్రత్యక్ష ఘర్షణ ఏర్పడితే దాని ప్రభావం యూరప్‌కే పరిమితం కాకుండా ప్రపంచ భద్రతా వ్యవస్థపై పడే అవకాశం ఉంది.

ఉక్రెయిన్‌ యుద్ధానికి రష్యాకు అందుతున్న ఆర్థిక వనరులను దెబ్బతీయడమే లక్ష్యంగా అమెరికా కీలక నిర్ణయం తీసుకుంది. రష్యా నుంచి చమురు, గ్యాస్‌ కొనుగోలు చేస్తున్న దేశాలపై భారీ సుంకాలు విధించే అధికారాన్ని అధ్యక్షుడు డొనాల్డ్‌ ట్రంప్‌కు ఇచ్చే బిల్లును అమెరికా సెనేట్‌ ఆమోదించింది. ఈ పరిణామం ఇప్పుడు ప్రపంచ ఇంధన మార్కెట్లలోనే కాకుండా భారత్‌-అమెరికా వాణిజ్య సంబంధాల్లోనూ చర్చకు దారితీసింది.రష్యా ఇంధన ఆదాయాన్ని తగ్గించడం ద్వారా మాస్కోపై ఒత్తిడి పెంచాలన్నది అమెరికా వ్యూహం. అయితే ఈ బిల్లు చట్టంగా మారి అమల్లోకి వస్తే.. రష్యా నుంచి భారీగా చమురు కొనుగోలు చేస్తున్న భారత్‌, చైనా వంటి దేశాలు కొత్త ఆర్థిక సవాళ్లను ఎదుర్కోవాల్సి వచ్చే అవకాశం ఉంది.ఏమిటీ రష్యా శాంక్షన్స్‌ బిల్లు?అమెరికా సెనేట్‌ ఆమోదించిన ఈ బిల్లు పేరు “లిండ్సే ఓ. గ్రాహమ్‌ శాంక్షనింగ్‌ రష్యా అండ్‌ ఇరాన్‌ యాక్ట్‌ ఆఫ్‌ 2026”. రష్యా చమురు, గ్యాస్‌ ద్వారా వస్తున్న ఆదాయాన్ని తగ్గించడం, ఉక్రెయిన్‌పై యుద్ధానికి ఉపయోగపడుతున్న ఆర్థిక వనరుల ప్రవాహాన్ని అడ్డుకోవడం ఈ బిల్లు ప్రధాన లక్ష్యంగా పెట్టుకుంది.ఈ బిల్లు సెనేట్‌లో 86-11 ఓట్లతో భారీ మెజారిటీతో ఆమోదం పొందింది. ఇక ఇది అమెరికా ప్రతినిధుల సభ (హౌస్‌ ఆఫ్‌ రిప్రజెంటేటివ్స్‌) ఆమోదం పొందాల్సి ఉంది. అక్కడ కూడా ఆమోదం లభిస్తే అధ్యక్షుడు ట్రంప్‌ సంతకం తర్వాత ఇది చట్టంగా మారనుంది.అయితే.. ఈ బిల్లు పేరులో ఇరాన్‌ ఉన్నప్పటికీ ప్రస్తుత పరిణామాల్లో ప్రధాన దృష్టి రష్యా చమురు ఆదాయాన్ని అడ్డుకోవడంపైనే ఉంది. రష్యా నుంచి ఇంధనం కొనుగోలు చేసే దేశాలపై టారిఫ్‌లు విధించే అధికారం ట్రంప్‌కు ఇవ్వడమే ఈ బిల్లులో అత్యంత కీలక అంశంగా మారింది.రష్యా ఇంధనం కొనే దేశాలపై టారిఫ్‌ పిడుగురష్యా చమురు, సహజ వాయువు కొనుగోలు చేస్తున్న దేశాలపై ఒత్తిడి పెంచడం ద్వారా మాస్కో ఆదాయానికి గండికొట్టాలని అమెరికా భావిస్తోంది. ఈ బిల్లు అమల్లోకి వస్తే.. రష్యా ఇంధనాన్ని అత్యధికంగా కొనుగోలు చేసే టాప్‌ ఐదు దేశాలపై అమెరికా అధ్యక్షుడికి 100 శాతం వరకు టారిఫ్‌లు విధించే అధికారం లభిస్తుంది.అంటే రష్యా నుంచి చమురు కొనుగోళ్లను కొనసాగించే దేశాల నుంచి అమెరికాకు ఎగుమతి అయ్యే వస్తువులపై భారీ సుంకాలు విధించే అవకాశం ఉంటుంది. దీంతో ఇంధన కొనుగోళ్ల అంశం కేవలం ఆర్థిక వ్యవహారంగా కాకుండా అంతర్జాతీయ దౌత్య అంశంగా మారనుంది.భారత్‌, చైనాలపైనే ఎందుకు గురి?ప్రస్తుతం రష్యా చమురు, గ్యాస్‌కు అతిపెద్ద కొనుగోలుదారుల జాబితాలో చైనా, భారత్‌, అజర్‌బైజాన్‌, హంగేరీ, స్లోవేకియా ఉన్నాయి. ఈ దేశాల ఇంధన కొనుగోళ్లే రష్యా ఆర్థిక వ్యవస్థకు కీలక మద్దతుగా మారాయని అమెరికా వాదిస్తోంది.2022లో ఉక్రెయిన్‌పై రష్యా దాడి తర్వాత పాశ్చాత్య దేశాలు మాస్కోపై అనేక ఆంక్షలు విధించాయి. అయితే రష్యా చమురు తక్కువ ధరకు లభించడంతో భారత్‌, చైనా వంటి దేశాలు కొనుగోళ్లను కొనసాగించాయి. దీంతో రష్యా ఇంధన ఆదాయాన్ని పూర్తిగా నిలువరించాలన్న అమెరికా ప్రయత్నాల్లో ఈ దేశాలు ప్రధానంగా మారాయి.భారత్‌కు అసలు పరీక్ష ఎక్కడ?రష్యా చమురు భారత్‌కు గత కొన్నేళ్లుగా కీలక ఇంధన వనరుగా మారింది. తక్కువ ధరకు ముడి చమురు లభించడం వల్ల దేశ ఇంధన అవసరాలను తీర్చుకోవడంలో ఇది ఉపయోగపడుతోంది. 2026 జూన్‌లో భారత్‌ రష్యా ముడి చమురు కొనుగోళ్లు భారీగా పెరిగాయి. మే నెలతో పోలిస్తే 34 శాతం పెరిగి 4.5 బిలియన్‌ యూరోలకు చేరినట్లు నివేదికలు పేర్కొన్నాయి.అయితే ఇప్పుడు భారత్‌ ముందు రెండు కీలక అంశాలు నిలిచాయి. ఒకవైపు తక్కువ ధరకు లభించే రష్యా చమురు ద్వారా ఇంధన భద్రతను కొనసాగించాల్సి ఉంది. మరోవైపు అమెరికాతో ఉన్న వ్యూహాత్మక, వాణిజ్య సంబంధాలను కూడా కాపాడుకోవాల్సిన పరిస్థితి ఏర్పడింది.చైనాపైనా భారీ ప్రభావంఈ బిల్లు ప్రభావం ఎక్కువగా చైనాపై ఉండే అవకాశం ఉందని విశ్లేషకులు భావిస్తున్నారు. రష్యా శిలాజ ఇంధనాల అతిపెద్ద కొనుగోలుదారుగా చైనా కొనసాగుతోంది. 2026 జూన్‌ గణాంకాల ప్రకారం రష్యా ఇంధన ఎగుమతుల నుంచి వచ్చే ఆదాయంలో చైనా వాటా గణనీయంగా ఉంది. ఐదు అతిపెద్ద కొనుగోలుదారుల ఆదాయంలో 41 శాతం చైనా నుంచే వచ్చినట్లు విశ్లేషణలు చెబుతున్నాయి.రష్యా చమురు ఎగుమతుల్లో చైనా దాదాపు సగం కొనుగోలు చేస్తుండగా.. భారత్‌ కూడా 36 శాతం వాటాతో కీలక కొనుగోలుదారుగా ఉంది. దీంతో ఈ బిల్లు రష్యాపైనే కాకుండా అమెరికా-చైనా వాణిజ్య సంబంధాలపై కూడా ప్రభావం చూపే అవకాశం ఉంది.లిండ్సే గ్రాహమ్‌ పేరుతో ఎందుకు?ఈ బిల్లుకు రిపబ్లికన్‌ సెనేటర్‌ లిండ్సే గ్రాహమ్‌ కీలక రూపకర్తల్లో ఒకరు. ఉక్రెయిన్‌ పర్యటన అనంతరం జూలై 11న ఆయన ఆకస్మికంగా మరణించారు. అయినప్పటికీ ఆయన రూపొందించిన ఆంక్షల ప్రతిపాదనను ముందుకు తీసుకెళ్లాలని రెండు పార్టీల నేతలు నిర్ణయించారు. ఆయనకు గౌరవంగా ఈ బిల్లుకు ఆయన పేరు పెట్టారు.పుతిన్‌, రష్యా సంస్థలపైనా చర్యలుఈ బిల్లు కేవలం రష్యా చమురు కొనుగోలుదారులను లక్ష్యంగా చేసుకోవడం మాత్రమే కాదు. రష్యా అధ్యక్షుడు వ్లాదిమిర్‌ పుతిన్‌, ఉన్నతాధికారులు, సంపన్న వర్గాలు, ఆర్థిక సంస్థలపై కూడా ఆంక్షలు విధించే నిబంధనలు ఇందులో ఉన్నాయి. అంతేకాకుండా అంతర్జాతీయ ఆంక్షలను తప్పించుకునేందుకు రష్యా ఉపయోగిస్తున్న “షాడో ఫ్లీట్‌” చమురు నౌకల నెట్‌వర్క్‌పై కూడా చర్యలు తీసుకునే అవకాశం ఉంది.500 శాతం నుంచి 100 శాతానికి తగ్గిన టారిఫ్‌ ప్రతిపాదనఈ బిల్లు మొదటి రూపంలో మరింత కఠినంగా ఉంది. రష్యా ఇంధనం కొనుగోలు చేసే దేశాలపై ఏకంగా 500 శాతం వరకు టారిఫ్‌లు విధించే ప్రతిపాదన ఉండేది. అయితే అమెరికా ప్రభుత్వం, చట్టసభ సభ్యుల మధ్య జరిగిన చర్చల తర్వాత దీనిని సవరించారు. చివరకు రష్యా ఇంధన కొనుగోలుదారులపై గరిష్ఠ టారిఫ్‌ను 100 శాతానికి పరిమితం చేశారు.ట్రంప్‌కు అధికారం ఇవ్వడంపై విమర్శలుఈ బిల్లుకు అమెరికాలోనే భిన్న స్పందనలు వస్తున్నాయి. కొందరు డెమొక్రాట్లు ట్రంప్‌కు విస్తృత టారిఫ్‌ అధికారాలు ఇవ్వడం ప్రమాదకరమని అభిప్రాయపడుతున్నారు. టారిఫ్‌ల భారం చివరకు అమెరికా వ్యాపారాలు, వినియోగదారులపైనే పడుతుందని వారు ఆందోళన వ్యక్తం చేస్తున్నారు. అయితే రష్యాపై ఒత్తిడి పెంచేందుకు ఈ చర్య అవసరమని బిల్లు మద్దతుదారులు వాదిస్తున్నారు.ఇక ముందు ఏం జరగనుంది?ప్రస్తుతం ఈ బిల్లు అమెరికా ప్రతినిధుల సభ ముందుకు వెళ్లనుంది. అక్కడ కూడా ఆమోదం పొందితే ట్రంప్‌ సంతకం తర్వాత ఇది అమల్లోకి వచ్చే అవకాశం ఉంది. అయితే అసలు ప్రశ్న.. ట్రంప్‌ ఈ అధికారాన్ని వెంటనే ఉపయోగిస్తారా? లేదంటే భారత్‌, చైనా వంటి దేశాలతో చర్చలు, మినహాయింపులు, దౌత్య మార్గాలను ఎంచుకుంటారా? అన్నదే. అయితే..టారిఫ్‌లు అమల్లోకి రాకముందే వాటి ప్రభావం మొదలయ్యే అవకాశం ఉందని నిపుణులు భావిస్తున్నారు. ఎందుకంటే అమెరికా చర్యల భయంతో చమురు కంపెనీలు, బ్యాంకులు, షిప్పింగ్‌ సంస్థలు తమ భవిష్యత్‌ వ్యూహాలను మార్చుకునే అవకాశం ఉంది.రష్యా చమురు ఆదాయాన్ని అడ్డుకోవాలన్న అమెరికా వ్యూహం ఇప్పుడు భారత్‌, చైనా వంటి దేశాలకు కొత్త ఆర్థిక పరీక్షగా మారింది. ట్రంప్‌ తీసుకునే తదుపరి నిర్ణయాలపైనే ప్రపంచ ఇంధన మార్కెట్లు, అంతర్జాతీయ వాణిజ్య సంబంధాల భవిష్యత్‌ ఆధారపడనుంది.

