అసద్ సతీమణి సంచలన వ్యాఖ్యలు

 

అసద్ ప్రభుత్వానికి వ్యతిరేకంగా పోరాడుతున్న కొందరు తనను సంప్రదించారని, సిరియా విడిచి వెళ్లిపోవాలని కోరానని, తద్వారా అధ్యక్షుడి ఆత్మవిశ్వాసాన్ని దెబ్బతీసే ప్రయత్నం జరిగినట్లు ఆస్మా వెల్లడించారు. 'మిమ్మల్ని, మీ ముగ్గురు పిల్లల్ని సురక్షితంగా సిరియా సరిహద్దులు దాటిస్తాం. ప్రవాసంలో కూడా మీ జోలికి ఎవరూ రాకుండా చూస్తాం. ఇక్కడి నుంచి వెళ్లండి..'అని అసద్ వ్యతిరేకులు తనతో అన్నారని, ఆ ప్రతిపాదనలను నిర్ద్వంద్వంగా తిరస్కరించినట్లు ఆస్మా తెలిపారు. బ్రిటన్ లో నివసించే సిరియన్ జంటకు జన్మించిన ఆస్మా.. లండన్ కింగ్స్ కాలేజీ నుంచి డిగ్రీ పూర్తిచేశారు. ఇన్వెస్ట్ మెంట్ బ్యాంకర్ గా పనిచేసిన ఆమె 2000 సంవత్సరంలో అసద్ ను పెళ్లాడారు. పరిపాలనలో భర్తకు చేదోడువాదోడుగా ఉంటోన్న ఆస్మా.. సిరియా భవిష్యత్తుకు సంబంధించిన కీలక నిర్ణయాల్లో తనదైన పాత్ర పోషిస్తున్నారు.