ప్రపంచ భద్రతా సమీకరణాలను మార్చే నిర్ణయం దిశగా అమెరికా అడుగులు వేస్తోందా? చైనా లేదా రష్యాతో యుద్ధం జరిగితే ఇప్పటివరకు ఉన్న అణు వ్యూహాన్ని పూర్తిగా మార్చాలని పెంటగాన్ ఆలోచిస్తున్నట్లు అంతర్జాతీయ మీడియాలో కథనాలు వెలువడ్డాయి. దీర్ఘ శ్రేణి అణు క్షిపణులకే పరిమితం కాకుండా, యుద్ధభూమిలో వినియోగించే టాక్టికల్ అణు ఆయుధాలకు ప్రాధాన్యం పెంచే ప్రతిపాదనపై సమీక్ష జరుగుతున్నట్లు సమాచారం. ఈ మార్పు అమల్లోకి వస్తే అమెరికా అధ్యక్షుడు డొనాల్డ్ ట్రంప్‌కు సంక్షోభ సమయంలో మరిన్ని సైనిక ఎంపికలు లభించే అవకాశం ఉందని అధికారులు చెబుతున్నారు. అయితే ఈ ప్రతిపాదనపై మద్దతుతో పాటు తీవ్ర విమర్శలు కూడా వ్యక్తమవుతున్నాయి.ప్రస్తుతం అమెరికా ప్రధానంగా దీర్ఘ శ్రేణి వ్యూహాత్మక (Strategic) అణు క్షిపణులపై ఆధారపడుతోంది. అయితే కొత్త ప్రతిపాదనలో తక్కువ శ్రేణి టాక్టికల్ అణు ఆయుధాలకు మరింత ప్రాధాన్యం ఇవ్వాలని భావిస్తున్నట్లు సమాచారం. ఈ సమీక్షకు పెంటగాన్ విధానాల విభాగం అధిపతి ఎల్బ్రిడ్జ్ కోల్బీ నాయకత్వం వహిస్తున్నట్లు నివేదికలు పేర్కొన్నాయి.మరిన్ని సైనిక ఎంపికలే లక్ష్యమా?ఈ ప్రతిపాదన వెనుక ప్రధాన ఉద్దేశం అమెరికా అధ్యక్షుడు డొనాల్డ్ ట్రంప్‌కు సంక్షోభ సమయంలో మరిన్ని ప్రతిస్పందన ఎంపికలు అందుబాటులో ఉంచడమేనని అధికారులు చెబుతున్నారు. రష్యా లేదా చైనా.. అమెరికా మిత్రదేశాలపై దాడి చేసిన సందర్భంలో, భారీ స్థాయి అణు దాడికి మాత్రమే పరిమితం కాకుండా పరిస్థితికి అనుగుణంగా స్పందించే అవకాశాలు ఉండాలని ఈ సమీక్ష సూచిస్తోంది. ఒక సీనియర్ రక్షణ శాఖ అధికారి ప్రకారం..‘అమెరికాకు విశ్వసనీయమైన అణు ప్రతిస్పందన ఎంపికలు అవసరం. అధ్యక్షుడికి ఎక్కువ ప్రత్యామ్నాయాలు ఉంటేనే శత్రుదేశాలను సమర్థంగా నిరోధించవచ్చు’ అని అభిప్రాయపడ్డారు.టాక్టికల్ అణు ఆయుధాలు అంటే?టాక్టికల్ అణు ఆయుధాలు వ్యూహాత్మక అణు బాంబులతో పోలిస్తే తక్కువ శక్తి కలిగి ఉంటాయి. ఇవి యుద్ధభూమిలోని సైనిక స్థావరాలు, దళాలు లేదా ఇతర సైనిక లక్ష్యాలను లక్ష్యంగా చేసుకుని ఉపయోగించేందుకు రూపొందించబడతాయి. అయినప్పటికీ, ఇవి కూడా భారీ ప్రాణనష్టం, విధ్వంసం సృష్టించే సామర్థ్యం కలిగిన అణు ఆయుధాలేనని నిపుణులు హెచ్చరిస్తున్నారు.అయితే, ఈ ప్రతిపాదనపై ఇప్పటికే చర్చ మొదలైంది. అనుకూల వర్గాలు ఇది అమెరికా అణు నిరోధక శక్తిని (Deterrence) మరింత బలపరుస్తుందని చెబుతుండగా, విమర్శకులు మాత్రం టాక్టికల్ అణు ఆయుధాలకు ప్రాధాన్యం పెరగడం వల్ల వాటి వినియోగానికి ఉన్న మానసిక అడ్డంకి తగ్గే ప్రమాదం ఉందని ఆందోళన వ్యక్తం చేస్తున్నారు. ఒకసారి అణు ఆయుధం ఉపయోగిస్తే అది మరింత పెద్ద స్థాయి ఘర్షణకు దారితీయవచ్చని వారు హెచ్చరిస్తున్నారు.కాగా, ఈ ప్రతిపాదన ఇప్పటికీ విధాన సమీక్ష (Policy Review) దశలోనే ఉంది. అమెరికా ప్రభుత్వం అధికారికంగా కొత్త అణు విధానాన్ని ప్రకటించలేదు. కాబట్టి ప్రస్తుతం దీనిని పరిశీలనలో ఉన్న ప్రతిపాదనగా మాత్రమే పరిగణించాలి. అయితే, 1945లో హిరోషిమా, నాగసాకిపై అణుబాంబులు పడిన తర్వాత ప్రపంచంలో యుద్ధ రంగంలో అణు ఆయుధాలు మళ్లీ ఉపయోగించబడలేదు. అందుకే అమెరికా అణు వ్యూహంలో ఎలాంటి మార్పు ప్రతిపాదన వచ్చినా, అది ప్రపంచవ్యాప్తంగా ఆసక్తి, ఆందోళనలకు కారణమవుతోంది.

ఉక్రెయిన్‌లో భయానక ఘటన వెలుగులోకి వచ్చింది. కూరగాయలు విక్రయిస్తున్న ఓ సాధారణ పౌరుడిని డ్రోన్‌ వెంటాడి దాడి చేసిన వీడియోను ఉక్రెయిన్‌ విడుదల చేసింది. చేతులు జోడించి ప్రాణాలు కాపాడాలని వేడుకున్నా.. డ్రోన్‌ అతడిని వెంబడించింది. చివరకు అతని మీద పడిపోయి పేలినట్లు వీడియోలో కనిపిస్తోంది.వీడియోలో ఓ వ్యక్తి వీధిలో పరుగులు తీస్తూ డ్రోన్‌ నుంచి తప్పించుకునేందుకు ప్రయత్నిస్తున్నాడు. డ్రోన్‌ అతడిని చుట్టుముట్టి వెంటాడగా.. అతడు ఓ వాహనం చుట్టూ తిరుగుతూ తప్పించుకునే ప్రయత్నం చేశాడు. చివరకు డ్రోన్‌ అతడి సమీపంలో పేలినట్లు కనిపించింది. ఈ దాడిలో ఆ వ్యక్తి ప్రాణాలతో బయటపడ్డాడని తెలుస్తోంది. అయితే అతడికి గాయాలయ్యాని.. ఆ షాక్‌ నుంచి ఇంకా కోలుకోలేకపోతున్నాడని వైద్యులు వెల్లడించినట్లు సమాచారం.Today, many were shocked by yet another video of the drone “safari” Russians are carrying out against civilians in Kherson. A Russian drone deliberately hunted down a man selling vegetables and detonated right next to him. The Russians even admitted to the crime, showing zero… pic.twitter.com/uGjC7esFwR— Volodymyr Zelenskyy / Володимир Зеленський (@ZelenskyyUa) August 4, 2026ఈ ఘటనను ఉక్రెయిన్‌ తీవ్రంగా ఖండించింది. పౌరులను లక్ష్యంగా చేసుకుని డ్రోన్లను ఉపయోగించడం యుద్ధ నేరమని పేర్కొంది.ఆ దేశ అధ్యక్షుడు వ్లాదిమిర్‌ జెలెన్‌స్కీ ఈ వీడియోను సోషల్‌ మీడియాలో షేర్‌ చేస్తూ.. ఇది రష్యా డ్రోన్‌ దాడికి నిదర్శనమని ఆరోపించారు. దక్షిణ ఉక్రెయిన్‌లోని ఖెర్సన్‌ ప్రాంతంలో ఈ ఘటన జరిగినట్లు తెలిపారు. అయితే ఇది సరిగ్గా ఎప్పుడు జరిగిందనేది మాత్రం ఆయన వెల్లడించలేదు. ఉక్రెయిన్‌ విదేశాంగ మంత్రి ఆండ్రి సిబిహా దీనిని “కిరాతక చర్య”గా అభివర్ణిస్తూ.. పౌరులను భయభ్రాంతులకు గురిచేసే ఉద్దేశంతోనే ఇలాంటి దాడులు జరుగుతున్నాయని ఆరోపించారు. అయితే ఈ ఆరోపణలపై రష్యా ఇంకా స్పందించలేదు. యుద్ధ ప్రాంతాల్లో డ్రోన్ల వినియోగం పెరుగుతున్న నేపథ్యంలో.. సాంకేతిక ఆయుధాలు సాధారణ పౌరుల ప్రాణాలకు ముప్పుగా మారుతున్నాయనే ఆందోళనలు మరోసారి తెరపైకి వచ్చాయి. తాజాగా ఉక్రెయిన్‌ రష్యా భూభాగంలో జరిపిన దాడుల్లో.. చిన్నారులు సహా పదుల సంఖ్యలో మృత్యువాత పడ్డారు. ఓ వైపు యుద్ధం కొనసాగుతుండగా.. మరోవైపు పౌరులపై దాడుల ఆరోపణలు అంతర్జాతీయంగా తీవ్ర చర్చకు దారితీస్తున్నాయి.

మాస్కో: రష్యా, ఉక్రెయిన్‌ పరస్పరం జరుపుకున్న దాడుల్లో కనీసం 10 మంది ప్రాణాలు కోల్పోయారు. రష్యా రాజధాని మాస్కోపై ఉక్రెయిన్‌ జరిపిన డ్రోన్‌ దాడుల్లో ఐదుగురు చనిపోగా 10 మంది గాయపడ్డారు. అదేవిధంగా, సెయింట్‌ పీటర్స్‌ బర్గ్‌లోని మరో వైల్డ్‌బెర్రీస్‌ గోదాముపై దాడి చేయగా మంటలు చెలరేగాయి. ఉక్రెయిన్‌ ప్రయోగించిన 320 డ్రోన్లను కూల్చివేసినట్లు రష్యా రక్షణ శాఖ తెలిపింది.ఉక్రెయిన్‌లోని మైకోలైవ్, పివ్‌డెన్యి, ఒడెసా పోర్టులపై దాడి చేసి చమురు, ఆయుధాలు, సైనిక సామగ్రితో వెళ్తున్న నాలుగు నౌకలను ధ్వంసం చేశామంది. రష్యా దాడుల్లో మైకోలైవ్‌ ఒకరు, సుమీలో ఇద్దరు బాలికలు, ఒక వృద్ధురాలు, ఖర్కీవ్‌లో మరొకరు చనిపోయారు. అదేవిధంగా, క్రమటోర్‌స్క్‌లో రష్యా జరిపిన గ్లైడ్‌ బాంబుల దాడిలో మరో 22 మంది గాయపడ్డారు.

రష్యాతో జరుగుతున్న యుద్ధంలో ఉక్రెయిన్‌ దూకుడు పెంచిందా? నల్ల సముద్ర తీరంలోని రష్యా పర్యాటక ప్రాంతం, ఆక్రమిత క్రిమియాపై వరుస డ్రోన్‌ దాడులతో కీవ్‌ తన దాడి సామర్థ్యాన్ని మరోసారి చాటుకుందా? తాజాగా జరిగిన ఈ దాడుల్లో 11 మంది మృతి చెందినట్లు రష్యా అధికారులు ప్రకటించారు. తమ భూభాగంలోకి చొచ్చుకొచ్చి జరిగిన ఈ దాడుల వెనుక ఉక్రెయిన్‌ హస్తం ఉందని మాస్కో ఆరోపిస్తోంది. అయితే ఈ ఆరోపణలపై కీవ్‌ ఇప్పటివరకు ఎలాంటి అధికారిక స్పందన ఇవ్వలేదు.రష్యాలోని క్రాస్నొడార్‌ ప్రాంతంలోని ఆర్కిపో-ఒసిపోవ్కా సముద్ర తీర రిసార్ట్‌పై సోమవారం జరిగిన డ్రోన్‌ దాడిలో ఏడుగురు ప్రాణాలు కోల్పోయారు. మృతుల్లో ముగ్గురు చిన్నారులు ఉన్నట్లు అధికారులు తెలిపారు. పర్యాటకులతో కిక్కిరిసిన బీచ్‌పైకి డ్రోన్‌ దూసుకురావడంతో ఈ ఘటన చోటుచేసుకుంది. సోషల్‌ మీడియాలో వైరల్‌ అయిన వీడియోల్లో.. సముద్రంలో ఉన్న పర్యాటకులు, తీరంలో ఉన్న ప్రజలు ఒక్కసారిగా భయంతో పరుగులు తీస్తున్న దృశ్యాలు కనిపించాయి. డ్రోన్‌ శకలాలు పడటంతోనే ప్రాణనష్టం జరిగినట్లు రష్యా అధికారులు పేర్కొన్నారు.🇷🇺🇺🇦 A drone has crashed onto a tourist beach in Gelendzhik, Russia, killing at least 3 and injuring 13.Gelendzhik is a prominent resort town located on the northeastern coast of the Black Sea, in Russia’s Krasnodar Territory.The incident occurred during an overnight raid,…— Mario Nawfal (@MarioNawfal) August 3, 2026ఈ డ్రోన్‌ను రష్యా గగనతల రక్షణ వ్యవస్థ అడ్డుకుందా? లేదంటే అది నేరుగా బీచ్‌ను తాకిందా? అనే అంశంపై స్పష్టత లేదు. సమీపంలో ఉన్న రష్యా నౌకాదళ స్థావరాలను లక్ష్యంగా చేసుకుని వచ్చిన డ్రోన్‌ దారి తప్పిందా అనే అనుమానాలు కూడా వ్యక్తమవుతున్నాయి.క్రిమియాలో మరో నలుగురు మృతిమరోవైపు రష్యా ఆధీనంలోని క్రిమియా ప్రాంతంలో జరిగిన మరో డ్రోన్‌ దాడిలో నలుగురు మృతి చెందినట్లు అక్కడి రష్యా నియమిత గవర్నర్‌ సెర్గీ అక్స్యోనోవ్‌ తెలిపారు. నల్ల సముద్ర తీర ప్రాంతాలు వేసవి కాలంలో రష్యా పర్యాటకులకు అత్యంత ఆకర్షణీయమైన ప్రాంతాలు. ఇలాంటి ప్రాంతాల్లో దాడులు జరగడం తీవ్ర కలకలం రేపింది.కమాండర్‌ లక్ష్యంగా.. రెస్టారెంట్‌లో?ఇదిలా ఉండగా రష్యా రాజధాని మాస్కోలోని ఓ ప్రముఖ ఇటాలియన్‌ రెస్టారెంట్‌ వద్ద జరిగిన పేలుడు ఘటనపై కూడా ఉద్రిక్తత కొనసాగుతోంది. ఈ పేలుడులో ఐదుగురు మృతి చెందగా.. 19 మంది గాయపడ్డారు. కుద్రిన్స్కయా స్క్వేర్‌లోని బాల్సీ రోస్సీ రెస్టారెంట్‌ వద్ద పేలుడు జరిగినట్లు రష్యా అధికారులు తెలిపారు. ఓ మహిళ పేలుడు పదార్థాలతో రెస్టారెంట్‌లోకి వెళ్లేందుకు ప్రయత్నించగా భద్రతా సిబ్బంది అడ్డుకున్నారని.. ఆ సమయంలో బాంబు పేలినట్లు వెల్లడించారు.తొలుత ఇది ఉగ్రదాడి అని ప్రకటించిన రష్యా.. ఆ తర్వాత ఈ దాడి వెనుక ఉక్రెయిన్‌ హస్తం ఉందని ఆరోపించింది. అయితే కీవ్‌ మాత్రం దీనిపై ఎలాంటి ప్రకటన చేయలేదు. అయితే ఈ పేలుడు రష్యా ఎయిరోస్పేస్‌ ఫోర్సెస్‌ కమాండర్‌ జనరల్‌ అలెగ్జాండర్‌ చైకోను లక్ష్యంగా చేసుకుని జరిగి ఉండొచ్చనే అనుమానాలు వ్యక్తమవుతున్నాయి. ఆయన తన 55వ పుట్టినరోజు వేడుకల కోసం అదే రెస్టారెంట్‌లో ఉన్నట్లు కొన్ని రష్యా మీడియా కథనాలు పేర్కొన్నాయి. ఈ ఘటన నుంచి జనరల్‌ చైకో సురక్షితంగా బయటపడ్డారు.ఉక్రెయిన్‌లోనూ రష్యా దాడులుమరోవైపు ఉక్రెయిన్‌లోని జపోరిజ్జియా నగరంపై రష్యా వైమానిక దాడులు జరిపినట్లు స్థానిక అధికారులు తెలిపారు. దాదాపు 90 నిమిషాల పాటు జరిగిన బాంబు దాడుల్లో ఒకరు మృతి చెందగా.. పలువురు గాయపడినట్లు వెల్లడించారు.ఐదో ఏడాదిలోనూ కొనసాగుతున్న యుద్ధంరష్యా-ఉక్రెయిన్‌ యుద్ధం ఐదో ఏడాదిలోకి ప్రవేశించినా.. ముగింపు సంకేతాలు కనిపించడం లేదు. ఇరు దేశాలు ఒకరిపై ఒకరు డ్రోన్‌లు, క్షిపణులతో దాడులు కొనసాగిస్తున్నాయి. పౌరులను లక్ష్యంగా చేసుకోవడం లేదని రష్యా, ఉక్రెయిన్‌ రెండూ చెబుతున్నప్పటికీ.. తాజా ఘటనల్లో సామాన్యులు ప్రాణాలు కోల్పోవడం ఆందోళన కలిగిస్తోంది. తాజా దాడులు యుద్ధాన్ని మరింత తీవ్ర దశకు తీసుకెళ్తాయా?.. అమెరికా అధ్యక్షుడు మరోసారి జోక్యం చేసుకుంటారా? అనేది ఇప్పుడు అంతర్జాతీయంగా చర్చనీయాంశంగా మారింది.

కీవ్‌ : ఉక్రెయిన్‌పై రష్యా బాలిస్టిక్ మిసైళ్లతో విరుచుకపడింది. గగనతలం మిసైళ్ల మోతతో దద్దరిల్లింది. ఈ రోజు శనివారం ఉదయం రష్యా.. ఉక్రెయిన్‌ రాజధాని కీవ్‌పై బాలిస్టిక్ క్షిపణులతో జరిపిన దాడిలో కనీసం తొమ్మిదిమంది మృతి చెందినట్లు అధికారులు ప్రకటించారు. మృతుల సంఖ్య మరింతగా పెరిగే అవకాశం ఉందని తెలిపారు. కాగా ఈ వారంలో కీవ్‌పై రష్యా దాడి చేయడం ఇది రెండోసారి.ఇటీవల రష్యా-ఉక్రెయిన్ మధ్య ఉద్రిక్తతలు తీవ్రస్థాయికి చేరుకుంటున్నాయి. రష్యా వరుసగా కీవ్‌పై మిసైళ్లతో విరుచుకపడడంతో పెద్దఎత్తున ప్రజలు ప్రాణాలు కోల్పోతున్నారు. దీనికి ప్రతిగా ఉక్రెయిన్‌ సైతం విరుచుకపడుతుంది.రష్యాలోని చమురు రిఫైనరీలు, ఇంధన డిపోలను లక్ష్యంగా చేసుకుని దాడులను కొనసాగిస్తోంది. నల్లసముద్ర ప్రాంతంలో వాణిజ్య నౌకలు, సరుకు రవాణా నౌకలను లక్ష్యంగా చేసుకుని కూడా దాడులు జరుగుతున్నాయి. దీంతో ఇరు దేశాల మధ్య ఉద్రిక్త పరిస్థితులు నెలకొన్నాయి.ఈ నేపథ్యంలో ఈరోజు మరోసారి కీవ్‌పై రష్యా బాలిస్టిక్ మిసైళ్లతో విరుచుకపడింది. ఈ దాడుల్లో కనీసం తొమ్మిది మంది ప్రాణాలు కోల్పోగా, నలుగురు పిల్లలతో సహా 28 మంది గాయపడ్డారు. ఈ వివరాలను కీవ్ మేయర్ విటాలీ క్లిట్ష్కో స్వయంగా వెల్లడించారు.ఈ దాడులతో కీవ్‌లోని వివిధ ప్రాంతాల్లో భారీగా మంటలు చెలరేగడంతో పాటు కొన్ని ప్రాంతాల్లో విద్యుత్ సరఫరా నిలిచిపోయిందని పేర్కొన్నారు.కాగా కీవ్‌పై ఈ వారంలో ఇలాంటి పెద్ద దాడి జరగడం ఇది రెండోసారి. గత గురువారం జరిగిన దాడిలో క్రివాయ్ రిగ్ సమీపంలోని ఒక గ్రామంలో ఒకే కుటుంబానికి చెందిన ఆరుగురు సహా తొమ్మిది మంది మరణించారు.ఈ ఘటన నుంచి తేరుకోకముందే తాజాగా మరోసారి దాడి చేసింది. రష్యా దాడులు ఉదృతమవుతున్న నేపథ్యంలో తమ దేశానికి మరిన్ని రక్షణ వ్యవస్థలు కావాలని జెలెన్స్కీ పశ్చిమ దేశాలను కోరుతున్నారు. మిత్రులను కోరుతున్నారు. స్వయంగా పాట్రియాట్ క్షిపణులను తయారు చేసుకునేందుకు అమెరికా నుంచి లైసెన్స్ పొందడానికి ఆయన చర్చలు జరుపుతున్నారు.కాగా ఈ విషయమై ట్రంప్‌ మాట్లాడినట్లు మీడియా కథనాలు వెలువడ్డాయి. "ప్రస్తుతం చర్చలు జరుగుతున్నాయి. వాషింగ్టన్ ఇంకా దీనికి అంగీకరించలేదుఎవరికైనా అలాంటి సాంకేతికతను ఇవ్వడం చాలా ప్రమాదకరమైన విషయం. ఎందుకంటే మనం ఎవరికైతే ఆ టెక్నాలజీ ఇస్తామో, వారు భవిష్యత్తులో మనపైనే తిరగబడవచ్చు" అని ట్రంప్ పేర్కొన్నట్లు కథనాలు వెలువడ్డాయి.

అది పోలాండ్‌ దేశంలోని వార్సా నగరం. అప్పట్లో అక్కడ రష్యా ఆధిపత్యం నడుస్తోంది. పోలిష్‌ భాష మాట్లాడటం, అక్కడి సంస్కృతిని నేర్చుకోవడంపై రష్యా ప్రభుత్వం కఠినమైన ఆంక్షలు విధించింది. ఆ కాలంలో ‘మరియా సలోమియా’ (మేరీ క్యూరీ చిన్నప్పటి పేరు) అనే పదేళ్ల చిన్నారి ఒక ప్రభుత్వ పాఠశాలలో చదువుకునేది. మరియా క్లాసులో అందరికంటే చాలా తెలివైంది, చురుకైనది. రష్యన్‌ అధికారులు ఎప్పుడు స్కూల్‌ను తనిఖీ చేయడానికి వచ్చినా క్లాస్‌ టీచర్‌ భయపడుతూ మరియానే పిలిచి ప్రశ్నలకు సమాధానాలు చెప్పమనేవారు. ఎందుకంటే మరియా రష్యన్‌ అధికారుల కళ్లల్లోకి కళ్లు పెట్టి, వాళ్ల భాషలోనే తప్పుల్లేకుండా పక్కాగా జవాబులు చెప్పేది. అధికారులు వెళ్ళిపోయాక తన దేశ సంస్కృతిని దూరం చేస్తున్నందుకు క్లాస్‌ రూమ్‌లోనే వెక్కి వెక్కి ఏడ్చేది. ఆ కన్నీళ్లు మరియాను బలహీనపరచలేదు, మరింత మొండి పట్టుదలను పెంచాయి. ఆ రోజుల్లో పోలాండ్‌లో మహిళలకు యూనివర్సిటీలో ప్రవేశం లేకపోవడంతో రహస్యంగా నడిచే ‘ఫ్లయింగ్‌ యూనివర్సిటీ’(రాత్రి వేళల్లో వేర్వేరు ఇళ్లల్లో దొంగతనంగా నడిచే క్లాసులు)లో చేరి మరియా ప్రాణాలకు తెగించి చదువుకుంది. ట్యూషన్లు చెప్పుకుంటూ డబ్బు దాచుకుని పారిస్‌ వెళ్లి ఫిజిక్స్, మ్యాథ్స్‌ చదివింది. ఆ పట్టుదలే ఆమెను ప్రపంచం గర్వించే ‘మేరీ క్యూరీ’గా మార్చింది!

కీవ్‌: బాలిస్టిక్‌ క్షిపణులు, డ్రోన్లతో రష్యా మరోసారి ఉక్రెయిన్‌పైకి దండెత్తింది. బుధవారం రాత్రి నుంచి గురువారం ఉదయం వరకు రాజధాని కీవ్‌ నుంచి సుదూరంగా ఉన్న లీవ్‌ దాకా 10 ప్రాంతాలపై దాడులు జరిపింది. రష్యా దాడులతో రాజధాని కీవ్‌ పేలుళ్లతో దద్దరిల్లింది. ఈ దాడుల్లో నీప్రోపెట్రోవిస్క్ లో ఆరుగురు, కీవ్, పోల్టావాల్లో ఒక్కరు చొప్పున మొత్తం 8 మంది చనిపోయారని అధ్యక్షుడు జెలెన్‌స్కీ చెప్పారు. జెలెన్‌స్కీ సొంతూరు క్రీవ్యీ రిహ్‌లోని నీప్రోపెట్రోవిస్క్ లో ఓ ఇంటిపై ఇస్కందర్‌ బాలిస్టిక్‌ క్షిపణి నేరుగాపడటంతో అందులో నలుగురు చిన్నారులు, వారి తల్లిదండ్రులు మృత్యువాతపడ్డారు. మరో ఇద్దరు చిన్నారులు సహా 10 మంది గాయాలతో బయటపడ్డారు. లీవ్‌ నగరంపై జరిగిన క్షిపణి దాడుల్లో రెండు అపార్టుమెంట్లు ధ్వంసం కాగా 34 మంది గాయపడినట్లు అధికారులు తెలిపారు. ఖెర్సన్‌ నగరంలోని పారిశ్రామిక ప్రాంతంపై రష్యా శక్తివంతమైన మూడు గ్లైడ్‌ బాంబులను ప్రయోగించిందని, ఒకరు చనిపోయారన్నారు. రష్యా 70కి పైగా వివిధ రకాల క్షిపణులు, 280 డ్రోన్లను ప్రయోగించిందని అధికారులు చెప్పారు. వీటిలో 260 డ్రోన్లను మధ్యలోనే అడ్డుకున్నామన్నారు. కాగా, ఉక్రెయిన్‌ సైనిక మౌలిక వసతులే లక్ష్యంగా దాడులు జరిపినట్లు రష్యా రక్షణ శాఖ తెలిపింది. నల్లసముద్ర తీరంలోని ఒడెసాలో ఆయుధాలు, మిలటరీ సామగ్రితో ఉన్న మూడు సరుకు నౌకలపై దాడులు జరిపినట్లు వెల్లడించింది. కాగా, రష్యా ప్రయోగించిన కేహెచ్‌–101 బాలిస్టిక్‌ క్షిపణి ఒకటి దారి తప్పి లీవ్‌కు సమీపంలో పోలెండ్‌ భూభాగంలో పడినట్లు ఉక్రెయిన్‌ తెలిపింది. ఓ వ్యవసాయ క్షేత్రంలో పడటంతో భారీ గొయ్యి ఏర్పడిందని తెలిపింది. దీనివల్ల ఎలాంటి నష్టం జరగలేదని, దర్యాప్తు జరుపుతున్నామని పోలెండ్‌ ప్రధాని డొనాల్డ్‌ టస్క్‌ చెప్పారు. వైల్డ్‌బెర్రీస్‌పై ఆగని దాడులు.. రష్యా ఆరీ్మకి సరుకులు రవాణా చేస్తున్నాయని ఆరోపిస్తూ ఆన్‌లైన్‌ రిటెయిలర్‌ వైల్డ్‌బెర్రీస్‌ ఔట్‌లెట్లపై ఉక్రెయిన్‌ డ్రోన్‌ దాడులు కొనసాగిస్తోంది. తాజాగా, రష్యాలోని పెంజా, సరపుల్, పెర్మ్‌ల్లోని మూడు వైల్డ్‌బెర్రీస్‌ గోదాములపై దాడులు చేపట్టింది. దీంతో, అవి మంటల్లో చిక్కుకున్నాయని, పలువురు గాయపడ్డారని అధికారులు తెలిపారు. వివిధ ప్రాంతాలపైకి బుధవారం రాత్రి ఉక్రెయిన్‌ ప్రయోగించిన 258 డ్రోన్లను కూల్చినట్లు రష్యా ఆర్మీ తెలిపింది. అదేవిధంగా, రష్యా షాడో ఫ్లీట్‌కు చెందిన మరో నాలుగు చమురు నౌకలపై డ్రోన్‌ దాడులు జరిపామని, దీంతో జూలై 6వ తేదీ నుంచి తాము ఇప్పటి వరకు దాడి చేసిన నౌకల సంఖ్య 205కు చేరుకుందని ఉక్రెయిన్‌ డ్రోన్‌ దళం తెలిపింది.

ఇరాన్, ఉక్రెయిన్‌ యుద్ధాలను, వీటిలో యూఎస్‌ఏ పాత్రను విస్తృత అంతర్జాతీయ జియో పొలిటికల్‌ క్రీడలో భాగంగా చూడాలి. 2035లో ప్రపంచ రాజకీయ ముఖచిత్రం పూర్తిగా మారబోతున్నది. ఈ పరిణామంలో భాగమే ఈ యుద్ధాలు. గత 250 సంవత్సరాల అమెరికా చరిత్ర పూర్తిగా యుద్ధాలతోనే ముడిపడి ఉన్నది. గత శతాబ్దంలో ప్రతి 20 సంవత్సరాలకు కనీసం ఒక పెద్ద యుద్ధానికి తెరతీసింది. పద్దెనిమిది,పందొమ్మిది శతాబ్దాలలో దేశ విస్తరణకు బ్రిటన్, ఫ్రాన్స్, స్పెయిన్, మెక్సికోలతో యుద్ధం చేసింది. ఇరవయ్యవ శతాబ్దంలో ఫిలిప్ఫైన్, రెండు ప్రపంచ యుద్ధాలు, కొరియా, వియత్నాం, బోస్నియా, గల్ఫ్‌ యుద్ధాలలో నిమగ్నమైంది. ఇరవయ్యొకటవ శతాబ్దంలో అఫ్గాని స్తాన్, ఇరాక్, లిబియా, యెమెన్, సిరియా, సోమాలియాలలో యుద్ధాలను లేవనెత్తింది. గత 250 ఏళ్లలో యూఎస్‌ఏ కేవలం 1865–1898 (33 సం‘‘లు), 1918–1945 (27 సం‘‘లు) మధ్య మాత్రమే యుద్ధానికి దూరంగా ఉన్నది. శాంతి కోసం యుద్ధం, సుభిక్షానికి యుద్ధం, సుస్థిరతకు యుద్ధం అనేది అమెరికా పాలనా విధానం. శక్తిని చాటి చెప్పటానికి యుద్ధాన్ని ఒక పరికరంగా పరిగణిస్తుంది. ఈ యుద్ధ తంత్రానికి ప్రజాస్వామ్యం, మానవ హక్కులు, ఉదారవాద విధానాల ముసుగు కప్పుతుంది. కథ అడ్డం తిరిగింది!సోవియెట్‌ యూనియన్‌ విచ్ఛిన్నం తరువాత ప్రపంచంపై తన ఏకచ్ఛత్రాధిపత్యాన్ని నిలబెట్టుకోవటానికి అమెరికా సర్వశక్తులు ఒడ్డింది. ప్రత్యర్థి రష్యాను పూర్తిగా అణచివేయాలని నాటోను విస్త రించింది. 2010కల్లా రష్యా ఆర్థికంగా పుంజుకొని అమెరికాకు సవా లుగా తయారైంది. ఇదే సమయంలో అనూహ్యంగా చైనా బలమైన ప్రత్యర్థిగా ఎదిగింది. 2020కల్లా భారత్, బ్రెజిల్, దక్షిణ ఆఫ్రికాలు కూడా బలమైన శక్తులుగా రూపుదిద్దుకున్నాయి. బ్రిక్స్‌ రూపంలో కూటమిగా చేరి, అమెరికన్‌ ఆర్థిక వ్యవస్థకు ప్రత్యామ్నాయాలను సంకల్పించటంతో కథ అడ్డం తిరిగింది.బహుళ ధ్రువ ప్రపంచం ఏర్పడటం ఖాయమనే విశ్లేషకుల జోస్యాన్ని తప్పుగా నిరూపించాలని కృతనిశ్చయంతో ఉన్నది. అమెరికా ముందు మూడు ప్రత్యామ్నాయాలున్నాయి. 1. ప్రత్యర్థు లను నిర్వీర్యం చేసి ఏకైక ప్రపంచ శక్తిగా కొనసాగటం. 2. ప్రత్య ర్థులతో రాజీపడి పరిమిత ధ్రువ (లిమిటెడ్‌ పోలార్‌) ప్రపంచంలో ప్రధాన శక్తిగా కొనసాగటం. 3. ప్రత్యర్థులతో రాజీపడి బహుళ ధ్రువ (మల్టీ పోలార్‌) ప్రపంచంలో ప్రధాన శక్తిగా కొనసాగటం.మూడింట్లో మొదటి దారిప్రస్తుతం అమెరికా ఏకైక ప్రపంచ శక్తిగా కొనసాగాలనే పట్టు దలతోనే ఉన్నట్లుగా కన్పిస్తున్నది. ఇందులో భాగంగానే ఇంధన వనరులు, ఇంధన రవాణా మార్గాలపై పెత్తనానికి సర్వశక్తులు ఒడ్డు తున్నది. రష్యాపై తీవ్రస్థాయిలో ఆంక్షలు విధించి ఉక్రెయిన్‌ యుద్ధపు పద్మవ్యూహంలోనికి రష్యాను లాగింది. రష్యానుండి చమురు, గ్యాస్‌ ఎవరూ కొనగూడదని ఐరోపా, భారత్‌లను కట్టడి చేసింది. దీర్ఘకాలిక యుద్ధంలో ఉక్రెయిన్‌ వెనుక నిలబడి రష్యా అలసిపోయి నిర్వీర్యమవటానికి దీర్ఘకాలిక ప్రణాళికను అమలు పరుస్తున్నది. అందుకే నెల లోపున ముగుస్తుందనుకున్న ఉక్రెయిన్‌ యుద్ధం నాలుగన్నర సంవత్సరాలకు కూడా కొనసాగుతున్నది. ఆధునిక శాస్త్ర సాంకేతిక పరిజ్ఞానం చైనా చేతిలో పడకుండా చూడటం ద్వారా చైనాను కట్టడి చేయాలనేది అమెరికా వ్యూహం. ‘చిప్‌ 4’ అలయన్స్‌లో భాగంగా అమెరికా, తైవాన్, ద.కొరియా, జపాన్‌లు చైనాకు అత్యాధునిక సెమీకండక్టర్‌ చిప్‌లు అందుబాటు లోనికి రాకుండా ప్రయత్నిస్తున్నాయి. ఆకస్‌ కూటమిలో భాగంగా ఆస్ట్రేలియా, యూకే, యూఎస్‌ఏలు ఏఐ, క్వాంటమ్‌ మెకానిక్స్‌ హైపర్‌సోనిక్‌ టెక్నాలజీని చైనాకు అందకుండా చేయటానికి ప్రయ త్నిస్తున్నాయి. జీ7, యూరోపియన్‌ యూనియన్‌ల ద్వారా అత్యాధు నిక చిప్స్‌ తయారు చేసే యంత్రాలను ఏఎస్‌ఎంఎల్‌ (నెదర్లాండ్స్‌), టోక్యో ఎలక్ట్రానిక్‌ (జపాన్‌) కంపెనీలు చైనాకు ఎగుమతి చేయకుండా ఆంక్షలు పెట్టాయి. తైవాన్‌ను సమర్థించటం ద్వారా కూడా చైనాకు చెక్‌ పెట్టటానికి అమెరికా ప్రయత్నిస్తున్నది.విశేషంగా ఇంధన వనరులున్న ఇరాన్, ఇరాక్, సౌదీ, యూఏఈ, కువైట్‌ మొదలైన గల్ఫ్‌ దేశాలపై నియంత్రణకు అమెరికా దీర్ఘకాలికంగా వ్యూహాలను అమలుపరుస్తున్నది. సైనిక స్థావరాల ద్వారా గల్ఫ్‌ దేశాలలో అమెరికా ఇప్పటికే పాగా వేసింది. ఈ ఇంధన వనరుల నియంత్రణలో అమెరికాకు కొరకరాని కొయ్యగా మారింది ఇరాన్‌. అందుకే హార్మూజ్, బాబెల్‌ మాండెబ్‌ జలసంధులపై పెత్తనానికి అమెరికా ప్రయత్నిస్తున్నది.ఆసియాలో భారత్‌ ఆధిపత్యం?అమెరికా తన ఆధిపత్యాన్ని కొనసాగించే వ్యూహంలో భాగాలే ఉక్రెయిన్, ఇరాన్‌ యుద్ధాలు. అందువలన ఈ రెండు ఇప్పట్లో ముగిసే అవకాశాలు లేవు. ఇరాన్‌ యుద్ధం వలన తీవ్రంగా నష్ట పోయేది భారత్, చైనాలని గుర్తించాలి. చైనా, రష్యా, భారత్‌లను ఈ రెండు యుద్ధాల ద్వారా కట్టడి చేయటం సాధ్యం కాని పక్షంలో అమె రికా పరిమిత ధ్రువ ప్రపంచానికి రాజీ పడాల్సి వస్తుంది. రష్యా, చైనా/భారత్‌లను ప్రపంచ శక్తులుగా అంగీకరించాల్సి వస్తుంది. క్రమంగా నాటోను రద్దుపరచి ఐరోపాపై రష్యా ఆధిపత్యానికి అంగీ కరించి ఉత్తర, మధ్య, దక్షిణ అమెరికాలకు యూఎస్‌ఏ తన ఆధిప త్యాన్ని పరిమితం చేసుకోవాల్సి ఉంటుంది. దక్షిణ, తూర్పు ఆసి యాలలో చైనా ఆధిపత్యాన్ని అంగీకరించి గల్ఫ్‌ ప్రాంతంలో ఇజ్రా యెల్‌–యూఏఈ– సౌదీల ద్వారా నియంత్రణకు ప్రయత్నిస్తుంది. అయితే దక్షిణ, తూర్పు ఆసియాలలో ఆధిపత్యంతో చైనా సరిపెట్టుకోక పోవచ్చును. చైనా ప్రపంచాధిపత్యానికి ప్రయత్నించే అవకాశాలు మెండుగా ఉన్నాయి. ఈ నేపథ్యంలో అమెరికాక్రమంగా రష్యాతో ఒప్పందం ద్వారా చైనాకు వ్యతిరేకంగా భార త్‌ను ఆసియాలో ఆధిపత్యానికి ప్రోత్సహించవచ్చును.2040 కల్లా చైనా ప్రపంచ శక్తిగా అమెరికా, రష్యాలనే సవాలు చేయవచ్చని విశ్లేషకుల అంచనా. ఈనాడు ప్రత్యర్థులుగా ఉన్న రష్యా, అమెరికాలు కలిసి చైనాను నిలువరించాల్సి రావచ్చును. రాజకీయాలలో శాశ్వత మిత్రత్వం కానీ శాశ్వత శతృత్వం కానీ ఉండదు. అమెరికా, రష్యాలు, ఆసియాలో భారత్‌ వైపే మొగ్గు చూప టానికి అవకాశం ఉన్నది. తైవాన్‌ను చైనా ఆక్రమించటానికి ప్రయ త్నించినప్పుడు చైనాను ఇంకొకవైపు నుండి నిలువరించటానికి భారత్‌ సిద్ధమవవచ్చును. ఒకవైపు హిమాలయాలలో చైనాపై దాడి చేస్తూనే భారత్‌ మలక్కా జలసంధిని దిగ్బంధనం చేయవచ్చు. ఆ సందర్భంలో చైనా సముద్రంలో అమెరికా, జపాన్‌లను చైనా ఎదు ర్కోవటం కష్టమవుతుంది. భారత్‌కు అమెరికా సైనిక, వ్యూహాత్మక మద్దతును అందించవచ్చును.కాకపోతే, ఈ అమెరికన్‌ అంతర్జాతీయ రాజకీయ వ్యూహంలో పావుగా మారటానికి భారత్‌ ఒప్పుకోకపోవచ్చును. ప్రాంతీయంగా ఆసియాలో చైనాను నియంత్రించటానికి భారత్‌ ఒప్పుకుంటుంది. కానీ అంతర్జాతీయంగా చైనాను నిరోధించే వ్యూహంలో భారత్‌ భాగ స్వామిగా మారాల్సిన అవసరం భారత్‌కు లేదు. ఏది ఏమయినా ఉక్రెయిన్, ఇరాన్‌ యుద్ధాలు అంతర్జాతీయ రాజకీయ యవనికను నియంత్రించే కీలక ఘట్టాలనటంలో సందేహం లేదు. భారత్‌ ఆచి తూచి అడుగులు వేయాల్సి ఉంటుంది.-వ్యాసకర్త అడిషనల్‌ రిజిస్ట్రార్‌ (రిటైర్డ్‌); సివిల్స్, గ్రూప్‌–1 పోటీ పరీక్షల నిపుణులు- గురజాల శ్రీనివాసరావు

మాస్కో: టెలిగ్రామ్‌ వ్యవస్థాపకుడు పావెల్‌ దురోవ్‌కు రష్యా అరెస్ట్‌ వారెంట్‌ జారీ చేసింది. ఉగ్రవాద కార్యకలాపాలకు సహకరించారని రష్యా ఫెడరల్‌ సెక్యూరిటీ సర్వీస్‌ (ఎఫ్‌ఎస్‌బీ) అభియోగాలు మోపింది. దేశంలో విధ్వంసకర, తీవ్రవాద, సైబర్‌ మోసాల కార్యకలాపాలను సమన్వయం చేయడానికి ఉపయోగించినట్లు ఆరోపణలున్న కంటెంట్‌ను తొలగించడంలో మెసేజింగ్‌ ప్లాట్‌ఫామ్‌ విఫలమైందని ఆరోపించింది.రష్యాలో దాడులు, విధ్వంసాలకు పాల్పడేందుకు ఉక్రెయిన్‌ నిఘా వర్గాలు, ఉగ్రవాద సంస్థలు టెలిగ్రామ్‌ను వాడుకుంటున్నాయని ఎఫ్‌ఎస్‌బీ ఆరోపించింది. రష్యా క్రిమినల్‌ కోడ్‌ కింద దురోవ్‌పై క్రిమినల్‌ కేసు నమోదు చేశారు. దీనిపై పావెల్‌ దురోవ్‌ (Pavel Durov) గానీ, టెలిగ్రామ్‌ గానీ వెంటనే స్పందించలేదు.డిజిటల్‌ వేదికలపై నియంత్రణను కఠినతరం చేయడానికి రష్యా చాలాకాలంగా ప్రయత్నిస్తోంది. అందులో భాగంగానే ఈ చర్యలు తీసుకుంది. దేశంలో టెలిగ్రామ్‌ వాడకాన్ని నియంత్రించేందుకు ఇప్పటికే పలు ఆంక్షలు విధించడంతో పాటు, స్వదేశీ మెసెంజర్‌ ‘ఎమ్‌ఏఎక్స్‌’ (మ్యాక్స్‌)ను ప్రోత్సహిస్తోంది. రష్యాలోనే జన్మించి, ప్రస్తుతం దుబాయ్‌లో నివసిస్తున్న దురోవ్‌కు యూఏఈ, ఫ్రాన్స్‌ పౌరసత్వం ఉంది.చ‌ద‌వండి: వెలుగులోకి ఘోరాలు, ర‌ష్యాపై షాకింగ్ ఆరోప‌ణ‌లుఫ్రాన్స్‌లోనూ టెలిగ్రామ్‌ ప్రస్తుతం పరిశీలనను ఎదుర్కొంటోంది. నేర కార్యకలాపాలను అరికట్టడంలో టెలిగ్రామ్‌ విఫలమైందని, చట్ట అమలు సంస్థల అభ్యర్థనలకు తగినంతగా సహకరించలేదని వచ్చిన ఆరోపణలపై ఫ్రెంచ్‌ అధికారులు దర్యాప్తు చేస్తున్నారు.

రష్యా–ఉక్రెయిన్‌ యుద్ధంలో మరో భయానక అంశం వెలుగులోకి వచ్చింది. యుద్ధ ఖైదీలు, సాధారణ పౌరులపై రష్యా బలగాలు లైంగిక హింసను ఒక ఆయుధంగా ఉపయోగిస్తున్నాయని ఆరోపణలు వెల్లువెత్తుతున్నాయి. ఖైదీలను అవమానించడం, మానసికంగా దెబ్బతీయడం, ప్రతిఘటనను పూర్తిగా విచ్ఛిన్నం చేయడమే లక్ష్యంగా ఈ దాడులు జరుగుతున్నాయని పలువురు బాధితులు చెబుతున్నారు.మాజీ ఉక్రెయిన్‌ యుద్ధ ఖైదీలు, ఐక్యరాజ్యసమితి పరిశోధకులు, ఉక్రెయిన్‌ ప్రాసిక్యూటర్ల వాంగ్మూలాల ఆధారంగా.. అంతర్జాతీయ మీడియా సంస్థ వాల్‌ స్ట్రీట్‌ జర్నల్‌ సంచలనాత్మక కథనం ప్రచురించింది. 2022లో రష్యా పూర్తిస్థాయి దాడులు ప్రారంభించిన తర్వాత ఈ తరహా ఘటనలు ఎక్కువగా నమోదయ్యాయని పేర్కొంది.మానసికంగా కుంగదీసే వ్యూహం?ఉక్రెయిన్‌కు చెందిన మాజీ ఖైదీ సెర్హీ బోయ్‌చుక్‌ తన అనుభవాలను వివరిస్తూ.. రష్యా నిర్బంధంలో ఉన్న సమయంలో చిత్రహింసలు ఎదుర్కొన్నట్లు తెలిపాడు. తనను శారీరకంగా మాత్రమే కాకుండా మానసికంగా కూడా కూలదోసేందుకు లైంగిక హింసను ఉపయోగించారని ఆరోపించాడు. ఇలాంటి ఘటనలు ఒక్కరి అనుభవమే కాదని.. పలువురు మాజీ యుద్ధ ఖైదీలు కూడా ఇలాంటి ఆరోపణలే చేసినట్లు చెప్పాడు. లైంగిక హింసను శత్రువులను అవమానించే, భయపెట్టే, మానసికంగా బలహీనపరిచే వ్యూహంగా ఉపయోగిస్తున్నారని బాధితులు చెబుతున్నారు.ఎక్కువ బాధితులు ఎవరంటే.. సాధారణంగా యుద్ధాల్లో లైంగిక హింసకు మహిళలు, చిన్నారులే ఎక్కువగా గురవుతుంటారు. అయితే ఉక్రెయిన్‌ యుద్ధంలో పురుష యుద్ధ ఖైదీలపై ఇలాంటి దాడులు ఎక్కువగా నమోదవుతున్నాయి. ఐక్యరాజ్యసమితి పరిశీలనలో ఉన్న లైంగిక హింసకు సంబంధించిన కేసుల్లో ఎక్కువ శాతం బాధితులు పురుషులేనని వెల్లడైంది. రేప్‌, సామూహిక లైంగిక దాడులు, జననాంగాలపై హింస, విద్యుత్‌ షాక్‌లు, శారీరక చిత్రహింసలకు గురిచేసినట్లు పలువురు బాధితులు వెల్లడించారు. కొంతమంది ఖైదీలను నగ్నంగా నిలబెట్టడం, అవమానకర పరిస్థితుల్లో ఉంచడం వంటి చర్యలకు పాల్పడ్డారని ఆరోపణలు ఉన్నాయి.రష్యా స్పందన ఏంటి?అయితే ఈ ఆరోపణలపై రష్యా అధికారికంగా స్పందించలేదు. గతంలో కూడా ఇలాంటి ఆరోపణలను మాస్కో ఖండిస్తూ.. అవి రాజకీయ ఉద్దేశాలతో చేస్తున్న నిరాధార ఆరోపణలని పేర్కొంది. అంతేకాకుండా ఆక్రమిత ప్రాంతాల్లో ఐరాస దర్యాప్తు సంస్థలకు పూర్తి స్థాయిలో అనుమతులు ఇవ్వలేదని విమర్శలు ఉన్నాయి.అసలు తీవ్రత ఎంత?లైంగిక హింసకు సంబంధించిన వాస్తవ ఘటనల సంఖ్య మరింత ఎక్కువగా ఉండొచ్చని ఉక్రెయిన్‌ అధికారులు భావిస్తున్నారు. సామాజిక అవమానం, ప్రతీకార భయం కారణంగా చాలా మంది బాధితులు ఫిర్యాదు చేయడానికి ముందుకు రావడం లేదని చెబుతున్నారు. ఉక్రెయిన్‌ ప్రాసిక్యూటర్‌ కార్యాలయం ప్రకారం.. రష్యా సైనికులపై వందల సంఖ్యలో లైంగిక హింస కేసులపై విచారణ జరుగుతోంది. ఇందులో పురుష బాధితుల సంఖ్య కూడా గణనీయంగా ఉందని అధికారులు చెబుతున్నారు.యుద్ధాల్లో ఆయుధాలు, బాంబులు మాత్రమే కాదు.. మనుషుల మనోధైర్యాన్ని దెబ్బతీసే పద్ధతులు కూడా వినియోగించబడుతున్నాయన్న దానికి ఉక్రెయిన్‌ యుద్ధ పరిణామాలు మరో ఉదాహరణగా నిలుస్తున్నాయి. అయితే ఈ ఆరోపణలపై తుది నిర్ధారణకు అంతర్జాతీయ దర్యాప్తులు కీలకంగా మారనున్నాయి.

కీవ్‌: రష్యాపై ఉక్రెయిన్‌ దీర్ఘశ్రేణి క్షిపణుల దాడిని కొనసాగిస్తోంది. అమెరికా సెనేటర్‌ లిండ్సే గ్రాహమ్‌ అంత్యక్రియల్లో పాల్గొనేందుకు అమెరికా వచ్చిన ఉక్రెయిన్‌ అధ్యక్షుడు జెలెన్‌స్కీ మంగళవారం రాత్రి అమెరికా అధ్యక్షుడు ట్రంప్‌తో భేటీ అయిన కొన్నిగంటలకే రష్యాపై ఉక్రెయిన్‌ దాడులను ఉధృతంచేయడం గమనార్హం. రష్యాలోని పెర్మ్‌ రీజియన్‌లోని లూక్‌ఆయిల్‌ రిఫైనరీ, రియాజన్‌లోని మరో చమురు శుద్ధి కర్మాగారంపై ఉక్రెయిన్‌ దాడులు చేసింది. ఈ రెండు రిఫైనరీల ఉమ్మడి వార్షిక ఉత్పత్తి సామర్థ్యం ఏకంగా 3 కోట్ల టన్నులుకావడం గమనార్హం. ఇంతటి భారీ రిఫైనరీలపై దాడి చేసి ఇన్నాళ్లూ యుద్ధంలో రష్యా సాయుధరంగ ఇంధన అవసరాలు, దేశ ఖజానాకు నష్టం చేకూర్చామని ఉక్రెయిన్‌ సెక్యూరిటీ సర్వీసెస్, జనరల్‌ స్టాఫ్‌ విభాగం ప్రకటించింది. అయితే తమ రిఫైనరీలకు ఎలాంటి నష్టం జరగలేదని, పారిశ్రామిక వాడల్లో డ్రోన్ల దాడుల్లో గాయపడిన ఆరుగురికి ఆస్పత్రుల్లో చేరి్పంచామని రష్యాలోని రియాజన్‌ గవర్నర్‌ పావెల్‌ మాల్కోవ్‌ తెలిపారు.

పట్నా: దేశవ్యాప్తంగా ఇటీవల జరిగిన కాక్రోచ్ జనతా పార్టీ (సీజేపీ) నిరసనలకు సంబంధించిన కేసులో తన పేరు చేర్చారని తెలుసుకుని ఆశ్చర్యానికి గురయ్యానని బిహార్‌కు చెందిన ఓ యువకుడు చెప్పాడు. బిహార్‌లోని కిషన్‌గంజ్‌కు చెందిన మహ్మద్ సదాఖత్ తాను గత 4 నెలలుగా రష్యాలో ఉన్నానని పేర్కొన్నాడు.“జూలై 24న నీట్ లీక్‌కు వ్యతిరేకంగా ఎల్‌ఆర్‌పీ చౌక్ వద్ద నిరసన జరిగింది. ఆ కేసులో బహదూర్‌గంజ్ అడ్మినిస్ట్రేషన్‌ నా పేరు చేర్చింది. నేను గత 4 నెలలుగా రష్యాలో ఉన్నాను” అని సదాఖత్ చెబుతూ ఓ వీడియో పోస్ట్‌ చేశాడు.“నేను రష్యాలో ఉండడంతో నా పేరును అక్కడి నుంచి తొలగించాలని అడ్మినిస్ట్రేషన్‌ను కోరుతున్నాను. అలా చేస్తే వారికి రుణపడి ఉంటాను” అని అతడు కోరాడు. అతడి వీడియో సామాజిక మాధ్యమాల్లో వైరల్‌ అవుతున్నప్పటికీ దాని ప్రామాణికతను స్వతంత్రంగా ఇప్పటివరకు ఏ మీడియా కూడా నిర్ధారించలేకపోయింది.పోలీసులు ఏమన్నారు?కిషన్‌గంజ్ పోలీసు సూపరింటెండెంట్ హరి మోహన్ శుక్లా స్పందిస్తూ... వైరల్ వీడియోలోని వ్యక్తిపై కేసు నమోదైందా? లేదా? అన్న విషయాన్ని ధ్రువీకరించలేదు, ఖండించలేదు. సదాఖత్ వీడియోపై అడిగిన ప్రశ్నకు హరి మోహన్‌ స్పందిస్తూ.. “నిరసనలకు సంబంధించిన ఏవైనా ఫిర్యాదులు ఉన్నవారు పోలీసులను సంప్రదించవచ్చు. పరిష్కారం పొందవచ్చు” అని చెప్పారు.బిహార్ పోలీసుల అధికారిక ఎక్స్ ఖాతా గతంలో ఈ వైరల్ వీడియోపై స్పందిస్తూ, విషయాన్ని పరిశీలిస్తామని తెలిపింది. అయితే ఆ పోస్టు ఇప్పుడు కనిపించడం లేదు. తొలగించినట్టు తెలుస్తోంది.విద్యార్థులపై కేసులు ఉపసంహరించనున్న ప్రభుత్వంముఖ్యమంత్రి సమ్రాట్ చౌధరి నేతృత్వంలోని బిహార్ ప్రభుత్వం... నిరసనల్లో పాల్గొన్న విద్యార్థులపై నమోదైన అన్ని కేసులను ఉపసంహరించనున్నట్టు ప్రకటించింది. ఢిల్లీలో ప్రారంభమైన సీజేపీ ఆందోళనలు చివరకు కేంద్ర విద్యాశాఖ మంత్రి ధర్మేంద్ర ప్రధాన్ రాజీనామాకు దారితీశాయి.రాష్ట్ర హోం శాఖ విడుదల చేసిన నోటిఫికేషన్ ప్రకారం.. జూలై 26 ఉదయం 6 గంటల కంటే ముందు జరిగిన ఘటనలకు సంబంధించి నమోదైన “అన్ని ఎఫ్‌ఐఆర్‌లు, ఫిర్యాదులు, షోకాజ్ నోటీసులు” ఉపసంహరించాలనే నిర్ణయం తీసుకుంది ప‍్రభుత్వం. ఈ కేసుల్లో అరెస్టైన వారందరినీ వెంటనే విడుదల చేయాలని కూడా నోటిఫికేషన్‌లో పేర్కొన్నారు.मोहम्मद सदाकत 4 महीने से रूस में हैं। बिहार पुलिस ने स्टूडेंट प्रोटेस्ट में उनके खिलाफ भी FIR दर्ज कर दी है !! pic.twitter.com/jEDqWs27ck— Sachin Gupta (@Sachingupta) July 29, 2026

వాషింగ్టన్: ఉక్రెయిన్‌పై యుద్ధాన్ని కొనసాగిస్తున్న రష్యాపై మరింత ఆర్థిక ఒత్తిడి తీసుకురావాలనే లక్ష్యంతో రూపొందించిన కీలక ఆంక్షల బిల్లుకు అమెరికా సెనేట్ తొలి ఆమోదం తెలిపింది. బిల్లును తదుపరి దశకు తీసుకెళ్లేందుకు నిర్వహించిన విధానపరమైన (ప్రొసీజరల్) ఓటింగ్‌లో 86-12 ఓట్లతో తీర్మానం ఆమోదం పొందింది. దీంతో ఈ బిల్లుపై సెనేట్‌లో పూర్తి స్థాయి చర్చకు మార్గం సుగమమైంది.ఈ కీలక ఓటింగ్ సందర్భంగా ఉక్రెయిన్ అధ్యక్షుడు వోలోదిమిర్ జెలెన్‌స్కీ అమెరికా క్యాపిటల్ భవనానికి హాజరయ్యారు. ఇటీవల మరణించిన రిపబ్లికన్ సెనేటర్ లిండ్సే గ్రాహమ్ అంత్యక్రియలకు హాజరయ్యేందుకు అమెరికా వెళ్లిన జెలెన్‌స్కీ, ఓటింగ్‌కు ముందు పలువురు రిపబ్లికన్, డెమోక్రాటిక్ సెనేటర్లతో ప్రత్యేకంగా సమావేశమయ్యారు. అనంతరం సెనేట్ గ్యాలరీలో కూర్చొని ఓటింగ్ ప్రక్రియను ప్రత్యక్షంగా వీక్షించారు.సెనేటర్లతో సమావేశంలో జెలెన్‌స్కీ మాట్లాడుతూ.. రష్యాతో యుద్ధంలో ఉక్రెయిన్ ప్రస్తుతం కీలక పురోగతి సాధిస్తోందని, అయితే విజయం సాధించాలంటే అమెరికా నుంచి మరింత సైనిక, ఆర్థిక, రాజకీయ మద్దతు అవసరమని తెలిపారు. ఈ ఆంక్షల బిల్లు ఉక్రెయిన్ ప్రజలకు నైతిక బలాన్ని ఇవ్వడమే కాకుండా, రష్యాపై అంతర్జాతీయ ఒత్తిడిని మరింత పెంచుతుందని ఆయన పేర్కొన్నట్లు సమావేశానికి హాజరైన సెనేటర్లు వెల్లడించారు. కాగా, ఈ బిల్లును రిపబ్లికన్ సెనేటర్ లిండ్సే గ్రాహమ్, డెమోక్రాటిక్ సెనేటర్ రిచర్డ్ బ్లూమెంథల్ సంయుక్తంగా రూపొందించారు. జూలై 10న వైట్ హౌస్‌తో ఈ బిల్లుపై ఒప్పందానికి వచ్చిన మరుసటి రోజే గ్రాహమ్ ఆకస్మికంగా మరణించారు. ఆయన మరణానికి ముందు ఉక్రెయిన్ వెళ్లి జెలెన్‌స్కీతో కూడా సమావేశమయ్యారు. ఈ బిల్లు గ్రాహమ్ రాజకీయ జీవితంలో అత్యంత కీలకమైన వారసత్వంగా నిలుస్తుందని బ్లూమెంథల్ పేర్కొన్నారు.బిల్లులోని ముఖ్యాంశాలు:రష్యా నుంచి చమురు, సహజ వాయువు, ఇతర ఎగుమతులను కొనుగోలు చేస్తున్న దేశాలపై భారీ సుంకాలు విధించే అవకాశం.పుతిన్‌తో పాటు రష్యా ఉన్నత రాజకీయ, సైనిక నాయకులు, ఆర్థిక సంస్థలు, ఇంధన రంగంపై కొత్త ఆంక్షలు.ఇప్పటికే ఉన్న ఆంక్షలను తప్పించుకునేందుకు రష్యా ఉపయోగిస్తున్న పాత చమురు ట్యాంకర్లపై కూడా చర్యలు.జాతీయ ప్రయోజనాల దృష్ట్యా అవసరమైతే కొన్ని ఆంక్షలను తాత్కాలికంగా మినహాయించే అధికారం అమెరికా అధ్యక్షుడికి కల్పించే నిబంధన.అయితే అధ్యక్షుడికి అదనపు టారిఫ్ అధికారాలు ఇవ్వడంపై కొందరు డెమోక్రాటిక్ సభ్యులు అభ్యంతరం వ్యక్తం చేస్తున్నారు. ఈ నిబంధనలను సవరించాలని వారు డిమాండ్ చేస్తున్నారు. సవరణలపై చర్చ అనంతరం బిల్లుపై అమెరికా సెనేట్‌లో తుది ఓటింగ్ జరగనుంది. ఈ బిల్లు చట్టంగా మారితే రష్యా యుద్ధ ఆర్థిక వనరులపై గట్టి దెబ్బ పడటంతో పాటు, ఉక్రెయిన్‌కు అమెరికా మద్దతు మరింత బలపడుతుందని విశ్లేషకులు భావిస్తున్నారు.

కీవ్‌: ఉక్రెయిన్‌ రాజధాని కీవ్‌పై శుక్రవారం రష్యా భీకర క్షిపణి దాడికి పాల్పడింది. ఘటనలో కనీసం 10 మంది చనిపోగా, మరో 100 మంది వరకు గాయపడ్డారు. సెంట్రల్‌ కీవ్‌కు సుమారు 30 కిలోమీటర్ల దూరంలో ప్రైవేట్‌ రక్షణ ఉత్పత్తిదారుల ప్రతినిధుల సమావేశంపై ఈ దాడి జరిగిందని అధికారులు తెలిపారు. దాడి తీవ్రతకు చుట్టుపక్కలున్న 27 ఇళ్లు, 44 వాహనాలు కూడా ధ్వంసమయ్యాయన్నారు. ఇతర వివరాలను తెలిపేందుకు నిరాకరించారు. ప్రభుత్వం కూడా దాడి మీడియా కవరేజీపై ఆంక్షలు విధించింది. కాగా, రష్యా దాడుల భయమున్న విషయం తెలిసీ ఆ ప్రాంతంలో సమావేశం ఏర్పాటు చేయడంపై ఉక్రెయిన్‌ ప్రాసిక్యూటర్‌ జనరల్‌ రుస్లాన్‌ క్రవ్‌చెంకో ఆగ్రహం వ్యక్తం చేశారు. అధికారుల నిర్లక్ష్యంపై వేరుగా క్రిమినల్‌ కేసు నమోదు చేస్తామన్నారు. ఇలా ఉండగా, సరిహద్దులకు 1,350 కిలోమీటర్ల దూరంలోని రష్యాలో ని కిరోవ్‌లో ఉన్న ఆయిల్‌ డిపోతోపాటు, మిలటరీ ప్లాంట్‌పైనా తాము డ్రోన్‌ దాడులు చేపట్టినట్లు జెలెన్‌స్కీ చెప్పారు. దాడిలో ఆరుగురు చనిపోగా, 26 మందికి గాయాలైనట్లు అధికారులు తెలిపారు. కాగా, రష్యాలోనే అతిపెద్ద ఆన్‌లైన్‌ రిటైలర్‌ వైల్డ్‌బెర్రీస్‌కు చెందిన సెయింట్‌పీటర్స్‌బర్గ్‌లోని గోదాముపై ఉక్రెయిన్‌ డ్రోన్‌ దాడికి పాల్పడింది. గోదాము నుంచి దట్టమైన పొగలు వెలువడుతున్న ఫొటోలు బయటకు వచ్చాయి. రేథియాన్‌తో జెలెన్‌స్కీ భేటీ రష్యా క్షిపణి దాడులను తట్టుకునే గగనతల రక్షణ వ్యవస్థలను సమకూర్చుకునేందుకు ఉక్రెయిన్‌ అధ్యక్షుడు జెలెన్‌స్కీ చర్యలను వేగవంతం చేశారు. గురువారం కీవ్‌లో జెలెన్‌స్కీని రేథియాన్‌ కంపెనీ ప్రతినిధి బృందం కలిసింది. ఉక్రెయిన్‌తో కలిసి పేట్రియాట్‌ గగనతల రక్షణ వ్యవస్థలను ఉత్పత్తి చేసేందుకు గల అవకాశాలపై వీరు చర్చించారు. రాడార్లు, కమాండ్‌ అండ్‌ కంట్రోల్‌ వ్యవస్థలు, ఇంటర్‌సెప్టార్‌ క్షిపణులు ఈ వ్యవస్థల్లో ఉంటాయి. ప్రభుత్వ రంగంలో లేదా ప్రైవేట్‌ రంగంలో పేట్రియాట్‌ వ్య వస్థలను సమకూర్చుకునేందుకు తా ము సిద్ధంగా ఉన్నామంటూ అనంతరం జెలెన్‌స్కీ సోషల్‌ మీడియాలో ప్రకటించారు. అయితే, ఈ వ్యవహారం అంతసులువుగా కార్యాచరణలోకి వచ్చే అవకాశాలు లేవని నిపుణులు అంటున్నారు. ఉత్పత్తి దశకు చేరుకునేందుకు కొన్ని సంవత్సరాలు పడుతుందని చెబుతున్నారు.

వాషింగ్టన్: డొనాల్డ్ ట్రంప్ రష్యా,చైనాలపై ఫైరయ్యారు. ఈ రెండు దేశాలు ఇరాన్‌కు ఎ‍ట్టిపరిస్తితుల్లో ఆయుధాలు విక్రయించవద్దని తీవ్రంగా హెచ్చరించారు. ఒకవేళ ఆ పని చేస్తే అది ఆ దేశాలకే తీవ్ర పరిణామాలు ఎదుర్కొవాల్సి ఉంటుందని అది వారి దేశ ప్రయోజనాలకు ఏమాత్రం మంచిది కాదని స్పష్టం చేశారు.ట్రంప్ తన అధికారిక ట్రూత్‌ సోషల్‌లో పోస్ట్ చేస్తూ "చైనా అధ్యక్షుడు షీ జిన్‌పింగ్ ఈ ఏడాది మే నెలలో బీజింగ్‌లో జరిగిన సమావేశంలో తమ దేశం నుంచి ఎలాంటి పరిస్థితుల్లోనూ ఇరాన్‌కు ఆయుధాలు విక్రయించబోమని హామీ ఇచ్చారు. మా మధ్య ఉన్న సంబంధాల దృష్ట్యా ఆయన మాటను నమ్ముతున్నాను" అని అ‍న్నారు.అదే విధంగా రష్యా అధ్యక్షుడు పుతిన్‌ సైతం ఉక్రెయిన్‌తో యుద్ధం జరుగుతున్నప్పటికీ, ఇరాన్‌కు ఆయుధాలు అమ్మబోమని రష్యా అధ్యక్షుడు వ్లాదిమిర్ పుతిన్ కూడా తనకు హామీ ఇచ్చారని ట్రంప్ చెప్పారు.అదే సమయంలో ఉక్రెయిన్‌కు అమెరికా ఆయుధాలు అమ్మడంపై మాట్లాడుతూ "నేను ఉక్రెయిన్‌కు నేరుగా ఆయుధాలు అమ్మడం లేదని, కేవలం నాటో (NATO) దేశాలకే విక్రయిస్తున్నానని పుతిన్‌కు తెలుసు. నాటో దేశాలు పూర్తి ధర చెల్లించి కొనుగోలు చేస్తాయి, ఆ తర్వాత ఆ ఆయుధాలు ఎలా పంపిణీ అవుతాయో నాకు తెలియదు" అని ట్రంప్ వ్యాఖ్యానించారు.ఇటీవలి కాలంలో అమెరికా సైనిక స్థావరాలపై జరిగిన వరుస దాడులకు సంబంధించి, ఇరాన్‌కు రష్యా మరియు చైనాలు లక్ష్యాల సమాచారాన్ని అందిస్తున్నాయా లేదా అనే అంశంపై వాషింగ్టన్ అనుమానం వ్యక్తం చేస్తోంది. ఈ నేపథ్యంలో దర్యాప్తు జరుపుతోంది. ఇంతలోనే ట్రంప్ ఇరుదేశాలకు వార్నింగ్ ఇచ్చారు.

ఉక్రెయిన్‌లోని ఒడెసా పోర్టు దగ్గర కార్గో నౌకపై దాడి జరిగింది. నలుగురు భారతీయులు మృతి చెందగా, మరొకరి పరిస్థితి విషమంగా ఉంది. ఉక్రెయిన్‌లోని ఒడెసా పోర్టు నుంచి కార్గో నౌకలో ధాన్యం తీసుకెళ్తున్న సమయంలో ఈ ఘటన చోటుచేసుకుంది. ఈ దాడిపై భారత్ తీవ్రంగా ఖండించింది. విదేశాంగ మంత్రిత్వ శాఖ తెలిపిన వివరాల ప్రకారం.. గినియా-బిస్సావు జెండాతో ప్రయాణిస్తున్న ఎంవీ గోల్డెన్ లియో నౌక జులై 19 సాయంత్రం ఒడెసా నుంచి బయలుదేరిన వెంటనే దాడికి గురైంది. ఆ నౌకలో మొత్తం 17 మంది సిబ్బంది ఉండగా, వారిలో ఐదుగురు భారతీయులు ఉన్నారు."ప్రస్తుతం అందిన సమాచారం ప్రకారం.. నలుగురు భారతీయులు దురదృష్టవశాత్తూ ప్రాణాలు కోల్పోయారు. మరో భారతీయుడు ఆసుపత్రిలో చికిత్స పొందుతున్నాడు. అతడి పరిస్థితి విషమంగా ఉంది" అని విదేశాంగ మంత్రిత్వ శాఖ సోమవారం విడుదల చేసిన ప్రకటనలో తెలిపింది.ఉక్రెయిన్‌లోని భారత రాయబార కార్యాలయం అక్కడి అధికారులతో నిరంతరం సంప్రదింపులు సాగిస్తూ, బాధితులకు సాధ్యమైనంత సహాయం అందించే ప్రయత్నం చేస్తోందని భారత్ తెలిపింది. "మృతి చెందిన భారతీయుల కుటుంబాలకు మా ప్రగాఢ సానుభూతి తెలియజేస్తున్నాం. గాయపడిన భారతీయుడు త్వరగా పూర్తిగా కోలుకోవాలని కోరుకుంటున్నాం" అని మంత్రిత్వ శాఖ పేర్కొంది. నల్ల సముద్రం ప్రాంతంలో తాజాగా పెరిగిన యుద్ధ ఉద్రిక్తతల తర్వాత భారతీయ నావికులు ఎదుర్కొన్న అత్యంత ప్రాణాంతక ఘటనల్లో ఇది ఒకటి.వాణిజ్య నౌకలపై దాడులు సరికాదు: భారత్ ఈ ఘటనపై స్పందించిన భారత్‌.. పౌర నౌకలపై దాడులను ఖండించింది. యుద్ధ పరిస్థితుల్లోనూ సముద్ర రాకపోకల స్వేచ్ఛకు రక్షణ ఉండాలని భారత్ మరోసారి స్పష్టం చేసింది. "వాణిజ్య నౌకలను లక్ష్యంగా చేసుకోవడం, అమాయక పౌర సిబ్బంది ప్రాణాలకు ముప్పు తేవడం, సముద్ర రాకపోకలు, వాణిజ్యానికి ఆటంకం కలిగించడం ఖండించదగ్గ విషయం. అలాంటి చర్యలు నివారించాలి" అని విదేశాంగ మంత్రిత్వ శాఖ తెలిపింది.ఆ ప్రకటనలో రష్యా పేరు నేరుగా ప్రస్తావించలేదు. అయితే ఈ దాడికి రష్యాదే బాధ్యతని ఉక్రెయిన్ అధికారులు ఆరోపించారు. రష్యా-ఉక్రెయిన్ యుద్ధానికి చర్చలు, దౌత్య మార్గం ద్వారానే పరిష్కారం లభించాలని భారత్ పలుమార్లు పిలుపునిచ్చింది. అంతర్జాతీయ చట్టాలను గౌరవించాలని, పౌరుల ప్రాణాలకు ముప్పు తెచ్చే దాడులు చేయవద్దని అన్ని పక్షాలను కోరింది.

రష్యా ఉక్రెయిన్ రాజధాని కీవ్‌పై వరుసగా బాలిస్టిక్ క్షిపణులతో దాడులు చేసింది. ఈ దాడుల్లో ఒకరు మరణించగా, 14 మంది గాయపడినట్టు అధికారులు తెలిపారు. గత రాత్రి వేళ ప్రాంతంలోని పలు చోట్ల దాడులు జరిగాయి. పూర్తి స్థాయి యుద్ధం మొదలైనప్పటి నుంచి కీవ్‌పై జరిగిన అత్యంత భారీ బాలిస్టిక్ దాడుల్లో ఇది ఒకటని ఉక్రెయిన్ అధ్యక్షుడు వొలోదిమిర్ జెలెన్స్కీ చెప్పారు.ఉక్రెయిన్ సైన్యం తెలిపిన వివరాల ప్రకారం, 41 క్షిపణుల్లో 18 క్షిపణులను గగనతల రక్షణ వ్యవస్థలు కూల్చివేశాయి. మరో 108 డ్రోన్లను కూడా అడ్డుకున్నాయి. అటు ఉక్రెయిన్ కూడా రష్యాలోని లక్ష్యాలపై దాడులు కొనసాగిస్తోంది. స్టావ్రోపోల్ గవర్నర్ మాట్లాడుతూ.. డ్రోన్ దాడి వల్ల ఒక పారిశ్రామిక పార్కులో అగ్నిప్రమాదం సంభవించింది. కీవ్‌పై తాజా దాడుల్లో ఇస్కాండర్, హైపర్‌సోనిక్ జిర్కాన్ క్షిపణులతో పాటు 125 డ్రోన్లను కూడా రష్యా వినియోగించిందని ఉక్రెయిన్ వైమానిక దళం తెలిపింది.ఆదివారం కీవ్ మేయర్ విటాలీ క్లిచ్‌కో మాట్లాడుతూ.. ఈ దాడుల్లో నివాస భవనాలు, ఇతర భవనాలు దెబ్బతిన్నాయని తెలిపారు. ఒక సూపర్ మార్కెట్, ఒక వసతి గృహం కూడా నష్టం చవిచూశాయని అన్నారు. రెండు గిడ్డంగుల్లో చెలరేగిన మంటలను అగ్నిమాపక సిబ్బంది అదుపులోకి తెచ్చే పనిలో ఉన్నారు.గత వారం ఉక్రెయిన్‌పై రష్యా సుమారు 1,450 దాడి డ్రోన్లు, 1,640కు పైగా బాంబులు, 99 రకాల క్షిపణులను ప్రయోగించిందని టెలిగ్రామ్‌లో జెలెన్స్కీ పేర్కొన్నారు. రాత్రి జరిగిన ఈ దాడులకు ముందు, రష్యాలోని అతిపెద్ద ఆన్‌లైన్ రిటైలర్ వైల్డ్‌బెర్రీస్‌కు చెందిన రెండు గిడ్డంగులను ఉక్రెయిన్ డ్రోన్లతో ధ్వంసం చేసింది. ఈ ఘటనలో 8 మంది మరణించగా, భారీ అగ్నిప్రమాదాలు సంభవించాయి.మాస్కోకు ఆగ్నేయంగా సుమారు 475 కిలోమీటర్ల దూరంలో ఉన్న టాంబోవ్ నగరంలోని ఒక కేంద్రంలో ఏడుగురు మరణించగా, 25 మంది గాయపడ్డారు. రాజధాని సమీపంలోని ఎలెక్ట్రోస్టాల్‌లో ఉన్న మరో వైల్డ్‌బెర్రీస్ గిడ్డంగిలో ఒకరు మరణించగా, 37 మంది గాయపడ్డారు. శనివారం జెలెన్స్కీ మాట్లాడుతూ.. ఉక్రెయిన్ చర్యలు రష్యా పౌర మౌలిక సదుపాయాలు, నగరాలు, సమాజాలపై చేసిన దాడులకు ప్రతిస్పందన అని చెప్పారు.వైల్డ్‌బెర్రీస్‌ను తరచూ రష్యాకు చెందిన అమెజాన్‌గా అభివర్ణిస్తారు. వైల్డ్‌బెర్రీస్‌, ప్రకటనల సంస్థ రస్ కలిసిన ఆర్‌డబ్ల్యుబీ గ్రూప్ విలువను 2026లో ఫోర్బ్స్ రష్యా సుమారు $12.6 బిలియన్ (£9.3 బిలియన్)గా అంచనా వేసింది.ఇటీవలి కాలంలో రష్యా కీలక ఇంధన మౌలిక సదుపాయాలపై దీర్ఘ శ్రేణి డ్రోన్ దాడులను ఉక్రెయిన్ మరింత తీవ్రం చేసింది. దీని వల్ల విస్తృత స్థాయిలో ఇంధన కొరత ఏర్పడింది. ఈ నెల ప్రారంభంలో రష్యా చమురు శుద్ధి సామర్థ్యంలో దాదాపు 43% పనిచేయకుండా చేశామని కీవ్ ప్రకటించింది.

రష్యా–ఉక్రెయిన్ యుద్ధం మరో కీలక దశలోకి అడుగుపెడుతోంది. యుద్ధభూమిలో పేలుళ్లు కొనసాగుతుండగా.. ఆ ప్రభావం ఇప్పుడు రష్యా ఆర్థిక వ్యవస్థపై కూడా స్పష్టంగా కనిపిస్తోంది. ఒకవైపు పెరుగుతున్న యుద్ధ ఖర్చులు, మరోవైపు ఉక్రెయిన్ దాడులు.. ఈ రెండు పరిణామాలు రష్యాకు కొత్త సవాళ్లను విసురుతున్నాయి. యుద్ధం సుదీర్ఘంగా కొనసాగుతున్న నేపథ్యంలో, భవిష్యత్తుపై ఆందోళనతో కొంతమంది రష్యన్లు తమ పొదుపులను బ్యాంకుల్లో ఉంచడం కంటే చేతిలో నగదుగా ఉంచుకోవడానికి మొగ్గు చూపుతున్నట్లు నివేదికలు చెబుతున్నాయి. ఆర్థిక పరిస్థితులు ఎప్పుడు ఎలా మారతాయో అన్న అనిశ్చితి ప్రజల్లో పెరుగుతోందని తెలుస్తోంది.భవిష్యత్తుపై భయం.. నగదు వైపు రష్యన్లు..బ్యాంకింగ్ వ్యవస్థపై పూర్తిస్థాయి నమ్మకం తగ్గిందని చెప్పలేకపోయినా.. సంక్షోభ సమయాల్లో అందుబాటులో నగదు ఉండటం మంచిదనే ఆలోచన కొంతమందిలో పెరుగుతోంది. గతంలో ఆర్థిక సంక్షోభాలు ఎదురైన సందర్భాల్లోనూ ఇలాంటి ధోరణులు కనిపించాయి. ఇప్పటికే రష్యా ఆర్థిక వ్యవస్థ పలు ఒత్తిళ్లను ఎదుర్కొంటోంది. పాశ్చాత్య దేశాల ఆంక్షలు, భారీగా పెరిగిన రక్షణ వ్యయం, ద్రవ్యోల్బణ ప్రభావం, కార్మికుల కొరత వంటి అంశాలు దీర్ఘకాలిక ఆర్థిక వృద్ధికి సవాళ్లుగా మారుతున్నాయి. యుద్ధ అవసరాల కోసం ప్రభుత్వ వ్యయం భారీగా రక్షణ రంగం వైపు మళ్లడంతో ఇతర రంగాలపై ఒత్తిడి పెరుగుతోందని ఆర్థిక నిపుణులు విశ్లేషిస్తున్నారు. అయితే రష్యా ప్రభుత్వం మాత్రం తమ ఆర్థిక వ్యవస్థ పటిష్టంగానే ఉందని, ఆంక్షలను ఎదుర్కొనే సామర్థ్యం దేశానికి ఉందని చెబుతోంది.రష్యా వాణిజ్య నాడిపై దాడులుఇదే సమయంలో ఉక్రెయిన్ దాడుల పరిధి కూడా విస్తరిస్తోంది. రష్యాలోని కొన్ని ప్రాంతాల్లో ఆన్‌లైన్ రిటైల్ సంస్థలకు చెందిన భారీ గోదాములు దాడులకు గురైనట్లు సమాచారం. ఈ గోదాములు కేవలం నిల్వ కేంద్రాలు మాత్రమే కాదు.. వేలాది ఆన్‌లైన్ ఆర్డర్లకు కేంద్రాలుగా పనిచేసే కీలక వాణిజ్య వ్యవస్థలు. దుస్తులు, ఎలక్ట్రానిక్స్, గృహోపకరణాలు వంటి అనేక రకాల ఉత్పత్తులు ఇక్కడ నిల్వ ఉంటాయి. ఇలాంటి మౌలిక సదుపాయాలు దెబ్బతింటే సరఫరా వ్యవస్థపై ప్రభావం పడే అవకాశం ఉంటుంది. దాడుల్లో ప్రాణనష్టం, గాయాలపై స్థానిక వర్గాలు సమాచారం ఇచ్చినప్పటికీ.. పూర్తి వివరాలపై రష్యా, ఉక్రెయిన్ వర్గాల ప్రకటనల్లో వ్యత్యాసాలు ఉన్నాయి.మారుతున్న యుద్ధ వ్యూహం?యుద్ధం ప్రారంభమైనప్పటి నుంచి ఇరుదేశాలు ప్రధానంగా సైనిక స్థావరాలు, ఆయుధ నిల్వ కేంద్రాలు, ఇంధన వనరులను లక్ష్యంగా చేసుకున్నాయి. కానీ ఇప్పుడు వాణిజ్య రంగంపై కూడా దాడుల ప్రభావం కనిపించడం కొత్త ఆందోళనలకు కారణమవుతోంది. ఉక్రెయిన్ లక్ష్యం రష్యా యుద్ధ సామర్థ్యాన్ని బలహీనపరచడమేనని చెబుతుండగా.. రష్యా మాత్రం ఇలాంటి దాడులను ఖండిస్తూ ప్రతీకార చర్యలు కొనసాగిస్తోంది.Russian fuel stations are being put up for sale en masse due to huge financial losses.The Moscow Stock Exchange has fallen 18 straight weeks, the most since the 1990s.A half trillion rubles were withdrawn from banks in 2 weeks by panicked Russians.Worse is yet to come.🍿🍿 pic.twitter.com/DQqX1jxM2R— Maria Drutska 🇺🇦 (@maria_drutska) July 18, 2026యుద్ధం.. ప్రజల జీవితాలపై ప్రభావంఒకవైపు సరిహద్దుల్లో యుద్ధ శబ్దాలు.. మరోవైపు ఆర్థిక ఒత్తిళ్లు.. ఈ రెండు పరిణామాలు సాధారణ ప్రజల జీవితాలపై ప్రభావం చూపుతున్నాయి. భవిష్యత్తుపై అనిశ్చితి పెరిగినప్పుడు ప్రజలు తీసుకునే ఆర్థిక నిర్ణయాలు దేశ ఆర్థిక పరిస్థితికి సంకేతాలుగా మారుతాయి. ప్రస్తుతం రష్యా ముందు ఉన్న సవాలు కేవలం యుద్ధంలో ఆధిపత్యం సాధించడం మాత్రమే కాదు.. దీర్ఘకాలంగా కొనసాగుతున్న యుద్ధ భారాన్ని ఆర్థికంగా, సామాజికంగా ఎలా ఎదుర్కోవాలన్నదీ కీలక ప్రశ్నగా మారింది. ఒకవైపు ఆకాశంలో యుద్ధ విమానాల గర్జన.. మరోవైపు బ్యాంకుల నుంచి బయటకు వస్తున్న నగదు.. రష్యా ఇప్పుడు యుద్ధభూమితో పాటు ఆర్థిక రంగంలోనూ అతిపెద్ద పరీక్షను ఎదుర్కొంటోంది. యుద్ధంలో గెలుపు కోసం సైనిక బలం ఎంత ముఖ్యమో.. ఆర్థిక స్థిరత్వం కూడా అంతే కీలకం. రష్యా ఈ రెండు రంగాల్లోనూ ఒత్తిడిని ఎదుర్కొంటున్న వేళ.. ఈ పోరు భవిష్యత్తులో ఏ మలుపు తిరుగుతుందన్నది ప్రపంచం ఆసక్తిగా గమనిస్తోంది.Wildberries is a key source of supplies for the Russian front, as many "Z-channels" note."A vast quantity of military goods and dual-use items is sold on WB. Consequently, attacks on the warehouses would deal a severe blow to front-line supplies."Tens of thousands of Russians… https://t.co/pYZXP8ivLT pic.twitter.com/vg2ucDfSy9— Jürgen Nauditt 🇩🇪🇺🇦 (@jurgen_nauditt) July 18, 2026

మాస్కో: ఉక్రెయిన్‌ తన లాంగ్‌ రేంజ్‌ డ్రోన్ల సత్తాను రష్యాకు రుచి చూపింది. శుక్రవారం రాత్రి రాజధాని మాస్కో తదితర ప్రాంతాలపై ఉక్రెయిన్‌ జరిపిన దాడుల్లో 9 మంది చనిపోగా, 60 మందికి పైగా గాయపడ్డారు. ఇంధన, సైనిక లక్ష్యాలపై జరిగిన ఈ దాడుల్లో పలు చోట్ల అగ్ని ప్రమాదాలు చోటుచేసుకున్నాయి. టాంబోవ్‌ ప్రాంతంలోని కొటొవ్‌స్క్ , మాస్కోకు 50 కిలోమీటర్ల దూరంలో ఉన్న ఎలక్ట్రోస్టాల్‌ నగరంలోని గోదాములు మంటల్లో చిక్కుకున్నాయి. ఈ రెండూ ప్రముఖ ఆన్‌లైన్‌ రిటైలర్‌ వైల్డ్‌బెర్రీస్‌కు చెందినవని అధికారులు తెలిపారు. కొటొవ్‌స్క్‌ ఘటనలో ఏడుగురు చనిపోగా, 25 మంది గాయపడ్డారు. మాస్కో ప్రాంతంలో జరిగిన దాడుల్లో ఒకరు చనిపోగా, 37 మంది గాయపడినట్లు గవర్నర్‌ తెలిపారు. ఎలక్ట్రోస్టాల్‌లోని గోదాములో దాడితో ఒకరు చనిపోయారు. ఇక్కడ ప్రమాద తీవ్రత కారణంగా పొరుగునే ఉన్న ఒక నివాస భవనాన్ని, ఆస్పత్రిని అధికారులు ఖాళీ చేయించారు. ఈ రెండు గోదాముల్లోనూ డ్రోన్ల తయారీకి సంబంధించిన నిషేధిత సామగ్రి ఉందని ఉక్రెయిన్‌ అధ్యక్షుడు జెలెన్‌స్కీ చెప్పారు.

రష్యాలో శనివారం తెల్లవారుజామున ఉక్రెయిన్ చేపట్టిన డ్రోన్ దాడుల్లో ఏడుగురు మృతిచెందారు. మరో 51 మంది గాయపడ్డారు. గోదాములు, చమురు నిల్వ కేంద్రం, ఓ నివాస భవనంపై ఈ దాడులు జరిగాయి. పలు ప్రాంతాల్లో వందల సంఖ్యలో డ్రోన్లను తమ వైమానిక రక్షణ వ్యవస్థ అడ్డుకుందని రష్యా అధికారులు తెలిపారు.ఉక్రెయిన్ అధ్యక్షుడు జెలెన్‌స్కీ మాట్లాడుతూ.. మాస్కో, టాంబోవ్ ప్రాంతాల్లోని రెండు కీలక లాజిస్టిక్ కేంద్రాలపై దాడులు చేపట్టినట్టు తెలిపారు. "డ్రోన్లు, నావిగేషన్ పరికరాల తయారీకి ఆంక్షలు ఎదుర్కొంటున్న విడిభాగాలను సరఫరా చేసేందుకు ఈ కేంద్రాలను ఉపయోగిస్తున్నారు. ఓ చమురు కేంద్రంపై కూడా దాడి చేశాం" అని టెలిగ్రామ్‌లో పేర్కొన్నారు. అజోవ్ సముద్రం, రష్యా ఆక్రమణలో ఉన్న ప్రాంతాల్లో కూడా ప్రత్యేక ఆపరేషన్ దళాలు లక్ష్యాలపై దాడులు చేశాయని చెప్పారు.రష్యా అధికారులు తెలిపిన వివరాల ప్రకారం.. రష్యాలో అతిపెద్ద ఆన్‌లైన్ రిటైల్ సంస్థ వైల్డ్‌బెరీస్‌కు చెందిన రెండు భారీ గోదాములపై గత రాత్రి దాడులు జరిగాయి. వైల్డ్‌బెరీస్ అంటే రష్యాలో ప్రముఖ ఆన్‌లైన్ వస్తువుల విక్రయ సంస్థ. ఒకటి ఉక్రెయిన్ సరిహద్దు నుంచి దాదాపు 360 కిలోమీటర్ల దూరంలో ఉన్న టాంబోవ్ ప్రాంతంలోని కోటోవ్‌స్క్‌లో ఉంది. ఇంకొకటి మాస్కోకు తూర్పున దాదాపు 50 కిలోమీటర్ల దూరంలో ఉన్న ఎలెక్ట్రోస్టాల్‌లో ఉంది.మృతులంతా విధుల్లో ఉన్న కార్మికులే.. టాంబోవ్ ప్రాంత గవర్నర్ యెవ్గెనీ పెర్విషోవ్ మాట్లాడుతూ.. కోటోవ్‌స్క్ గోదాంలో రాత్రి విధుల్లో ఉన్న ఏడుగురు కార్మికులు మరణించారని, మరో 25 మంది గాయపడ్డారని తెలిపారు. మాస్కో ప్రాంత గవర్నర్ ఆండ్రే వొరోబ్యోవ్ మాట్లాడుతూ.. ఎలెక్ట్రోస్టాల్‌లో 24 మంది గాయపడ్డారని చెప్పారు. ఎలెక్ట్రోస్టాల్‌కు ఉత్తరాన ఉన్న నొగిన్‌స్క్‌లో ఉక్రెయిన్ డ్రోన్ దాడి తర్వాత చమురు నిల్వ కేంద్రానికి మంటలు అంటుకున్నాయని, అక్కడ మరో ఇద్దరు గాయపడ్డారని తెలిపారు. ముందు జాగ్రత్తగా సమీపంలోని ప్రసూతి ఆసుపత్రి, ఓ నివాస భవనాన్ని ఖాళీ చేయించారు.మాస్కోకు తూర్పున దాదాపు 180 కిలోమీటర్ల దూరంలో ఉన్న వ్లాదిమిర్‌లో ఉక్రెయిన్ డ్రోన్ ఓ నివాస భవనాన్ని ఢీకొనడంతో స్వల్ప అగ్నిప్రమాదం చోటుచేసుకుందని గవర్నర్ అలెగ్జాండర్ అవ్దేయేవ్ తెలిపారు. ఈ ఘటనలో ఎలాంటి ప్రాణనష్టం లేదని చెప్పారు.రష్యా రక్షణ శాఖ తెలిపిన వివరాల ప్రకారం.. 19 రష్యా ప్రాంతాలు, క్రిమియా, అజోవ్ సముద్రం, నల్ల సముద్రం ప్రాంతాలపై వచ్చిన 379 ఉక్రెయిన్ డ్రోన్లను రాత్రి సమయంలో వైమానిక రక్షణ వ్యవస్థ అడ్డుకుంది.రాత్రి జరిగిన ఈ దాడుల్లో టాంబోవ్, మాస్కో ప్రాంతాల్లో ప్రాణనష్టం చోటుచేసుకుంది. గోదాములు, చమురు నిల్వ కేంద్రం వంటి కీలక ప్రాంతాలు దెబ్బతిన్నాయి. వ్లాదిమిర్‌లోని ఓ నివాస భవనంలో అగ్నిప్రమాదం జరిగింది. రష్యా సైనిక సరఫరాలకు అనుబంధంగా ఉన్న కేంద్రాలనే లక్ష్యంగా చేసుకున్నామని ఉక్రెయిన్ తెలిపింది. ఉక్రెయిన్‌ పెద్ద ఎత్తున దాడులు చేయడంతో నెక్ట్స్‌ రష్యా ఏం చేస్తుందోనన్న ఆందోళన నెలకొంది.